جدول تخفيضات الجمارك وطريقة احتسابها خلال العشر سنوات القادمة.....

[alhamza]

العفو العفو
والتفاؤل واجب طبعاً
ولازم ناكد تاني ان اللي بيشتري دلوقتي خسران

شكرا علي المجهود بس ممكن تحدد ميعاد نشتري بعده

[khalidkzz]

جدول رسم التنمية ؟؟؟؟؟

[Osama_soliman]

شكرا يا باشا على الكلام المفيد ده

[ahmedkoko]

شكرا يا موحه موضوع حلو بس متهيألي هيخترعوا حاجه غير الجمارك ياخدوا بيها فلوس بردو.

[ams]

الجمارك مش بس هى اللى هتتشال ده كمان دعم الوقود

يعنى
التكلفة الكلية = التكلفة المبدئية + تكلفة التشغيل
لما تقلل التكلفة المبدئية بتقليل الجمارك و تزود تكلفة التشغيل بالغاء الدعم هتفضل التكلفة الكلية هى هى

[halloween]

استاذ موحه المحترم

اولا شكرا على الموضوع و التوضيح المبسط للجمارك.

أنا حبيت اشاركك ببعض الافكار اللى بافكر فيها
- برغم الركود الواضح الا ان من الواضح ان مافيش حد من الوكلاء ناوى يخفض اى اسعار بطريقة معلنة او رسمية بل الكل مترقب لقرارات حكومية او ان المستهلك يزهق
طبعا يساعد على ذلك مساندة الحكومة للوكلاء + الفساد.

لكن انا شايف انة
1- البنوك قللت جدا القروض (سواء سيارات - شخصى - ....) و حوالى 70% من مبيعات الملاكى الزيرو فى ال 3 سنين السابقة كانت قروض.

2- الناس اللى عندها وعى بالازمه العالمية فى كل حاجة مش فى السيارات بس عددها بيزيد و مخلى حالة الترقب لنزول الاسعار (كل السلع - سيارات - حديد - عقارات - مواد غذائية - ...) مستمرة.

3- لو فرض ان الوكلاء اشترت موديلات 2009 بالغالى فموديلات 2010 هتنزل باسعار مختلفة تماما لسبب بسيط ان البترول بقى بربع سعرة واسعار الحديد اقل من نصف السعر القديم - يبقى تكاليف التصنيع و الطاقة و الشحن مفروض تقل جدا.

على حد علمى توجد حوالى 3000 سيارة موديل 2008 مخزنة فى الجمارك ده غير 2009 اللى اعتقد انه اكتر من 3000 بكثير
ماذا تتوقع فى حالة انة 20-25% بالكثير هو اللى يتباع منهم حتى نزول الجمارك فى 2010؟

[mo7a_mo7a]

انا كنت عايز اقولك كلام كتير اشكرك بيه على المجهود ده...

بس مش هقولك غير: جزاك الله خيرا

و ده احسن من اى كلام ممكن اقوله.......

الف الف شكر وجازانا الله واياكم بالخير دوما

الف شكر على المجهود

العفو ونورتنا فعلا

[mo7a_mo7a]

شكرا علي المجهود بس ممكن تحدد ميعاد نشتري بعده

طبعا سؤالك صعب

لكن ببساطة الجدول الخاص بالتخفيضات موجود وكل واحد ممكن يقدر امتي يكون الوقت مناسب

لكن ممكن نجاوب عليه بموضوع اعديته وهو

ورقة لقراءة المستقبل
10 سنوات من التغيير

1- تطبيق التخفيض يبدا في الاول من يناير من كل عام وبالتالي سيمتنع التجار عن الاستيراد خلال الثلاث شهور الاخيرة من العام في محاولة لتصريف المخزون المتبقي ومواجهة حالة الترقب مما سيخفض العرض حوالي 20% تقريباً

2- الافراج الجمركي عن السيارات ياخذ ما بين 1 الي 3 شهور كحد اقصي وبالتالي التاثير الكامل للتخفيضات سيظهر علي السوق بداية من شهر مارس من كل عام بشكل تدريجي لكن بمعدل متصاعد خاصة في شهر مارس

3- المستهلك المصري غير واعي وقد تنطلي عليه حيل شتي في محاولة لسلبه هذا التخفيض لصالح التجار والوكلاء مثل ادعاءات زيادة سعر الموديل الجديد او قلة العرض وما شابه
الا ان عمليات الاستيراد الخاصة والاستيراد من الخليج ستحد من هذا كثيرا وسيكون انسب وقت للشراء بداية من الربع الثاني من كل عام

