امتلاك عربيه في مصر عذاب ومخاطره!!!!!

[karimone]

المناقشات فعلا اكثر من ممتازه...

الضرائب في اوروبا فعلاً نسبتها من الدخل كبيره جداً... تخض فعلاً لما تسمعها... بس اللي يخضك اكتر الخدمات اللي انت بتدخدها قدام الفلوس اللي بتتدفع... اما في مصر انت بتدفع جبايه مش ضرايب...

الله المستعان علي البلد الجمليه اللي احنا عايشين فيها...

[gade2]

بس بعد كل ده العربيه راحه كبيره وبتحميك من البهدله فى الواصلات والتنطيط زى القرد

[dr_darsh]

طيب ايه العمل
امتلاكنا للعربيات مش رفاهيه دى ضروريه لأن ايه البديل صناديق خرده الناس محشوره فيها زى السردين ويقال عليها وسائل مواصلات
وهو ده الواقع وهى دى البلد
اما بالنسبه لأسعار السيارات فى آوروبا انا عمى مقيم فى بلجيكا منذ 15 عام وان فاكر من حوالى 10 سنوات كنت باقوله انت ليه ماجبتش عربيه قاللى أى حد عندنا ممكن يجيب عربيه بمنتهى السهوله بس مش أى حد يقدر يتحمل مصاريفها ...!
هو دلوقتى معاه باسات 1999 وشاريها ب 1800يورو طبعا سعر قليل لمصر خصوصا ان العربيه دى هنا بحاله ممتازه هتكون ب 80000 على الأقل بس هناك بيدفع لها حوالى 1200 يورو فى السنه مابين تأمين اجبارى ورسوم وضرائب وغيره يعنى أكتر من 8000 جنيه سنويا مين فى مصر بيدفع للحكومه على عربيته 8000 جنيه سنويه طبعا مش لينا دعوه بالناس اللى راكبه بى ام ومرسيدس موديلات حديثه لأنهم هناك مش بيدفعهوا 1200 يورو برضه أكتر كتير
انا هنا عربيتى اللانسر مرخصها 3 سنوات ب 1000 جنيه شامله كل حاجه طبعا ال1200 يورو دول من غير المخلفات دى حاجه تانيه خالص
كل دوله ليها ظروفها على حسب قوانينها وعدد سكانها ودخلها وطبيعه شعبها
بس ده مش يمنع ان احنا فى مصر متبهدليييييييييييييييين فى كل حاجه اولها مراعه آدميه الإنسان والمعامله المهينه اللى احنا بنتعامل بيها فى مصر وللأسف ده منا احنا احنا اللى بنعمل فى بعض كده وان الله لا يغير ما بقوم حتى يغيروا ما بانفسهم
خد الموقف ده
انا عمى متجوز من بلجيكا و مراته مسلمه وبتتكلم عربى كويس كانت هنا فى مصر وحصل موقف فى المطار ممكن يكون بالنسبه لينا عادى بس ليها هى لأ الضابط بتاع الجوازات كلم عمى بطريقه مش لائقه أو اداله الجواز بطريقه مش عجبتها مسكته بهدلته قالتله انت ايه اللى عملته ده انت ازاى تتكلم كده ده انت مش عارف شغلك كويس انت وانت وانت المهم عمى قالها عيب ده احنا هنا بنقوله ياباشا وبنحترمه بصت بإستغراب وقالت على الضابط ده بياخد مرتبه من الضرايب اللى انتوا بتدفعوها
علشان يخدمكم يبقى لازم يحترمكم .......! والحمد لله انها مش مصريه لأن الموضوع ده كان هيعمل مشكله كبيره فى المطار وعدى على خير لأن طبعا الضابط مش عجبه الكلام
احنا اللى بنضيع حقوقنا احنا معاملاتنا سيئه جدا مع بعض بنسرق بعض وبناكل حقوق بعض اللى يطول يمد ايده فى جيب اللى جنبه مش هيسيبه وليه كده مش عارف
كفايه كده قلبت علينا المواجع
يارب رحمتك وحسبنا الله ونعم الوكيل

[Terrible_DaRsH]

انا شفت البرنامج امبارح
وانا عايش في المانيا وابراهيم اللي اتصل من دوسلدورف صاحبي

واحب اوضح الكلام علشان يبقي منقول صح

لتر اللبن كان قبل الازمة ب 80 سنت ونزل ل 49 سنت
البنزين كان من سنة ونص ب 1.75 يورو للتر وزاد لحد اما وصل ل 2.40 يورو للتر ودلوقتي 1.25 يورو للتر

