إعـــــــلان

Collapse

.

,
See more
See less

**كيف تسرق سياره امام الناس كلها ***تجربه شخصيه***

Collapse
X
 
  • Filter
  • الوقت
  • Show
Clear All
new posts

  • **كيف تسرق سياره امام الناس كلها ***تجربه شخصيه***

    أيوة العنوان صح!
    ومستغرب لغايه دلوقتى من اللى حصل!!
    اللى حصل كالتالى:_
    أثناء أنتظارى لشخص بمنطقه عمارات الضباط بإمتداد رمسيس والمنطقه دى للى ميعرفهاش عباره عن مجموعه عمارات ما بين قاعه المؤتمرات ومسجد ال رشدان والاوتوستراد وامتداد رمسيس فيها هيئات ومصالح حكوميه زى وزاره الماليه ومصلحه الجمارك وأمن الدوله والجيش وحاجات زى كده!
    زياده على كده كل عماره فيها بواب والمنطقه مؤمنه بالتعاقد مع شركه أمن مخصصه فرد أمن لكل عماره على مدار ال 24 ساعه ومجموعه افراد لزوم النظافه وشئون البيئه زى ما بيقولوا(كير سيرفيس)...ماشى!
    جيت انا وانا قاعد فى عربيتى لاقيت الأذان بيأذن قمت قفلت الزجاج والمسوجر بتاع الباب وأممنت على ابواب العربيه وطلعت على الجامع!
    قوم الاقى أيه بعد ما خرجت من الصلاه؟؟؟!!!
    الاقى المفاتيح بتاعه العربيه بالميداليه متعلقه فى الكونتاكت والعربيه متقفله تمام التمام!!!
    يعنى للى لسه ما فهمش انا قفلت على المفاتيح جوه العربيه!!
    يا نهار ابياااااااااااااااااااااااااااااااض!!
    طب هاعمل أيه دلوقتى؟؟
    العربيه متقفله والمفاتيح جواها وممكن على ما اروح اجيب النسخه التانيه بتاعه المفاتيح حد يأخد باله يكسر الزجاج ويطلع بالعربيه!
    خلاص أشوف حد بتاع مفاتيح فى المنطقه لانى فاكر واحد كان بيحكيلى على موقف زى كده فى اسكندريه وبتاع المفاتيح كان استاذ لدرجه انه عمله مفتاح من غير نسخه يعمل عليها...بمجرد حساسيه صوابعه مع القفل وبمسطره !
    المهم رحت على بتاع الامن الخاص بالعماره اللى راكن قدامها :_
    بقولك ايه يا ريس مفيش بتاع مفاتيح هنا؟
    أيه مفاتييح؟
    أيه يا عم وانا قولتلك حاجه عيب ولا حاجه؟بتعمل كده ليه؟!
    معلش يا أستاذ أصل انا لسه جديد فى المنطقه..شوف كده ابو ياسر!
    ابو ياسر ده البواب
    وصفلى واحد بيعمل مفاتيح على الناصيه
    رجعت لبتاع الامن وصيته على العربيه لحد ما ارجع بس وجرى على بتاع المفاتيح اللى طلع موان وميفهمش فى كوالين العربيات !!
    طب انا عايز بتاع مفاتيح او ابواب عربيات!!
    المحل الفلانى بتاع زجاج عربيات شوفه كده!
    ياعم معلش انا عايز حد ييجى يفتحلى العربيه!!!
    ايه؟؟!!!
    نسيت المفاتيح جوه العربيه ومحتاج حد ييجى يفتحهالى
    معلش اصلى مقدرش اسيب المحل لوحده ..طب ما تجيبها هنا
    يانهار اسود على الغباء(طبعا ده فى سرى)
    بقول لحضرتك العربيه مقفوله على المفتاح!!!!!!!!!
    أه صح طب ثوانى....يا ابراهييييييييييييييييييييييم.....يا ابراهييييييييييم
    روح مع الاستاذ عربيته قفل على المفتاح روح كده وهو هيعمل معاك واجب حلو!!
    ياعم عنيينا بس يلا لحسن العربيه زمنها وصلت المنصوره فى الشويه دول!!
    راح واخد معاه مفك زبنسه وجى معايا!
    اول مشكله انى نسيت مكان العربيه ارجعله أزاى !!!!!!!!!
    المنطقه كلها اسطمبه واحده ...سألت ابراهيم كشك العيش فين ؟ قاللى انهو فيهم؟ ...
    شكرااااااااا.
    المهم الحمد لله وصلت للعربيه! يقوم يقوللى ايه؟؟دى العربيه من غير سقاطه!!
    ياسلااااااااااااااام منا قايلك انها فيرنا واحنا جايين وانا قولتلك 128؟؟؟
    منا كنت عملتها وخلصنا!!!
    طب بص بقى يا اوستاذ .. مش هاينفع نعمل حاجه غير اننا نكسر الشراعه اللى فى الباب اللى ورا ونفتح العربيه واغيرهالك عندى فى المحل الاصلى بتاع العربيه دى؟
    طب ماشى بس بكام يعنى ؟؟
    انا بطلعه جمله ب 70 لكن عشان ظروفك وانا مقدر هحسبهولك ب60...
    ستين أيه ؟؟؟البتاعه دى بستين جنيه؟؟؟؟
    بقولك ايه.. خد دول ومتشكرين على تعبك .. انا هبعت اجيب النسخه التانيه من البيت انا ساكن قريب من هنا !!
    الراجل لقى الشغلانه هتبوظ قللى طب فى واحد بتاع مفاتيح اسمه عم ابراهيم مش عارف ولا خليل (مش فاكر) رحله بس وقولله انا جايلك من طرف ابراهيم عشان يرضى ييجى معاك!!
    ماشى متشكرين يا هندسه!
    بصراحه ضربت حيص بيص !!!
    خايف امشى من هنا يقوم يكسر الزجاج ويدور العربيه ويمشى وابقى قابلنى بقى!
    فضلت قاعد وعملت نفسى بكلم حد فى التليفون عشان يصدق انى مستنى حد يجبلى نسخه المفتاح والحقيقه ان محدش فى البيت أصلا!!!
    هاكملكم حالا!!
    [SIGPIC][/SIGPIC][CENTER]
    [/CENTER]

