شراء‏3‏ آلاف سيارة لتوزيعها علي القضاة وأعضاء النيابة العامة؟؟؟

[Ahmed Anwer]

طيب

انا واحد قريبي رائد جيش

اشتري من الجيش العربية اللانسر ارخص من سعر السوق ب 12 الف جنية

12 الف جنية فرق سعر في عربية في رينج المائة الف

المهم كنت بسأل واحد صاحبي مهندس في توكيل ميتسوبيشي

بقوله التوكيل بتاعكم حرامي لما يعمل خصم 12 الف جنية امال يبقي مكسبه كام من العربية لانه اكيد بيكسب من العربية مهما كانت الكمية اللي اخدها ضباط الجيش

افادني ان العربيات دي بيكون عليها خصومات جمركية و معفاة من ضريبة المبيعات

عموما انا شايف ان الخدمات دي حتي لو مقدمه لفئات معينة

فهيا مش عيب و لا غلط

متنسوش كمان ان المفروض القضاة و الضباط مالهمشي مصادر دخل غير مرتباتهم

فالمفروض هيئاتهم تساعدهم بصور مختلفة

و المؤسسات و الهيئات التانية تقتدي بيهم

[sab3aawy]

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

موافق بشدة ، اكتر ناس لازم تكون عينها مليانة القضاة ووكلاء النيابة وكل من يحكمون بين الناس

[eg_falcon]

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

و مين قال لحضرتك ان القضاة غير مقدرين ماليا دا غير التقدير المعنوي و النفوذ اما المدرسين فلهم الله من قبل و من بعد

[Michael_Lanos]

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

انا معاك يا باشا، احنا كتير بنبص بعين مش كويسه للناس اللى برده بيكون فيهم نسبه كبيره محترمين

[eg_falcon]

متنسوش كمان ان المفروض القضاة و الضباط مالهمشي مصادر دخل غير مرتباتهم

فالمفروض هيئاتهم تساعدهم بصور مختلفة

و المؤسسات و الهيئات التانية تقتدي بيهم

هو حضرتك فاكر يعني القلضي دا مرتبه 300 جنيه ا عتقد ان احنا بنكلم فيما لا يقل عن 7000 و الرقم دا كان اتنشر في احدى الجرائد

[sab3aawy]

هو حضرتك فاكر يعني القلضي دا مرتبه 300 جنيه ا عتقد ان احنا بنكلم فيما لا يقل عن 7000 و الرقم دا كان اتنشر في احدى الجرائد

ال7000 آلاف جنيه اللى حضرتك بتتكلم عليها بيحصلها اى موظف درجة اولى عادى فى اى وزارة او مصلحة حكومية بتدر مكاسب للدولة، وده بعد اضافة البدلات واللجان والحوافز والاضافى والنبطشيات والمأموريات والأرباح والاختراع الرهيب المسمى الكشوف اللى محدش فاهم هى ايه بالظبط، وده كله على فكرة فوق الترابيزة ، وطبعا مش هتكلم على شباب الشراكات الاستثمارية اللى عايشن فى دور men in black بكل اكسسواراتهم سوداء اللون من اول نضارات الشمس والبدل وسماعات البلوث وحتى العربيات مش هقول الناس دى بتعمل كام فى الشهر
والتالى فان فكرة مساواه القاضى اللى هو مفروض انه واحد من صفوة المجتمع بموظف عادى او احد شباب البلوتوث مبدأ غير مظبوط ، لازم يكون دخله كافى انه حطه فى المكانة الاجتماعية الملائمة للدوى اللى الدولة عايزاه منه، مينفعش يبقى واحد داخل المحكمة فى قضية مثلا راكب عربية كورولا مثلا والمحامى بتاعه سايب مفاتيح الأوكتافيا للسايس ، ويشوفوا القاضى وهو نازل من اكسيل وللا 131،

[Samir Elshahawy]

اعتقد ان ده شيء صحيح
القاضي لو مش لاقي يجيب عربية ...... 90% مش ح يكون قاضي عادل
اول فئة يجب الاهتمام بها ماليا ... القضاه والمدرسين ...
وجهة نظر

وجهة نظر سليمة طبعا و 100%

[aif]

انا معاك يا باشا، احنا كتير بنبص بعين مش كويسه للناس اللى برده بيكون فيهم نسبه كبيره محترمين

