اى احسن عربية تشتريها مستعملة و انت مطمئن ؟؟؟؟؟

[atamim]

السلام عليكم ورحمه الله و بركاته

عارف السؤال صعب بس اوضحة اكتر

فية عربيات تكلفة تصليحها مهما كانت حتكون بسيطة:10D5C8~1107:

فانت بتشترى المستعمل فيها و انت مطمئن لان اكتر حاجة حتدفعها تصليحات مش حتزيد عن الف جنية

و فية عربيات ممكن تشتريها حالتها تعبانه او يا دوب ماسكة نفسها و تشدها بنفسك مش حتكلفك و حتكون مطمئن جدا للشغل الى انت عملته حتقعد العربية وقت طويل قبل ما تطلب اى تصليح؟

حد عندة امثلة و تجارب ؟

انا مثلا عندى البيجو ال 504 لو شدتها حتكون كانها طلعة من المصنع و معظم قطع غيارها بقت رخيصة جدا ماعدا اجزاء العمرة

[tamertamer]

الاكسنت انا عندى واحد صحبى شيع الجزء الامامى كولو دخل فى بوكس شرطة وبعد طلع فوق رصيف وبعد كدة دخل فى شجرة كسرها ونزل من فوق الرصيف عند جمعت الازهر تخيل دفع كام فى الاخر 500 جنية ثمن كل شىء قفلت الف بالرش والمصنعية او اقل 800

[silver_som3a]

لو سمحت هو صاحبك دخل فى بوكس شرطة وبعد طلع فوق رصيف وبعد كدة دخل فى شجرة كسرها ونزل من فوق الرصيف عند جمعت الازهر...و دفع 500 جنيه؟

[tamertamer]

تمام ياباشا هو دة تقريبا الرقم انا سدقنى زيك مزهول انزل اسال على قطع غيرها وانت تعرف انا بتكلم كدة لية اولا هو صلح الكبوت وجاب الرفرف ب50 جنية والكسدام 90 جنية واستعدل الشسية بالزرجينةوالفنوس 45 جنية وجاب دشمة شمال بالطنبير بكل حاجة 150 جنية وجاب جنط بكوتش 150وجاب مراية شمال 25
المجموع 150+150+45+90+50+25=510
اما بما يخص الرش ومصنعيت الناس فكملت حوالى 500 يعنى حدثة زى دية عندى ولا 5 عشان ترجع

[HANGMAN]

انصحك ب كيا بريد الكورى

[KHALED AYMAN]

انا عمرى ما اشترى عربيه و انا مطمن بس لو هحاول اطمن نفسى ..
هتبقى فيات 126 (مع احترامى للعربيه و مالكيها بس بجد و الله انا بحب العربيه دى جدا و فى واحد صاحبى عندهم واحده جايبينها من و هى زيرو و بمووووووووت فيها )...

[magyver]

لية وجاب الرفرف ب50 جنية

ازااااااي ؟؟؟؟؟؟؟؟؟؟؟؟؟
دة رفرف ال128 ب90 جنية

[i_Am_Legend]

طبعا 127 ايطالى وبس اوعى وشك اشتريها حقيرة واصرف عليها بيبان فيها كل حاجة وانسى عربية تستاهل بجد وطز فى ال128 والفيوراااااااااااااااااااا

[amrico]

سوزوكي سويفت
استهلاك بنزين جميل جدا
عربية شكلها مابيقدمش

[أشرف فتحى]

موتور الاكسيل كامل 1500 سى سى بلفتيس 6 غيار ب 1700 جنيه ومن بورسعيد ب 1300 وده بدون كمبريسور التكييف ولا ماكينه الباور

[kliken]

اكسنت عربيه شكل حلو و قطع غيار ببلاش و تكييف حلو كمان

[maka]

127 128 132 131 ريجاتا تمبرا
اكسيل اكسنت فيرنا
لانوس نوبيرا
لادا

[eg_falcon]

الاكسنت انا عندى واحد صحبى شيع الجزء الامامى كولو دخل فى بوكس شرطة وبعد طلع فوق رصيف وبعد كدة دخل فى شجرة كسرها ونزل من فوق الرصيف عند جمعت الازهر تخيل دفع كام فى الاخر 500 جنية ثمن كل شىء قفلت الف بالرش والمصنعية او اقل 800

لو سمحت هو صاحبك دخل فى بوكس شرطة وبعد طلع فوق رصيف وبعد كدة دخل فى شجرة كسرها ونزل من فوق الرصيف عند جمعت الازهر...و دفع 500 جنيه؟

رجل المستحيل بتاع نبيل فاروق اثر في المصريين اخر حاجة

[tamertamer]

رجل المستحيل بتاع نبيل فاروق اثر في المصريين اخر حاجة

انزل اسال لو مش مسدق انت تقصد اة بكلامك دة

[himatros]

504 is the best