تأثير مشروع إحلال التاكسي علي أسعار السيارات والتخفيضات

[د.محمد]

هل سيؤثر مشروع إحلال التاكسي الجديد علي أسعار السيارات , فبعد ان كان هناك ركود والتوكيلات كانت مجبرة علي التخفيضات هيحصل دلوقتي ان هتبدأ في حركة مبيعات في العربيات اللي بيصنعوها وهتزيد السيوله معاهم وبالتالي لن تكون هناك تخفيضات مستقبلية , وبمعني اخر هل ستكون هناك ردود سلبية لهذا المشروع علي حملة خلوها تصدي , هما هو رأيكم
خاصة وان في اهرام الجمعة بتاريخ 6-3
بدء مشروع إحلال وتحديث34 ألف تاكسي بعد غد

يبدأ بعد غد تنفيذ المشروع القومي لإحلال و تحديث34 ألف سيارة تاكسي, بمشاركة3 بنوك و5 شركات منتجة للسيارات.

[crazylambada]

حيبقى فيانواع محدودة فقط
ما بين 40 الف جنيه و حتى 80 الفبالكتيراوي
ديالشريحة اللي حتتاثر بالموضوع
باقي الشارئح حتنخفض اكثر

[som3aa]

انا فى رايى ان التاثير هيبقى محدود
اولا ال34 الف عربية دول مش هيحصلهم احلال مرة واحدة , الموضوع هيبقى على 3 سنين يعنى لو 10000 عربية فى السنة متوزعة على توكيلات كتير زى غبور و منصور.
بعدين الرقم مش كبير اساسا و كدا كدا التاثير الصغير هيكون على فئة الفرنا و اللانوس .
و كمان لو اللوجان نزلت من المغرب دا برده هياكل من التاثير لان معظمهم هيشترى اللوجان.

[د.محمد]

يعني نطمن وخلوها تصدي

[احمد عز]

انا شايف ان الموضوع ده مش حياثر بشكل كبير بس حيفرق لوقت معين الى هى الدفعه الاولى بس انما بعد كده خلاص

[Drift_Lover]

انا شايف ان الموضوع حيأثر علي الموديلات القديمة فقط...
زي البيجو ال 504 والفيات 125 و 131 اللي اغلب التاكسيات القديمة منها.
مادون ذلك ماعتقدش.

[postagy]

انا شايف ان حيحصل تاثير للاسباب التاليه:
1-هناك زياده فى حجم المبيعات على الاقل 10000 عربيه فى السنه مع حاله الركود الحاليه هيبقى تاثيرهم كبير بالنسبه للتوكيلات العامله فى المشروع .
2-استقرار سعر الجمرك المفروض عند 40% لسنه 2009 وعدم وجود اى تخفيضات على الجمرك الا فى 2010 طبقا للاتفاقيه وهتكون محدده ب4%سنويا لحد ما تنتهى الجمارك نهائيا على مدى 10 سنوات وده على السيارات ذات المنشاء الاوروبى فقط .
3-حاله التردد الموجوده عند المستهلك ستنتهى عندما تصل هذه الاسباب لمستوى عدد كبير من المستهلكين وهترجع ارقام المبيعات ترتفع وان كنت اتوقع الا تصل لمستوياته السابقه وده نتيجه تاثير الازمه العالميه وحاله النكاماش فى الاسوق جميعها .
4- الفجوه فى الاسعار بين المستعمل والجديد زياده اوى الفتره اللى فاتت وده وضع مش طبيعى وبالتالى مش هيستمر كتيير وخصوصا بعد انتهاء فتره العروض اللى عملاها التوكيلات فى مصر و15/3 مش بعيد
دى مجرد وجهه نظرى كمتابع وانا مستخدم للسيارات يعنى مش تاجر ولا حاجه .

[abdelmessih67]

التوقع شئ صعب يا أخ فايكينج

لكن بلا شك لإان اسعار المستعمل البيجو 504 و الفيات 125 و الهيونداي بوني و هم يمثلون أغلب التاكسيات القديمة ستنهار اما بالنسبة للجديد فهذا المشروع بلاشك سيعطي دفعة نوعا ما للمصنعين مما سيجعلهم يكتفون
( مؤقتا ) بالتخفيضات التي عملوها للسيارت .