اكيد يا مايكل .....كلامك صح طبعا
الفساد موجود في جميع المجالات وجميع الفئات
وفي القضاء كذلك .... لكنه في القضاء موجود بنسبة أقل كثيرا من المجالات المجاورة ..... المجاورة مثل الشرطة... الإعلام ...المحليات.... المجالس النيابية ... ده طبعا على سبيل المثال
ويبقى القضاء ( ولو كان به بعض الفساد ) بمثابة الامل الذي يراود الأمة في مستقبل افضل .... الضوء الذي نحاول ان نراه في نهاية النفق
مش كتير عليهم انهم يركبو عربيات بالقسط زي باقي الناس

[ahmad7610]

ربنا يكون فى عون الدكاترة والمهندسين و المدرسين ..
-
مرتب الطبيب حديث التخرج 259 لدة سنة و تانى سنة بعد التخرج بيوصل بالحوافز حوالى 470 جنيه و يفضل محلك سر على كده لسنتين أو ثلاثة ..

[جمال]

انا طالب زيكم فى كلية هندسة
بس والدى الله يرحمة كان مهندس

وحكاية الحراسة دية ان مفيش انتخابات فى النقابة من 15 سنة تقريبا وفلوس النقابة كلها بتروح فين
الله اعلم
معاش المهندس 300 جنية تخيلوا

معاش المهندس فقط 250 ج وليس 300
ويصرف كل 3 شهور !!!!
انا مهندس على المعاش

[megamoudy]

فيش مره نقابة الاطباء تعمل حاجه زي كده لشباب الاطباء الغلابه والنيابه الباطنيه والذين يعدون اولى بالرعايه في كل المراحل؟

معاك حق والله يا دكتور بيطلع عيننا طول حياتنا مذاكرة مذاكرة ثم مذاكرة

[aif]

معاش المهندس فقط 250 ج وليس 300
ويصرف كل 3 شهور !!!!
انا مهندس على المعاش

والله انا صعبت عليا نفسي ....
معاش المحاسب .... 70 جنية

مين يزود .... قصدي مين يقلل

[aif]

معاك حق والله يا دكتور بيطلع عيننا طول حياتنا مذاكرة مذاكرة ثم مذاكرة

يا باشا هناك فرق
الطبيب ممكن يشتغل في اماكن عديدة
في اكتر من مكان في نفس الوقت وممكن بعد كدة يفتح عيادة ....وبيشتغل مع اطباء آخرين في عمليات وخلافه ...
لكن القاضي ح يعمل ايه .... يفتح محكمة ؟؟؟؟ طبعا مستحيل
وماينفعش انه يشتغل في عمل آخر ....يعني دخله من الوظيفة .... وبس ...
غير انه امامه مغريات مالية لا حصر لها .... يعني لازم يكون شبعان عشان نضمن انه يبقى عادل

[Mohamed-Saoud]

اللي أعرفه أن اللي بيدخل السلك القضائي بيكون أصلا من أبناء الطبقات العليا ... يعني أصلا شبعان و مرتاح. و مش أي حد يجيب مجموع في الحقوق يدخل السلك القضائي.

على عكس المحاميين و المهندسين و الدكاترة و المدرسين اللي بيشتغلوا في الحكومة

[Drift_Lover]

ال7000 آلاف جنيه اللى حضرتك بتتكلم عليها بيحصلها اى موظف درجة اولى عادى فى اى وزارة او مصلحة حكومية بتدر مكاسب للدولة، وده بعد اضافة البدلات واللجان والحوافز والاضافى والنبطشيات والمأموريات والأرباح والاختراع الرهيب المسمى الكشوف اللى محدش فاهم هى ايه بالظبط، وده كله على فكرة فوق الترابيزة ، وطبعا مش هتكلم على شباب الشراكات الاستثمارية اللى عايشن فى دور men in black بكل اكسسواراتهم سوداء اللون من اول نضارات الشمس والبدل وسماعات البلوث وحتى العربيات مش هقول الناس دى بتعمل كام فى الشهر
والتالى فان فكرة مساواه القاضى اللى هو مفروض انه واحد من صفوة المجتمع بموظف عادى او احد شباب البلوتوث مبدأ غير مظبوط ، لازم يكون دخله كافى انه حطه فى المكانة الاجتماعية الملائمة للدوى اللى الدولة عايزاه منه، مينفعش يبقى واحد داخل المحكمة فى قضية مثلا راكب عربية كورولا مثلا والمحامى بتاعه سايب مفاتيح الأوكتافيا للسايس ، ويشوفوا القاضى وهو نازل من اكسيل وللا 131،

كلام سليم ومنطقي.