  • #2
    هههههههههههههههههههههههههههههههههههههههههههههههههه ههههههه


    ياعيني

    بجد ربنا يعينك

    موقف بايخ اوي


    ولما حد بيشوف حد فموقف زي دا بيعتبره فرصة وضحيه لازم يتسلي عليها زي اخينا دا


    كمل كمل
    [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
    لن نطيَل آلمكوُث فيهآ . . !
    فلمآذآ آلكدَر ؟!
    وهُنآك ربّ آلبشر
    إن عصينآ ستر وإن تبنآ غفر
    إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
    ابتسم وعيش احلى حياه[/COLOR][/CENTER]

    Comment


    • #3
      ايه الحصل بعد كده يا استاذ اشرف
      [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

      اخوكم : محمد عماد الدين
      الوظيفه : محاسب
      [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

      Comment


      • #4
        انا مش عارف حاسس اني ممكن انسى المفتاح في العربية
        المهم كمل
        [CENTER]
        [SIGPIC]http://www.albetaqa.com/signature/signature.gif[/SIGPIC]
        [/CENTER]

        Comment


        • #5
          ربنا معاك ..

          انا كنت لسه قاعد فى المنطقة دى حالا :)

          Comment


          • #6
            طب و ايه؟؟

            Comment


            • #7
              في انتظار التكملة....
              [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

              Comment


              • #8
                حصلت معايا مره بس كان فى واحد بتاع مفاتيح فاهم وخلصلى الموضوع على طول
                [COLOR=#000000][SIZE=4][SIGPIC][/SIGPIC][/SIZE][/COLOR]

                [SIZE=4][COLOR=magenta]النفس تجزع ان تكون فقيرة والفقر خيرا من غنا يطغيها[/COLOR][/SIZE]

                [SIZE=4][COLOR=magenta]وغنى النفوس هو القناعه فإن أبت فجميع ما فى الارض لا يكفيها[/COLOR][/SIZE]

