مفأجاة 15 مارس - هى زيادة أسعار السيارات !!!

[A.Saad]

الاخ سامح قال ان فيه مفأجاة يوم 15 مارس
المفاجأة هى


زيادة أسعار هيونداى
I10 زادت 1500 والالنترا برده زادت
طبعا احنا كلنا هنقول خليها تصدى
بس احنا كدة شبه جامعة الدول العربية
لا عايزين فعل ايجابى

يعنى نتصل ب 16661 مبيعات العالم ............ بتوع هيونداى ونسأل على السعر ونقوله
خليها تصدى
وكمان ممكن نكلم كأننا شركة أدوية ولاتاجير واتفاجئنا بالزيادة وكنا عايزين كمية عربيات للموظفين او للشركة
وكمان ايميلات تنزل على نصبور ( غبور ) وهيونداى كوريا
وان مش شاريين
ده كدا ابلاغ للرسالة

طبعا هتلاقى جرناننجى نصاب ييجى فى اهرام السيارات ولا الاخبار يقوللك
اصل الطلب زاد
الدولار زاد
الخ الخ الخ

[TaoTao]

دي خدعة قديمة من أيام أمنمحات الرابع، لا العربيات اللي نزل عليها عرض اتباعت ولا الطلب زاد، الخدعة باختصار تخفيض فجائي في السعر وبعدين يرتفع الناس تتخض وتجري تشتري.. الخدعة دي نجحت في الأربعتلاف سنة اللي فاتت عاوزينها تفشل السنة دي

الآتوس سعرها 54000؟!!!! خلوها تعفن

[abdelmessih67]

الاخ الفاضل اسعد

ما حدث كنت اتوقعه لعدة اسباب اهمها أثنان

الاول : قانون تجديد التاكسيات القديمة و تخريده بخمسة آلاف جنيه و استبدالها بالجديد من هيونداي و شيفروليه
أعطى دفعة كبيرة لتجار و مصنعي السيارت جعلتهم يتراجعون ( الي حين ) في موضوع التخفيضات .

الثاني : نزول الرينو لوجان بسعر مقارب لاسعار اللانوس و الفيرنا ( حوالي 63 الف للكاملة مانيوال و 67 للكاملة أوتوماتيك و 56 الف للعادة بدون كماليات )
جعل باقي التجار لا يقلقون من سحب البساط من تحت أقدامهم بواسطتها .

لو عايز رأيي الشخصي , الحل في مزيد من الصبر حتى نقترب من شهر 9 ساعة حجز موديلات 2010 و ساعتها هنشوف هيعملوا ايه في موديلات 2008 و 2009 المركونة .

[Abo_Lina]

على ما يبدو دي بداية حملة ''خليها تغلى و سعرها يعلى'' الي أنشأها التجار للرد على ''خليها تصدي و موديلها يعدي''

[midnightman_74]

لو عايز رأيي الشخصي , الحل في مزيد من الصبر حتى نقترب من شهر 9 ساعة حجز موديلات 2010 و ساعتها هنشوف هيعملوا ايه في موديلات 2008 و 2009 المركونة .

هو دة الحل

[sasatony]

احنا اساسا مش بنتفق علي حاجة
واغلب الناس هتنزل تشتري خوفا من ارتفاع الاسعار

[A. Ibrahim]

ده مش خلوها تصدي بس

ده كمان خلوهم ينتحروا

[د.محمد]

الحركة دي معمولة عشان لما يعملوا تخفيضات تانية نجري ونشتري قال ايه عشان نلحق قبل ما تغلي
بيخوفونا وبيجبرونا نشتري في فترة التخفيض
والغريب ان وكلاء السيارات بيكتكلموا عن حالة افلاس وتعثر مش عارف الناس دول ايه بالظبط جشع غريب
بس تامشكلة اننا اللي نستاهل احنا اللي خليناهم كده قالوا لفرعون ايه اللي فرعنك قال ملقيتش حد يردنى؟؟؟؟؟ ما هو كنا ايجابيين كان زمانا بنشوف عروض دلوقتي زي اللي بتحصل بره.

