فكره لمنع سرقة السيارة

[NoRmAl]

اولا الGPS ممنوع فى مصر علشان الجيش و كده
بيقولو قال بيأثر على اجهزه اخرى خاصه بالجيش!!!!!
لكن زى ما قولت هو بيستخدم حاليا فى اجهزه مساحيه كتير بس لازم ترخيص..
طبعا لازم يكون فى انترنت شبكه لانه هو الى بيعمل لوك على الGPS من خلال الستلايت
فى ناس بتقول ممكن نت عادى بس مجربتش الحقيقه...
بنسبه كبيره الGPS الخاص بالاجهزه المساحيه ممكن يؤدى الغرض بكفائه عاليه باضافات بسيطه هيقدر يحدد مكان العربيه بدقه متناهيه...

[fady911x]

احب اوضحلكم شويه حجات عن GPS
حسب معرفتي المتواضعه عنه ف ال GPS ده شبكه اقمار صناعيه بتغطي العالم بيديرها الجيش الاميركي وفاتحينها للاستخدام المدني بس بشرط سرعتك وارتفاعك متبقاش شبيهه بسرعه الصورايخ عابره القارات عشان متستخدمهاش في اغراض عسكريه

فبالتالي الGPS مبدأيا مش محتاج ولا اشتراك ولا ترخيص استخدام ولا حتي بيتعارض مع اي اجهزه ولا يشوش علي اي اجهزه و اللي يقولك غير كده يبقي بيفكس

http://en.wikipedia.org/wiki/Global_Positioning_System

حاجه تانيه
ال GPS مش بيبعتلك الخريطه هو بيبعتلك احداثياتك علي الخريطه دي فعشان كده في موبايلات عليها ال GPS بتحتاج تنزل الخريطه من علي النت لأنه بيبقي حجمها اكبر بكتير من ذاكره الموبايل ولو هي صوره ستالايت فهي كمان اكبر بكتييييييييييير اوي من ذاكره اي كمبيوتر عشان كده انا بقول اننا هنستخدم google earth

فموضوع انه الGPS ممنوع في مصرفهو مش بمزاجهم ده بس نوع من انواع البيروقراطيه و مع ذلك ميقدروش يمنعو غير استيراد الاجهزه اللي بتستخدم دايره ال GPS لكن ميقدروش يمنعو الاقمار الصناعيه من انها تبث الموجه بتاعتها و تغطي المنطقه بتاعتنا

وعلي فكره علي سبيل المثال كل شركات المحمول بتستخدم ال GPS في شبكه ال GSM بتاعتها لكل antena عندهم وده مش عشان تحديد المكان لكن عشان الاقمار الصناعيه بتاعت ال GPS بتبقي مزوده بساعه دقيقه جدا بيستخدموها في حسابات خاصه بيهم لتنظيم المكالمات

http://en.wikipedia.org/wiki/Global_Positioning_System#Civilian

نهايه الكلام الفكره مش مستحيل ولا حاجه ومش خيال علمي هي بس صعبه شويه و عايزه ناس فاهمه
عشان كده محتاج مهندس الكترونيات

[fady911x]

و ادي شركه موتورولا منزله الشريحه اللي بقول عليها للاستخدام في اجهزه تانيه بعشره دولار يامواطن

http://news.cnet.com/2100-1040-959085.html

[NoRmAl]

لأ طبعا مين قال انها مستحيله
انا شخصيا شايفها سهله اساسا :)
بس المشكله يا استاذ فادى ان كل الكلام الى انت قولته عن الGPS مبيدخلش دماغ الناس عندنا فكرينه قنبله نوويه و بتخدهم العزه بالاثم وان قلت لحد فيهم تعالى افهمك يعنى ايه GPS وانه ملوش اى اضرار هيقلك على اساس انى مش فاهم...
مشكلتك الحقيقيه اذا عايز تطبق الفكره هى اجرائات ليس الا
لكن دواير و تكنولجى و كده مش مشكله خالص...
زى متقول كده تعقيدات التكنولجى ليها حل انما دماغ المسؤلين فى مصر زى الهيروغليفى قبل حجر رشيد...تعامل

[M.Mokhtar]