                Comment


                • #9
                  المهم
                  شويه وقولت توكل على الله وشوف الراجل اللى قال عليه بتاع الزجاج !
                  وبعد دوخه وصلت المحل لاقيته قافل ولقيت شويه شباب واقفين !
                  يا شباب محدش يعرف بتاع المفاتيح ده هايفتح أمتى؟
                  ياعم ده مجنون بيفتح ساعه ويقفل ساعتين.
                  ربنا يطمنك ..طب حد معاه تليفونه؟؟
                  لأ
                  طب فى حد تانى فى المنطقه؟
                  لأ برضه هو انت عايزه ليه؟
                  قلتلهم عالحكايه بسلامه نيه!!
                  لقيتهم بيشتغلونى وهيتسلوا عليا !
                  شكرا يا رجاله مصر ربنا يخليكوا ليها!(مصر طبعا...وربنا عالم بللى فضميرى!)
                  رجعت على العربيه ومش لاقى اى حل!!!!!!!!!
                  لدرجه انى فكرت انى أكسر الشراعه وابقى اروح عند اى حد واركب غيرها!
                  وبعدين ربنا هدانى لمنظر شوفته قبل كده ..كان سواق عندنا فى الشركه نسى المفاتيح جوه العربيه راح خلع الخوصه (الاصطوفه بتاعه الزجاج وجاب مسطره حديد طويله وحته سلك ناشف وقعد يحركهم لغايه ما رفع الصقاطه وفتح الباب!
                  قلت خلاص أعمل زيه!
                  رحت جايب السلك اللى بيتعمل زى شياله لجردل البويه بتبقى ناشفه او سلك صلب زى ما بيسموه!
                  وببص لاقيت بتاع الامن الاولانى أتغير وواحد تانى اللى واقف !
                  ماشى يعنى لو العربيه اتسرقت ملهاش ديه!
                  قمت فكيت الحليه او الاصطوفه بتاعه الباب وقعدت أبص مش فاهم حاجه وطبعا بدأت أدخل السلك واحركه ومش قادر برضه اوصل لحاجه!
                  الغريب بقه واللى كل الرغى ده عشان اوصله :-
                  الناس رايحه جايه محدش قاللى بتعمل ايه !!!كلوا بيفضل يبص بإستغراب وواستنكار وشجب وإدانه لسرقه السياره لكن كله ملوش دعوه!!
                  كله تصرفه بيقول وانا مالى ياعم ده بيسرق العربيه فى عز الضهر انا عارف ده يكون شارب حاجه ولا يضربنى بحاجه !!!!
                  بتاع الامن فضل يبص من بعيد لبعيد وكل ما عينى تيجى فى عنيه يبص الناحيه التانيه!!!!!!!
                  اللى بجد طلع رجوله وكفأه واحد شكله بواب وقف وجه قدامى ويبصلى بصه انت بتعمل ايه؟؟
                  قمت رديت عليه ببصه أمشى من قدامى لأخرب بيتك!!!
                  قام واخد بعضه وماشى !!!(ياخساره على الرجاله)
                  واللى زاد وغطى عربيه اتارى عدت قلت بس ليلتنا سودا دانا على بال مأثبت انها عربيتى هايكون الكلبشات اتحطت فى ايديا!!!
                  ولا حتى بصوللى!!!العسكرى اللى سايق عينه على العربيه اللى جيه من الناحيه التانيه والامين اللى قدام بياخد سيجاره من اللى ورا ومنهمكين فى الرغى!!!!!!!!!!!!!!
                  يا نهار اسود يعنى كل اللى مطلوب منك عشان تسرق عربيه شويه قلب جامد ومنظر يخوف يعنى مثلا تطول دقنك وتلبس لبس مبهدل وتتكلم زى اللمبى هتلاقى الناس كلها بتبعد عنك عشان خايفه منك!!!
                  انا مشفتش فى حياتى السلبيه المصريه متجسده زى ما شفت فى الموقف ده!!!!!!!!!!!


                  معلش انا طولت أوى أوى أوى !
                  فى النهايه وبعد أن ضاقف فلما استحكمت حلقاتها فرجت وكنت أظنها لا تفرج!
                  البنت اللى واقفه فى كشك العيش اللى راكن جنبه اتاريها متابعه القصه من اولها وراحت شافت واحد معدى ندهت عليه ولمحته بيبصلى وهى بتكلمه وطبعا انا كنت عرقان وجايب ميه من كل حته والشمس عملت معايا واجب تمام

