يا أولاد بلدنا إختشو عيب !!!!!

[أشرف فتحى]

يا جماعه الموضوع ده انا كنت متردد اكتب عنه ولا هلاقى الدنيا اتقلبت عليا وفى الاخر قلت هاكتبه وربنا يستر.
الموضوع يا جماعه اننا وعلى الرغم من القانون الجديد ورخامه اللجان والكماين إلا انه برضه فى لسه ناس كتير مصره على استفزاز الواحد بجهلهم
يعنى يا جماعه لما تبقى ماشى فى امان الله وتلاقى واحد مش عارف اقول عليه ايه ماشى قدامك ومفيم الزجاج وعاملها غرفه نوم بتقول معلش تلاقيه مسنود واعمل نفسك مش واخد بالك عشان مراتك ولا بنتك ولا حتى والدتك ما تخدش بالها وهى قاعده جنبك!!!
زاد الموضوع وبقى يركبو ستاير خلفيه عباره عن صور
مره واحد اصلع وعريان ولابس يجى 20 سلسله ومعرفش عامل بايده حركه غريبه!!!!
مره تلاقى واحده تقريبا مش لابسه حاجه!!
وخد على كده كتيير من عبارات هبله مكتوبه على الزجاج
لاستيكارات بإشارات غريبه ملزوقه على الشنطه يعنى بتتشتم لمجرد انك مشيت وراه!!!
اللى زاد وغطى انك لما كنت بتلاقى كده كنت بتقول فى سرك ده لازم عيل من اياهم اللى لو اكل فول يعمل غسيل معده لكن تلاقى اللوح ملاكى شرقيه ومنوفيه وغربيه وحتى اسيوط !!!!!!
ياجدعان داحنا بنقول البركه فى الريف وده لو عندنا فى البلد كنا عملنا فيه وسوينا !!
فاضل ايه تانى؟؟!!!

ياترى وصلت؟؟؟
----------
تم تعديل العنوان
ل ف م -1

[wesam_salom]

سؤال صغير

هو حضرتك عمرك ما خرجت من القاهره قبل كده

واضح انك واخد فكره ان الشرقيه والغربيه والمنوفيه وحتى اسيوط دول فلاحين بس

يعنى مبيعرفوش يلبسوا الا الجلاليب

على فكره لو حضرتك رحت مره الصعيد

وشفت مدخل اسيوط او سوهاج

هتلاقيه احسن بكتير من مدخل القاهره او الاسكندريه

وهتلاقى الناس هناك لابسين كويس جدا

وراكبين عربيات كويسه جدا

ومتعلمين كويس جدا ومحترمين جدا

بس الوحش موجود فى كل مكان

بس فيه ميزه ان الحاجات الوحشه هناك متداريه شويه

يعنى عمرك ما هتشوف بنات لابسين لبس خليع زى ما ممكن تشوف فى القاهره او الاسكندريه الا فيما ندر(هما قله جدا جدا فى القاهره والاسكندريه بس تقريبا معدومين فى بقيه المحافظات)


بالعكس بالنسبه لقانون المرور الجديد

ده مطبق فى المدن الكبيره اكتر بكتير من الاقاليم

يعنى صعب انك تمشى بعربيه مفيمه فى القاهره

بس فى اى مكان تانى ممكن تمشى سنه او اكتر من غير ما تقابل كمين يرخم عليك

وعمار يا مصر

[KHALED AYMAN]

استاذ اشرف :
انا معاك فى ان كل الى بيحصل ده غلط بس ملوش علاقه العربيه ملاكى ايه ؟؟
لاننا كلنا مصريين ....
انا هتكلم عن بلدى ...
المحله الكبرى :
بلد صناعيه و غالبيه سكانها اصحاب مصانع و انا واحد منهم ..
هتكلم برده عن العربيات نظرا لتخصص المنتدى :
عندنا مفيش اكتر من الاوكتافيا و الباسات و الجيتا و الاوبل و المرسيدس بكل انواعه و كذلك البى ام دبليو ..
و فى جاجوار
طبعا القاهره فيها احسن من كده بكتير بس ده لانها العاصمه ...
ارجو انك متحسش انى خدت الموضوع بحساسيه بالعكس انا الموضوع عاجبنى بس حبيت اوضح ان الغربيه و اسيوط و البلاد دى مش فلاحين ولا حاجه ...
ممكن زمان كانو فلاحين بس حاليا لأ ....

