إعـــــــلان

Collapse

.

,
See more
See less

رايى فى حملة خليها تصدى و التخفيضات هتوصل لغاية ايه - بدون زعل

Collapse
X
 
  • Filter
  • الوقت
  • Show
Clear All
new posts

  • #31
    الاخ اللى فتح الموضوع مش مستحمل ردود - لما جنابك مش همك اراء بتبدء بمهاجمة الغير ليه !!!!!!!!!!!!!!!!!!!
    اولا انا طبعا همى اسمع الاراء بس انا ماهجمتش الغير اساسا و انا طبعا عادى اسمع اى رد بس ردود محترمة بس يعنى مش عايز ناس مش محترمة داخلة تشتم و خلاص و اساسا هى مش فاهمة حاجة فى اى حاجة علشان كدا قولت هرد على الردود المحترمة بس سواء اللى رايها زى رايى او اللى مختلفة تماما عن رايى , كل واحد حر فى رايى بس يعبر عنه باحترام زى معظم الناس اللى ردت هنا.
    أكبر دليل على ان العربيات هترخص إن السعر الحالى أكتر من السعر فى بداية 2008, بالرغم من ان مفيش أى سبب لزيادة الأسعار فى نهاية 2008 عن أولها, علشان كدة أقل شئ إن الأسعار لازم توصل لنفس مستوى الأسعار فى بداية 2008, وده على الأقل نسبة 10 % على الأقل, وكمان لما تضيف لها اى نسبة نزول الموضوع كدة هيكون نسبة نزول معقولة جدا.
    انا شايف طبعا ان الاسعار لسه هتنزل كتير فى رايى الشخصى بس الفكرة هتوصل لايه هو دا السؤال و بالمناسبة الاسعار دلوقتى اقل بكتيير اوى من 2008 و 2007 فى تقريبا كل المركات ماعدا كام مركة زى مرسيدس مثلا.

    بالنسبة للمهندس سمير , عايز اشكرك على ردك المحترم جدا و خصوصا طريقة الرد و على فكرة احنا مش مختلفين فى الراى بالعكس انا كمان شايف ان اللى حضرتك قلنه دا اهم بكتييير اوى من تخفيض سعر العربية بمعنى لما التوكيل يتعهد انه يقبل يدخل الخليجى مراكز الصيانة و بنفس اسعار العربيات التانية و كل وكيل يتعهد انه يعمل test drive لجميع الموديلات و ينزلوا اسعار الصيانة و قطع الغيار المبالغ فيها جدا و مواصفاتها و خدمات ما بعد البيع كلها مش هيقدروا يلغوا الكلام دا بعد الازمة بمعنى التوكيل مش هيقدر يقول انا رجعت فى كلامى و الخليجى خلاص مش هيخش و هلغى الtest drive , اما انخفاض الاسعار فهى كدا كدا هتنزل جامد اوى بسبب الازمة مفيش كلام انما انا متاكد انه بعدها هيزود الاسعار تانى لو كل حاجة رجعت زى الاول و الناس ابتدت تشترى تانى.
    يعنى فعلا الكلام اللى حضرتك قلته دا مهم جدا و طبعا انا متفق عليه.

    تقبل تحياتى...و ارجو انك ماتزعلش من صراحتى زى مانت قلت فى عنوان الموضوع...
    استاذ badry , اولا انا متشكر على اسلوب الرد المحترم دا و انا مش زعلان بالعكس انا مبزعلش خالص من اى حد بيخالفنى فى الراى , بيداقنى بس طريقة رد بعض الناس.
    بالنسبة ليه انا كتبت الموضوع دا بالذات دلوقتى و خصوصا بعد هيونداى و منصور ما نزلوا الاسعار , انا قاصد التوقيت دا لان غبور نزل اسعار عربيات كتير اكتر من 15% زى الالنترا و السوناتا و من منصور السبارك فى رايى الشخصى سعرها بقا مناسب و خصوصا لما الياريس اللى هى فئة اقل بكتير اوى من الالنترا بقت اغلى منها بكتير و الياريس ارخص من الانترا كتير بره مصر , دى السوناتا بقت ارخص من الكورولا !!
    انا فى رايى الشخصى ان سعر الكذا عربية دول مناسب اوى بس فى رايى الشخصى برده الناس متشتريش علشان الوقت مش مناسب اطلاقا للشراء و رايى الناس متشتريش علشان انا حاسس انهم هيقللوا الجمارك او هيعملوا عروض اقوى بكتير.
    السبب انى كتبت الكلام ان الحملة مش موضحة الاسعار لازم تنزل لفين و يا ترى لما تنزل الناس تشترى و لا لأ , و دا اساس الموضوع , ازاى نعرف السعر مناسب و لا لأ؟

