الحملة الشعبية الرسمية لتخفيض أسعار البنزين فى مصر

[Samir Elshahawy]

منقول من الفيس بوك ..

شـــارك ... هاتـفــرق معاك كتير


الحملة دى مش مجرد اعتراض من أجل الاعتراض لكن عشان نوصل للحكومة والمسئولين فكرة ورأى واعتراض معين...
الاعتراض ده عشان نقول للحكومة وأعضاء مجلس الشعب اللى قرروا انهم يغلوا اسعار البنزين فى مصر من فترة بسبب زيادة أسعار البترول العالمية ان الاسعار اللى كانت غالية دى خلاص رخصت ورخصت جداً كمان يعنى لازم ترخص معاها أسعار البنزين فى مصر ...

انضم...شارك...قول رأيك من غير شتايم...هنستريح كلنا
انت وانا وكل الناس لما أسعار البنزين والسولار هاترخص فى مصر بجد هاتفرق معانا كتير جداً فى العربية والمواصلات والتاكسيات واسعار نقل السلع والعيش وكل حاجة ........

تخيل الاسعار رجعت تانى زى قبل الزيادة...هاتفرق معاك ولا لأ ؟؟
لو تخيلتها بجد يبقى لازم تبعت لكل الناس اللى تعرفهم عشان نكون عدد كبير جداً منضم للحملة ونقدر نبعت خطابات رسمية للمسئولين وللاعلام ونطلب فيها تخفيض الاسعار بصورة جدية...

عايزين الجروب ده يوصل لكل الناس على النت فى أسرع وقت ممكن وكل اللى يعرف يبعت لأى برنامج او جريدة ننشر فيهم الحملة يبقى كويس جداً...



مطالب الحملة بوضوح :

- تخفيض أسعار جميع أنواع البنزين بما يتناسب مع السعر العالمى الجديد للنفط

- تخفيض سعر السولار بما يتناسب مع السعر العالمى الجديد للنفط

- عدم المساس بأى بند من البنود الجديدة لزيادة موظفى القطاع الحكومى

- انشاء نظام جديد فى مصر يساعد فى تغيير الاسعار دورياً بما يتناسب مع الاسعار العالمية مثل ما يحدث فى اغلب الدول المتقدمة

رابط الحملة :
http://www.facebook.com/group.php?gid=44129399512

[ehabradwan]

طبعا انا نفسي البنزين يقل بس دي حاجة شبه مستحيلة لانه already مدعم

[Samir Elshahawy]

طبعا انا نفسي البنزين يقل بس دي حاجة شبه مستحيلة لانه already مدعم

و لو أني مش فاهم ليه هو مدعم و أزاي و مصر بتنتج بترول و بتصدر غاز لاسرائيل برخص التراب

[Samir Elshahawy]

بالنسبة للى عنده عربية:
___________________

بالنسبة للى بيجيب بنزين 80 هاتفرق معاه كتير بس مش فى السعر لكن فى الزحمة والطوابير عشان لو البنزين رخص الطلب هايقل تانى على البنزين 80 والزحمة هاتقل والناس هاتجيب 90 أو 92 فطبعاً الزحمة هاتقل كتير...



بالنسبة للى بيجيب بنزين 90 بيملى للعربية تانك فى المتوسط 25 لتر بيدفع 43.75 جنيه ولو البنزين رجع لأسعاره تانى هايدفع 32.50 جنيه



بالنسبة للى بيجيب بنزين 92 بيملى للعربية تانك فى المتوسط 25 لتر بيدفع 46.25 جنيه ولو البنزين رجع لأسعاره تانى هايدفع 35 جنيه



بالنسبة للى بيجيب بنزين 95 بيملى للعربية تانك فى المتوسط 25 لتر بيدفع 68.75 جنيه ولو البنزين رجع لأسعاره تانى هايدفع 43.75 جنيه

______________________________________________

بالنسبة للاتوبيسات والميكروباصات والتاكسيات طبعاً هايرخصوا اسعارهم تانى عشان اسعار السولار والطاقة كلها قلت ودى
هاتفرق كتير جداً مع كل الناس

[Imhotep]

عفوا، مصر ليست دولة ممنتجة او حتى مصدرة للبترول، لان الكام الف برميل اللى بنصدرهم، بنصدرهم عبارة عن خام، وفى المقابل نستورد مشتقات البترول و منها البنزين بأضعاف اضعاف ما نصدره. ويقال ان بند دعم البنزين وحده يتكلف فى الموازنة العامة للدولة حوالى 60 مليار جنيه.