اقل شقة في وسط البلد لا يقل ايجارها الشهري الان عن 500 يور واللي ابراهيم ذكره امبارح ايجار (((غرفة))) ومش في وسط البلد وقال 150 الي 180 يورو وليس 100 دولار غير شاملة نفقات الغاز والكهرباء والماء والصرف والتي تصل الي 40 يورو


هذا للتوضيح ليس الا

تحياتي

شكرا على التوضيح ..
وكويس انك كنت بتتفرج على الحلقة ..
وان شاء الله هحاول ارفعها علشان اشوفها تانى من اولها ..
..
انما انا مقصدش يا استاذ توت فرق العملة
انا مش بتكلم عن فرق العملة والجنيه واليورو ..
انا اقصد انخفاض وثبات الاسعار والمجهودات اللى بتحصل لاجل حياة افضل للمواطن الغربي.
كمان مليش دعوة الحياة هناك غالية ولا رخيصة .
انا بتكلم عن الغـــلاء فى اسعار منتجاتنا الناتج عن سلبيتنا وجهلنا بامور الدنيا والجُبن اللى احنا فيه ..
لما من 30 سنة سعر كيلو اللبن يزيد 30 سنت فقط ..
واحنا من 5 سنين كان كيلو اللبن ب 2 جنيه وحاليا اصبح 5 جنيه .. كذلك باقى المنتجات ..
يبقي العيب فى مين !!
جشع التجار ولا جُبن الشعب وافتقاده لحاجات كتيرة من رجولته ولا ده وباء حكومى ولا مبالاه ومفيش احساس بالغير ولا الخوف على مصالح حد ..!!
لا نملك غير حسبي الله ونعم الوكيل ..

[solyahmed]

كلام ا/توت صح تماما انا حتكلم عن فرنسا لاني عايش فيها
امتلاك سياره هناك في الغالب عن طريق قرض من البنك
مصاريف السياره مكلفه وتزيد حسب السياره
الايجار في باريس غاليييييييييييي جدا الشقه غرفتين و صاله من 800 يوروواكثر والحكومه بتساعد الناس في الايجار بشروط
البنزين حسب سعر السوق وسيارات كثيره ديزل
الاسعار مولعه نارررررر

[Terrible_DaRsH]

كلام ا/توت صح تماما انا حتكلم عن فرنسا لاني عايش فيها
امتلاك سياره هناك في الغالب عن طريق قرض من البنك
مصاريف السياره مكلفه وتزيد حسب السياره
الايجار في باريس غاليييييييييييي جدا الشقه غرفتين و صاله من 800 يوروواكثر والحكومه بتساعد الناس في الايجار بشروط
البنزين حسب سعر السوق وسيارات كثيره ديزل
الاسعار مولعه نارررررر

انا مش فاهم حضرتك عايز تقول ايه !!
تقصد تقول ان الاوضاع فى مصر احسن من فرنسا مثلا !!
بالنسبة لامتلاك سيارة عن طريق القرض ده انا مش فاهمه
اسعار العربيات فى كل مكان فى العالم زى ما هى باستثناء دولتنا الحبيبة اللى العربية فيها بضعف الثمن .
حضرتك تشترى عن طريق القرض او من كاش فده براحتك كل واحد وظروفه لكن اسعار العربيات فى فرنسا زيها زى اى دولة اوروبية على ما اعتقد ..
ثانيا : غرفتين وصاله ب 800 يورو مستكترهم !!
ده فى مصر اغلى بكتير جداااااااا
ومتعملش فرق عملة لو سمحت
يعنى متجيش تقولى 800 يورو يعنى كام الف جنيه مصرى !!!
متقارنش اليورو فى فرنسا بالجنيه فى مصر ...
انا مش شايف غلاء ولا حاجة ..
لو كل واحد مصرى سافر بره ونجح وبقى مرتاح او بقي فى مستوى المواطن الاوروبي العادى او المتوسط مش هيشتكى من الاسعار ولا الغلاء وهيتقبل الحياة عادى جدا ..
وبرده مش معنى ان انا مواطن اوروبي فيبقي لازم اركب ميرسيدس ب 2000 يورو يعنى لمجرد انى عايش فى اوروبا ...
ولو هناك فى غلاء زى مانت ما بتقول ..
هتعمل ايه لو الاسعار زادت 100 % زى ما بيحصل فى مصر .
هتعمل ايه لما يكون عندك جمارك على العربيات زى ما هو موجود عندنا .. ( اعتقد انك مش هتركب مواصلات اصلا ) ...
عموما الحياة صعبة فى كل مكان والدنيا بتتطور والناس لازم تواكب وتواصل متطلبات الايام ..
ومحدش مهما حاول يقنع اى حد ان الحياة بره مليانة فساد و ديكتاتورية زى ما هو الحال فى بلدنا ...
انا ليا قرايب كتير جدا سافروا برا ولما بييجوا بيقولوا لى ان الحياة بره صعبة جدا بس مش غالية ولا حاجة ..
كل اللى بيسافروا بره بيعلقوا اخطائهم على شماعة غلاء الغرب وجهل الناس بما يدور حولهم فى مصر فقط ..
عموما ربنا يوفق الكل ..

