بعد ما البونتو كلاسيك رخصت , هل هتنافس فى السوق ؟؟؟

[Hosam_Optrawy]

النهارده فى اعلان كبير فى ملحق الاهرام للسيارات
البونتو كلاسيك بقت ب 66
وانا فاكر ان اخر سعر ليها كان 73
نزلت 7 الاف جنيه
العربيه 1300 ايطالى 100 % وكمالياتها
تكييف وباور وسنتر وايرباج وجنوط وفوج لايت
انا مش عارف ليه مفيش اقبال على العربيه دى
مع ان فى ناس بتشكر فيها
وخصوصا انها بالسعر ده قربت للبيكانتو وال i10
تفتكروا بالسعر ده هتبتدى تنتشر وتبيع
وليه قبل كدا ماكنش عليها اقبال مع ان سعرها مكنش كتير برضه
ولا انتوا شايفين ايه ؟

[sherif Anton]

لما كان معايا الفيات الأونو ولما بأعمل صيانة في التوكيل وكنت بأسأل على البونتو كان دائما مهندسين التوكيل يقولوا لي ان الأونو اللي معايا برقبة البونتو ...

[zyadahmed]

البونتو شيك جدا من برة بس فى كلام عليها من جوة وفى اعادة البيع انا كان نفسى اشتريها مستعملة 99 بس خوفت وجيبت اسكودا فيليشيا بس لما باشوفها ساعات باتمنى انى اغير ليها وان شاء الله المرة دى تبقى زيرو لو نزلت شوية كمان

[zocor742]

البونتو دى عربية ممتازة ومع ابن عمتى بجد عربية تحفة وبتاعت شقى وزوقها عالى بس بحب الكشاف الرفيع عن الكشاف العريض بتكون شبة البولو مش بققلل من البولو بالعكس بردو ممتازة بس هى البونتو الكشاف الرفيع هى دى البونتو

بجد عايز تحس بالعربية دى اركبها وانت هتعرف اية بونتو والعربية كانت مع ابن عمتى مش بتفتح مصاريف وصيانتها بسيطة جدا

[zocor742]

على فكرة يا باشا صالون البونتو من موديل 2000 شيك جدا والطابلوة شكلة حلو واضائتة احمر بس هو العيب الى فى الصالون ان زراير الزجاج فى الطابلوة نفسة مش فى البيبان وورا اوكر مش كهرباء مش عرف دة فى كل الموديلات ولا هيا كدة

هى ممكن تكون البونتو الشكل الاقدم الى قبل الكشاف الرفيع ممكن يكون عيوبها من جوة ان الجلد الى بيركب فى الباب من الداخل الى هو عند المزوجر بيشقق وبيتقطع وشوفتها كتير وفى عربية صاحبى البيبان الى ورا كدة
انما البونتو الجديد خامتها جيدة والله اعلم

[Michael_Lanos]

لما كان معايا الفيات الأونو ولما بأعمل صيانة في التوكيل وكنت بأسأل على البونتو كان دائما مهندسين التوكيل يقولوا لي ان الأونو اللي معايا برقبة البونتو ...

غريبه شويه .. يمكن قصدهوم علشان متانه الصاج وكده
لكن اكيد الحاجات الحديثه متظبته ونضيفه .... ده يمكن راى شخصى

عموما انا بسوق اونو ايطالى بتاعه ناس معرفه وهى عربيه ممتازه، لكن قديمه برده ومش بتشد زي الجديد

[mo7a_mo7a]

انا دايما رايي اننا شعب ودني ويحب التقليد
لو في 3 او 4 مهمين ركبوها حتلاقي الشعب كله راكبها

بس مدام نزلت في السعر يبقي اكيد حاجة من 2
1- موديلها مرطرط والجديد نازل
2- الشكل حيتغير

ومتنسوش انها اوروبي وجماركها حتنزل السنة الجاية