عصابة جديدة لسرقة لوجوهات وعلامات الموجودة على السيارات

[mohamedsmsm]

السلام عليكم

انهرده الصبح وانا نازل الشارع لقيت جاري واقف في الشارع وزعلان جدا
صبحت عليه وسألته ايه المشكله

انصدمت

المشكلة هي ان سيارته نيسان صني اتاخد كل اللي عليها من لوجو نيسان وكلمة EX_Saloon والعلامة الكبيرة بيتاعت نيسان اللي قدام

السيارة بقى شكلها وحش جدا من غير العلامات

المصيبة الكبري

ان سيارات الشارع كلها اتسرق منها كل اللوجوهات والعلامات ؟؟؟؟؟

كنا بنسمع زمان عن سرقة الكاسيت ـ السماعات - الفونيس المرايات الكازتش الحاجة الموجودة في شنطة العربية / العربية كلها ، لكم سرقت اللوجوهات والعلامات دي جديدة ؟؟؟

يا ترى رأيكم بيعملوا بيها ايه ؟؟؟؟

[evoo90]

مش ناقص غير انهم يسرقوا الدهان!!!!

[pro_samir]

الموضوع دة منتشر فى أماكن كتير و بجد حاجة سخيفة جدا جداا
واللى يغيظك بقى انك ممك تلاقى تاكسيات تعبانة مركبة اللوجوهات دى زى شاهين مثلا حاطط لوجو فولكس !!

واكيد بتتباع لبتوع قطع الغيار

[Rembrandt]

اعتقد اللى بيسرقوها بتوع التوك توك بص كدة على اى توك توك فى مصر هتلقية معلق مالا يقل عن 4 علامات سيارات حديثة

[agwaa]

حسبنا الله ونعم الوكيل
للأسف كل ما يمكن أن يأتي بقرش ولا سحتوت حتى معرض للسرقة
والأدهى وأمر أن هناك طائفة يقوم بأمال تخريبية مشابهة لمجرد الإنتقام والتنكيل بكل من يركب سيارة ....
وهم لا يدرون كم تكبدنا للهروب من زحمة المواصلات و أزمتها بحاجة بسيطة بأربع عجلات ...
هنقول إيه ...
إلى الله المشتكى

[SeMo_SiRiOnY]

للاسف الموضوع دة منتشر جدا جدا
علشان الحرامي دة عارف انها سهلة وفي نفس الوقت ليها تمن كبير غير انها اصلية طبعا دة ممكن يسرقها منك وتروح تشتريها منه بعدها لان الي سرقها هو اكيد الي هيبعها
فالموضوع بالنسبالة مش مكلف اخدها منك بليل ببلاش وبعهالك الصبح بفلوس

[mahmoud_magdy]

فعلا الموضوع بقا منتشر جدا
في مره شوفت ماتيريا العلامه بتاعتها من ادام مسروقه
وعربيات تانيه كتير اعلن عنها في المنتدى هنا
ان الحاجات دي بتتسرق من عليها
مش عارف لامتى الناس هتفضل كدا !!!!!!!

[mrghost]

خلاص ياجماعة مافيش فايده ربنا يستر والعربيه نفسها متتسرقش بحالها

[abdalla45]

الحل الوحيد الواحد يفرش وينام جمب العربيه

[M.Osman]

بالمناسبة, شوفوا الصورة الجميلة دي ..... ( و محدش يقوللي متفبركة )




:POINTI~2[2]: تويوتا سبيرانزا

[casperinoo]

تلاقيها العيال بتوع الشوارع بيلعبو بيهم...

[Samah AbdAllah]

حصلت معايا اخدو علامة الاوبل بس بيعملوا بيهم ايه مش عارفة

[mohamedsmsm]

اللي يفرسك
انها بتتفك بأصولها
يعني من غير ماتبوظ كأنه عارف طريقة الفك والتركيب

[solid_khaled]

بالمناسبة, شوفوا الصورة الجميلة دي ..... ( و محدش يقوللي متفبركة )




:POINTI~2[2]: تويوتا سبيرانزا

انا بردوة من يومين شفت سبرانزا ال 2000 سي سي محطوط عليها علامة متسوبيشى

Beee2a lel sob7

[M_Nabil]

ان سيارات الشارع كلها اتسرق منها كل اللوجوهات والعلامات ؟؟؟؟؟

كنا بنسمع زمان عن سرقة الكاسيت ـ السماعات - الفونيس المرايات الكازتش الحاجة الموجودة في شنطة العربية / العربية كلها ، لكم سرقت اللوجوهات والعلامات دي جديدة ؟؟؟

يا ترى رأيكم بيعملوا بيها ايه ؟؟؟؟

ربنا يعوض عليهم
المهم الشارع اسمه ايه ياباشا ومنطقة ايه عشان منركنش هناك ههههه هما تلقيهم شويه عيال صيع راحوا وخدين الشارع بالجمله بكل العربيات اللى فية عشان يلعبوا بيها او يحطوها على عجله ولا موتسكيل صينى نوع من انواع التخريب ليس اكثر عشان لو هو محترف بينقى الموديلات اللى هو عاوزها فقط مش بيلم عشوائي كده وفكرتنى بواحد قريب واحد صحبي كان مثبت الكاسيت كويس قوى المهم الحرامي دخل حاول يطلع الكاسيت مقدرش في الاول بس هو طلع ناصح كان معه منشار كيت اللى بيقطع الخشب والبلاستك وبيشتغل بولعه العربية وراح ناشر الطابلوه وطلع الكاسيت في الاخر يعنى غرامه فوق الكاسيت طابلوه جديد .. فن في الإيذاء كمان، حسبنا الله ونعم الوكيل.