هل اختبارات القياده في(المرورالمصري) كفايه للقياده في شوارعها ؟؟؟

[lamborghiniMan]

هل اختبارات القياده في(المرورالمصري) كفايه للقياده في شوارعها ؟؟؟

حد فاكر طلع رخصه القياده ازاي ؟ (كان مين الواسطه يعني ! )
ليه الواحد كان عاوز واسطه اصلا ؟
طيب عادي
اللي فات مات
طيب الاختبارات في المرور كفايه علي السواقه في المحروسه ؟ (الاقماع & الاشارات "طبعا محدش بيمتحنها اصلا ")
انت مؤهل بعد كده للسواقه لواحدك !!!
تصدق انك
كده بتعرف تسوق من وجه نظر الحكومه
انا بصراحه نفسي يعملو المرور زي البلاد المتقدمه
اللي في دراسه اصلا لكيفيه السواقه
اللي فيها العملي والنظري
بصراحه انا ...........
مش عاوز اتكلم اتخنقت
بجد الواحد تعب من البلد واللي فيها
نفسي في حد اطلع فيه اللي عندي كله

مافيش فايده

انت في مصر

[Fadi Ezzat]

اساسا دة مش اختبار للمشى فى الوارع السريعة يعنى السريع بمعنى اصح
دى اختبارات علشان اما تمشى فى الحارات العربية ماتتجكش منك

[Hisham_ElFeky]

وهل شوراعنا صالحة للقيادة أصلا؟؟

[GBYTE]

ياجماعة المرور فى الاساس وسيلة عشأن اطلع الرخصة وبعد كده اتعلم السواقة فى الشارع هو المفروض فى أى حته العكس لكن مصر ام الدنيا العكس

[karimone]

ناس كتيره بتجيب العربيه و بعد كده تطلع الرخصه و اخر حاجه يعملوها انهم يتعلموا السواقه

في انجلترا في واحد من المرور بيطلع معاك و انت سايق في الشارع علشان يقيمك في وسط العربيات و يشوف بتسوق إزاي

انا خالي سقط في اختبار السواقه في انجلترا كذا مره علشان ماكنش بيبص في مراية الصالون كل 20 ثانيه...

[eg_falcon]

طبعا التعليم وحده لا يكفي لازم الخبره في الشوارع المزدحمة مع غلاسة الاتوبيسات الضخمة و الميكروباصات المجنونة و عربيات الكارو كمان

[lamborghiniMan]

ليه ما يطلعش واحد جانبك عشان يقيمك ؟
علي الاقل عشان تعرف تروقه (الشاي )
حتي الحاجه اللي ممكن نقلدهم فيها هنستغلها غلط

100 100

[KHALED AYMAN]

اولا مصر هى امى و ام الدنيا (للاسف)
بالنسبه للرخصه فانا امتحان النظرى مشفتش الاسئله اساسا لانى كنت داخل مع قائد المرور !!!
الامتحان العملى انا كنت بعرف اسوق بس ساعت مدخلت على العسكرى فى العربيه صبحت عليه ب 20 جنيه (الكلام ده من 4 سنين) الراجل العسكرى بقى عمال يبصلى فى المرايه و يقولى اكسر كله لالالالالا تعالى عليا لالالالالا خد عليك و ظبتنى .
انا عايز اعرف بقى حاجه الاختبار بيبقى على شكل حرف s هو الشوارع كلها على شكل حرف s ؟؟؟ طيب عرفو منين انى مش بعرف امشى حرف ى بطه او حرف e ؟؟؟؟؟
هو دى سواقه ؟؟؟؟ اساسا لو فى اختبار مرور مكنش الشوارع بقت كده؟؟؟؟
انا اعرف واحد فى دبى عشان يطلع رخصه عملوله اختبارات كتيييييييييييييير يخلوه يطلع بالعربيه و هى واقفه على مطلع !! و بيطلع معاه واحد يمشى معاه فى البلد و على الطريق و الراجل الى كان معاه بيشتغله و يقوله بس انتو فى مصر بشوفكو بتسوقو بايد واحده بتعملوها ازاى دى ؟؟؟ فصاحبى ده فرح اوى بنفسه و المصريين و ساق بايد واحده قاله ساقط مينفعش هنا تسوق بايد واحده هههههههههه
مصر هى امى نيلها جوا دمى

