If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إعـــــــلان
Collapse
.
,
See more
See less
في رأيي "افضل طريقة لحل مشاكل الوكلاء لكل انواع السيارات"
كلام و فكرو ممتازة.
ياريت ننفزها و ممكن نبتدي باقتراحات لصيغة الشكاوي و يكون ارقام جهاز حماية المستهلك و ارقام و e mail ادارة مصنع السيارات في الشكوة كتأكيد للجدية.
بس لازم تكون الشكاوي جادة و يفضل ان يكون ليها اثبات علشان محدش يحس ان الموضوع نهريج.
كمان لما الفكرة تتنفز يكون في طريقة علشان الناس تتابع شكاوي بعض و تعرف اية الي حصل.
انا هقولك على موقف مع الوكيل بس ده فى اوتوبيس خاص مش ملاكى
الوكيل غبور الكيلو 28 طريق اسكندرية كايرو الصحراوى
اتوبيس ميتسوبيشى 2008 اتخبط المهم قالوا هيتكلف 4500 عشان الباب يتصلح ويرجع زى ماكان هم كانوا فاكرين ان فترة التامين خلصت
لما عرفوا اننا لسة فى التامين قالوا هيتكلف 7500 بندفعهم احنا وبعدين نستردهم من التأمين
ليه الفرق ده وجه منين مالكوش دعوة قالولنا كده احنا لينا طريقة حساب مع التأمين
ايه رأيكوا فى الوكيل !!!!!!!!
في تكبير دماغ من التوكيل ... اكيييد
في شغل نصب ومحسوبية ورشاوي... اكييييد
في كلفته وطلسقة وعك..... اكييييد
في مغالاه في الاسعار واحتكار .... اكييييد
في بلاوي سوده.... اكيييد
طيب كلنا متفقين
السؤال هو .. ايـــــــــــه الحــــــــــــــــــــل....؟؟؟؟
والحمد لله الحمد لله السلبية فى الشعب دا عالية جدا ولا كأنكم بتأذنو فى مالطة ولا عزاء للمستهلكين ومرحبا بالوكلاء الجشعين وسلمولى على التوكيلات والعربيات وعلى الموزعين وعلى الااوفر برايس وعلى كل حاجة غلط فى البلد دى
[CENTER]((لا إله إلا أنت سبحانك إني كنت من الظالمين)) [/CENTER]
أملنا الوحيد دلوقتي في جهاز حماية المستهلك هو الوحيد اللي يقدر يقف معانا ضد اي جشع او سرقة او نصب من اي تاجر او توكيل
واذا كان هو ده القشة اللي حنتقعلق فيها.. فأنا واحد من الناس اللي مش حسبها حمسك فيها بأيدي وسناني لأن دي اول مؤسسة تجيب للشعب حقة..
وطبعاً كلنا عارفين ان الكلام ده حقيقي وعن تجربة الاخوة الاعضاء هنا في المنتدى ...
فياريت تكون دي فاتحة خييييير علينا وعلى البلد ...؟
يا اخ rafysamy
انا مش باتعامل مع توكيل
بس احب احييك على افكارك و نشاطك
و حقيقي
ربنا مع اللي بيفكر بطريقة حضرتك في بلدنا و في التبلد اللي اصابنا كلنا
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
اخي الفاضل tlrsiap
اشكر مرورك الكريم ...
كل الواحد بيحاول يعملة ان يلاقي حل للمشاكل اللي بتقبلنا.. كل ما في الموضوع اننا محتاجين نبص لمشكلة مشكلة ونبتدى نفكر في حلها
مينفعش نقول دي حياتنا كلها مشاكل والعيشة سوده حنعمل ايه...
لا لية منبصش لمشكلة مشكلة واحدة واحدة ونفكر ونجرب حل واتنين وتلاتة لحد ما نوصل لاحسن حل سعتها نبصل للمشكلة التانية والعاشرة والمليون.. بس نبتدى وحياتنا حتبقى احسن - بلاش حياتنا خلينا نقول حياة اولادنا اللي محدش عارف زمانهم حيبقى شكلة ايه..؟!!
انا مقتنع كل القتناع اننا ممكن نشكل مستقبلنا ومحدش يقدر يتحكم فينا.. احنا اللي بنتحكم في نفسنا واذا كان الحاضر وحش فبسببنا
ولو المستقبل برضة جية وحش فبسببنا لاننا معملناش حاجة في الحاضر نحسن بيها المستقبل ...
شكرأ لكل الاعضاء اللي شاركوا في الموضوع واتمنى اننا نقدر نعمل حاجة...
مساء الخير لكل شباب المنتدى
انا كنت كتبت المشارك دي في قسم البروتون بعد ما جالي حالة حماس من ان الاعضاء عاوزين يخدوا خطوة ايجابية نهائية لحل اغلب المشاكل مع التوكيل... بس للاسف ملقيتش غير اعجاب بالفكرة ومفيش خطوة ايجابية اتاخددت فقلت اخلي الفكرة على المتدى العام يمكن مجموعة تانية يحب تنفذها. الفكرة باختصار عبارة عن :
- احنا ممكن نكتب صيغة موحدة للشكوى ونرفعها على المنتدي ويكون عليها اللوجو بتاع المنتدي (بعد استأذان المشرفين)
2- كل ملاكي العربيات (ماركة واحدة بكل فئاتها) يطبعوا الصيغة نسختين .
