أزاى سرقوها؟؟!!!!

[mtageldeen]

لا حول ولا قوة إلا بالله

أنا عندي جزء من حل اللغز.

بالنسبة للإنذار:

لو العربية راكنة بجانب عمود نور ممكن الحرامي بياخد وصلة ويلمسها بجسم العربية بشكل ما وبهذه الطريقة يبطل عمل الإنذار.

المصدر: حرامي كان محبوس بقسم السلام (أنا بتكلم بجد ومبهزرش)

موضوع تدوير العربية تفكرو فيه :)

[أشرف فتحى]

It's so damn easy to bypass fingerprint checker :)

إزاى بقى؟؟؟!!!!
ياريت تفيدنا بالمعلومه دى بس ياريت عربى عشان انا شخصيا لما بلاقى المشاركه بلغه غير العربى مش عارف ليه بتجاهلها

[أشرف فتحى]

لا حول ولا قوة إلا بالله

أنا عندي جزء من حل اللغز.

بالنسبة للإنذار:

لو العربية راكنة بجانب عمود نور ممكن الحرامي بياخد وصلة ويلمسها بجسم العربية بشكل ما وبهذه الطريقة يبطل عمل الإنذار.


المصدر: حرامي كان محبوس بقسم السلام (أنا بتكلم بجد ومبهزرش)

موضوع تدوير العربية تفكرو فيه :)

هى فعلا كانت جنب عمود نور على سور الجنينه بتاعه البيت اللى ركن جنبه

[mtageldeen]

هى فعلا كانت جنب عمود نور على سور الجنينه بتاعه البيت اللى ركن جنبه

إذاً الحرامي كان بيتكلم جد

"صدقك وهو كذوب"

[fars777]

لو الحرامي هو المالك القديم أو أخد المفتاح من المالك القديم يقدر يفنحها بمفتاحها من غير الإنذار ما بشتغل أما العصاية فممكن تتقص عادي بمقص حديد..لاحظوا انه بمجرد ما دخل العربية محدش حيشك فيه وهيبقى عنده وقت يقطع العصاية براحته..

أو ان صاحب العربية بما ان ذاكرنه ضعيفه كده وناسي هو كان راكن العربية فين ممكن يكون نسى كمان يقفلها بعد ما نزل متها...يعني لازم تكون ظروف العربية فيها حاجه مغرية بالسرقة أو حد عارفها لأن النوع ده ( السيات) الطلب عليه قليل خالص..

[magyver]

انا عامل عندي زرار جوة العربية مس مستخبي بيفصل الموبينة وابقي قابلني بقي لو دور العربية

[أشرف فتحى]

انا عامل عندي زرار جوة العربية مس مستخبي بيفصل الموبينة وابقي قابلني بقي لو دور العربية

الزرار ده مشهور قوى ومفيد فعلا فى ان الحرامى بيتلبخ ومش بيبقى عاوز يضيع وقت على بال ما يعرف مكانه فين طبعا لان الحرامى جبان جدا
كلفك كام يا باشا وجبت نوعه ايه؟؟

[magyver]

الزرار ده مشهور قوى ومفيد فعلا فى ان الحرامى بيتلبخ ومش بيبقى عاوز يضيع وقت على بال ما يعرف مكانه فين طبعا لان الحرامى جبان جدا
كلفك كام يا باشا وجبت نوعه ايه؟؟

هو مش مكلف ولا حااااجة زراار بس
والعملية بتخلص وتعملة بقي في مكان غريب

[ahmad5997]

مش عارف انا عندي احساس انه ركن في حتة ونسي
كان الله في عونه فعلا

[MoMohsen]

بص يا اشرف باشا انا ساكن فى نفس المكان اللى هو عماير الظباط عند قاعة المؤتمرات و الرأى الوحيد المقنع هناك هو ان المنطقة هنا فيها اماكن فيها قلق كتير يعنى قاعة المؤتمرات و ارض المعارض او مبنى امن الدولة ومسجد القوات المسلحة و غيرة ياما .دة غير بقى لو ظابط ماسك مكان تقيل شوية .من الاخر كدة انا حصل حوار قريب من دة مع واحد جارى كان بردة راكن عربيتة و رجع ملقهاش و بعد تدوير عرفنا ان كان فية حد من الناس التقيله معدى رايح قاعة المؤتمرات و هما فضوا الشارع بونش بتاع شرطة عسكريه ودة بيرمى العربيه فى اى حتى فاضية جوا المساكن المهم انو يفضى الشارع .و لقينا العربية بس بعد ما لفينا اكتر من ساعة بندور عليها.

[r0xer]

إزاى بقى؟؟؟!!!!
ياريت تفيدنا بالمعلومه دى بس ياريت عربى عشان انا شخصيا لما بلاقى المشاركه بلغه غير العربى مش عارف ليه بتجاهلها

معلش كسلت اقلبه عربي!

الطريقة مش private ولاحاجة...لكن فعلا مش من الصح اني اقولها على العام كدا...وعموما اي بصمجي يقدر يعملها بمجرد انه يقابل الزبون مرة واحدة ويسلم عليه!

[lancerevolution]

العربية دى ما إتسرقتش و لا صاحبها نسى هو راكنها
كان فى سفينه فضائية جت فى المنطقة و سجبت العربية و مسحت ذاكرة :k39: الناس الى موجودين هناك

[زهير فكري]

انا شاكك بنسبه كبيره في الكهربائي , انت عارفه كويس ؟ و كنت بتسيب العربيه عنده فترات طويله ؟ حاول تحدد دائره الشك ,و تعمل تحريات عن المالك القديم او المالكين السابقين . ربنا معاك

[أشرف فتحى]

العربية دى ما إتسرقتش و لا صاحبها نسى هو راكنها
كان فى سفينه فضائية جت فى المنطقة و سجبت العربية و مسحت ذاكرة :k39: الناس الى موجودين هناك

تصدق ممكن
ده على اساس اننا لسه مخلصين حلقه X-FILES

[أشرف فتحى]

انا شاكك بنسبه كبيره في الكهربائي , انت عارفه كويس ؟ و كنت بتسيب العربيه عنده فترات طويله ؟ حاول تحدد دائره الشك ,و تعمل تحريات عن المالك القديم او المالكين السابقين . ربنا معاك

العربيه مش من العربيات المغريه للسرقه اساسا
سيات توليدو