[ooso28]

حتي لو كانو فلاحين
عايز اعرف الفلاحين عار اليومين دول
لو كدة يبقي يعتصمو ويبطلو يزرعو ومنلاقيش حاجة ناكولها
وعلي الاقل هما احسن من فئات تانية كتير علي الاقل احسن من النوعية اللي بتعمل بهوات

[ooso28]

علي فكرة العنوان مش حلو
اما بالنسبة للبيحصل اكيد محدش يوافق عليه

[magyver]

سؤال صغير

هو حضرتك عمرك ما خرجت من القاهره قبل كده

واضح انك واخد فكره ان الشرقيه والغربيه والمنوفيه وحتى اسيوط دول فلاحين بس

يعنى مبيعرفوش يلبسوا الا الجلاليب

على فكره لو حضرتك رحت مره الصعيد

وشفت مدخل اسيوط او سوهاج

هتلاقيه احسن بكتير من مدخل القاهره او الاسكندريه

وهتلاقى الناس هناك لابسين كويس جدا

وراكبين عربيات كويسه جدا

ومتعلمين كويس جدا ومحترمين جدا

بس الوحش موجود فى كل مكان

بس فيه ميزه ان الحاجات الوحشه هناك متداريه شويه

يعنى عمرك ما هتشوف بنات لابسين لبس خليع زى ما ممكن تشوف فى القاهره او الاسكندريه الا فيما ندر(هما قله جدا جدا فى القاهره والاسكندريه بس تقريبا معدومين فى بقيه المحافظات)


بالعكس بالنسبه لقانون المرور الجديد

ده مطبق فى المدن الكبيره اكتر بكتير من الاقاليم

يعنى صعب انك تمشى بعربيه مفيمه فى القاهره

بس فى اى مكان تانى ممكن تمشى سنه او اكتر من غير ما تقابل كمين يرخم عليك

وعمار يا مصر

انا معاك في الراي دة

[Rembrandt]

الفلاح هيفضل فلاح هو الكائن الوحيد الى بيتصرف فى اى مكان فى الدنيا كأنة اعد فى الغيط والموضوع مش مرتبط بلتعليم او مستوى اجتماعى لكن هية جزء لا يتجزء من تركيبة الفلاح الامبالا والسزاجة الاجتماعية والراجل مش بيتكلم على الجلاليب هو بيقصد السلوك الشخصى للفلاح
وكلامى لا يشمل جميع الفلاحين بلطبع

[wesam_salom]

الفلاح هيفضل فلاح هو الكائن الوحيد الى بيتصرف فى اى مكان فى الدنيا كأنة اعد فى الغيط والموضوع مش مرتبط بلتعليم او مستوى اجتماعى لكن هية جزء لا يتجزء من تركيبة الفلاح الامبالا والسزاجة الاجتماعية والراجل مش بيتكلم على الجلاليب هو بيقصد السلوك الشخصى للفلاح
وكلامى لا يشمل جميع الفلاحين بلطبع

فعلا

الموضوع مش مرتبط بمكان الاقامه او التعليم او الجلابيه

ممكن تلاقى ناس لابسه عادى وعايشه فى احسن مكان

بس اول ما يتكلم تقول يا ريته فضل ساكت

[Rembrandt]

بس اول ما يتكلم تقول يا ريته فضل ساكت

كلامك مضبوط بس هذا يتوقف على ميين الى يقول ياريتة ساكت
وما قيمة هذا الشخص

[Abdo_Eldesokey]

أنا اعتراضي بس على الموضوع إني مش عارف إيه العلاقة بين الشرقية والمنوفية .. والفلاحين .. والعربيات

فعلا ً فيه ناس عديمة الذوق وبتحط حاجات غير لائقة على عربياتها ... بس ده ملوش أي علاقة بمنشأ الشخص .. الموضوع كله قلة أخلاق ودين

[Rembrandt]

أنا اعتراضي بس على الموضوع إني مش عارف إيه العلاقة بين الشرقية والمنوفية .. والفلاحين .. والعربيات

فعلا ً فيه ناس عديمة الذوق وبتحق حاجات غير لائقة على عربياتها ... بس ده ملوش أي علاقة بمنشأ الشخص .. الموضوع كله قلة أخلاق ودين

اتفق مع حضرتك بس لازم نعرف ان سلوك اى كائن حى ما يشكلة هو البيئة والمجتمع المحيط بية يعنى سلوك اى كائن هو انعكاس حقيقى للمجتمع الى جى منة