[mab]

والله الواحد دماغه باظت
يعنى احنا مستنين الاسعار تنزل اكتر
يقوموا همه مغلين تانى
البلد دى رايحة على فيييييييييييييييييييييييييييين؟؟؟؟؟؟؟؟؟؟؟

[eng.octooo]

دى حملة رخصها وبيعها وغليها بس برضة مش هاياثر هههههههههههههههههه

[Hacker5]

خلوها تصدى و موديلها يعدى

حسبى الله و نعم الوكيل فيكم يا حرامية

[Hosam_Optrawy]

ياجماعه ماهى دى حاجه كانت متوقعه
انا متفاجئتش الصراحه

[mida11]

يا جماعه ببساطه زاي با بقيه الاعضاء قالو هي حركه بسيطه من مدير تسويق فاكر نفسو ناصح وبيتعامل مع الناس علي انهم اغبيه عروض عروض وبعدين يقول في طغط علي المبيعات فالاسعار زادات والناس تجري تلحق تشتري قبل ما تزيد عن كده
لكن هو ميعرفش ان خلاص الدنيا كلها عرفت الحقيقه وشفتهم علي حققتهم يعني اول الازمه لما يجيبو تجار العربيات ويقولك الاسعار هتزيد علشان وعلشان والكلام الي الناس كلها سمعته ويجي من ناحيه تانيه تلاقي التجار ليل مع نهار اعلانات في الرديو والتلفزيون والفضائيات حتي تشرات لعيبه الكوره مسبهاش كل الفلوس الي بتدفعوها للاعلانات دي وتامين مجاني ومش عارف الرخصه مجاني كل دا لو كان نزل في صوره تخفيض كانت الناس هتشتري ويبقي فيه حركه بيع وشراء لكن هما لا عايزين يكسبو بدل الضعف ضعفين وتلاته كمان لو امكن لو واحد فيهم بص شويه بس علي البيحصل هيفهم ان الناس عندهم وعي وشيفين الي بيحصل هنا وبره بعد الازمه ب 3 شهور كيا اجرت كل مراكز الصيانه لي غبور وسرحت ناس كتير جدا انا ابن عمتي شغال محاسب في فرع المعادي وكلام من لسانه الاسعار هتنزل الارض وكل دي محولات علشان يبيعو الي عندهم ويستوردو بالرخيص
شركه رينو بيقول انو هيبع اللوجان الروماني بسعر المغربي الزاي طيب امال كنت بتباعها كل الوقت الي فات دا ب80 ووزياده علي اساس ايه والي بجمارك زاي الي من غير جمارك
نصبر لغايه شهر 9 بالظبط الشركات هتغط علي التوكيلات عندنا انها تاخد موديلات 2010 طبعا هيرفضو هيغطو زياده لو مخدهمش هيتسحب منو التوكيل ويروح لي واحد تاني ياخد بالسعر الرخيص وهيبيع الي عندو بقي موديلات 2008 و 2009 يشربها مش هيلاقي حل غير انو ينزل الاسعار غير الجمارك الي هتنزل 10% وخالي بقي الي ميشتري يتفرج والشعب يهيس ويركب عربيات والشباب يعيش بدل بهدله الموصلات
خلوها تصدي وموديلها يعدي

[ibrahimsaad]

انا مع الانتظار وعدم اعطاء فرصه للصوص السيارات ومصاصى الدماء

[karimone]

سألت امبارح علي الالنترا عند غبور الراجل قالي المانيوال و الاوتوماتيك لسه زايدين انهارده الف جنيه و هاتزيد تاني...

كنت عايز أأقوله كلمه وحشه بس هو كان محترم بس فعلاً كان لازم أأقوله خليها تصدي...