    سبب انى مقولتش خليها تصدى و موديلها يعدى فى اخر الكلام انى مش مقتنع بالحملة من الاساس الى اسمها خليها تصدى و موديلها يعدى بس لانى شايف ان الهدف هيحصل لوحده طول فترة الازمة منغير الحملة لان الناس مش غبية و هى شايفة لوحدها الاسعار كل يوم بتنزل و شايفة ان فى ركود و خايفة تضيع السيولة اللى معاها فكدا كدا هما مقاطعين الشراء و بعد ما الازمة تعدى سواء كان فى حملة او مفيش الناس هتجرى تشترى عربيات عادى و التوكيلات هتزود الاسعار عادى و ترجع كل حاجة تانى زى الاول.
    اللى انا مقتنع بيه اننا لازم نقاطع شراء العربيات دلوقتى و مش مهم ان توكيل يفلس لانه هو اللى جابه لنفسه بمبالغته فى هامش ربحه و اسعار صيانة و قطع غيار اكتر باضعاف تمنها بره.


    "هى مش عارفة اساسا الجمارك على العربيات كام فى المية , اساسا الرقم دا غلط لان الجمارك حسب الcc بتاع العربية
    طيب هى على اساس ايه قالت ان اسعار العربيات فى مصر مبالغ فيها لما هى مش عارفة الجمرك كام؟"

    أولاً متوسط الأسعار إلسيارات1600 جمركها ٤٠٪ و ١٥٪ و ٢٪
    ونقدر نقول بين ٦٠٪ ل-٦٥٪ بشكل تقريبي


    كمان ليه حضرتك موجهتش كلام بشكل شخصي لها عل جروب

    و كمان هي مغلتتش يعني عشان اثمها بالجهل يعني إنت تجاهلت حاجات كتير و بتتكلم على ٥٪ فرأ و بات جهلة
    اولا انا مش فاهم ليه اخش و اكلمها بشكل شخصى , هو انا اعرفها علشان اخش و اكلمها ؟ بعدين اخش اقولها ايه؟؟
    انا اساسا مزمتش فيها و لا قلت عليها جاهلة , انا قلت ان معلوماتها عن العربيات قليلة (يعنى انا مثلا معلوماتى عن الكورة قليلة و جاهل فى الكورة دى مش حاجة تعيبنى خالص او الbasketball مثلا ) اكيد مش كل واحد خبير فى كل حاجة .
    بس مدخلتش عملت حملة قلت يلا نبنى الزمالك من جديد و انا مليش فى الكورة , طيب هى مش عارفة الجمرك كام , هى بتتكلم على ال c-230 و الz4 و دول جماركهم + الضرائب فوق ال220% لانهم فوق ال2000cc.
    حتى لو كانت بتتكلم على ال1600 , طالما هى مش عارفة بالظبط الجمارك كام حكمت ازاى التوكيل مبالغ فى سعر العربية و لا لأ؟؟
    للعلم التوكيل لو مبالغ مزود بتاع 10% بالكتير اوى عن سعر بره (بتكلم فى العربيات اللى لحد 300الف جنيه ) لما 5% متفرقش امال احنا بنقاطع ايه , احنا بنقاطع علشان بنزل ال10% دول و ينزل شوية بسبب الازمة.
    بعدين للعلم هى مش بس مش عارفة الجمارك كام بالظبط فى كذا حاجة و تقدر تقرا ردودها و احكم بنفسك.

    بعدين بوضح تانى انا مش بنتقدها بالعكس انا بقول كفاية انها حاولت .


    مي
    ن قال أن مؤسسة الحملة بنت ؟؟ كلام خاطيء تماماً مؤسسي الحملة رجال وصاحب جروب الفيس بوك شاب وهو ليس بالشرط مؤسس الحملة ولا صاحب فكرتها مع أن دة مش موضوعنا بس فقط لمجرد التوضيح
    شكرا على ردك برده بطريقة محترمة , لو حضرتك شوفت على الfacebook هتلاقيها admin و هى اللى فاتحة مواضيع كتير اوى و بترد على الناس علطول يعنى ازاى مش مؤسس؟؟

