بتبص على مرايات الجنب ولالا

[A.Elsheikh.01]

بيني وبينكم علشان اتعودت على سواقه عربيه صندوق تبع شركه كنت شغال فيها زمان بلا ذكر اسماء للدعايا كان معنديش غير هى مرايه الجنب اليمين بس والشمال عليك وعلى ودنك تتسند عليها علشان هى الحاجه الوحيده الى هتجيب شمال :))
ومتعودتش على مرايه الصالون لانى كنت بستعمالها لو شعرى اتنعكش ولا حاجه =))

[karimone]

***
طيب دة أثناء أمتحان الرخصة علشان فية مدرب راكب جانبة
لكن في الأوضاع العادية - مين اللي ها يحسب ال 20 ثانية

هي النقطه في الموضوع ده انك تبص في المرايه كتير حتي لو مش هاتحتاج انك تلف او تحود او حتي تطلع من حاره لحاره تانيه... و بعد كده انت لما تعمل الموضوع ده اول لما تتعلم السواقه علشان تمتحن هاتتعود عليه و مش هاتحس بزعلله ولاحاجه...

[Amrrr]

****
لو العملية كل عشرين ثانية تبقي زغللة ومش ها تشوف قدامك

اول ماسقت كنت كل ما حاول ابص في المراية وارجع ابص قدامي الاقي اللي قدامي وقف او انا باقرب منه واقوم ضارب فرملة
الحمد لله مع الوقت هتلاقي البصة في المراية بقت لمحة وبتلقط الطريق وراك في اللمحة دي - هتتعود يعني لو لسة جديد ولو بقالك كتير في السواقة يبقى ربنا يستر وماجيش وراك في الطريق :POINTI~2[2]:

[sh23]

اول ماسقت كنت كل ما حاول ابص في المراية وارجع ابص قدامي الاقي اللي قدامي وقف او انا باقرب منه واقوم ضارب فرملة
الحمد لله مع الوقت هتلاقي البصة في المراية بقت لمحة وبتلقط الطريق وراك في اللمحة دي - هتتعود يعني لو لسة جديد ولو بقالك كتير في السواقة يبقى ربنا يستر وماجيش وراك في الطريق :POINTI~2[2]:

****
* يا عم أنا مش جديد لسة ف السواقة وباخد بالي من المرايات كويس
بس ما باحسبهاش بالثانية زي ما أنت بتقول.
* غير كدة أنا ما بلزقش ف قفا اللي قدامي وباخد بالي كويس من اللي ورايا
* يعني اللي بيمشي ورايا بيكسب ؛ بس لو أنت بتلزق في قفا اللي قدامك أنصحك ما تمشيش ورايا وإلا ها أتعبك.

[smsmbakr]

عينيا في كل حته يمين وشمال وصالون وقدام وكل حته

هو ده الصح ++++++1000000000

[mrghost]

انا بعتمد على مرايات الجنب بشكل اساسى لو بسوق عربيه جديده وعربيتى الشاهين برضه (بتكون مراياتها حلوه وبتجيب خاجات كتير ) انما فى عربيات اصحابى 128 و132 بعتمد على مراية الصالون

[Amrrr]

****
* يا عم أنا مش جديد لسة ف السواقة وباخد بالي من المرايات كويس
بس ما باحسبهاش بالثانية زي ما أنت بتقول.
* غير كدة أنا ما بلزقش ف قفا اللي قدامي وباخد بالي كويس من اللي ورايا
* يعني اللي بيمشي ورايا بيكسب ؛ بس لو أنت بتلزق في قفا اللي قدامك أنصحك ما تمشيش ورايا وإلا ها أتعبك.

ياباشا مش قصدي لازم كل 20 ثانية بس كل شوية تبص في المراية وتبقى مترجم الطريق وكاشفة وراك زي مانت كاشفه قدامك وعامة انا مش بالزق في قفا اللي قدامي عشان ماتضمنشي اللي يحصل لو هو وقف مرة واحدة حتى لو انا مركز ووقفت وراه تمام مش ضامن اللي ورايا يا عم
وبعدين لو ملزقتش في اللي قدامك هييجي واحد ناصح يدخل بينك وبينه وتبقى انت لازق فيه :K_crying[1]:

[powerofhelll]

لو ماشي من غير ما اغير اتجاهي مراية الصالون بس لو بغير اتجاه الجانب و الصالون لو غرزه الجانب بس

[sleepyhammer]

انا بصراحه ببقي مضايق قوي لما اشوف عربيه ماشيه قدامي و اللي سايق قافل المرايات... بخاف اعدي من جنبه لحسن يخبطني لانه اكيد مش شايفني...