تعالو نتكلم شوية عن ال GPS

الجى بى اس عباره عن 24 قمر بيغطوا الكره الارضيه كلها



وكل قمر بيبعت الاحداثيات اللى شايفك فيها
وهى بتتبعت لكل الناس (يعنى مفيش دوله تقدر تمنعها او تسيطر عليها)
فى الاول كانت المعلومات اللى بتتبعت دى مشفره لصالح الجيس الامريكى فقط
بس لوجود استخدمات كتير للموضوع ده تم فك شفرة المعلومات بس مش كلها

الاول عشان نفهم لازم نعرف ان عشان تجيب موقعك بدقه كبيره (الخطأ حوالى 10 متر) لازم على الاقل تستقبل معلومات عن مكانك من 3 اقمار مختلفه

وعشان تعرف ارتفاعك بالظبط كام بخطأ بسيط (تفرق فى انه يقولك انت فوق الكوبرى ولا تحت الكوبرى) لازم قمر رابع

وعشان تبقى عارف الموقع والارتفاع والسرعه والاتجاه والكلام ده كله
المفروض كل بلد بتحط حاجة زى برج شبكات المحمول
بيبقى عارف نسبة الخطأ قد ايه وبيبعت اشاره زيه زى ال GPS والمستقبل بيقرأ الجى بى اس ويصلحها على حسب الارقام اللى مبعوته من برج ال GPS (وده اسمه differential gps)
وده مش موجود فى مصر

دى فكره مبسطه جدا عن ال GPS
يعنى اى جهاز فى GPS receiver هيستقبل المعلومات دى عادى جدا
وعشان يعرضها هيحتاج خريطه يعرض عليها
يبقى كده محتاجين خريطه على الجهاز وده اللى بيعمله جوجل وشركات تانيه
وعشان تحمل منطقه معينه على الجهاز بتستخدم شبكه المحمول او الانترنت

يعنى الخريطه ملهاش علاقه بال GPS
هم بيكملوا بعض فقط عشان المعلومات تبقى بصوره مرئية للمستخدم مش مجرد ارقام

واى حد عنده جى بى اس فى الموبيل بتاعه هيلاقيه شغال عادى فى مصر

نيجى بقى بالنسبة للحكومه
ال GPS Receiver نفسه هو اللى ممنوع
يعنى الشريحه نفسها مش هتدخل من الجمارك حتى لو لوحدها (الا لو تهريب يعنى)

وفكره الحكومه انك ممكن تعملالجهاز اللى احنا عايزين نعمله فى الموضوع ده وتحطه فى عربيه او حتى جاكت (فى اجهزة زى دى فى حجم الدبوس) شخصيه اى حد من المهمين
وبكده تعرف مكان سيره بالظبط وسرعته ومكانه حاليا وراح فين امبارح وجاى منين انهارده وكده
طبعا فكر عقيم بس هنعمل ايه

فكره بقى الموضوع دى جميله جدا
ومش مستحيله وسهله جدا

واسهل طريقه ليها
لو عندك جهاز فى جى بى اس زى الايفون مثلا بتاعى

فى برامج بتخزن طريقك بالظبط وسرعتك واقصى سرعه ومتوسط السرعه ووقفت فين وبدأت منين وانتهيت فين وكل المعلومات بتاعت الرحله
وممكن تحولك التفاصيل دى كلها لملف ممكن تبعته عن طريق الايميل

يبقى كل اللى احنا محتاجينه بجانب الموبيل
مجرد برنامج مجرد ما يستقبل missed من رقم معين يقوم بتشغيل البرنامج بتاع ال GPS وياخد ال output بتاعه كل دقيقه مثلا ويبعتها على الايميل اللى متظبط فى البرنامج وطبعا هيستخدم شبكة الموبيل و ال 3G والكلام اللى احنا فاهمينه

واعتقد فى برامج موجوده اصلا للايفون فيها الموضوع ده بس مشكلتها انك لازم تشغلها بنفسك ومش ينفع تسيبها شغاله فى الخلفيه

احنا بس عاوزين نزود خاصيه ان البرنامج يشتغل مع مكالمه من رقم معين ويبدأ هو يبعت لوحده بعد كده

واغلب مشاريع التخرج فى هندسه كانت كده
بتعتمد على pocket pc او سمارت فون عشان تستقبل وتبعت