لكن حسب توقعي فأن الانتعاش هذا مؤقت و لن يوازي حجم السيرات المكدسة في المخازن و الموانئ خصوصا أنه سيكون على مدى سنتان و نصف حتى انتهاء مهلة تخريد التاكسيات القديمة و غالبا سيخفض التجار الاسعار مرة اخرى و لكن ليس بنفس النسبة التي كنا نتمناها

[abdalla45]

اعتقد مش هتفرق اوى فى الموديلات القديمه والجديده الفرق مش هيبقى كبير اوى برده

[eg_falcon]

على فكرة يا جماعة انتم فارضين ان كل اصحاب التاكسيات وافقوا و قرروا التغير على فكرة انا اعرف ناس حتبطل موضوع التاكسي دا خالص و تشوف لها شغلانة تانية لان صراحة ازاي اقيم سيارة زي ال504 ب5000 ولا حتى ب10000 و بعدين القسط اللى هو 800 جنيه حيبقى ازاي يعني دا على فرض ان العربية ما حصلهاش اي مشاكل او رخامات من اللي احنا عارفنا

[postagy]

عزيزى الاخ فالكون انتى ليه متجاهل انا هناك رفع تام لسعر الجمرك بتاع السياره الجديده وده حسب مفهمت من تصريح وزير الماليه اذن سعر البيجو ال504 مش هيكون ال5000 جنيه بس لكن هضييف لهم قيمه الجمرك

[rrrrreee]

خليها تصدي
و موديلها يعدي

[حماده عزو]

خليها تصدي
و موديلها يعدي

+1111111111111111111111111111111111111

[PoweRPassioN]

متغيرات كتير اوي ف السوق=رؤيه ضبابيه لما يمكن ان يحدث

[activehero2006]

موضوع تعديل التاكسي ده يمكن يكون جيد لمستخدمي التاكسي لكنه هيكون خراب كبير جدا على سائق ومالك التاكسي لعدة اسباب
1- السيارة القديمة كانت مشيه حلها وقطع غيرها رخيصة وعلى قد لحافك مد رجليك
2- السيارة القديمة كانت بيتعمل لها عمره واثنين وميه ومشيه وتمام التمام ولا كبالن ولا قطع غيار عمال على بطال
3- السيارة القديمة كان بيتحط لها بنزين 80 لكن الان هتبقى مشكلة وكمان الحكومة هتتوجه اكيد لالغاء البنزين 80 وبالتالي سترتفع سعر البنديره لسائق التاكسى وطبعا بلدنا اخر حلاوة انها مفيش اصلا بنديرية وخلى الناس تتخانق مع بعض وماله خليها ولعه
4- خسارة من جهتين للسائق هيضطر يستغنى عن سيارة جامده حديد بتتماشي مع الطرق المصرية بقيمة 5000 جنيه ويبدأ في شراء سيارة جديدة عليها اقساط ولو ربنا سهل وخلص اقسطها يلاقي تحت رجله عربية عرجه مش هتقدر تكمل معاه يعنى هيدفع اقساط 60 او 70 الف وبعد انتهاء مدة التقسيط العربية مش هتساوي 20 الف جنية


اذا يتضح لنا اهداف الحكومة وهي كالتالي

1- السبب الرئيسي لمشروع التاكسي هو لخدمة اصحاب مصانع السيارات فقط لمعالجة الركود والخسارة المتوقعه لهم في هذا القطاع (بيع السيارات الجديدة وتشغيل قطع الغيار ده شيئ مهم) وليس لخدمة والمحافظة على العاملين بهذه المصانع لان الحكومة لو بتهتم بالعاملين باي قطاع مكنتش خصخصت قطاعات كثيرة بالبلد وسرحت العمال على المقاهي صبح ليل
2-الغاء بنزين 80 المدعوم من الدولة وبالتالي زيادة سعر البنديرة
3- ان تحل مشكلة المرور بالشارع المصري وتنفرج شوية نتيجة اعطال السيارات القديمة (مع العلم بان المشكلة اشمل واعم من ذلك بكثير)
4- تقليل العوادم الناتجة عن السيارات القديمة بالشارع المصري والمحافظة لحد ما على البيئة

هذا رأي وربنا يستر على غلابة مصر