4- سيؤدي التخفيض المتكرر والمنتظم للجمارك كل عام بحصر كثافة عمليات الشراء في الربع الثاني والثالث من العام اي من بداية ابريل الي نهاية اكتوبر تقريبا وهو ما قد يؤثر علي السوق كثيرا وربما ينعكس لصالح المستهلك فتتوالي العروض في محاولة من كل وكيل لخطف اكبر كم من التورتة بسرعة قبل انتهاء موسم البيع القصير نسبيا

5- بالنسبة للسيارات الصغيرة فئة 1600 فاقل اري ان السنوات الفردية ستكون الاكثر ربحية للمستهلك والاكثر تاثيرا 2011, 2013 ... الخ

6- بالنسبة للسيارات الكبيرة اري ان التاثير رغم انه ملحوظ بشدة في العام الاول الا ان التاثير سيتعاظم بشدة من العام الثاني (2011) والذي سيعد بداية نقطة تحول كبري في السوق قد تشهد اختفاء بعض التوكيلات من السوق المصري الغير قادرة علي المنافسة وربما تقلص اعداد الموديلات المطروحة عموما فيما يعد انكماش نوعي للسوق

7- السيارات الكبيرة ومشتروها ستكون الرابح الاكبر في الفترة بين 2011 وحتي 2017 وعندها ستتحول الدفة الي السيارات الصغيرة التي ستكون حققت مكاسب سعرية اكبر

8- التغير الضريبي ارتفاعا غير مطروح خاصة وانه لا يمكن تطبيقه علي الاوروبي فقط والا سيعد انتهاكا للاتفاقية
وهنا اري ان ربما يشهد السوق عكس المتوقع خفضا ضريبيا علي المحلي في محاولة لتحفيزة وخفضا اخر عاما لتنشيط باقي الماركات والتي ستكون استنفذت حيلها للبقاء في السوق

9- سيقابل هذا الوضع والذي سيزيد كثيرا حجم السيارات الملاكي في مصر صدور قوانين لتنظيم العمر الافتراضي للسيارة وربما تفرض رسوم تصاعدية علي السيارات القديمة نسبيا او قيود ما قد تشمل منعها من السير علي الطرق السريعة مثلا لاجبار المالكين علي التخلي عنها لصالح الجديدة

10- ستتغير خريطة السوق المحلي كثيرا فكثير من التوكيلات الاسيوية بدات تستشعر الخطر وتتجه للتصنيع في مصر بكثافة مثل بروتون الماليزية ونيسان اليابانية وستشهد الاعوام القادمة المزيد خاصة من الشركات التي تمثل مصر قيمة كبيرة لها

11- سيتم اغلاق بعص مصانع تجميع الاوروبي المحلية نتيجة عدم القدرة علي المجاراه مثل مصانع لادا مصر حيث ان الفارق السعري الحالي بين المحلي والمستورد لن يكون كافيا اذا استمر الا ان بعض التوكيلات التي تنتج موديلات توقف انتاجها في الخارج ستستمر
الي جانب ان بعض الشركات الاوروبية ستلغي خطط انشاء مصانع لها بمصر مثل فيات ورينو
واخري كمرسيدس وBMW ستقلص انتاجها بشدة

12- ستنمو كيانات جديدة غير معروفة الان تستفيد بطفرة السوق وستغير كثير من الشركات سياساتها التسويقية وستنخفض اسعار الفائدة عن الوقت الحالي لمجاراة انخفاض الاسعار والطلب ومحاولة لتشجيع الاستثمار

13- خلال تلك العشر سنوات ستدفع الحكومة باستثمارات ضخمة جدا في محاولة لزيادة حجم التصنيع المحلي بالاضافة الي كم كبير من الحوافز مما قد يشجع تصنيع سيارة شبه مصرية علي عكس ما يتوقع البعض

14- بالطبع ستتاثر سوق المستعمل بشدة ولن يكون هناك اسعار للسيارات موديلات القرن الماضي

15- السيارات الصيني لغز كبير ففي ظل ان المنطق يحكم عليها بالوفاة اكلينيكيا امام انخفاض اسعار الاوروبي ومنافسة الاسيوي الشرسة الا ان المنطق ايضا لا يسمح بتواجده بالاسعار الحالية لذا بالنسبة للصيني الخيارات كلها مفتوحة وربما يكون هو الرابح بالاعتماد علي قدرة تلك الشركات في انتاج سيارة ب 1000 جنيه مثلا

هذا والايام اقرب

تحياتي

[mo7a_mo7a]

جدول رسم التنمية ؟؟؟؟؟

ممكن توضح حضرتك عايز ايه بالضبط!

