هيشيلوا الجمارك فعلا على ال1600cc و لا الخبر مكتوب غلط؟

[som3aa]

الخبر بيقول ان الجمارك على ال1600cc هتبقى 4% , الكلام دا صح و لا غلكة كالعادة و المقصود انها هتقل 4%؟؟
ارجو عدم نقل الموضوع لقسم الاخبار المنقولة علشان انا مش بنقل الخبر , انا عايز اعرف مدى صحته
الخبر منقول عن contactcars

الخبر اهو

4 مارس 2009 - 16:30

كشف جلال أبوالفتوح مستشار وزير المالية لشئون الجمارك عن أنه سيتم اعتبارا من العام المقبل السماح باستيراد السيارات من الاتحاد الأوروبي برسوم جمركية 4% لفئة CC1600 وما يزيد على هذه السعة139%.

وقال أبوالفتوح في تصريحات صحفية أبرزتها صحيفة "الأهرام المسائي" يوم الاربعاء إن هذه النسبة سوف يتم إلغاؤها بالكامل بعد10 سنوات مقابل السماح للصادرات المصرية بدخول السوق الأوروبية من دون جمارك.

جاء ذلك خلال اللقاء الذي عقده مستشار وزير المالية الدكتور يوسف بطرس غالي مع أعضاء الغرفة التجارية الكندية مساء الثلاثاء بحضور فايز عزالدين رئيس الغرفة.

تمت خلال اللقاء مناقشة أثار الأزمة العالمية على الاقتصاد المصري ، وخطة الجمارك في تخفيض تكلفة الإنتاج لدعم القدرة التنافسية للمنتجات المصرية.

[nomercy22]

بص يا با شا علي السنة الجاية 2010 حسب اتفاقيه جات لازم تقل الجمارك بنسبة عشرة في المية كل سنه ولمده عشر سنين يعني بعد عشر سنين مافيش جمارك اما حاليا نسبة الجمارك 40 في المية ولما تنخفض 10 في المية تبقي الجمارك 36 في المية اي تنخفض بنسبة 4 في المية

[Samir Elshahawy]

بس خللي بالك أنهم ممكن يخفضوا الجمارك 4% لكن هايزودوا الضرائب بأنواعها 40% و يبقي ماعملناش حاجة و ساعتها هانقول ياريتهم كانوا سابوا الجمارك زي ماهية

[nomercy22]

بس خللي بالك أنهم ممكن يخفضوا الجمارك 4% لكن هايزودوا الضرائب بأنواعها 40% و يبقي ماعملناش حاجة و ساعتها هانقول ياريتهم كانوا سابوا الجمارك زي ماهية

والله اي حاجة في البلد دية ممكنه

[som3aa]

هو دا السؤال اللى انا بساله
الخبر مكتوب فيه انهم هيخفضوها ل 4% و الدليل برده انهم كاتبين 139% للاكتر من 1600cc يعنى اكيد مش هيخفضوها 139% , الخبر مكتوب ل 4%
غلطة و لا مقصودة؟

[som3aa]

طلعت غلطة منهم و صلحوها
4% من العام القادم مش هتبقى 4%