[tutankhamoun]

شكرا على التوضيح ..
وكويس انك كنت بتتفرج على الحلقة ..
وان شاء الله هحاول ارفعها علشان اشوفها تانى من اولها ..
..
انما انا مقصدش يا استاذ توت فرق العملة
انا مش بتكلم عن فرق العملة والجنيه واليورو ..
انا اقصد انخفاض وثبات الاسعار والمجهودات اللى بتحصل لاجل حياة افضل للمواطن الغربي.
كمان مليش دعوة الحياة هناك غالية ولا رخيصة .
انا بتكلم عن الغـــلاء فى اسعار منتجاتنا الناتج عن سلبيتنا وجهلنا بامور الدنيا والجُبن اللى احنا فيه ..
لما من 30 سنة سعر كيلو اللبن يزيد 30 سنت فقط ..
واحنا من 5 سنين كان كيلو اللبن ب 2 جنيه وحاليا اصبح 5 جنيه .. كذلك باقى المنتجات ..
يبقي العيب فى مين !!
جشع التجار ولا جُبن الشعب وافتقاده لحاجات كتيرة من رجولته ولا ده وباء حكومى ولا مبالاه ومفيش احساس بالغير ولا الخوف على مصالح حد ..!!
لا نملك غير حسبي الله ونعم الوكيل ..

أستاذ الفاضل
أزاي ملناش دعوة بفرق العملة ؟؟؟؟؟؟؟؟
مش فرق العملة ده هو اللي بيخليك تستورد العربية أم 8000 يورو بحوالي 56 ألف جنيه مصري
يبقى المواطن الأوروبي دفع 8 الاف يورو فقط و أنت دفعت 56 ألف
*** أرقام تقريبية

و ازاي عايز سعر المواد الغذائية لا يزيد و أنت معندكش انتاج و الاستهلاك بيزيد بطريقة جنونية ؟؟؟؟؟؟؟؟؟؟؟؟؟؟؟؟
ازاي حضرتك عايز سعر كيلو اللبن يفضل بجنيه مصري مثلا و مفيش انتاج مماثل و مع ذلك الاستهلاك بيزيد بسبب زيادة السكان التي لا يقابلها زيادة في الموارد ؟؟؟؟؟؟؟؟

اللي بيحصل في مصر ده شئ طبيعي جدا

الشعب بيزيد بسرعة ......... و الإنتاج بيقل بسرعة
يبقى سعر المواد الغذائية هايثبت ازاي ؟؟؟؟؟؟؟؟؟؟؟؟؟؟

نيجي نتكلم عن موضوع ثبات السكان في أوروبا
السكان عددهم ثابت لا يزيد
الإنتاج بيزيد
فلازم الأسعار لما ترتفع بترتفع واحدة واحدة و تدريجيا بالاضافة ان العملة و فرق العملة اللي مش عاجب حضرتك مساعد على استقرار الأوضاع الداخلية لأن العملة اللي قيمتها عالية بتقدر تجيب بيها حاجات كتيرة

يعني لما ينزل ( مثلا ) مستورد الماني ( في الأحلام ) علشان يشتري من مصر سلعة معينة بيتم انتاجها في بلده كمان

بس تكلفة انتاجها في المانيا مثلا هاتكون 10 يورو
و لكن في مصر هاتتكلف 10 جنيه

يبقى المستورد الألماني أشتراها من مصر بيورو و نصف و روح بلدهم بسلعة بتتباع هناك بسعر كبير مما سيتيح له سوق و منافسة كبيرة

و ده اللي بتعمله الصين
مموته العملة علشان تنافس برة و أمريكا هاتتجنن و عايزين الصينين يرفعوا من قيمة العملة علشان اغراق الاسواق و لكن الصين رافضة تماما الموضوع ده .

