** حادثــــة لسيـــارات زيــــرو طارت من المقطــــورة التى تنقلهــــم !! **

[faroukahafeez]

التامين بيكون فى الشحن البحرى علشان العربيات لو حصل ليها حاجة فى البحر لغاية اما توصل الميناء

توكيلات قليلة اللى بتعمل تامين على العربية من ساعة متخرج من المينا وتوصل للتوكيل او الموزع لانها تكلفة على الوكيل

[Nader]

لا حول ولا قوة الا بالله العربيات دي لو كانت نزلت على عربية ماشية كانت قضت على حياة سائقها ومن معه،، ربنا يرحمنا من المقاطير والنقل ... والميكروباصات والتكسيات ... واتوبيسات النقل العام والخاص... وسيارات الجيش والشرطة ....

وربنا يكون مع مشتري العربيات دي وميضحكش علية بعد ما تتشد وتتباع زيرو.

[snakeson2]

لا ياباشا انا كنت شغال في توكيل وحصل نفس الموال دة . الي بيتم انة بياخدو التامين علي العربيات دة اولا وثانيا العربيات دي بتروح لمراكز الصيانة ويطلعوا منها قطع غيار . وساعات بييقي فية عربيات زيرو لما بيعملوا اختبار ال Pdi بيكون فيها حاجات عايزة تتغير وبيزبطو والدنيا تمام لاكن مستحيل تتصلح وتتباع عشان سمعة الوكيل لو كشف الامر

[Sharky]

لا ياباشا انا كنت شغال في توكيل وحصل نفس الموال دة . الي بيتم انة بياخدو التامين علي العربيات دة اولا وثانيا العربيات دي بتروح لمراكز الصيانة ويطلعوا منها قطع غيار . وساعات بييقي فية عربيات زيرو لما بيعملوا اختبار ال Pdi بيكون فيها حاجات عايزة تتغير وبيزبطو والدنيا تمام لاكن مستحيل تتصلح وتتباع عشان سمعة الوكيل لو كشف الامر

شكرا على التوضيح بس سؤال بسيط
هو مش لما بياخدوا فلوس التأمين السيارات بالكامل بمكونتها بتصبح ملكيتها لشركات التأمين و ليس التوكيل ؟

[blazer]

الحمد لله ان مكانش فيه اى عربيات او ناس ماشيه جمبها او وراها
ربنا يرحمنا من السواقين دول

[bmw323]

على فكرة يا جماعة يتهيائلى أن أسم المعرض كان على المقطورة لأن فى اسم معرض بشوف الأعلان بتاعة فى الجرنان وهو نفس الأسم ألى على المقطورة ألى شايلة العربيات دى فا كل واحد يأخد باله وربنا يسترها علينا جميعا

[Drift_Lover]

مشكور علي المتابعه الممتازه والصور يا Sharky

[mrghost]

لا حول ولا قوة الا بالله كويس ان مكنش فى حد وراه كان زمانه ضاع بسبب اهمال الباشا السواق

[aratux]

بس برضه فى الموضوع مكتوب إن الطريق كان فيه حتة عالية
و دى غلطة وزارة النقل

بمناسبة الموضوع ده, عربياتنا طول النهار بتتبهدل بسبب الشوارع المكسرة, ينفع نرفع قضية تعويض عليهم؟؟

[Sharky]

الحمد لله ان مكانش فيه اى عربيات او ناس ماشيه جمبها او وراها
ربنا يرحمنا من السواقين دول

الحمد لله
السواقين دول عايزين الحرق بجد من إهمالهم دا

مشكور علي المتابعه الممتازه والصور يا Sharky

شكرا لك على ذوقك

لا حول ولا قوة الا بالله كويس ان مكنش فى حد وراه كان زمانه ضاع بسبب اهمال الباشا السواق

الحمد لله إنها جت فى السيارات فقط

بس برضه فى الموضوع مكتوب إن الطريق كان فيه حتة عالية
و دى غلطة وزارة النقل

بمناسبة الموضوع ده, عربياتنا طول النهار بتتبهدل بسبب الشوارع المكسرة, ينفع نرفع قضية تعويض عليهم؟؟

هى مش حتة عالية قوى
دا فرق سفلتة فقط تحت الكوبرى يعنى مش مطب مثلا
دا غلط صريح على البية سواق المقطورة إللى كان بيجرى بمقطورة بالحجم دا و شايل السيارات دى كلها

[Sharky]

على فكرة انا عرفت كمان إن البية لما طار بالمقطور حبطت فى الكوبرى من تحت !!

يعنى الحمد لله إن محصلش أضرار كبيرة فى الكوبرى

[bmw323]

على فكرة انا عرفت كمان إن البية لما طار بالمقطور حبطت فى الكوبرى من تحت !!

يعنى الحمد لله إن محصلش أضرار كبيرة فى الكوبرى

بس أكيد حصل اضرار ولا انتا مخدتش بالك

[Sharky]

فعلا الكوبرى من تحت فيه حتة مخبوطة و متشال البوية بتاعها نتيجة حك المقطورة فيه

[mohamed_88sk]

يارب رحمتك ولطفك

منه لله السواق هو واللي من عينته

قمة أهمال ولا مبالاة بقت عندنا ...
أحنا عايزين تدمير في سلوكياتنا بجد وأخلاقنا

كده والله ما ينفع

لو حد كان ماشي وراه كان في الباي باي
الحمدلله انها جت سليمة

وفعلا ربنا يستر والوكيل مايبعهاش زيرو

لأن سمعت ان عمو غبور بيبعها تاني
والمصرية للسيارات عندها سيارات كده بس دقق فيها حتلاقي اللون مخالف للبادي كله
واحد قالي كده والله اعلم

[aratux]

طب كان المفروض الكوبرى يتقفل لغاية ما تعاينه لجنة تأكد سلامته!!!