[sa3dawy]

يا جماعه الموضوع ده انا كنت متردد اكتب عنه ولا هلاقى الدنيا اتقلبت عليا وفى الاخر قلت هاكتبه وربنا يستر.
الموضوع يا جماعه اننا وعلى الرغم من القانون الجديد ورخامه اللجان والكماين إلا انه برضه فى لسه ناس كتير مصره على استفزاز الواحد بجهلهم
يعنى يا جماعه لما تبقى ماشى فى امان الله وتلاقى واحد مش عارف اقول عليه ايه ماشى قدامك ومفيم الزجاج وعاملها غرفه نوم بتقول معلش تلاقيه مسنود واعمل نفسك مش واخد بالك عشان مراتك ولا بنتك ولا حتى والدتك ما تخدش بالها وهى قاعده جنبك!!!
زاد الموضوع وبقى يركبو ستاير خلفيه عباره عن صور
مره واحد اصلع وعريان ولابس يجى 20 سلسله ومعرفش عامل بايده حركه غريبه!!!!
مره تلاقى واحده تقريبا مش لابسه حاجه!!
وخد على كده كتيير من عبارات هبله مكتوبه على الزجاج
لاستيكارات بإشارات غريبه ملزوقه على الشنطه يعنى بتتشتم لمجرد انك مشيت وراه!!!
اللى زاد وغطى انك لما كنت بتلاقى كده كنت بتقول فى سرك ده لازم عيل من اياهم اللى لو اكل فول يعمل غسيل معده لكن تلاقى اللوح ملاكى شرقيه ومنوفيه وغربيه وحتى اسيوط !!!!!!
ياجدعان داحنا بنقول البركه فى الريف وده لو عندنا فى البلد كنا عملنا فيه وسوينا !!
فاضل ايه تانى؟؟!!!

ياترى وصلت؟؟؟

هو حضرتك تعرف عن الشباب (الى لما بياكل فول بيعمل غسيل معدة ) انهم بيعملوا شغل البلطجة دا على عربياتهم ؟؟ يعنى عمرك شوفت شاب اصلة ثرى ومحترم جدا وراكب اودى تىتى مثلا وحاطط علامة البلاى بوى ؟؟
الكلام دا ميعملهوش غير ادنى طبقة فى المجتمع (فكريا سواء فلاحين او مدنين ) دا يعتبر نوع من انواع النقص ... ليس اكثر ولا اقل

[sa3dawy]

اتفق مع حضرتك بس لازم نعرف ان سلوك اى كائن حى ما يشكلة هو البيئة والمجتمع المحيط بية يعنى سلوك اى كائن هو انعكاس حقيقى للمجتمع الى جى منة

تقصد بالبيئة المحيطة بية الزبالة زى المنوفية والشرقية وكدا ؟؟؟!!!
يعنى مفيش حد من الاماكن دى محترم واهل القاهرة بس هما الى محترمين ؟؟ لا احب اقولك يا اخى دا مش مقياس نهائى وعمرة ما كان مقياس الاخلاق المكان او المحافظة ...

[Rembrandt]

تقصد بالبيئة المحيطة بية الزبالة زى المنوفية والشرقية وكدا ؟؟؟!!!
يعنى مفيش حد من الاماكن دى محترم واهل القاهرة بس هما الى محترمين ؟؟ لا احب اقولك يا اخى دا مش مقياس نهائى وعمرة ما كان مقياس الاخلاق المكان او المحافظة ...

العفو انا لا اقصد هذا بتاتا
حضرتك اسأة فهم كلامى

[mr_kenawy]

لما تبقى ماشى فى امان الله وتلاقى واحد مش عارف اقول عليه ايه ماشى قدامك ومفيم الزجاج وعاملها غرفه نوم بتقول معلش تلاقيه مسنود واعمل نفسك مش واخد بالك عشان مراتك ولا بنتك ولا حتى والدتك ما تخدش بالها وهى قاعده جنبك!!!

ما تاخدش بالها من ايه؟ هو شكل الفيمية بيخدش الحياء و لا ايه؟ عموما الموضوع ما عجبنيش مع الاحترام لصاحبه اللى لو نزل اسيوط اللى مش عاجباه هيغير رأيه تماما لما يشوف اللى البلد وصلت ليه و لما يتعامل مع اهل الصعيد الطيبين اللى مش بيشتموا حد و مش بيتعالوا على حد.