شكرا يا باشا على الكلام المفيد ده

العفو نورت الموضوع ويا ريت تتابع معانا في جديد

شكرا يا موحه موضوع حلو بس متهيألي هيخترعوا حاجه غير الجمارك ياخدوا بيها فلوس بردو.

ممكن رفع الدعم جزئيا

[mo7a_mo7a]

الجمارك مش بس هى اللى هتتشال ده كمان دعم الوقود

يعنى
التكلفة الكلية = التكلفة المبدئية + تكلفة التشغيل
لما تقلل التكلفة المبدئية بتقليل الجمارك و تزود تكلفة التشغيل بالغاء الدعم هتفضل التكلفة الكلية هى هى

حضرتك الامور تتحسب كده تجاريا فعلا لكن بالنسبة لافراد يبقي عندهم القدرة علي اختيار سعة المحرك
لكن وجهة نظرك منطقية وانا اتفق معاك ان الغاء دعم الوقود ضروري جدا جدا

شكرااا يا باشا على المجهود الرائع

العفو يا دكتور نورت

[mo7a_mo7a]

استاذ موحه المحترم

اولا شكرا على الموضوع و التوضيح المبسط للجمارك.

أنا حبيت اشاركك ببعض الافكار اللى بافكر فيها
- برغم الركود الواضح الا ان من الواضح ان مافيش حد من الوكلاء ناوى يخفض اى اسعار بطريقة معلنة او رسمية بل الكل مترقب لقرارات حكومية او ان المستهلك يزهق
طبعا يساعد على ذلك مساندة الحكومة للوكلاء + الفساد.

لكن انا شايف انة
1- البنوك قللت جدا القروض (سواء سيارات - شخصى - ....) و حوالى 70% من مبيعات الملاكى الزيرو فى ال 3 سنين السابقة كانت قروض.

2- الناس اللى عندها وعى بالازمه العالمية فى كل حاجة مش فى السيارات بس عددها بيزيد و مخلى حالة الترقب لنزول الاسعار (كل السلع - سيارات - حديد - عقارات - مواد غذائية - ...) مستمرة.

3- لو فرض ان الوكلاء اشترت موديلات 2009 بالغالى فموديلات 2010 هتنزل باسعار مختلفة تماما لسبب بسيط ان البترول بقى بربع سعرة واسعار الحديد اقل من نصف السعر القديم - يبقى تكاليف التصنيع و الطاقة و الشحن مفروض تقل جدا.

على حد علمى توجد حوالى 3000 سيارة موديل 2008 مخزنة فى الجمارك ده غير 2009 اللى اعتقد انه اكتر من 3000 بكثير
ماذا تتوقع فى حالة انة 20-25% بالكثير هو اللى يتباع منهم حتى نزول الجمارك فى 2010؟

الشكر ليك وعلي ردك المحترم وتحليلك
واحب اقولك ان التجار مهما عاندت مش اغبيا
وزي ما احنا مستنينهم ينخوا هم كمان مستنين
ولانهم شبعوا مش فارقة اوي والشاطر اللي يصبر اطول واحنا اللي ماسكينهم
وعلي اخر السنة حتلاقي هيصة تخفيض لاننا كالعادة لا نتحرك الا متاخرا
تحياتي

[د.محمد]

مجهود رائع

[Dr.A.Nabil]

مجهود رائع

[khalidkzz]

جدول رسم التنمية ؟؟؟؟

أولاً شكرا لك على هذا الموضوع المهم و المجهود الواضح فيه .
ثانياً أنا آسف إذا كان سؤالي مختصر و غير واضح ,
كنت أقصد و بإختصار بأن هناك أكثر من بند يتحكم في ثمن السيارة و هم تقريباً
1- سعر السيارة سيف .
2- جمرك السيارة .
3- ضريبة المبيعات .
4- رسم التنمية .
5- ربح الوكيل أو التاجر .
و كل بند منها يحتاج إلى جدول , و كان سؤالي عن قيمة رسم التنمية لكل فئة ,
و كيفية إضافته ( تراكمي مثلا أم كيف يضاف ) , أرجو الإجابة لو أمكن ؟ .

[mo7a_mo7a]

مجهود رائع

مجهود رائع

الف شكر علي مروركما وتابعونا فهناك المزيد

تحياتي