    كل اللى انا قلته و بقوله تانى , اولا لازززم نقاطع و لازم حتى لو مش مقاطعين منشتريش خوفا على السيولة اللى معانا على الاقل
    2-الحملة لازم يكون لها هدف قابل للتحقيق مش هدف خيالى (زى تخفيض الاسعار 50% دا خيالى) و لازم تكون فعالة بمعنى يبقى فى اتصال بالتوكيل و لازم التوكيلات تعرف المطالب الظبط و تعرف ان لما تحقق المطالب دى الناس هتنزل تشترى يعنى كلام رجالة و لازم تعهد على التوكيلات باحترام العميل و اعادة تسعير كل قطع الغيار و عدم المبالغة بعد كدا و السماح للخليجى بالصيانة و الtest drive زى بقية دول العالم كدا يبقى دى حملة بجد لها هدف و بكدا نطلع كسبانين.
    اما اللى عايز اسعار العربيات تنخفض يريح دماغه لا حملة و لا يحزنون اللى هتنزل الاسعار , الازمة المالية لوحدها كفيلة بان الاسعار تنزل هنا فى مصر كل شوية لوحدها لان الناس معهاش سيولة او خايفة على السيولة و البنوك مبنديش قروض يعنى موضوع التخفيض مش محتاج حملة , الحملة معناها التوكيلات لازم تتعهد بحاجة و تنفذها على طول مش وقت الازمة بس.

    Comment


    • #32
      بس مدخلتش عملت حملة قلت يلا نبنى الزمالك من جديد و انا مليش فى الكورة , طيب هى مش عارفة الجمرك كام , هى بتتكلم على ال c-230 و الz4 و دول جماركهم + الضرائب فوق ال220% لانهم فوق ال2000cc.
      حتى لو كانت بتتكلم على ال1600 , طالما هى مش عارفة بالظبط الجمارك كام حكمت ازاى التوكيل مبالغ فى سعر العربية و لا لأ؟؟


      على فكرة يا سمعة مفيش حد في مصر عند خلفية واضحة عن الجمرك في مصر

      كل إلي نعرفو إن فئة ١٦٠٠ ٤٠٪ +١٥٪+٢٪


      دي حاجة
      غير كدة بيحسبو الجمرك بشكل عشوائي

      تاني حاجة هي كنت بتتكلم عن z4 و c230 كاسعار مستعمل فالخارج

      و حضرتك لو كنت متبع الشات كنت فهمت وجهت نظرها في موضع الخصم
      هي بتتكلم في ١٠ ل-١٥٪ خصم
      و حسبنا مع بعد سعر عربية من الخرج و زودنا ٤٠٪ جمارك و ٢٠ ٪ ضريبة
      و سيارة دي كان سعرها بالخارج ٩٠٠٠ دولار و سعرها هنا في مصر ١٠٠ ألف
      و زودنا لإن المكسب في حدود ٣٥ ألف و كل إلي التو يعملو خصم ١٠ ألف أو ١٥ ألف
      يعني التجر حيحأد ٢٠ ألف صافي
      بس

      كمان مش عيب أبداً إنه بنت و ملمة شوية بالسيارات

      كمان هي بتعمل كدة للمصلحة العامة
      و أحب أضيف إن سعر السيارة إلي حسبناها د سعرها قبل الأزمة


      و أحب أؤل لحضرتك إن موضوع الحملة إلي فجر الأزمة بس بعد كدة بأزمة أو من غير احنا كنا بنتسرق و احنا كلنا تعبنين في فلوسنا من حقنا نلقي عربيات تستاهل فلوسنا يئمة نفع على أد عربيتهم

      معلش طولت عليك
      [CENTER][COLOR=indigo][B][SIZE=4][SIGPIC][/SIGPIC][/SIZE][/B][/COLOR][/CENTER]
      [CENTER] [/CENTER]
      [CENTER][B][COLOR=indigo][B][SIZE=4]خل[/SIZE][/B][/COLOR][COLOR=indigo][B][SIZE=4]وها تصدي وموديلها يعدي[/SIZE][/B][/COLOR][/B][/CENTER]

      [CENTER][B][SIZE=4][COLOR=indigo][URL]http://www.facebook.com/group.php?gid=41473233099[/URL][/COLOR][/SIZE][/B][/CENTER]

      Comment


      • #33
        سوري على أخطاء إملائية بس د من السايت

        Yamli lets you unlock the Arabic web without needing an Arabic keyboard. Just type it the way you say it!
        [CENTER][COLOR=indigo][B][SIZE=4][SIGPIC][/SIGPIC][/SIZE][/B][/COLOR][/CENTER]
        [CENTER] [/CENTER]
        [CENTER][B][COLOR=indigo][B][SIZE=4]خل[/SIZE][/B][/COLOR][COLOR=indigo][B][SIZE=4]وها تصدي وموديلها يعدي[/SIZE][/B][/COLOR][/B][/CENTER]

        [CENTER][B][SIZE=4][COLOR=indigo][URL]http://www.facebook.com/group.php?gid=41473233099[/URL][/COLOR][/SIZE][/B][/CENTER]

        Comment


        • #34
          ya wad ya som3a ya gamed.......100/100!!!!!!!!!!!!!!!!!!!!!!!!

          you got the foola........

