قناه مودرن الرياضيه ترعى رياضه سباق سيارات فى مصر

[noon_eg]

فى الواقع انا من اعمل فى قناه مودرن سبورت الرياضيه الجديده

خطرت فى بالى فكره ان ترعى القناه رياضه سباق السيارات فى مصر عن طريق برنامج يتم تقديمه على الشاشه او عمل حلبه لسباق السيارت او ما شابه ذلك

هل فيه حد عنده افكار منظمه يمكن عرضها على اداره القناه ؟

بالمناسبه احب اعرف انطباعاتكم عن القناه

[محمدايهاب]

أنا شفت أعلان القناة في جريدة الاهرام و هو عبارة عن صورة أخذا الصفحة كلها فيها مجموعة كبيرة من النقاد في مختلف الرياضات أنا متوقع نجاح ساحـــــــــــــــــــــــــق لهذه القناة

[ecybrarian]

قناة ممتازة. انا شفت فيها ماتش الحرس والاتحاد. التغطية ممتازة كأنهم بيذيعوا ماتش للأهلي أو الزمالك. بس محاتجين تركيز أكتر على الألعاب الفردية (الشهيدة) مثل المصارعة والشطرنج. ده انا نفسي اشوف ماتشات كرم جابر في البطولة الأفريقية الأخيرة.
هو مين صاحب القناة دي؟؟؟؟؟؟

[محمد البحيري]

ترددها كام القناه دي؟؟؟؟؟؟؟؟؟؟

[NaderNabil]

نبيل دعبس بتاع الModern Academy هو صاحبها

[Nader]

ترددها كام القناه دي؟؟؟؟؟؟؟؟؟؟

اية هو يا ترى؟؟

[Abdallah]

بما أن رياضة السيارات من الرياضات المحببة فى العالم بأسره فانا اعتقد ان وجود برنامج عن رياضات السيارات بانواعها من فورميولا وناس كار وراليات سيصبح شىء مبهج للغاية وممكن كمان يتعمل برنامح داخلى يستضيف بعض الشباب الذين عدلوا سياراتهم بأنفسهم ويشرحوا هذه التعديلات للمشاهد وربما ايضا برنامج يظهر كيفية تعديل السيارات سواء داخليا او خارجيا .
الحقيقة هناك الكثير من الافكار يمكن تقديمها عن السيارات ولكن اهم من البرنامج اختيار المقدم له , الكثير من البرامج تفشل بسبب ان المقمين لها ليسوا على اى قدر من الاحترافية ولا يستطيعوا التواصل من الجمهور وهذا سبب رئيسى فى فشل العديد من البرامج والقنوات ايضا وربنا يعينكم :)

[sokasoon]

ترددها كام القناه دي؟؟؟؟؟؟؟؟؟؟

اية هو يا ترى؟؟

• تردد القناة
  
  10853MHZ (H) SR 27500 3/4

[Nader]

تردد القناة

10853MHZ (H) SR 27500 3/4

شكراً يا وليد :)

[sokasoon]

تردد القناة

10853MHZ (H) SR 27500 3/4

شكراً يا وليد :)

• العفو يا نادر باشا

[noon_eg]

الاخوه الافاضل

انا سعيد جدا بردودكم واتمنى ان القناه تكون حازت اعجابكم

انا باعتذر على عدم الرد لانى باكون فى العمل حتى انتهاء البث المباشر من الاستديوهات بمدينه الانتاج الاعلامى وبارجع البيت متاخر جدا

لو فيه حد عنده فكره محدده لبرنامج عن رياضه سباق السيارات ياريت يقول ويقترح اسم

ولو الفكره دى حازت قبول عندنا ممكن يكون فيه تنسيق بين القناه وموقع نايل موتورز بحكم انكم من الخبراء فى مجال السيارات وكل ما يمت لها بصله

على فكره انا باشتغل Technical Director وماليش فى الاخراج او الانتاج خالص ولكن قلت اشوف لو فيه امكانيه لعمل شىء مفيد وممتع لعلمى المسبق بان هنا فيه ناس متميزه جدا

[معاذ الشرباصى]

الموضوع جميل جدا و ممكن يبقى مفيد لناس كتير فى مجال العربيات لو القناة كانت محايدة

سيبك من رعاية السباقات, دى حاجة تانية

الفكرة اللى فى دماغى حاجة زى automotive show بتاع دريم

بس تكون حاجة واقعية

يعنى تناقش وضع السوق, القضايا الساخنة الخاصة بمجال العربيات

قضية الوكلاء و ضحكهم على الناس و بياكلوا حقوقهم

صعب قناة جديدة تحارب فى المجال ده, بس هتكسبوا جمهور جامد لأن الوضع الحالى اللى بيشترى عربية كأنه بيشترى سمك فى مياه

[oshy]

يا جماعه أنا بدرس فى مودرن أكاديمى و أول مره أسمع عن القناه دى اللى أنا أعرفه إن دكتور نبيل دعبس عمل قناة مودرن تى فى MODERN TV