لكن تعمل انت دايره تقرأ من شريحه ال GPS
ودايره تانيه تبعت المعلومات دى على شبكه المحمول
يبقى انت كده بتعمل موبيل تقريبا عشان يعرف يتصل بالشبكه اولا
ثانيا عشان يعرف يبعت ويستقبل معلومات

[fady911x]

هو انا الصراحه لما فكرت فيها لقيت اننا لو عملناها سوفت وير علي الموبايل هيبقي خساره اوي و صعب جدا علي مالك العربيه انه يرمي موبايل بالشكل ده غالي و مكلف في شنطه العربيه مثلا و يسيبه علي طول عشان تتبع العربيه في حاله السرقه

لكن لما حسبتها من الناحيه الاقتصاديه لقيت انه شريحه ال GPS تمنها حوالي 40 دولار بره مصر و في الشريحه متركبه مع الاantena بحوالي 80 دولار ولو جبنا microprocessor صغير الموضوع مش هيكلف كتير و هيبقي ارخص بكتير من ال IPhone مثلا

الفكره بقي اننا مش هنعمل موبايل GSM ولا حاجه
لأ انا بس لاحظت من فتره انه مثلا شركات زي فودافون و اتصالات عاملين خط نت بتتصل بالشركه من خلال شريحه الخط و هي متركبه في مودم usb صغير اد الفلاش ميموري
المودم فيه كل حاجه عشان يتصل بالنتورك بتاعت ال GSM و انت جهازك يدوب يقري من port ال usb و يبعت مكان العربيه كل دقيقه مثلا علي النت للموقع اللي هيسجل اخر مكان للعربيه

اما لو الفكره دي منفعتش اذا مفيش قدامنا غير الطريقه التقليديه باستخدام موبايل قديم او GSM module مثلا و دي طريقه عملها منتشره علي النت
زي دي مثلا

http://tinkerlog.com/2007/07/13/interfacing-an-avr-controller-to-a-gps-mobile-phone/

[M.Mokhtar]

اكيد كلامك من الناحيه الاقتصادية سليم 100%
بس هيحتاج شغل اكتر

وهيحتاج حاجات مش متوفره عندنا
ومش بسهوله هتعرف تجيبها من بره

بس الموضوع يتعمل عادى
ولو ناوى انا معاك ان شاء الله

[tamohsen]

مهتم جدا ومتابع برغم عدم فهمي لكل التفاصيل

أعتقد ان حتي لو التكلفه الثابته للأجهزه في حدود 1000 جنيه ده مش مبلغ كبير لحمايه عربيتك من السرقه مدي الحياه
بشرط ان Running cost بتاعته متكونش غاليه يعني 10 جنيه مثلا في الشهر بفرض الاعتماد علي إرسال رسائل عن طريق شركات الإتصالات

[meemo the beast]

انا مليش اوي في التفاصيل التقنيه بتاعت الفكره
بس كنت عايز اقولك يا فادي ""أوعى تقلل من افكارك وتقول على سبيل التسليه. الفكره حلوه وخدها بجديه وشوف اللي عايز يتعمل من اول التطبيق الفني للفكره وحتــــــــــــــــــــــى التصاريح لو ينفع""
وبالتوفيق

أنا أؤيدك و لي نفس ظروفك من ناحية عدم الدراية التقنية و لكني مستخدم جيد للكمبيونر فلو فيه أي حاجة أساعد فيها أنا تحت أمركم

[ahmad5997]

متابع بأهتمام

[karimone]

مهتم و متابع...

و شكراً لكل الناس اللي اضافت للموضوع...

[Qamar]

تحية كبيرة للدماغ الشغالة و الطموح و التفاؤل. و لو الموضوع مستحيل لازم شوية مؤاوحة لحد ما ربنا يأذن. كثير من المتاح كان مستحيل كفكرة

[Michael_Lanos]

احييك على الفكره وانا سمعت عن شركه نقل صاحبها شارى سيستم من بره ومدخله مصر فى عربياته بيتابعهوم بيها متر بمتر

[دينا أبوالعلا]

بتابع باهتمام عاجبني الموضوع قوي
طب سؤال يا محمد يعني كده ال i phone بتاعك شغال عادي gps طب هل الخريطه متاحه ؟

[powerofhelll]

ربنا يوفقكم يا رجاله