          Comment


          • #35
            ليه التيوتا الكرولا الهاى لاين اللى كانت ب 162 الف 2008 نازله دلوقتى 2009 ب152 الف و لسه القصراوى عنده 2008 عارضها ب 150 الف

            انا معاك يا سمعه ان البورصه و ازمة السيوله من المؤثرات بس ايه اللى يمنع اننا ناخد حقوقنا

            يعنى لما عربيه زى الكامرى سعرها فى الخليج حوالى 180 الف و هنا 500 الف يبقى ايه

            ايه اللى يمنع اننا نركب عربيات بمعدل امان اعلى و بسعر أأقل و بعدين انت بتحجر على احلام الناس ليه؟

            و بعدين الحمله طلعت فى التليفزيون و انت لأ يمكن متغاظ علشان كده


            اخوك طارق رمضان

            وخلوها تصدى يا الازمه تعدى

            Comment


            • #36
              الى الاستاذ :
              som3aa

              فى البدايه شكرا على مجهوودك
              زى ماحضرتك قلت لاسعار لازم تزل ده يسبب الازمه الاقتصاديه كلامك مضبوط
              لايوجد احد معترض على رايك بس لاحظ ان الحمله فى الاساس مش مجرد حرب
              ضد الوكلاء والتجار........الحمله باختصار هى عمليه توعيه ......بمعنى اخر ممكن
              تكون حضرتك فاهم الموقف ......بس انا مش فاهم او مش قادر على استعاب
              النطوارات الاقصاديه المستقبليه........لما حضرتك تدخل وتقول رايك فى الاسعار
              بقى كده اكتر من واحد ممكن يعرف معلومه جديده ممكن تساعده فى اتخاذ قرار الشراء
              والمنتدى اصلا معمول من اجل تبادل المعلومات....

              نرجع لموضوع الحمله ليس لها تاثير على اتخاذ قرار الشراء
              فى البدايه لازم حضرتك تلاحظ ان الحمله تقربيا اول موضوع الناس تتفق عليه......
              ليه حضرتك تقول ان مجهود الناس ريح على الارض و الحمله ملهش لازمه........
              اسف ان مختلف معك.........حضرتك تعرف لو احنا طلعنا رجاله بجد ايه الممكن
              يحصل...........وكلاء السيارات هايكونوا عبره لاى تاجر او وكيل او رجل اعمال
              يفكر يستغل المسنهلك..........لاحظ ان مصر من كم سنه كانت نظام اشتراكى يعنى
              الحكومه تقوم بضبط الاسعار.........حاليا احنا نظام حر(عرض وطلب) يعنى الدور
              ده انتقل للمستهلك بس للاسف المستهلك المصرى مش عارف يخد حقه لانه بعد الثوره
              صحى الصبح لقى نفسه نظام اشتراكى(الحكومه هى بابا وماما) وفى عصر السادات
              بردو صحى الصبح لقى نفسه راسمالى......ادى الى عدم واعى المستهلك للحقوق
              والواجبات .....وهى باختصار حقه (الجوده+السعر المناسب) الواجب باختصار
              اى واحد يحاول يحتكر السوق يتربى بسلح المقاطعه(طبعا فى ظل وجود منافسه)
              لكن للاسف فى مصر مفيش منافسه بين الشركات من اجل المسنهلك لكن فيه تكتل
              على المستهلك..........طيب ايه الحل؟؟؟؟
              للاسف اصبح الراى السائد (مافيش حاجه فى مصر نترخص) وده ليه عشان كلنا
              سلبين........لما الازمه حدثت اعطات بريق امل بتغير الاوضع السليبيه الموجوده
              فى المجتمع.......لما الناس تحول مره واحد تعمل موقف ده يكون رايك؟؟؟؟؟؟؟