[tamertamer]

لا يمكن العتماد عليها بتاتا نظريا فقط

[M.Osman]

وهل شوراعنا صالحة للقيادة أصلا؟؟

هو مييييييييين قااااااااااااااال ان احنا عندنا شواارع ؟؟؟؟؟

[KHALED AYMAN]

هو مييييييييين قااااااااااااااال ان احنا عندنا شواارع ؟؟؟؟؟

و مين قال ان احنا عايشن اساسا

[M.Osman]

و مين قال ان احنا عايشن اساسا

على رأيك ...

فى ملحق الأهرام بتاع السيارات الجمعة اللى فاتت ... اعلانات كتير عن العربيات .. مش فاكر عربية اية الإعلان بيقولك اية ... "محرك جبار سعة 1600 سي سي ........."

قلت بجد بجد لو واحد من اى دولة فى العالم شاف ملحق السيارات المصري هيقول الشعب ده غلبان ... لأن العربيات اللى المفروض معموله عشان داخل المدينة عندهم بيقولوا عليها هنا جبارة و بتاع ...

طب لو 3 لتر هيقولوا اية ؟؟

[KHALED AYMAN]

على رأيك ...

فى ملحق الأهرام بتاع السيارات الجمعة اللى فاتت ... اعلانات كتير عن العربيات .. مش فاكر عربية اية الإعلان بيقولك اية ... "محرك جبار سعة 1600 سي سي ........."

قلت بجد بجد لو واحد من اى دولة فى العالم شاف ملحق السيارات المصري هيقول الشعب ده غلبان ... لأن العربيات اللى المفروض معموله عشان داخل المدينة عندهم بيقولوا عليها هنا جبارة و بتاع ...

طب لو 3 لتر هيقولوا اية ؟؟

ياااااااااااااااه خد من ده كتير :
وراء الاداء القوى محرك جبار سعه 1300 سى سى يولد 75 حصان.
قال ايه 1300 جبار و 75 دول حاجه !!!!
ال 3000 سى سى ده هيقولى عليه محرك كافر وراء الاداء الرياضى للسياره.

[lordnykon]

عمركوا شفتوا شعب عمل شتايم بالكلاكس غيرنا ؟؟؟؟
عمركوا شفتوا واحد سايق بياكل كشرى و بيتكلم في الموبايل "اكيد مصرى"؟ (كان سواق تاكسى انا ركبت معاه)
طيب هوا احنا لو المفروض نتعلم صح في المرور قبل ما نتطلع رخصة ,
مش المفروض يعلمونا شوية "طب و صيدلة" علشان شنطة الأسعافات؟؟
أنا فيه واحد صاحبى فى دبى قعد 5 شهور بيصرف مرتبه على الرخصة علشان كان بيسقط بسبب حاجات طبيعية عندنا (المرايت , و الأشارات, ويعمل ايه قبل ما يتحرك وقبل ما ينزل من العربية و حاجات تانية كتير هو مكانش يعرف انها غلط اساسا).
و على فكرة "مصر ليست أمى دى مرات أبويا"

[KHALED AYMAN]

عمركوا شفتوا شعب عمل شتايم بالكلاكس غيرنا ؟؟؟؟
عمركوا شفتوا واحد سايق بياكل كشرى و بيتكلم في الموبايل "اكيد مصرى"؟ (كان سواق تاكسى انا ركبت معاه)
طيب هوا احنا لو المفروض نتعلم صح في المرور قبل ما نتطلع رخصة ,
مش المفروض يعلمونا شوية "طب و صيدلة" علشان شنطة الأسعافات؟؟
أنا فيه واحد صاحبى فى دبى قعد 5 شهور بيصرف مرتبه على الرخصة علشان كان بيسقط بسبب حاجات طبيعية عندنا (المرايت , و الأشارات, ويعمل ايه قبل ما يتحرك وقبل ما ينزل من العربية و حاجات تانية كتير هو مكانش يعرف انها غلط اساسا).
و على فكرة "مصر ليست أمى دى مرات أبويا"

طيب يبقى ليك حق تعامل مصر وحش