ليه الـgps ممنوع في مصر ؟؟؟

[kahamid]

علي فكره الجيش بيستخدم الGPS علي نطاق واسع و ده كلام حالص قدامي...

مره كان في جهة حكوميه طالبه اجهزة GPS وخدوا بالكوا من حكوميه ديه و جبنالهم الاجهزة من امريكا... بس دور بقي علي مين اللي يطلعها من الجمرك... قعدنا اربع شهور نقنع في هيئة المواصلات اللي بتدي الترخيص بدخول الاجهزه ان الحاجه ديه رايحه للحكومه و جبنالهم امر التوريد و الناس اللي شغالين في الجهة ديه كلمتهم علشان هما كانوا محتاجين الاجهزة فعلاً في شغلهم... بس علي مين لا حياة لمن تنادي

الحل في الاخر كان ان احنا رجعنا الحاجه امريكا تاني...

طبعاً اجهزة زي ديه لو جايه للجيش ما بتعديش علي الجمرك اساساً

زي ما انا حكيت علي اللي حصل معانا بالظبط
احنا قعدنا حوالي 45 يوم
كل يوم الشركة بتاعة الشحن Fedex توجعلنا دماغنا
هنرجع الاجهزة لغاية لما رئيس مجلس الادارة عندنا اتصل بالمورد وظبط معاه انه يرفض استلام الجهاز
وفعلا لما شركة الشحن بدات تتصل علشان ترجعة تفاجئة بالرفض من المورد
فطلعوا بحوار تاني وهو اعدام الجهاز وفعلا عملو امر لاعدام الجهاز وبعتو لينا علي الفاكس
فاتصل رئيس مجلس الادارة بطارق كامل وبعتلة صورة الفاكس
تاني يوم لقينا مرفق الاتصالات بيدينا جواب موافقة للجمارك علشان ندخل الجهاز
وربنا سهل لسة المهندسين عندنا مشغلينة انهاردة
قعدوا 3 ايام بيركبوه ويجهزوه

[abou_ruqi]

الجهاز ده احنا لسة مشتريينة في الشركة ب 250000 ج
وقعد حوالي 50 يوم في الجمارك علي ماعرفنا نطلعة وطول الفترة دي اتصالات مع مسئوليين كبار للحصور علي الموافقة دون جدوي
وفي الاخر ربنا كرمنا ودخل بقرار من م / طارق كامل
بس الناس في مرفق الاتصالات كل شوية كانوا يقولولنا سبب شكل
بس اشهر الاسباب وكان اكثرها اقناعا لنا علشان موقع الشركة غير مناسب ( احنا خلف السفارة الاسرائيلية مباشرة )

ربع مليون جنيه ليه ؟؟ ده بمائة دولار في أمريكا !!

[kahamid]

ربع مليون جنيه ليه ؟؟ ده بمائة دولار في أمريكا !!

انا معرفش ايه ايو 100 دولار ده
احنا لما جبناه وحصرنا عروض الاسعار اللي جاتلنا كلها كانت في رينج 240 الف الي 255 الف ده سعر المورد من غير ولا جمارك ولا ارضية ولا اي حاجة من المصاريف دي
وكانت تقريبا 32000 جنية شاملة الجمارك والضرائب والارضية

[abou_ruqi]

انا معرفش ايه ايو 100 دولار ده
احنا لما جبناه وحصرنا عروض الاسعار اللي جاتلنا كلها كانت في رينج 240 الف الي 255 الف ده سعر المورد من غير ولا جمارك ولا ارضية ولا اي حاجة من المصاريف دي
وكانت تقريبا 32000 جنية شاملة الجمارك والضرائب والارضية

واضح ان حضرتك بتتكلم عن جهاز تاني مش الـ GPS !
آدي آسعار آحسن ماركة (TOMTOM) تتراوح ما بين ١٠٠ : ٥٠٠ $ !!!

http://www.nextag.com/tomtom-gps/search-html

[karimone]

ربع مليون جنيه ليه ؟؟ ده بمائة دولار في أمريكا !!

في موديلات ممكن توصل للرقم ده بس ديه بتكون لأغراض المساحه و بيكون معاها خرايط و اكسسورات تانيه كتير...

[HNaga]

انا سمعت انه بيلقط الرادار بس ماعرفش حقيقى والا لا

عندى سؤال هو ممنوع على مستوى العربيات والموبايلات هل اليو إس بى ممنوع كمان؟

[kahamid]

في موديلات ممكن توصل للرقم ده بس ديه بتكون لأغراض المساحه و بيكون معاها خرايط و اكسسورات تانيه كتير...

تقريبا كدة انت صح
الجهاز جي معاة اكتر من 10 كراتين اكسسوارات
وهحاول اجيب البيانات بالظبط من الفاتورة

[aratux]

اعتقد مشكلة الــ gps انه بيدخل على الاقمار الامريكية

والحكومة خايفة من حاجة زي كده ... زي ما هو واضح

بس الغريب ان كل الدول العربية فيها النظام ده بدون الخوف المرضي اللي موجود عند الحكومة بتاعتنا !!!!!!!!!!!!!!!!!!!!

هوة بيستقبل بس, مش بيبعت
و بالتالى ماحدش يقدر يعرف مكانك منه, إلا إذا كان عندك برنامج بيبعت الإحداثيات دى على النت

[moudy88]

انا خالي كان جايبلي واحد من انجلترا بس كانت احداثياته على لندن وطبعا مش عارف اضبطه على مصر ..وبيني وبينكو مكانش هيبقى ظريف وهو راكب في الشاهين (الله يمسيها بالخير)

[Conq_106]

عقبال ما يمنعو الـ Usb