              اوعى تكون فكر انى فرحان بالازمه العالميه ...........بعكس ان بقول ربنا يستر
              على مصر ......بس الواحد بيقول ممكن الازمه تغير الكتير من الاوضاع الغلط
              الموجوده.......خد عنك(العقارات-السيارات-المياه-الكهرباء-الاكل)كل حاجه
              الاسعار كانت ترتفاع دون سبب واحنا بدون وعى بنشترى وخلاص..........
              طيب بشترى قسط......وهى ديه كانت الكارثه(القروض الاستهلاكيه) ادت اى
              ارتفاع الاسعار لان اى حد معه قريش يروح يشترى اى سلعه قسط .........زياده
              فى الطلب........ارتفاع الاسعار(بالذات فى السيارات-والعقارات) وحاجه تانيه
              ارتفاع التضخم وان انخفاض القيمه الشرائيه للنقود.
              حاليا نظرا للخوف من المستقبل كل واحد معه شويه فلوس خايف عليهم واعتقد ان
              ده بدايه التغير..........
              لما الحمله بداءات من شهرين وتقول الاسعار هاتزل واحد يخش
              يقول لا انا هاشترى لان مافيش حاجه مصر بترخص تانى وبعد كده الاسعار تزلت
              وطبعا الاخ خبط راسه فى الحيط عشان لم يسمع كلام العقل.......................
              ده دور الحمله يا استاذ التوعيه ثم التوعيه ثم التوعيه.
              لما الناس تفهم طبعا مفيش حد هايشترى بيقى السعر ينزل بالعافيه......احنا يا استاذ
              بنعمل محاوله لتنميه ثقافه المستهلك الرشيد ................


              بس عندى طلب اخير من حضرتك اوعى تقول فلان او فلان عمل ايه............او
              الحمله عملت ايه او احتمال تعمل ايه..........بس قول انت ممكن تعمل ايه لو كل واحد
              فينا بداء بنفسه كل حاجه هاتبقى زى الفل

              معلش عندى طلب تانى لو انت بداءت تقتنع بالحمله وانك ها تشارك معا سواء حدث نجاح او فشل قول واحنا كلنا هانرحب بيك وده عمره ينقص منك


              معلش طولت عليك لسه عندى شويه حاجات عاوزه اقولها .......واحنا مع بعض فى
              المنتدى

              شكرا
              فإن مع العسر يسراً إن مع العسر يسراً
              http://www.nilemotors.net/Nile/270217-2010.html

              Comment


              • #37
                lets take the camry for example.....

                the dealer needs to lower the price.....fine.....

                but also the camry's engine is big and thus the gomrok will be high......no one can do anything about the gomrok except the government and the government will not lower the gomrok price......

                so in reality the whole campaign is a flop....a true discount will come if the gomrok is lowered!!!!!!

                Comment


                • #38
                  اشمعنى الكامرى اللى علقت عليها يا مافيا

                  طيب طالما الجمارك ما نزلتش ليه الكرولا الهاى لاين رخصت 10000 جنيه رغم ارتفاع الين زى مل بيقولوا

                  Comment


                  • #39
                    يا جماعة يرجى الحذر هناك جماعة مضادة تطالب اصحاب معارض و توكيلات السيارات بزيادة الاسعار لان الاسعار الحالية ضعيفة جدا و فيها نوع من عدم التقدير للسيارات و بيقولو عليها حملة حقوق السيارات و ربنا يرحمنا

                    Comment


                    • #40
                      معلش يا جماعة الرد بياخد وقت كتير و انا بكتب فيه فادونى يوم واحد علشان تعبت من الكتابة
                      هرد على شخص واحد بس دلوقتى علشان اسلوبه فهرد عليه رد سريع

                      ليه التيوتا الكرولا الهاى لاين اللى كانت ب 162 الف 2008 نازله دلوقتى 2009 ب152 الف و لسه القصراوى عنده 2008 عارضها ب 150 الف

                      طيب طالما الجمارك ما نزلتش ليه الكرولا الهاى لاين رخصت 10000 جنيه رغم ارتفاع الين زى مل بيقولوا
                      علشان فى ازمة مالية شديدة و الناس مبتشتريش اى حاجة و فى ركود شديد فهمت؟
                      التوكيل اكيد خفض فى هامش الربح بتاعه
                      اللى انا اعرفه كمان و مش متاكد 100% منه ان التوكيل بيستورد الكورولا بالدولار مش بالين لانها مستوردة من جنوب افريقيا و مدير تويوتا فى مصر كان بيقول ان اليابان عملت دول فى قارات معينة للتصدير للقارات دى بسبب ارتفاع الين فالتالى معتقدش الدول دى هتصدر بالين و الا الموضوع مش هيبقى له لزمة.
                      كدا كدا حتى لو بيستورد التوكيل يقدر يخفض من مكسبه ال10000 جنيه دول و يفضل كسبان كمان عادى جدا , لو مكسبه 15% يبقى كسبان فوق ال20 الف جنيه فى العربية لما يخفض 10 منهم يبقى لسه كسبان برده.
                      و تقريبا دا سبب ارتفاع الياريس لانها يابانى 100% و انخفاض الكورولا

