بتعمل ايه بقطع غيار عربيتك القديمة؟

[tabeb]

بتعمل ايه بقطع غيار عربيتك القديمة
مثلا غيرت مساعدين غيرت طقم دبرياج
غيرت كاوتش عربيتك ياتري بتعمل فيهم ايه؟
بتركنهم علي جنب يمكن تحتاجهم في يوم من الايام؟
بتبيعهم؟
بتديهم للصنايعي من غير مقابل؟

[hossam_elwani]

بخزنهم يمكن احتاج جزء منهم فى يوم من الايام او لو باظت قطعة الغيار تانى اجيبها من غير ما اافكها ووقف العربية.

[Dr_Smart]

هو على حسب القطعه

يعني مثلا الكاوتش والبطاريه بتبيعهم وانت بتشري الجديد لنفس البياع

الحاجات الاستهلاكيه فلاتر تيل فرامل طقم كهربا بيترمو عند الميكانيكي او بياخدهم بقى معرفش

الحاجات التقايل بقى بشيلهم ... بس ولا ليهم اي لازمه فيه ركن في البلكونه عامل زي ماتكون في الوكاله ... حاجات ملهاش لازمه بس بستحرم ارميهم ... لكن فيه حاجات بايظه خالص مافيهاش رجا برميها عند الميكانيكي

مره سالت في الوكاله لو ممكن حد ياخد الحاجات دي ... قالي سليمه ؟ قلتله لا طبعا .. قالي يبقى هاخدها اعمل بيها ايه ماحدش هيشتريها

ممكن بس تجرب تبيعهم للبيكيا بياخدو اي حاجه ... منها يروقلك البيت واهو عشره جنيه احسن من مفيش

[maka]

هو على حسب القطعه

يعني مثلا الكاوتش والبطاريه بتبيعهم وانت بتشري الجديد لنفس البياع

الحاجات الاستهلاكيه فلاتر تيل فرامل طقم كهربا بيترمو عند الميكانيكي او بياخدهم بقى معرفش

الحاجات التقايل بقى بشيلهم ... بس ولا ليهم اي لازمه فيه ركن في البلكونه عامل زي ماتكون في الوكاله ... حاجات ملهاش لازمه بس بستحرم ارميهم ... لكن فيه حاجات بايظه خالص مافيهاش رجا برميها عند الميكانيكي

مره سالت في الوكاله لو ممكن حد ياخد الحاجات دي ... قالي سليمه ؟ قلتله لا طبعا .. قالي يبقى هاخدها اعمل بيها ايه ماحدش هيشتريها

ممكن بس تجرب تبيعهم للبيكيا بياخدو اي حاجه ... منها يروقلك البيت واهو عشره جنيه احسن من مفيش

جبت من الاخر

[abdalla45]

بحتفظ بيها للذكرى الهباب وايام العذاب

[ibrahimsaad]

هو على حسب القطعه

يعني مثلا الكاوتش والبطاريه بتبيعهم وانت بتشري الجديد لنفس البياع

الحاجات الاستهلاكيه فلاتر تيل فرامل طقم كهربا بيترمو عند الميكانيكي او بياخدهم بقى معرفش

الحاجات التقايل بقى بشيلهم ... بس ولا ليهم اي لازمه فيه ركن في البلكونه عامل زي ماتكون في الوكاله ... حاجات ملهاش لازمه بس بستحرم ارميهم ... لكن فيه حاجات بايظه خالص مافيهاش رجا برميها عند الميكانيكي

مره سالت في الوكاله لو ممكن حد ياخد الحاجات دي ... قالي سليمه ؟ قلتله لا طبعا .. قالي يبقى هاخدها اعمل بيها ايه ماحدش هيشتريها

ممكن بس تجرب تبيعهم للبيكيا بياخدو اي حاجه ... منها يروقلك البيت واهو عشره جنيه احسن من مفيش

بالضبط كده

[magyver]

يعني فية حاجااات بتشاال وحااجااات بتترمي
بعد الاستخدام

[د.أبونضال]

