مجرد رأي؟

[FASTER]

أنا ليا رأي شخصي في موديلات السيارات علي أساس جيل الانتاج وفي وجهة نظري الشخصية أنا باقسمها أبتداء من الثمانينات حتي وقتنا الحالي وأنا شايف أن موديلات الثمانينات كانت عربيات قوية ومتينة لكنها كانت بتفتقر للرفاهية الا في أنواع محدودة كالمرسيدس والبي أم نيجي للتسعينات واللي أنا شايف أن ده كان أفضل جيل للسيارات لأنه كان بيتمتع بالقوة ولكن بشكل أقل من الثمانينات والأنسيابية في الشكل والسرعة الملحوظة وأستهلاك بنزين أقل ودقة في الصنع ورفاهية أما بعد سنة 2000 أنا شايف أن الموديلات كلها بقت شبه بعضها من حيث الشكل كتير أوي من الماركات بتقلد بعض بالأضافة للصاج اللي بقي مش صاج أصلا للدرجة أنه وصل في أنواع كتير أنه تم أستبداله بفيبر زي الميجان كدة بالأضافة أني شايف أنها بقت ضخمة عالفاضي (صاج متنفخ) منكرش أن شكله جميل بس مفيش متانة نهائي وباثبت كلامي ده عند تعرض أي عربية موديلات 2000 فيما فوق لحادث لا قدر اللة تعالوا نتفرج عليها ونشوف كم الدمار اللي بيحصل فيها بالأضافة للثبات علي الطريق اللي بقي تقريبا ضعيف جدا باستثناء بعض الماركات المحترمة و تعالوا نشوف أحصائيات الحوادث أو المنظر علي أي طريق سفر هانلاقي معظم الحوادث عربيات زيرو وده راجع لأن السادة مصنعي السيارات عمالين يقللوا في وزن العربية علشان السحب والسرعة علي حساب عامل الأمانة والثبات وفي ملاحظة بسيطة ليا تعالوا نشوف ثبات أسعار سيارات التسعينات أو الثمانينات هانلاقيها مرتفعة مقارنة لأسعار السيارات ما بعد 2000 واللي سعرها بينزل بشكل رهيب خلاصة القول أنا بافضل موديلات التسعينات وعن تجربة.وزي ماقلت في بداية الموضوع ده مجرد رأي شخصي بحت

[محمد ابراهيم 1]

هذا الرأى جدير بالاحترام لكنى أختلف معك فى الرأى كليا و أرى العكس للأسباب الآتيه ه ملىء
1- لا توجد علاقه بين الوزن والثبات
2- موديلات ما بعد 2000 أكثر أمانا من ذى قبل
3- لا توجد علاقه بين متانه الصاج وأمان الركاب
4- فين الاحصائيات اللى بتقول هذا الكلام ؟؟؟؟
5- سيارات ما بعد 2000 شهدت تطورا ملحوظا فى مستوى الامان واصبحت تجد التجهيزات الخطيره مثل ABS EBD AIR BAG وغيرها تستخدم فى السيارات الرخيصه والتى لا يتعدى سعرها 90 أو 100 ألف جنيه

[Ahmed Anwer]

اتفق مع هذا الرأي إن عربيات التسعينات أفضل
و اختلف بس إني منصحش أي حد يركب عربية قديمة
هات جديدة حتي لو عمرها أقصر و غير

[FASTER]

يعني أنا زي ماقلت في كلامي أن ده رأيي الشخصي بس فعلا كلام ديدو واقعي ويستحق الأحترام ولو أني زي ماقلت في علاقة كبيرة طبعا بين وزن العربية وثباتها وكذلك متانة الصاج وأمان الركاب بس أنا بنيت رأيي ده علي أساس أن معظم العربيات اللي سابت بصمة مع الناس كان أغلبها تسعينات زي الكورولا 94 والسيفيك94 واللانسر الكريستالة 98و99 والبي أم كذلك وعلي المستوي الشخصي أنا عربيتي سيلو 95 شايف أنها أفضل بمراحل من اللانوس أو النوبيرا وعن تجربة لأني كان معايا لانوس

[ابوحميد]

ديدو كتب

لا توجد علاقه بين الوزن والثبات

ازاى يعنى انت اكيد تقصد ان فيه عربيات خفيفة لكن ثابتة عشان معمولة بمراعاة ديناميكية الهوا فبتكون ثابتة
لكن الحقيقة ان كل ما زاد الوزن زاد الثبات ( علاقة طردية بدليل العربيات المرسيدس البى ام القديمة مكلبشة فى الارض ) طبعا انا معاك ان لو عربية وزنها كبير لكن عالية عن الارض بتبقى مش ثابتة

[PRO-DRIVE]

^^^^^ اسؤا ثبات ممكن تلاقيه حتلاقيه في الsuv و وزنها اكتر بأضعاف من بجاني زوندا مثلا او GT3 وزنها خفيف جدددداااا و تعتبر من اثبت سيارات العالم اخف من يارس بمراحل :mrgreen:

[ابوحميد]

ما هوا دا اللى قصدى عليه يا ا/تربو
وزن بدون شكل يساعد ديناميكية الهوا على ثبات العربية ميعملش حاجة

لكن الوزن بيساعد برده
ولا انا غلطان

[عزوز]

انا بعشق موديلات التسعينات بالذات فى الجولف والسيفيك

[Ahmed Hassan]

يعني أنا زي ماقلت في كلامي أن ده رأيي الشخصي بس فعلا كلام ديدو واقعي ويستحق الأحترام ولو أني زي ماقلت في علاقة كبيرة طبعا بين وزن العربية وثباتها وكذلك متانة الصاج وأمان الركاب بس أنا بنيت رأيي ده علي أساس أن معظم العربيات اللي سابت بصمة مع الناس كان أغلبها تسعينات زي الكورولا 94 والسيفيك94 واللانسر الكريستالة 98و99 والبي أم كذلك وعلي المستوي الشخصي أنا عربيتي سيلو 95 شايف أنها أفضل بمراحل من اللانوس أو النوبيرا وعن تجربة لأني كان معايا لانوس

انا معاك ان العربيات دي سابت بصمه عند الناس.. بس السبب مش بس كفائه العربيات دي... و لكن ان العربيات دي –من وجهة نظري الشخصيه- كانت بدايه مرحله جديده في شكل العربيات و محركاتها.

السليو عاجباك اكتر من الانوس و النوبيرا لأن عربيتك تقفيل كوري... و اللانوس و النوبيرا مصري.. جربهم كوري و هتلاقيهم في نفس مستوى السليو

[FASTER]

كلام منطقي يا أستاذ أحمد

[mina_ramsis]

اختلف معاك فى نقطة ان اغلب العربيا تاللى بشوفها عاملة حوادث هى 128 مش عربيات جديده

[FASTER]

بس الزيرو لما بيعمل حادثة مبينفعش تاني لأن الصاج بتاعه بيتبهدل بخلاف القديم

[Ahmed Anwer]

و القديم برده مبينفعش

[eng_amrazek]

انا متفق معاك زى ما قال الاستاذ/احمد ان عربيات التسعينات سابت بصمة عند الناس بي مختلف معاك كليا فى موضوع الامان لان وجهة نظرى ان العربيات الجدية فيها امكانيات امان اكتر زى ما dido باشا قال