[Imhotep]

نسيت اقول انه فى ظل المعلومات السابقة فان فكرة تخفيض اسعار البنزين تبدو حلما بعيد المنال، وعلى العكس فاسعار البنزين مرشحة للارتفاع نظرا لاتجاه الدولة لتخفيض الدعم على البنزين، لكنى مع الحملة من منطلق مقاومة كل زيادات غير مخططة او جشع فى بيع اى سلع.

[karaktar]

احنا مانتنازلش عن 1 جنيه للتر البنزين

[kemo0o]

قول للزمان ارجع يا زمان

ياريت والله يرجع الواحد كان بيحط بيفول ب 55 ل 60 بالكتيييييييييير
دلوقتي 80 جنية زمان كنت مابخليش العربيبة تنزل عن نص التنك دلوقتي




وتحيا مصــــــــــــــــــــــــــــر

[Samir Elshahawy]

الحكومة السورية تخفض أسعار الوقود

قررت الحكومة السورية يوم الثلاثاء تخفيض سعر الوقود من تسعة آلاف ليرة سورية إلى 7500 ليرة "الدولار يساوي حوالي 46 ليرة" للطن الواحد.

وذكرت وكالة الأنباء السورية "سانا" أن الحكومة السورية أرجعت قراراتها إلى أن "دعم الاقتصاد الوطني يزيد من صلابة وصمود الوحدة الوطنية و يعزز الدور المحوري والفاعل لسوريا على الصعد الإقليمية والدولية".

كما اتخذت الحكومة السورية ، خلال جلستها الأسبوعية اليوم ، مجموعة قرارات لمساعدة قطاع الصناعة وقضايا التصدير لمواجهة الصعوبات التي تتتعرض لها.

وكان العديد من المسئولين السوريين الماليين والاقتصاديين قد قالوا في الآونة الأخيرة إن بلادهم لن تتأثر بالأزمة الاقتصادية العالمية لكن مراقبين حذروا مبكرا من تداعيات الأزمة على الاقتصاد السوري.

يذكر أن أسعار الوقود العالمية في تراجع منذ فترة جراء الأزمة المالية العالمية وتراجع الطلب على شراء النفظ.

منقول من موقع كونتاكت كارز

أظن أن سوريا ليست منتجة لأي قطرة بترول و لا غاز و لا حتي زيت و مع ذلك تخفض سعر الوقود

هذا هو أبلغ رد علي من يقولون أن الحكومة المصرية تدعم الوقود لذا فلا أتجاه لتخفيضه بل هناك أتجاه لزيادته

ياعالم أرحمونا بقي و شوفوا الدول التانية بتعمل أيه و قلدوها

[dr_abooody]

السعودية اللي معاهم فلوس و الناس هناك مرتاحة ماديا بيدعموا البنزين و اقل حاجة عندهم ال 92 و الليتر بهلله بس

[lada2010]

انا مع الحملة بس هيكون رد الحكومة دلوقتى احنا لو نزلنا الاسعار ويجى تانى الاسعار تعلى ساعتها هيقولوا لكم سعر البنزين ب 2 جينة ل90 ومش هتقدروا تفتحوا بوا معاهم فالحل الامثل من وجهة نظرى تحرير سعر البنزين والسولار بمعنى لو سعرة العالمى قل يقل معة ولو زاد يعلى معة زى تحرير سعر الصرف اللى هم عملونوا دلوقتى حد فكر هم حرورا سعر الصرف لية علشان يجيب عملة والبلد يكون فيها دولار بسعر متوسط علشان يقدورا يستوردا اى حاجة فمن هنا نطلق على حملتنا تحرير سعر البترول بس الحكومة دى عايز اضراب عام بمعنى اننا لا نشترى البنزين لفترة وهم يشربوا واركب مواصلات ياسيدى الكم يوم