الكاوتش ببيعه ، ولي في الموضوع ده تجربه مثيرة، لأني رحت أبيع الأربع فرد مره فالبياع قالي 20 جنية فمشيت، ورجعت تاني لنفس البياع بعد أسبوع عشر أيام كده فقالي 100 جنية فبعتهوملو علي طول ولما حاول ينزل من السعر عشرة جنيه قولتلو أنا ما فاصلتش معاك في السعر إللي انت حددته فانت كمان ما ترجعش في كلمتك. الحقيقة هو كان كاوتش قديم خالص وفردتين من الأربعه كان عمرهم 12 سنة.
أما قطع الغيار الاخرى فأنا أصبحت بأحتفظ بكل قطعة غيار بتتفك من العربية لأني عن تجربة أعلم أن الصنايعية كثيرا ما يستبدلون قطعة الغيار رغم أنها سليمة كسلا عن إصلاحها أو لمجرد أن الزبون اشتكى وما يصحش يمشي من غير ما نريحه، أو رغبة في الحصول على قطعة الغيار لبيعها لتجار الاستيراد وهذا هو المكسب الحقيقي لهم.كما سمعت من أحدهم مرة ربنا يسامحه غرمني أكثر من 100 جنيه علشان مفتاح موتور الإزاز كان بايظ ، مفتاح بخمسين قرش، فهمني إن الموتور اتحرق ، ولما أصريت إني آخذ الموتور المحروق بتاعي بعد ما وافقته وركبت واحد مستعمل من عنده جن جنونه وقال لي هذه العبارة "ده هي دي مصنعيتي" يعني قطعة الغيار اللي بياخدها هي هدفه في الأساس ، وطبعا بعد كده بالصدفه اكتشفت إن الموتور سليم ورجعتله خليته يفك الموتور بتاعه بعد ما عصلج مرة واثنين في رفع الإزاز وخدت فلوسي ورحت لصنايعي أبواب تاني اشتغلني نفس الاشتغالات وقعد يفك ويركب ويخترع وفي الآخر بعد ما طلع روحي كان عايز ياخد 140 جنيه، في إعادة تركيب موتور وتغيير سلك وما إلى ذلك. لذلك أنا لا أثق أبدا في أي صنايعي خصوصا بتوع الأبواب.

[pro_samir]

طبعا ثقافة الكراكيب مسيطرة !

عندنا كورنر متقفل فى البلكونة مليان قطع غيار اشكال والوان وماركات مختلفة

ما عدا الكاوتش طبعا والبطاريات دول بيترمو

وفى اربع ابواب بى ام 518 لو حد عايز ههههه .. كنا جايبنهم استيراد علشان الفرش وكدة بس متركبوش

نفسى الم كل الكراكيب دى ارميها بس والدى بيحب يحتفظ بكل حاجة

[maka]

طبعا ثقافة الكراكيب مسيطرة !

عندنا كورنر متقفل فى البلكونة مليان قطع غيار اشكال والوان وماركات مختلفة

ما عدا الكاوتش طبعا والبطاريات دول بيترمو

وفى اربع ابواب بى ام 518 لو حد عايز ههههه .. كنا جايبنهم استيراد علشان الفرش وكدة بس متركبوش

نفسى الم كل الكراكيب دى ارميها بس والدى بيحب يحتفظ بكل حاجة

وترمى ليه يا زعيم ال 4 ابواب اعلان عنهم هنا فى المنتدى ممكن تجلهم بيعه

باقى قطع الغيار نادى لاى بتاع بكيا يخدهم يجوبلك 50 جنيه ورضى اوى

منك نظفت البلكونة وكسبت مبلغ بسيط جدا

[Samah AbdAllah]

على حسب الحاجة بس غالبا لو عند الميانيكى بياخدها على انها مستعملة وتدخل فى المصنعية او لو باخد حاجة من عنده ونادرا لما بشيل حاجة لانها بتبقا منتهية الصلاحية

[ابوهاشم]

والله فى حاجات بشيله لانها بتكون شغاله فعلا وانا بغيرها للتجديد والصيانه
لكن فى قطع غيار بيكون الصنايعى عشمان فيها وانا مش برضى اكسفه
وبسيبهاله

[Drift_Lover]

ده علي حسب...

لو كان فيها الرمأ. باحتفظ بيها.
ولو كانت منتهيه طبعآ باسيبها للصنايعي او ارميها.

[osamaesm]

بسيبهم للميكانيكي وهو برده بيعمل حسابهم في المصنعيه

[semsem67]

أنا أرجو من جميع الأعضاء ألا يرموا هذة القطع ولا يعطوها للميكانيكي ولا حتى يسيبوها في التوكيل وفيه توكيلات اسمها كبييييييير جدا وتضع قطع غيار مستعملة سابها صاحبها على أنها جديدة ولذلك أرجو من الجميع أنه ميسيبش حاجته بحجة إنه مش عايز كراكيب أو متعمد يسيبها للصنايعي ؛ لأنه كده بيساعد إن مواطن غيره يتسرق وتتحط له القطعة دي أو جزء منها على إنها جديدة