ظاهرة جديدة - سرقة علامات السيارات - ارجو المشاركة لجدية الموضوع

[Eng. Rafy Samy]

مساء الخير على احلي شباب في احلى منتدى
انهاردة بس لاحظت ظاهرة غريبة جداُ وانا ماشي في الشارع وهي " اختفاء معظم العلامات الخاصة بماركة العربية من عربيات كتير و متنوعة "
موضوع سرقة العلامات من العرابيات بقى كتير جداً وبالذات العلامات الكبيرة ذي مثلاً البيجو - والفولكس واجن - والهيونداي ....... الخ ) والغريب جداً اني لاقيت اكتر من عربية تاكسي حطة علامات للمركات دي على عربيتهم اللادا....
الموضوع ده خطير لانه ابتدى يتنشر بشكل كبير جداُ يعني انهارده بس انا لاحظت اكتر من 20 عربية بدون علامة...!! سرقة العلامات بقت كتير قوي ومن الواضح ان ثمها غالي علشان كده بتسرق...

ارجو من اللي ليهم نفس التجربة يشركونة بتجربتهم ...

""" ارجو من الناس ذو الخبرة انهم يفيدونا وينصحونا ازاي ممكن نحافظ على العلامات اللي موجودة على العربية ونمنع سرقتها ... """

ولكن جزيل الشكر وفائق الاحترام

[tamertamer]

علامة bmw
مشكلة فعلا وغلية
لية واحد جارى كل ميشتريها تتاخد العلامة الخلفية
ربنا يكون فى عونة عشان سهلة الفك
وما غال ثمنة وقل وزنة

[powerofhelll]

انا كل ماجيب علامه البيجو و 505 تتسرق
بطلط اجيب

[ابوهاشم]

والله انا متضامن معاك بس للاسف مشكله مالهاش حل
غير ان اصحاب العربيات دى اللى خايف على العلامه بتاعته
يشيلها
او يسيبها بقى وهو ونصيبه

[abou_ruqi]

الحل هو الايبوكسي
كل اللي عنده عربية يشيل العلامة ويحط ايبوكسي ويلزق العلامة تاني

ويبقى يقابلني لو عرف يطلعها لا هو ولا الحرامي ولا السمكري ولا التوكيل حتى

[abou_ruqi]

اعميها ايبوكسي

[EslaM_NagY]

الحل هو الايوبوكسي
كل اللي عنده عربية يشيل العلامة ويحط ايوبوكسي ويلزق العلامة تاني

ويبقى يقابلني لو عرف يطلعها لا هو ولا الحرامي ولا السمكري ولا التوكيل حتى

مهو لما يفشل فى فك العلامة حيخربش العربية مكان العلامة

[abou_ruqi]

مهو لما يفشل فى فك العلامة حيخربش العربية مكان العلامة

بس يبقى اسمه ماستفدش منها وفضلت العلامة و ش مهم شوية خرابيش يتعملوا بالفرشاه

أو ممكن زي الملصق اللي على الزجاج ان الكاسيت ضد السرقة

نكتب على الازاز اللي ورا

تحذير العربية ملزوقة بالايبوكسي

[AboELsoud]

و الله واحد جارنا جاب العلامه مرتين لحد دلوقتيBMW
و احنا في عربيتنا واحد جرب يفك كلمه verna
بس معرفش فاتكسرت و شكلها بقى وحش اوي
ربنا معانا

[abou_ruqi]

و الله واحد جارنا جاب العلامه مرتين لحد دلوقتيBMW
و احنا في عربيتنا واحد جرب يفك كلمه verna
بس معرفش فاتكسرت و شكلها بقى وحش اوي
ربنا معانا

ما انت لو كنت مليط العلامة بالايبوكسي , كان زمانه لسه بيحاول يفكها لحد دلوقتي

[Mar80]

ممكن يكهرب العلامة :pointi~2[2]:

[M.Osman]

اية الايبوكسي دا ؟

[mab]

فعلا ظاهرة غريبة ومنتشرة ومستفزة جدا
واحد صاحبى شاف علامة الفولكس الكبيرة مرمية فى الشارع
يعنى الى سرقها معرفش يعمل بيها ايا
فرماها:K_crying[1]:

[abou_ruqi]

اية الايبوكسي دا ؟

زي مانا حطته في الصورة كده
ده يعتبر صمغ كيميائي عبارة عن أنبوبتين تخلط بينهم بالتساوي ساعة لما تحب تلزق حاجة
والمادتيتن دول لو اتقبلوا مع بعض , ولا الطبل البلدي حيفكهم من بعض
وده يعتبر اقوى مادة لاصقة في الدنيا
انا بلصق بيه المواسير وبيبقى اقوى من اللحام

وفي منه عجينه كمان

[abou_ruqi]

صورة لصباع الايبوكسي العجين