اليابانى والهيونداى !!

[Hosam_Optrawy]

السلام عليكم جميعا
من كام يوم لقيت مجلة عربيات قديمه شويه من حوالى سنه او سنه ونص
بابص على اسعار العربيات وقلت اشوف اسعار العربيات كانت ايه
لقيت ان طبعا اغلب اليابانى غلى واكتر عربيتين غليو هما اللانسر والياريس بفرق لا يقل عن 12 الف جنيه تقريبا عن السعر الحالى مع انهم فرق موديل واحد يعنى دى كانت اسعار موديل 2008
ابص على بقية العربيات لقيتهم زادوا زيادات عاديه يعنى الف الفين تلاته بالكتير
الا الهيونداى بابص لقيت الالنترا والماتريكس غليو بفرق برضه 10 و 12 الف برضه
فطبعا مفيش تفسير لجرأة غبور انى يغلى اوى كدا غير ان العربيات مطلوبه وعليها ضغط ودى سياسة العرض والطلب
بس السؤال اللى محيرنى ان هل الفرق فى السعريوصل للدرجه دى ؟
العربيه تغلى بال 10 الاف جنيه واكتر عشان بس عليها الطلب مع ان العربيه هى هى مفيش اى فرق
نفسى افهمها دى
وعلى فكره انا مش ضد الهيونداى بالعكس انا مش عشاق الالنترا من زمان واول عربيه ركبتها كانت النترا 98
انا بس بناقش النظريه دى ومنتظر ارائكم

[mo7a_mo7a]

زي ما انت قلت عرض وطلب
واحنا شعب بنشتري بالشكل ومش مهم اي حاجة تانية
ولو عربية زي الماتريكس وصلت 120 الف بردو حتتباع لمجرد انها غالية وحيقلولك برستيج
والالنترا غليت علشان شكلها بقي حلو بس

[som3aa]

أعتقد مشكلة غبور بدات بعد ماعمرو الاسكندرانى سبله التوكيل و مشى لان من ساعتها مبيعاته فى النازل بسبب سياسات اللى مسك بعده اللى اول ما مسك غلى العربيات 5000 جنيه و من ساعتها قعد يغلى لحد المبيعات ما قلت بشكل كبير.
انا فى رايى دى المشكلة.

[ehabradwan]

يا باشا مبيعات مين اللي في النازل متهيألي ان هي في الطالع

[Imhotep]

يا سيدى الفاضل، السبب قى الزيادات المبالغ فيها هو الجشع ليس الا، ده حتى الماروتى غلوها بسبب الطلب الزيادة عليها، اهديك هذا الخبر:
"كشف صبري خليل مدير التسويق في شركة "مودرن موتورز" الوكيل الحصري لسيارات "سوزوكي" اليابانية في مصر عن نفاذ جميع سيارات الشركة في السوق المصري ما دفعه إلى زيادة أسعار بعض السيارات كـ"ماروتي".

وقال خليل لـContactCars.com خلال زيارة جناح "سوزوكي" في معرض "فورميلا الأهرام" الذي أختتم الأسبوع الماضي إنه لم يتم تخفيض أسعار أي موديل نظراً لنفاد كل الكمية وبالتالي زاد سعر "ماروتي" من 36000 إلى 38000 جنيه ومع ذلك الإقبال زاد عليها نظراً لسمعتها المتميزة ولأنها الأرخص في السوق المصري على الإطلاق.

وبالفعل زادت مبيعات "ماروتي" خلال الفترة الماضية وفقا لتقرير مجلس معلومات السيارات "أميك" الصادر الأسبوع الماضي ، وذلك على الرغم من الأزمة الطاحنة التي تجتاح جميع الشركات العاملة في سوق السيارات في مصر.


ألتو تألقت أيضا
وأشار خليل إلى أن "سوزوكي" قدمت مجموعة من "الموتوسيكلات والبيتش باجي" انفردت بها شركة "مودرن موتورز" من بين جميع المشاركين في المعرض ، كما أنها شاركت بـ"SX4 ، سويفت" وكذلك السيارة "جيمني" في قاعة الدفع الرباعي.

ومن جانبه ، قال تامر أحمد فؤاد مسئول المبيعات في الشركة إن "ماروتي" قادت سوق السيارات بشكل عام وسيارات "سوزوكي" بشكل خاص لتحقيق مبيعات قوية خلال العام الماضي رغم الركود في آخر ثلاثة شهور ، موضحا أن الإقبال عليها دفع الشركة لزيادة سعرها 2000 جنيه.

وكشف فؤاد عن أن جميع سيارات "سوزوكي" في مصر وعلى رأسها "ماروتي و ألتو" يتم تصنيعها في مصانع الشركة اليابانية في الهند ، مشيراً إلى أن الشكل الجديد منها يحمل علامة "سوزوكي" المميزة عكس الشكل القديم الذي كان يحمل شعار شركة الهند. "

http://www.contactcars.com/News_ViewStory.asp?NewsID=2558

[Hosam_Optrawy]

زي ما انت قلت عرض وطلب
واحنا شعب بنشتري بالشكل ومش مهم اي حاجة تانية
ولو عربية زي الماتريكس وصلت 120 الف بردو حتتباع لمجرد انها غالية وحيقلولك برستيج
والالنترا غليت علشان شكلها بقي حلو بس

طيب ما الالنترا اول ما نزلت الشكل الجديد كان سعره 98 اوتوماتيك
يبقى مش شكل وبس بقى