انا صاحب شركة سيارات ممكن لو فى سؤال

[osamaesm]

أرسل أصلا بواسطة osamaesm
شكرا لمجهودك وسعه صدرك
انا معايا اكسنت 2001
1300 تكييف وسنتر
كاسيت بايونير cd وسمعات 400 وجنوط
حاله كويسه جدا جدا رشه بره نضافه
لو عايز ادخلها في فيرنا كامله مانيول لو هدفع الفرق كاش يبقي كام تقريبا
ولو قسط يبقي كام علي سنه او اتنين بالاكتر
مع جزيل الشكر

اولا عربيتك تساوى 35000 ممكن اكتر وممكن اقل حسب حالتها
ثانيا الفرنا1600جميع الكماليات70000جم والتقسيط فى كذة نظام ممكن تكلمنى احسن

يا باشا 35 قليل جدا
ولو اكتر هيبقي كام
علي العموم انا هكلمك بس ياريت تيلفونك

[samohaa1000]

ا\سامح لو معايا 45 يجيبوا ايه دلوقتى

حاجات كتير جداااا
لانوس لانسر كرستالة
فرنا اكسنت
حدد سيارة وانا اكلمك فيها

[samohaa1000]

استاذ سامح اهلا بيك في المنتدى ونورتنا ...انا عندي استفسار عن نظام التقسيط بدون فوائد يعني المقدم كام ومده القسط ...وعن التقسيط الاسلامي ...لاني عايز اجيب كيا سيراتو اوتوماتيك اول فئه لتاجيرها لشركة بترول...وشكرا

بص حضرتك مفيش حاجة اسمها تقسيط بدون فوائد والى بيقول كدة يبقى بيكدب لان التقسيط لازم يكون فية زيادة سواء من بنك او من المعرض مباشر وسيبك من الاعلانات دول بيتكلموا بس لاكن ساعة الجد الكلام بيتغير الفرق بين تقسيط البنوك وتقسيط المعرض هو ان البنك فى شبة حرام ولاكن تقسيط المعرض هو اقرب للحلال والله اعلم بالنسبة للتقسيط الاسلامى عبارة انا المعرض يكون هو الى بيبيع العربية بدون وسيط ويكون مفيش بند اسمو فوائدالتأخير ويكون المعرض هو الى يحوز العربية ثم يبيعهالك وتتفقوا على السعر بالرضى بنكم
بالنسبة للتقسيط دة فلازم يكون المقدم فوق ال50%من السيارة والباقى بالكتير سنة او اتنين وطبعا فية زيادة
بالنسبة لموضوع انك تأجر سيارة لشركة بترول فخلى بالك كويس جدااا لان الموضوع دة كتلر جدااا وكلة مشاكل حاليا وكل الناس دلوقتى بتعمل كدة والعربيات كترت جدا فى سوق الايجار ودة ممكن يأثر عليك فلازم تكتب العقد لاول وبعدين تشترى ولازم تلغى بند فى العقد بيكتبوة ان المؤجر ممكن يرد السيارة فى اى وقت بدون اسباب من لاخر المشروع دة كان كويس زمان دلوقتى بقى فية مشاكل

[samohaa1000]