3- طبعاُ تكون اول شكوه موحده وهي ارتفاع سعر قطع الغيار وتدني خدمة ما بعد البيع (واي شكوى خاصة بتقبلك مع التوكيل).
4- يتم إرسال نسخة لقسم الشكاوى و نسخة إلى رئيس مجلس الإدارة. وبكده حنكون متأكدين ان الشكوى حتتناقش.
5- كل واحد يكتب اسمة / نوع العربية / الموديل / رقم الموبايل / رقم الشاسية / رقم الموتور / رقم الفاتورة الصادره من التوكيل بتمن العربية وده علشان يتأكدوا ان الشكوه مقدمة من ملاك العربية مش اي حد.
6- يكون في ملحوظة في اخر الشكوى ان لو لم يقم مقسم خدمة العملاء بالرد على هذه الشكوى خلال 15 يوم (اي مده انتوا تحددوها) سوف ترسل نسخه من الشكوى إلى جهاز حماية المستهلك + قسم الشكاوي في بلد المنشأ. ( تهديد جامد ومش هزار )
7- اكيد اكيد لما حيلاقوا عدد كبير من الشكاوى مبعوت بالبريد ومصمم بنفس الطريقة (نفس الشكل والفورمات) وعليه نفس الشعار ويحتوى على نفس المشكلات وكمان يتأكدوا ان اللي باعت دول ملاك حيفهموا ان ملاك العربية متوحدين ومتصلين ببعض. ( ودي نقطة مهمة جداُ تخلي التوكيل يعيد حساباته)
8- يكون في جدية في الموضوع وفعلاً بعد 15 يوم لو مفيش رد يتم ارسال نفس الشكاوي إلى جهاز حماية المستهلك وطبعا دي حتبقى قضية كسبانة كسبانة للجهاز. (حيقدر يضغط على التوكيل لحلها)
بس علشان نكون مشيين الطريق صح افضل ان محامي متخصص او حد فاهم في القانون هو اللي يكتب المقدمة لأن الموضوع محتاج لباقة وصيغة نشفة شوية علشان يحسوا بالتهديد وان الموضوع بحد مش هزار....
ااكيد في حد من الاعضاء الافاضل ممكن يكتبلنا الصيغة دي ويعملنا احسن تصميم ليها ...
وفي نفس الوقت دي حتكون طريقة كويسة جداً لانتشار المنتدى واثبات قوته ومدى تأثيره (ومش بعيد بعد فترة تلاقي عروض خاصة للاعضاء من الوكلاء)...
الوكلاؤ لازم يعرفوا ان هما مش مسكنا من رقبتنا علشان العربية عجبتنا واشتريناها
المستهلك هو المتحكم.... ولو اتحدنا في الموضوع ده ونجحنا حنكون قوة ضاربة ولينا كلمة وحيعملنا 10000000 حساب ودي حتكون خطوة اجابية مننا كمستهلكيب بدل ما نعد نستنى الوكلاء هما اللي يخدوا خطوه.
ارجو ان الفكرة تكون عجبتكم،، انا عارف انها طريقة هجومية وفيها مخاطرة بس الهجوم افضل وسيلة للدفاع ...
بصراحة انا زهقت من كتر الانتظار ومفيش حاجة ببتغير وكل يوم اقول بكرة كل حاجة حتتعدل ولكن بكرة مش بيجي.
في انتظار مشاركتكم، ولكم جزيل الشكر.
بص يا باشا
د تقريباً أهم موضوع شفته في المنتدى
بس أنا شايف إنو ماينفعش يترتب هنا
احنا نتقابل و نشف اه إلي ممكن يتعمل
و أنا أول مشارك عن الشفروليه
خالد زناتي 0109181505
[CENTER][SIZE=6][SIGPIC][/SIGPIC]
[/SIZE][B][SIZE=5]أضفيت على الحسن العبقا … فالورد تضوّع و اعتنقا
حـسّـن يا رب لنا الـخـلقا … طـهّـره فـلا يـحوي نزقا[/SIZE][/B]
[/CENTER]
بص يا باشا
د تقريباً أهم موضوع شفته في المنتدى
بس أنا شايف إنو ماينفعش يترتب هنا
احنا نتقابل و نشف اه إلي ممكن يتعمل
و أنا أول مشارك عن الشفروليه
خالد زناتي 0109181505
اخي الفاضل
اشكر مرورك الكريم واهتمامك
مفيش مشكلة ممكن نعمل مقابلة مخصوصة للموضوع ده ويكون في مندوب من كل قسم وكمان يكون في مندوب عن المنتدى نفسة.. ولو امكن نشوف حد من جهاز حماية المستهلك كمان علشان يفيدنا بخبرته..
Comment