                      و بعدين الحمله طلعت فى التليفزيون و انت لأ يمكن متغاظ علشان كده
                      من فضلك احتفظ بالفاظك دى لنفسك, شوف بقية الناس رديت ازاى ردود محترمة بهدف المناقشة و الافادة و الاستفتفادة ملهاش لزمة الالفاظ اللى زى متغاظ دى.

                      اول لما اخلص الرد هكتبه علطول و شكرا يا جماعة مرة تانية على اسلوب الكتابة المحترم

                      Comment


                      • #41
                        مشكلتك يا سمعه انى مش عارفلك اتجاه

                        انت ضد الحمله و لا ضد انخفاض اسعار السيارات و لا عايزها تولع

                        ولا جاى تعلمنا الادب و تعيش

                        Comment


                        • #42
                          المشاركة الأصلية كتبت بواسطة omardeneo مشاهدة المشاركة
                          مشكلتك يا سمعه انى مش عارفلك اتجاه

                          انت ضد الحمله و لا ضد انخفاض اسعار السيارات و لا عايزها تولع

                          ولا جاى تعلمنا الادب و تعيش
                          اولا انا طبعا مع انخفاض اسعار السيارات و مش معقول علشان واحد مختلف مع الحملة يبقى نشتمه و نقول عليه متغاظ و الكلام دا
                          السبب انى بقول للناس انهم محترمين لان رغم اختلافهم معايا فى الراى مدخلوش يشتموا فيا و عبروا عن اختلافهم فى الراى او تاييدهم فى الراى بكل احترام و علشان كدا انا برد عليهم بحاول اقنعهم و هما بيحاولوا يقنعونى و الحوار كان هادف كل واحد استفاد من كلام التانى.
                          طبعا انا مش جاى اعلم حد الادب , بس اللى عايز يناقشنى او يرد فى الموضوع يكلمنى كويس منغير شتيمة و انا هرد بنفس الاسلوب.

                          أقرا ردى اللى هكتبوا بكره ان شاء الله علشان تفهم انا قصدى ايه و ليه مش مع الحملة , هشرح تانى بوضوح و امثلة و توضيح و قولى اقتنعت و لا لأ او على الاقل ايه التعديل المطلوب فى الحملة علشان فعلا تحقق نتايج جقيقية خلال الازمة و فى نفس الوقت النتايج تستمر بعد الازمة لان زى ما قولتلك لو عابز الاسعار تنزل فدى مش محتاجة facebook و لا وجع دماغ , السوق عرض و طلب و طول فترة الازمة العرض كتيييييير و الطلب مفيش فبالتالى الاسعار نازلة نازلة ان شاء الله , قبل الازمة كان الحجوزات بالشهور و تستنى العربية كذا شهر و الطلب كان اكتر من العرض على موديلات كتير و اليورو كان ب 8.4 و الين كان قرب ال6 جنيه و الاسترلينى كان ب 11 جنيه , دلوقتى اليورو ب 7 و الاسترلينى ب 7.9 و الين نزل تانى ل 6 فاكييد الاسعار لازم تقل غير تخفيض مكسب الوكلاء اما علشان التوكيلات تحترم المستهلك بعد الازمة فدا الوقت اللى لازم نضغط فيه على التوكيلات.
                          هشرح وجهة نظرى بكرة ان شاء الله

                          Comment


                          • #43
                            y u didnt answer me
                            [CENTER][COLOR=indigo][B][SIZE=4][SIGPIC][/SIGPIC][/SIZE][/B][/COLOR][/CENTER]
                            [CENTER] [/CENTER]
                            [CENTER][B][COLOR=indigo][B][SIZE=4]خل[/SIZE][/B][/COLOR][COLOR=indigo][B][SIZE=4]وها تصدي وموديلها يعدي[/SIZE][/B][/COLOR][/B][/CENTER]

