إنا لله وإنا إيه راجعون العربية إتخبطت

[m7nsh]

معلش يا دكتور خير ان شاءالله

قضا اخف من قضا ,,

اهم حاجه انك الحمد لله كويس و فداك ميت عربيه

الى ييجى فى الحديد يغور يا دكتور

فعلا صدق اللى قال طول مانت والعربيه فى الشارع فانتو معرضين لأى حاجه

قدر و لطف يا دكتور و متزعلش نفسك

[mecho_392]

الحمد لله على سلامتك و ان شاء الله العربية ترجع زى الاول.

[ZALABANY]

تسلمولي يا شباب على روحكم الجميله وربنا ما يقدر على حد يعمل اي حادثه ويستر طريقنا جميعا يارب
انا رحت للسمكري النهارده وقالي انها هاتتكلف 800 جنيه سمكره بس الحمد لله الأساسيات ما اتأزتش
ده غير الفانوس والإشاره وكمان الرش 400 جنيه بس انا هاشيله عشان الولد اللي خبطني طلع محترم وقالي انا هاصلحها
بس يارب يصدق للآخر ويطلع كويس ويصلح العربية

[Samah AbdAllah]

قدر الله وما شاء فعل حمد الله على سلامتك

[khpopo]

حمد اللة على السلامة ربنا يخلف عليك ويعوضك
ربنا يوفق

[bishoy02010]

حمدلله على سلامتك وابقى طمنا بعد ومترشها :) وترجع أحسن من الأول انشاءالله :)

[ZALABANY]

شكرا ياشباب على روحكم الجميله
الولد بدأ يماطل وبعد ما وديناها للسمكري واتفقنا انا هاشيل معاه كمان جزء رجع عمال يتصل بيا ويقولي اصلي مزنوق وما معاييش فلوس واحنا هانجيب ونش ناخد العربية نوديها لسمكري صاحبنا في الضاهر هايصلحها ومش هاياخد مننا حاجه طبعا انا مش مقتنع بالكلام ده ومش عارف اعمل ايه بس شكله كده بيماطل عشان ما يدفعش ربنا يستر

[bishoy02010]

شكرا ياشباب على روحكم الجميله
الولد بدأ يماطل وبعد ما وديناها للسمكري واتفقنا انا هاشيل معاه كمان جزء رجع عمال يتصل بيا ويقولي اصلي مزنوق وما معاييش فلوس واحنا هانجيب ونش ناخد العربية نوديها لسمكري صاحبنا في الضاهر هايصلحها ومش هاياخد مننا حاجه طبعا انا مش مقتنع بالكلام ده ومش عارف اعمل ايه بس شكله كده بيماطل عشان ما يدفعش ربنا يستر

ربنا يستر انتة لسة معاك الرخص بتاعتة ؟؟؟

[maka]

قدر الله وماشاء فعل وان شاء الله ترجع زى الاول واحسن كمان

[ZALABANY]

اه هي الرخصه بتاعته لسه معايا بس انا حاسس انها برده مش هاعرف الزمه بحاجه

[bishoy02010]

اه هي الرخصه بتاعته لسه معايا بس انا حاسس انها برده مش هاعرف الزمه بحاجه

المهم دلوقتى متروحش للسمكرى اللى قالك علية ده ومتأمنش لحد على أى حاجة فى الزمن ده :) ولو قفلت فى الأخر انك تصلحها وإن شاء الله ميحصلش كده صلحها انتة واعملوا محضر ولا خد اى إجراء ضدة

[evoo90]

اه هي الرخصه بتاعته لسه معايا بس انا حاسس انها برده مش هاعرف الزمه بحاجه

خد بالك كويس واتصرف بحكمه
الواد ممكن يجيب اتنين زمايله ويروح يعمل محضر انك سارق الرخصه (ضربنى وبكى سبقنى واشتكى)
انت لازم توقف حد معاك فى الحوار ده قريبك مثلا ولا صاحبك ويستحسن يكون محامى ولا ظابط وكمان يكون مراقب الموضوع من بعيد لبعيد

بص نصيحه من واحد مجرب لما تلاقى حد هياكل حقك او هينصب عليك ولا هيلبسك حوار فكر بهدوء وخليك ذكى وماكر فى تصرفاتك لغايه ما ربنا يرجعلك حقك

[mo7a_mo7a]

الف سلامة
والحمد لله انها بتيجي في الحجات البسيطة دي

وان شاء الله ترجع احسن من الاول كمان

[Terrible_DaRsH]

الحمد لله انك سليم .

و لو تصليح العربية مش هيفرق معاك جامد .

يبقي ( العفو عن المقدرة وربنا هيعوضك خير ان شاء الله ) .

[أشرف فتحى]

المماطله دى شئ طبيعى بس مش مبشر!
مقصدش اقلقك بس من خلال تجربتى لمواقف مماثله الشخص الاخر بيكون وقت الحادثه غير بعدها !!
يعنى الاول والموقف سخن وهو غلطان وانت مستعد تخنقه بإيدك بيبقى محترم ويقوللك انا غلطان واللى فيها انا هتكفل بيه ونعمللك العربيه كلها والكلام ده ..بس بعد ما تمشوا من مكان الحادثه بيبقى شخص تانى وتبدأالمماطله :-
اولا يرفض الشخص اللى انت بتتعامل معاه عشان متبقوش متفقين عليه
ثانيا يبدأ يفاصل معاك فى نسبه التحمل مع انك مش ملزم بيها اساسا بحجه انه كان محترم وقللك انه مستعد يصلحهالك ومسبكش ومشى وقلك اعمل محضر واخبط راسك فى الحيط.
ثالثا يقوللك انا اصلى معيش فلوس دلوقتى عشان مكنتش عامل حسابى
رابعا يبدأ يتشاغل عنك واصل جدتى ماتت وخاله مراتى بتولد وعمه اللى جابت ابوه فى المستشفى وبنلملها لغايه ما تزهق وتروح انت تصلحها يا اما تتخانق معاه وبرضه انت اللى هتصلحها بعد ما يحرق دمك.
والنوع التانى من الاشخاص بيطلع حالا على السمكرى وبيحاسبه قدامك وتتحمل انت الدوكو لو محتاجه او بتعملها على البارد لو حاجه بسيطه
النوع التالت وده نادر جدا
بعد ما كنت خلاص طلعت مفتاح العجل وهكسرله فوانيس عربيته والناس حاشونى ودانى معاه لواحد ميكانيكى معرفته جنبى عشان يبقى زى ضامن انه هيعمللى الخبطه اللى فى العربيه وقال لو فلان معملهاش تعلالى وانا اعملهالك.طبعا انا استعوضت ربنا وقلت انا لا هروح ولا اجى وموضوع اعمله محضر والكلام ده زى قلته عن تجربه!
بس المفاجأه انه اتصل بيا تانى يوم وعرفنى بنفسه وانه منتظرنى فى المكان الفلانى عند السمكرى الفلانى ولما روحت خلصولى العربيه وانا قاعد واتعرفنا على بعض وما زلت محتفظ بنمرته على تليفونى لغايه دلوقتى ممسحتهاش.
وعندى ملحوظه بس انه بيقولك هيجيب ونش وينقل العربيه ده كلام مش هيحصل لان الونش بياخد حوالى 200 جنيه وهو بيقول معهوش فلوس! .دا ممكن يشيل العربيه ومتشوفهاش غير لما ترجع الرخصه!
اسف للإطاله بس دى تجربه ورأى شخصى!