شكرااااا أستاذ/ سامح لمرور حضرتك

لكن أشمعنى بالذات و تحديدااااااااا يوم 15/3/2010

ولو التاريخ دة مظبوط يبقى الانفراجة دى هتكون الساعة كااااام ؟؟؟؟؟؟؟؟

بص حضرتك انا مش وزير المالية ولا رئيس مصلحة الجمارك
ولاكن هقولك بصراحة الموضوع بالضبط هو ان الجمارك كانت هتنزل فى 15/1/2009وبعدين شافو ان فى ناس هتخسر كتيير جدااا والوكلا والموزعين عندهم مخزون كبير جدااا ملوش اول من اخر وبعدين قالو نأجلها لحد 15/6 علشان الناس تحاول تتصرف فى الى عندها لاكن الوكلا والموزعون ضغطوا علشان يعدو موسم الصيف الاول وبعدين استقروا 15/3/2010 دة الكلام الى وصلى انا وناس كتير جدا من تجار السيارات من بق مسؤل فى الجمارك والله اعلم ان كان صدق او كذب وبعدين انت فى مصر يعنى مش دايما كل الحقيقة بتبان ولاكن هو دة الى حصل بالظبط
بالنسبة لموضوع الجمارك
1-فى سيارات 1600فيما تحت ودى جماركها 40%وهيتم التخفيض بواقع 4%سنويا حتى تنتهى عند الصفر لحد 2019وده المدة المسموحة فى اتفاقية الجات
2-السيارات 1630فيما فوق دى بقى هى المشكلة لان دى جماركها 130%وبعدين محصلش ليها اى تخفيضات فالجمارك هتنزل بواقع 13%سنويا حتى تكون صفر وبعدين الكبير دة هيضغط على الصغير بالتالى هيبقى فى مصر الفترة الى جاية تفاوت فى الاسعار يعنى ممكن العربيات الكبيرة تبقلى قريبة من الصغيرة والناس طبعا تتجة للكبير والفخامة وبعدين الصغير يتركن وينزل سعرة اكتر بالظبط نفس السيناريو دة حصل سنة 2004مكنش فى حاجة اسمها عربيات 1600 غير قليل جداا وبعدين بعد نزول الجمارك 1600مصر كلها ركبت عربيات العربيات الصغيرة مثل الفرنا بقت حتىcc1600
دى صورة مصغرة لسوق السيارات الفترة القادمة واالله اعلم

[samohaa1000]

متنصنيش علشان قطع غيارها مش متوافرة مثلا و لا علشان ايه ؟؟؟؟؟

هو لازم يكون معى معاق علشان اشترى من بورسعيد ؟؟؟؟؟

قطع غيارة ناقصة جداا وبعدين هيا تقيلة جدا فى البيع والشرى
مش لازم يكون معاك معوق لان هما عنهم كل حاجة وبيخلصوا كل الاجرائات وانت واقف

[mab]

حاجات كتير جداااا
لانوس لانسر كرستالة
فرنا اكسنت
حدد سيارة وانا اكلمك فيها

كرستالة يا ريت
ولو لانوس تبقى موديل كام

[نور العمر]

كيا برايد عصفورة 97/98/99
اسكودا فليشيا97 GLS فقط الى غيركدة وحشة وبتسخن
وفى حاجات تانى كتير بس دول اهم حاجة

ألف شكر .... الأفضل تكون العربية عاملة كام الف كم على الأكثر .... في الموديلات دي

[basom]

يا عم باسم 2008 اية الى 50000جم ممكن تشترى توك توك سعرة رخيص دلوقتى

طيب التوكتوك الموف الى عندك طالب فية كام ولا دة للاستعمال الشخصى ارجو الرد بسرعة

[samohaa1000]

ألف شكر .... الأفضل تكون العربية عاملة كام الف كم على الأكثر .... في الموديلات دي

بص بأمانة انا مبعترفش بموضوع الكم دة لانة مش مقياس انما ممكن تكشف على السيارة ازاى
1-كبس الموتور 2-حالة الكوتش والبطارية 3حالة الفرش والصالون4-مستوى الطارة (الدركسيون)كل دة يبين حالة استخدام السيارة من غير الكم لانو ممكن يتلعب فية عادى
وبعدين كشف الشاسية يكون عند واحد متخصص سمكرى محترف
واحزروا البنزينة لانهم ميعرفوش اى حاجة وشكرااا

[د./اليشع ثابت]

يا عم باسم 2008 اية الى 50000جم ممكن تشترى توك توك سعرة رخيص دلوقتى

اية دة بجد ..............