                            [CENTER][B][SIZE=4][COLOR=indigo][URL]http://www.facebook.com/group.php?gid=41473233099[/URL][/COLOR][/SIZE][/B][/CENTER]

                            Comment


                            • #44
                              اولا انا ما شتمتكش

                              ثانيا سلوك الامتناع سلوك حضارى و الدعوه له شئ محترم

                              ثالثا Facebook دلوقتى من اعلى الاماكن اللى الناس بتتردد عليها و بتوصل لناس كتير بسرعه

                              رابعا انا معتبر الحمله عامل مساعد او عامل محفز لسرعة الوصول للهدف

                              خامسا طالما انك مع التخفيض العادل يبقى مافيش مناقشه اصلا

                              Comment


                              • #45
                                معلش اتاخرت على حضرتك فى الرد
                                على فكرة يا سمعة مفيش حد في مصر عند خلفية واضحة عن الجمرك في مصر

                                كل إلي نعرفو إن فئة ١٦٠٠ ٤٠٪ +١٥٪+٢٪


                                دي حاجة
                                غير كدة بيحسبو الجمرك بشكل عشوائي

                                تاني حاجة هي كنت بتتكلم عن z4 و c230 كاسعار مستعمل فالخارج

                                و حضرتك لو كنت متبع الشات كنت فهمت وجهت نظرها في موضع الخصم
                                هي بتتكلم في ١٠ ل-١٥٪ خصم
                                و حسبنا مع بعد سعر عربية من الخرج و زودنا ٤٠٪ جمارك و ٢٠ ٪ ضريبة
                                و سيارة دي كان سعرها بالخارج ٩٠٠٠ دولار و سعرها هنا في مصر ١٠٠ ألف
                                و زودنا لإن المكسب في حدود ٣٥ ألف و كل إلي التو يعملو خصم ١٠ ألف أو ١٥ ألف
                                يعني التجر حيحأد ٢٠ ألف صافي
                                بس

                                كمان مش عيب أبداً إنه بنت و ملمة شوية بالسيارات

                                كمان هي بتعمل كدة للمصلحة العامة
                                و أحب أضيف إن سعر السيارة إلي حسبناها د سعرها قبل الأزمة


                                و أحب أؤل لحضرتك إن موضوع الحملة إلي فجر الأزمة بس بعد كدة بأزمة أو من غير احنا كنا بنتسرق و احنا كلنا تعبنين في فلوسنا من حقنا نلقي عربيات تستاهل فلوسنا يئمة نفع على أد عربيتهم

                                معلش طولت عليك
                                اولا طبعا انا متفق مع حضرتك ان مش عيب ابدا ان تبقى بنت ملمة بالسيارات و يبقى عندها معلومات كتير اكتر حتى من معظم الناس بالعكس هى عارفة اسعار و حاجات و عارفة الجمرك بالتقريب و كل حاجة و بعدين فعلا معظم الناس متعرفش الجمارك كام و الجمارك على العربيات المجمعة فى مصر كام و كدا.
                                المشكلة ان الاسعار اللى بالدولار دى غالبا الاسعار فى السوق الامريكى و لما الواحد بيدور فى google مثلا معظم الwebsites اللى بتطلع دى بتبقى امريكية الا لو الواحد حدد باليورو او كتب اسم دولة معينة.
                                الاسعار فى امريكا مختلفة عن العالم كله لانها ارخص حتى من الخليج و اوروبا (حتى على العربيات الاوروبية اللى بتتباع فى امريكا) و السبب ان امريكا اكبر سوق استهلاكى للسيارات فى العالم و المنافسة فيه شديدة جدااااا فبالتالى شركات العربيات بتبيع باسعار ارخص بكتير من بقية الاسواق , فبالتالى الحسبة مش بتبقى دقيقة , لو حضرتك عايز تعرف مدى مبالغة التوكيل فى الاسعار هات السعر فى الخليج او اوروبا و احسب الجمرك وشوف فرق السعر كام بالظبط مع العلم ان العربية لازم تكون بنفس المواصفات يعنى الخليجى بيبقى فيها كماليات اعلى علشان بنقول ان التوكيلات مبالغة فى الارباح يعنى العربية ارخص و امكانياتها اعلى و طبعا الفرق كبير جدا فى السعر فى عربيات معينة و قليل فى عربيات تانية و فى عربيات اساسا مفيش منها خليجى لان التوكيل مش مبالغ فى سعرها فبالتالى الخليجى هتقف بنفس التمن.
                                فى عربية زى الكيا السورينتو لو حضرتك استوردتها خليجى هتقف بحوالى 300-320 الف اما التوكيل بيبيعها بحوالى 420 الف يعنى مبالغة شديدة جدا فى الربح و خصوصا العربيات ال 4x4 مش عارف ليه فى توكيلات كتير بتعتبر اللى عايز يشتريها دا فلوسه حرام و لازم تسرقها منه!!
                                فعلا انا مع حضرتك ان قصدها المصلحة العامة مع انى معرفهاش بس واضح انها مش تاعبة نفسها و بترد على الناس و تدور و تبحث على الفاضى علشان كدا انا منتقدتهاش اساسا .