[Imhotep]

انا مع الحملة بس هيكون رد الحكومة دلوقتى احنا لو نزلنا الاسعار ويجى تانى الاسعار تعلى ساعتها هيقولوا لكم سعر البنزين ب 2 جينة ل90 ومش هتقدروا تفتحوا بوا معاهم فالحل الامثل من وجهة نظرى تحرير سعر البنزين والسولار بمعنى لو سعرة العالمى قل يقل معة ولو زاد يعلى معة زى تحرير سعر الصرف اللى هم عملونوا دلوقتى حد فكر هم حرورا سعر الصرف لية علشان يجيب عملة والبلد يكون فيها دولار بسعر متوسط علشان يقدورا يستوردا اى حاجة فمن هنا نطلق على حملتنا تحرير سعر البترول بس الحكومة دى عايز اضراب عام بمعنى اننا لا نشترى البنزين لفترة وهم يشربوا واركب مواصلات ياسيدى الكم يوم

لألألألألألألألألألألأ..... تحرير ايه الله يكرمك.... خليه متقيد احسن..... انا كنت فى هولندا و راكب مع واحد صاحبى و قاللى انه عايز يفول.... وبعدين عدينا على بنزينة، لقيته بيقولى تعالى نشوف البنزين النهارده بكام، قولتله نعععععععععم.... قاللى احنا هنا البنزين سعره حر مع السوق العالمى وكل يوم بسعر، وكان وقتها اللتر= 1.15 يورو فقط لاغير، و بأسعار يورو تلك الايام= 8.97 جنيه مصرى فقط لاغير.
حد هييجى يقول بركة، ما هو البترول دلوقتى ب 35 دولار، هقوللك ما هو ممكن تانى يرجع ب 150، كلها حرب صغيرة فى اى حتة فى الشرق الاوسط الذى كتب عليه ان يكون دائما على صفيح ساخن. وكمان التحرير ينفع فى البلاد اللى اقتصاداتها قوية، مش كحيانة زى حلاتنا

[P_R_I_N_C_E]

مصر ممكن ترخص البنزين فى حالة واحدة بس.......... لو هاتصدروه لاسرائيل غير كدا يولع الشعب المصرى

[khpopo]

انا مع الحملة
ربنا يوفق

[zeyad1810]

بالنسبة للى عنده عربية:
___________________

بالنسبة للى بيجيب بنزين 80 هاتفرق معاه كتير بس مش فى السعر لكن فى الزحمة والطوابير عشان لو البنزين رخص الطلب هايقل تانى على البنزين 80 والزحمة هاتقل والناس هاتجيب 90 أو 92 فطبعاً الزحمة هاتقل كتير...



بالنسبة للى بيجيب بنزين 90 بيملى للعربية تانك فى المتوسط 25 لتر بيدفع 43.75 جنيه ولو البنزين رجع لأسعاره تانى هايدفع 32.50 جنيه



بالنسبة للى بيجيب بنزين 92 بيملى للعربية تانك فى المتوسط 25 لتر بيدفع 46.25 جنيه ولو البنزين رجع لأسعاره تانى هايدفع 35 جنيه



بالنسبة للى بيجيب بنزين 95 بيملى للعربية تانك فى المتوسط 25 لتر بيدفع 68.75 جنيه ولو البنزين رجع لأسعاره تانى هايدفع 43.75 جنيه

______________________________________________

بالنسبة للاتوبيسات والميكروباصات والتاكسيات طبعاً هايرخصوا اسعارهم تانى عشان اسعار السولار والطاقة كلها قلت ودى
هاتفرق كتير جداً مع كل الناس

فكرتنى بايام زمان
ياريت ترخص تانى