هى الدنيا رخصت قوووووى كدة

التوك توك بقى ب 50000 خمسون الف جنيها فقط لاغير

هى شركتك فين يا سامح باشا اجى اخد شوية تكا تيك

[halloween]

بص حضرتك انا مش وزير المالية ولا رئيس مصلحة الجمارك
ولاكن هقولك بصراحة الموضوع بالضبط هو ان الجمارك كانت هتنزل فى 15/1/2009وبعدين شافو ان فى ناس هتخسر كتيير جدااا والوكلا والموزعين عندهم مخزون كبير جدااا ملوش اول من اخر وبعدين قالو نأجلها لحد 15/6 علشان الناس تحاول تتصرف فى الى عندها لاكن الوكلا والموزعون ضغطوا علشان يعدو موسم الصيف الاول وبعدين استقروا 15/3/2010 دة الكلام الى وصلى انا وناس كتير جدا من تجار السيارات من بق مسؤل فى الجمارك والله اعلم ان كان صدق او كذب وبعدين انت فى مصر يعنى مش دايما كل الحقيقة بتبان ولاكن هو دة الى حصل بالظبط
بالنسبة لموضوع الجمارك
1-فى سيارات 1600فيما تحت ودى جماركها 40%وهيتم التخفيض بواقع 4%سنويا حتى تنتهى عند الصفر لحد 2019وده المدة المسموحة فى اتفاقية الجات
2-السيارات 1630فيما فوق دى بقى هى المشكلة لان دى جماركها 130%وبعدين محصلش ليها اى تخفيضات فالجمارك هتنزل بواقع 13%سنويا حتى تكون صفر وبعدين الكبير دة هيضغط على الصغير بالتالى هيبقى فى مصر الفترة الى جاية تفاوت فى الاسعار يعنى ممكن العربيات الكبيرة تبقلى قريبة من الصغيرة والناس طبعا تتجة للكبير والفخامة وبعدين الصغير يتركن وينزل سعرة اكتر بالظبط نفس السيناريو دة حصل سنة 2004مكنش فى حاجة اسمها عربيات 1600 غير قليل جداا وبعدين بعد نزول الجمارك 1600مصر كلها ركبت عربيات العربيات الصغيرة مثل الفرنا بقت حتىcc1600
دى صورة مصغرة لسوق السيارات الفترة القادمة واالله اعلم

سامح باشا ربيع

اسمح لى اعرض راى او سيناريو اخر قد يكون لة تأثير قبل تاريخ نزول الجمارك اللى حضرتك سمعتة

انا شايف انة
1- البنوك قللت جدا القروض (سواء سيارات - شخصى - ....) و حوالى 70% من مبيعات الملاكى الزيرو فى ال 3 سنين السابقة كانت قروض.

2- الناس اللى عندها وعى بالازمه العالمية فى كل حاجة مش فى السيارات بس عددها بيزيد و مخلى حالة الترقب لنزول الاسعار (كل السلع - سيارات - حديد - عقارات - مواد غذائية - ...) مستمرة.

3- لو فرض ان الوكلاء اشترت موديلات 2009 بالغالى فموديلات 2010 هتنزل باسعار مختلفة تماما لسبب بسيط ان البترول بقى بربع سعرة واسعار الحديد اقل من نصف السعر القديم - يبقى تكاليف التصنيع و الطاقة و الشحن مفروض تقل جدا.

على حد علمى توجد حوالى 3000 سيارة موديل 2008 مخزنة فى الجمارك ده غير 2009 اللى اعتقد انه اكتر من 3000 بكثير
ماذا تتوقع فى حالة انة 20-25% بالكثير هو اللى يتباع منهم حتى 15-3-2010؟

تقبل تحياتى
م/ايهاب

[mab]

سامح باشا انته فين

[moondancer284]

عايز اعرف سعر البريليانس بقر زيرو كام العاديه والفول اوبشنز

وياريت رايك فيها
للاهميه
وشكرا

[moondancer284]

سوري البريليانس frv

[samohaa1000]

سامح باشا انته فين

انا موجود وتحت امرك