                                فعلا انا متفق مع حضرتك و مع بقية الناس اننا تعبانين فى فلوسنا و مش من حق اى حد يبالغ فى مكسبه و خصوصا ان توكيلات العربيات صعب جدا يخسروا فلوس الا فى حالة زى الازمة المالية دى لانهم ببساطة فى طلب بيستوردوا العربيات و بيبيعوها , مفيش مبيستوردوش و مبيخسروش حاجة , اللى سبب لهم خسارة هى توسعهم فى الفروع و عدد العاملين و المصاريف و كدا و لما جت الازمة المالية مبيعات العربيات قلت جدا و المصاريف مقلتش علشان كدا التوكيلات ممكن تخسر دلوقتى انما فى الظروف العادية شبه مستحيل ان اى وكيل عربيات يخسر علشان كدا بيبقى فى تنافس شديد اوى لما اى توكيل يتسحب من حد ان رجال اعمال كتيير بيبقوا عايزين ياخدوه حتى لو كان توكيل لعربية مستحيل تتباع فى مصر زى فولفو بسبب الجمارك و تهافتهم على التوكيلات الصينى لان مفيش غيرهم اللى يقدروا ياخدوه , تقريبا كل المركات لها وكيل فى مصر.

                                فى رايى و دا سبب انتقادى للحملة ان لاززززم يكون لها شروط علشان تبقى اسمها حملة
                                اول شرط و اهم شرط ان لازم يكون لها هدف و الا متبقاش اسمها حملة , و تخفيض سعر العربيات دا مش هدف لان تقريبا كل الوكلاء رخصوا الاسعار ماعدا وكيل و لا اتنين , طيب يبقى الهدف اتحقق ؟ لأ طبعا لان معظمها تخفيضات اقل من سعر انخفاض اليورو و اقل من اننا نقول الوكيل دا فعلا خفض هامش ربحه.
                                الهدف لازم يكون نسبة معينة للتخفيض حسب كل عربية لان كل عربية لها حسبة مختلفة.
                                2- لازم يبقى فى ممثلين للحملة يكلموا التوكيلات و يبلغوهم بالحملة و اهدافها و يبلغوهم باستياء الناس من المبالغة فى الارباح و ان الناس هتستغل الازمة المالية و تعمل مقاطعة قوية لحد ما يتراجعوا عن سياساتهم التسعرية و خصوصا فى قطع الغيار , لازم يبقى فى ممثلين للحملة برده يطلعوا فى التلفزيون (فى برامج زى العاشرة مساء) و يفهموا الناس اهداف الحملة و يطلبوا منهم ينضموا ليها و ميشتروش خالص دلوقتى و لازم التوكيلات تعرف المطلوب منها بالظبط بحيث لما التوكيل ينفذ الاهداف المطلوبة منه الحملة تعلن كدا و تقول للناس تشترى منه , لازم كمان تعهد من التوكيلات قدام الاعلام انهم من هيرجعوا تانى بعد الازمة يبالغوا فى الاسعار.
                                3-الحملة لازم تشمل اسعار قطع الغيار و الضغط على الوكلاء لاستيراد عربيات فيها وسائل امان و عالية الجودة مش اى زبالة صينى مثلا و خلاص و لاززززززم تعهد من التوكيلات انها يدخلوا العربيات الخليجى مراكز الصيانة و يدفعوا زى المصرى بالظبط مش اكتر و كمان يلتزموا ان اسعار عربياتهم تبقى اقل من الخليجى و نفس الامكانيات او اقل فى الامكانيات و ارخص فى السعر.
                                كدا يبقى اسمها حملة و الناس تشارك فيها و التوكيلات ساعتها هتبقى فى موقف حرج , تخفيضات محترمة او المقاطعة طول الوقت مش وقت الازمة بس.

                                هرد على كل الناس اللى كتبت ان شاء الله بس الردود بتاخد وقت

                                Comment

                                Working...
                                X