                  أتارى الراجل ده سواق فى شركه سياحه فى المنطقه وجانى وقاللى عنك انت بقه سيبنى أجرب أنا وقال بسم الله ولقيته بيفتح الباب !!!!!!!11
                  شد ايه بالسلكه عمل ايه؟؟؟!!!! معرفش!!!
                  طبعا دعيتله وشكرته وعرضت عليه فلوس رفض!!
                  والله لسه الدنيا فيها خير واللى يستعين بربنا ويتوكل عليه ينجده من غير ما يبقى عامل حسابه وعن طريق حد لا يعرفه ولا شلفه قبل كده!!!!!!!!
                  الحمد لله!
                  تحياتى
                  أشرف فتحى
                  [SIGPIC][/SIGPIC][CENTER]
                  [/CENTER]

                  Comment


                  • #10
                    طب الحمد الله بس الكلام ده لو في حته شعبي شويه مش كنت تلاقي السلبيه دى بس المشكله لوحد كان جد باله مش كنت تلاقي العربيه
                    [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

                    اخوكم : محمد عماد الدين
                    الوظيفه : محاسب
                    [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

                    Comment


                    • #11
                      الحمد لله انها جت علي قد كده...

                      بس فعلاً السلبيه في الشعب المصري بقت فظيعه... اي عربيه كده ممكن تتقلب من غير ما حد يفتح بقه
                      [COLOR=Blue][B][U]لا إله إلا الله[/U][/B][/COLOR]

                      [URL="http://www.nilemotors.com/Nile/showthread.php?t=58104"]حصرياً أول نيو سكودا أوكتافيا A5 توصل مصر بالصور...[/URL]

                      [URL="http://www.nilemotors.com/Nile/showthread.php?p=707533#post707533"]العلامات المروريه و معانيها...[/URL]

                      Comment


                      • #12
                        الحمد لله انها جت على قد كده ربنا يسترها معانا جميعا

                        Comment


                        • #13
                          الحمد لله الموضوع خلص

                          بس انا زعلان منك اقدم لقيت الموضوع سهل اوى كدة كنت استغليت الفرصة وغيرت الفيرنا وركبت احسن عربية ركنة فى نفس المربع اللى فيه عربيتك :k4:

                          ربنا يسترها معاك ومعانا
                          [CENTER]Where there are no tigers, a wild cat is very self-important ......Korean Proverb [/CENTER]

                          Comment


                          • #14
                            الموقف ده حصلى قريب جدا

                            كنت قفلت العربيه ونا طالع اخد كورس ,, و طبعا قفلتها و المفاتيح فى الكونتاكت و كله تمام ,, و خدت بالى اول ماقفلت الباب ,, و طبعا حاولنا وحورنا و كله من غير فايده ,, وروحنا لسمكريه و بتوع مفاتيح بعد الكورس و كل الحوارات دى و كله اجمع ان طالما مفيش فتحه متسابه من الأزاز مش هيعرف ينزل منها السلك و برده كان فى اقتراحات بكسر حته الأزاز اللى ورا الصغيره دى و كده بس الصراحه استحرمت خصوصا ان العربيه لسه زيرو ,, طبعا كل ده و العربيه مركوووووونه و فى عز النهار و حاسس انى راكن معدتى بدالها !
                            المشكله الكبرى انى من ميت غمر و الكورس كان فى الزقازيق !! و طبعا السبير فى الشقه فى ميت غمر

                            للحظ واحد قريبى كان نازل ميت غمر صد رد يومها (كان رايح يوصل خطيبته ;) ويرجع ع الزقازيق ) قالى تعالى و كده ,, بصراحه اترددت و اتكسفت منهم ( باراااااااشوووووووت رسمى ) بس قالى ياعم عادى و بتاع و فعلا روحت جبته و رجعت لقيتها واقفه زى ماهى الحمد لله

                            بس طبعا حرقه دم و اعصاب مقولكوش ,, ربنا مايوريهالكو

                            من يومها ونا السبير حاطه فى المحفظه ,, تحسبا لأى حركه قرعه مش ولابد !

                            تسلم ع الموضوع
                            [RIGHT][COLOR="black"][B][caps]Mohamed Badr[/caps][/B][/COLOR][/RIGHT]

                            Comment


                            • #15
                              فعلا يا اشرف باشا خلاص علي الدنيا العوض الناس بقت سلبية في كل حاجة ودة السبب اللي شجع اللصوص وخللا عربيات بتتسرق في عز الظهر

                              Comment

                              Working...
                              X