عرفت قيمة العملة في التعاملات الدولية مهمة ازاي خصوصا لما تكون دولة زي مصر دولة استهلاكية و بيتم استيراد سلع كتيرة من سلعها الغذائية من خارج أرض الوطن
زي مواد الزيت ........ السمن النباتي ...... السمن البلدي ....... أجهزة الكمبيوتر و السيارات و خلافة

أما دول أوروبا
الحياة هناك نظيفة جدا و منظمة و مش مستحيلة و لكن حياة غالية و صعبة و اللي مش بيشتغل هناك القطار هايدوسوه .
و الفرق بينا و بينهم بيتمثل في الآتي

فيه هناك نظام ............. هنا مفيش .
فيه هناك تخطيط ........... هنا مفيش .
فيه هناك ناس ملتزمة بالنظام .......... هنا مفيش و مش عايزين .
فيه هناك تشغيل للمخ ...........هنا فيه تغييب للمخ .
فيه هناك الأعتماد على الأسباب ......... هنا فيه تغييب للأسباب و الكسل .

و محدش قال أن اقتصاد مصر أحسن من فرنسا و محدش قال أن مصر أحسن من أوروبا ....... أحنا بنتكلم في نقطة معينة و هي ارتفاع مستوى المعيشة اقتصاديا و ماديا و ارتفاع جودتها .
بالنبسة للحياة
أنا و الأستاذ موحا و الأستاذ سولي اليسا بنتكلم عن خبرتنا في الحياة هناك مش بنجادل من باب الجدال و بنقول الحاجات اللي قابلناها في حياتنا عن تجربة .
و الأستاذ دكتور درش أعطانا مثال لعمه المغترب في بلجيكا عن تجربة .
و مع ذلك حضرتك علقت

كل اللى بيسافروا بره بيعلقوا اخطائهم على شماعة غلاء الغرب وجهل الناس بما يدور حولهم فى مصر فقط ..

طبعا أنا مش عارف حضرتك تقصد أيه و مين بالكلام ده ..... و لكن مفيش مشكلة أكيد حضرتك هاتوضح مقصودك علشان تزيل اللبس في الفهم .
و للجميع تحياتي و بالتوفيق إن شاء الله

[Terrible_DaRsH]

بص يا استاذ توت ..
خلاصة الكلام .فى الموضوع كله .
ان انا النهارده بقبض 1000 جنيه فى مصر .
وفى اوروبا بقبض 1000 يورو ..
السكن زى ما قال الاخ السابق انه ب 800 يورو مثلا .
فانا هنا هيتبقي لى 200 دولار معايا ..
لكن لو جيت فى مصر هتلاقى ان ايجار الشقة ب 800 جنيه ( وده طبعا فى المناطق العشوائية ) ..
هيتبقي لى 200 جنيه معايا ..
طب نرجع لموضوع اللبن تانى
لما هناك هشترى جالون اللبن يقعد معايا 3 اسابيع و ب2.30 يورو .
وهنا هجيب كل يومين كيلو ب 5 جنيه مثلا ..
شفت الفرق اللى انا اقصده ..
هو ده قصدى من الليلة دى كلها .. وعلى فكرة كلامى ده على فرد عايش لوحده مش اسرة كاملة ..
يعنى الله يكون فى عون كل واحد .

طبعا أنا مش عارف حضرتك تقصد أيه و مين بالكلام ده ..... و لكن مفيش مشكلة أكيد حضرتك هاتوضح مقصودك علشان تزيل اللبس في الفهم .

طبعا مقصدش شخص بعينه ولا اقصد اى حد من المشتركين فى الموضوع .
ولكن انا بتكلم على اغلبية المصريين اللى سافروا بره .

فيه هناك نظام ............. هنا مفيش .
فيه هناك تخطيط ........... هنا مفيش .
فيه هناك ناس ملتزمة بالنظام .......... هنا مفيش و مش عايزين .
فيه هناك تشغيل للمخ ...........هنا فيه تغييب للمخ .
فيه هناك الأعتماد على الأسباب ......... هنا فيه تغييب للأسباب و الكسل .

وشوف بعد الكلام اللى انته قولته ده عايز حد يسافر يعيش مع الناس الذكية النشيطة المبدعة دى ويتعايش معاها !!!
سهم الفساد والفشل عندنا نزل لتحت ومش طالع تانى خلاص ...
و اللى ياكد الكلام ده
هو حال الشارع المصرى والاجيال اللى طالعه ..
( مفيش فايدة )