بتدفع كام للجراج؟

[A_H_M_A_D]

بادفع 125 جنيه لصاحب الجراج
و 25 جنيه للسايس عشان يمسحها كل يوم
و 10 جنيه لحساب فاتورة الكهرباء

يعني الإجمالي 160 جنيه شهريا , و المفتاح معايا
بس يكفي إني مطمن عليها و برجع في أي وقت ضامن إني حالاقي مكان مش حاقعد ألف و أدور في الشوارع

[M_55]

60 جنيه لسايس في الشارع بدون غسيل

وبنضفها في البنزينة كل ما أفضي

بس موضوع الركنة ده فعلا مشكلة خاصة في منطقة الدقي ( كارثة بالفعل )

[melkholy]

فى البيت بركن فى جراج العمارة ببلاش و بدفع للبواب 20 جنيه فى الشهر للتنضيف و مره واحدة غسيل فى الأسبوع

بمناسبة جراج العمارة بيركن جنبى دكتور رخم كل مايفتح باب عربيته لازم يحك العربية و ده علشان الجراج ضيق شوية وكل ماكلمه يقولى اسف غصب عنى, بفكر اجييب مرتبة سفنج قديمة و احطها جنب العربية بعد مركن العربية بس خايف من رخامتة يرميها و اتخانق معاه

[wisambasha]

ب 130 جنيه في الشهر غير شامل الغسيل
واكراميات السايس حسب ظروفها كل مرة
والمفتاح في الجراج
وصدقونى مش مرتاح

[gaafar13]

الحمد لله بركن فى جراج خاص مغيهوش غير عربيتى وعربيت والدى

بس الحمد لله نعمه الواحد بيشوف بلاوى

[mohaismail]

50 جنيه +من غير غسيل طبعا بغسلها فى البنزين

[eslam34]

80 جنية من غير غسيل

[Samah AbdAllah]

احنا عندنا جراج خاص

[wesam_salom]

كنت بدفع 65 من غير غسيل عند الشغل

وفى البيت القديم كان عندى جراج خاص

دلوقتى الجراج بقى ب 100 جنيه قلت شكرا خليها فى الشارع وجنيه معدن للسايس اللى بيمسحها وان كان عاجبه (كده كده كنت قرفان فى الجراج وكل يوم الاقيها محكوكه)

اما فى البيت عندنا جنينه كبيره بركن فيها بس السور بتاعها سلك بس

يعنى كأنها فى الشارع وجارى تركيب مظله للشمس

يعنى حاليا مجانى بالكامل وبالفلوس دى هصلح الخرابيش والحكات اللى بتحصل لها وهرشها بالكامل

[theking2690]

60 غير شامله الغسيل

[bondokk]

الحمد لله عندي جراج خاص
بس على فكره انا غاوي انضف العربية بنفسي وجبت كمبروسر هواء لتنضيف الموتور ,,,على فكره يا جماعه بصراعه انا حسيت بالفرق لما باعمل الحاجات دي بنفسي ,,

[salahlanser]

50 من غير غسيل بالغسيل 75 جنية او 100 تقريبا

[mohamed_mohsen]

جنيه50 بالغسيل بره و جوه 4 مرات شهريا +تلميعها كل ما ببقي طالع بيها

[mrghost]

الحمد لله عندنا جراج خاص بينا فى البيت بس فى المقابل مفيش نظافه للعربيات خالص (كسل بقى )

[shady_hamdy]

200 شامل الغسل و المفتاح معايا ارض فضاء و مسقفة هل السعر دة كويس