+100000000000000000000000

[Dr. Elsaadani]

ما ينفعش بتاتا ان الواحد يسوق من غير المرايات الثلاثة (ده لو فيه زياده حستعملهم برده) ههههههههههه

حتى لو مش حتلف او تحود لازم تعرف مين معاك على الطريق علشان المفاجات سواء كانت منك او منهم

ربنا يسترها معانا

[egypt123456]

مع احترامي الشديد لكل الاعضاء بس انا قضيت سنة في هولندا وكنت بسوق هناك وعلشان معي اقامة كنت بحضر علشان اخد رخصة هولندي للسواقة علي فكرة بترسب في الامتحان لو كنت عايز تيجي يمني او شمال مثلا ومش بصيت بالتربيب في مراية الصالون ثم المراية الجانبية ثم بتحود كل وشك في جنب السيارة قبل ما تلف علشان تشوف الجزء اللي معتم يعني اللي مش بيبان في المراية واي غلط في الترتيب بخرجك من الامتحان وبتقدم تاني بعد حواي 3 او 6 شهور مش زي مصر وبجد احلي سنه سواقة لية هي هناك و علي فكرة انا بسوق في مصر من سنة 1994 حتي الان .. احنا في مصر مش بنسوق اعتقد اننا بنلعب اتاري ومش في حد يعرف اي حاجة عن قواعد المرور تخيلو رغم كل ده في هولندا نسبة 60% مش بينجحوا في الامتحان من اول مره ومع ذلك بدون مالغة لو غمضت عنيك هناك وسوقت هتوصل علشان كلة بيحترم القانون مش زي هنا.. والسلام ختام

[Amrrr]

انا رأيي حل مشكلة السواقة في مصر انهم يعملوا امتحان زي البني آدمين مش امتحان البطاطس اللي هنا ويبدأوا باللي مطلعين الرخصalready ويسحبوا الرخصة من اللي يسقط في الامتحان !!حلم طبعاً

[Dr. Elsaadani]

انا رأيي حل مشكلة السواقة في مصر انهم يعملوا امتحان زي البني آدمين مش امتحان البطاطس اللي هنا ويبدأوا باللي مطلعين الرخصalready ويسحبوا الرخصة من اللي يسقط في الامتحان !!حلم طبعاً

طيب واللى معاهم رخص ويستاهلوا ان ملفهم فى المرور يتحول للمفتى حنعمل معاهم ايه

[M.Osman]

مع احترامي الشديد لكل الاعضاء بس انا قضيت سنة في هولندا وكنت بسوق هناك وعلشان معي اقامة كنت بحضر علشان اخد رخصة هولندي للسواقة علي فكرة بترسب في الامتحان لو كنت عايز تيجي يمني او شمال مثلا ومش بصيت بالتربيب في مراية الصالون ثم المراية الجانبية ثم بتحود كل وشك في جنب السيارة قبل ما تلف علشان تشوف الجزء اللي معتم يعني اللي مش بيبان في المراية واي غلط في الترتيب بخرجك من الامتحان وبتقدم تاني بعد حواي 3 او 6 شهور مش زي مصر وبجد احلي سنه سواقة لية هي هناك و علي فكرة انا بسوق في مصر من سنة 1994 حتي الان .. احنا في مصر مش بنسوق اعتقد اننا بنلعب اتاري ومش في حد يعرف اي حاجة عن قواعد المرور تخيلو رغم كل ده في هولندا نسبة 60% مش بينجحوا في الامتحان من اول مره ومع ذلك بدون مالغة لو غمضت عنيك هناك وسوقت هتوصل علشان كلة بيحترم القانون مش زي هنا.. والسلام ختام

فعلا اتاري والله ... محدش بيعرف يسوق ... دا يا راجل الناس مش عارفة استخدامات نور العربية اية !!!

[karimone]

فعلا اتاري والله ... محدش بيعرف يسوق ... دا يا راجل الناس مش عارفة استخدامات نور العربية اية !!!

الاتاري ديه كانت زمان...

دلوقتي كله بيسوق بلاي ستيشن...