صفعة من وكيل مابل الصينية و وكيل هيونداى الى و كيل رينو

[meemo the beast]

أبو غالي يحدد سعر سيارة "مابل C52 " الصينية التي تصنف ضمن فئة السيارات السيدان العائلية. بسعر 55.000 جنيه بعد حصوله على توكيلها منذ نحو شهرين، و هي تابعة لمجموعة شركات "جيلي" الصينية.

وزودت مابل "c 52" بمحرك 1500 سي سي تبلغ قوته 94 حصاناً لتصل السرعة القصوى إلى 160 كم/ساعة.

وتحتوي السيارة الجديدة على العديد من الكماليات مثل فرش جلد طبيعي ومرايات كهرباء و جنوط سبور و نظام فرامل Abs-ebd ، فضلاً عن التكييف و الباور ستيرنج. في حين جائت رينو لوجان المغربية بدون أي كماليات نهائيا أعلى من هذا السعر بنحو 900 جنيه مع العلم انها دخلت البلاد بدون جمارك نهائيا
حتقولي بقى أصل دي صيني طب ما التانية تقفيل مغربي على روماني و بعدين فين بقى تخفيض الجمارك

[mahmoud_magdy]

ثانيه واحده
هتقولي دي صيني
هقولك دي رينو
دا على رأي الناس اللي بتحب تقارن دايما بالكلمه دي
انما الحكم هيكون بعد استخدام العربيه

[meemo the beast]

صفعة غبور

أعلنت شركة "غبور أوتو" وكيل سيارات "هيونداي" الكورية في مصر عن خفض سعر السيارة "فيرنا" 2000 جنيه، حيث أصبح سعر السيارة الجديد 62.500 جنيه.
و سيتم بيع السيارة بالسعر الجديد خلال شهر مايو الحالي فقط، حيث يسري العمل بالسعر الجديد في الفترة من الأول من مايو و حتى 31 من نفس الشهر.

و هذا السعر هو نفس سعر الفئة الثانية من رينو لوجان مع فارق الموتور الأكثر تقنية من هيونداي و اسم هيونداي و توكيلها في مصر و هذا انما يعبر عن مدى طمع و عدم ذكاء توكيل الرينو الذي كان بمقدوره أن يأكل السوق كله و يقلبه رأسا على عقب.

اللهم أهلك الظالمين بالظالمين و أخرجنا من بين أيديهم سالمين

[A.Saad]

الحمد لله انهم اختلفوا وبيضربوا فى بعض
لانى كنت حاسس انهم متفقين مع بعض على عدم تخفيض الاسعار نهائى بعد حدوث الركود

[Lion_Heart]

الحمد لله انهم اختلفوا وبيضربوا فى بعض

مصائب قوم عند قوم فوائد

[sasatony]

طيب تمام وفعلا الي هيفكر يشتري عربية اكيد هيشتري فيرنا علشان السمعة بتاعتها وبعد كده اعتقد العربية الصيني ثم العربية المغربي

[shafey]

كدة كويس ابتدو يضربوا فى بعض و كل دة فى مصلحة المستهلك

[zyadahmed]

أعلنت شركة "غبور أوتو" وكيل سيارات "هيونداي" الكورية في مصر عن خفض سعر السيارة "فيرنا" 2000 جنيه، حيث أصبح سعر السيارة الجديد 62.500 جنيه.
و سيتم بيع السيارة بالسعر الجديد خلال شهر مايو الحالي فقط، حيث يسري العمل بالسعر الجديد في الفترة من الأول من مايو و حتى 31 من نفس الشهر.

و هذا السعر هو نفس سعر الفئة الثانية من رينو لوجان مع فارق الموتور الأكثر تقنية من هيونداي و اسم هيونداي و توكيلها في مصر و هذا انما يعبر عن مدى طمع و عدم ذكاء توكيل الرينو الذي كان بمقدوره أن يأكل السوق كله و يقلبه رأسا على عقب.

اللهم أهلك الظالمين بالظالمين و أخرجنا من بين أيديهم سالمين

موتور هيونداى فيرنا الكورية اكثر تقنية من رينو الفرنسية ؟؟؟؟؟؟؟؟؟؟؟ اشك

[Ahmed Samy]

صفعة ايه بس ؟؟؟؟

ايه دخل دي في دي

الصفعة دي تبقى بين بتوع الصيني وبعضهم انما عربية صيني و شركة مالهاش أصل تنزل أرخص من عربية رينو و متقفلة في مصنع بيصدر لأوروبا و الصيني بكماليات أكتر ....ده طبيعي حضرتك ...


يبقى كده بقى الاسبيرانزا الكبيرة 2000 سي سي صفعة جامدة قوي للباسات !!!

[Ahmed Selim]

صفعة ايه بس ؟؟؟؟

ايه دخل دي في دي

الصفعة دي تبقى بين بتوع الصيني وبعضهم انما عربية صيني و شركة مالهاش أصل تنزل أرخص من عربية رينو و متقفلة في مصنع بيصدر لأوروبا و الصيني بكماليات أكتر ....ده طبيعي حضرتك ...


يبقى كده بقى الاسبيرانزا الكبيرة 2000 سي سي صفعة جامدة قوي للباسات !!!

أقول أيه بس...............دكتور يا خواتى

[meemo the beast]

صفعة ايه بس ؟؟؟؟

ايه دخل دي في دي

الصفعة دي تبقى بين بتوع الصيني وبعضهم انما عربية صيني و شركة مالهاش أصل تنزل أرخص من عربية رينو و متقفلة في مصنع بيصدر لأوروبا و الصيني بكماليات أكتر ....ده طبيعي حضرتك ...


يبقى كده بقى الاسبيرانزا الكبيرة 2000 سي سي صفعة جامدة قوي للباسات !!!

أسقفلك يعني و أقولك دكتور يا أخواتي عشان تفرح و لا ايه؟
طبعا صفعة لأن لو حضرتك واخد بالك توكيل رينو و اللي هو نفسه توكيل كيا من الآخر حرامي و بيبيع أعلى من سعر السوق بكتير و لما تنزله عربية مع اقراري انها مش في نفس المستوى الصناعي و لكن بسعر ضارب سعره المبالغ فيه أكيد حتكون صفعة و ضربة كمان ده غير الضربة بتاعة غبور المحرك بتاع مابل و بتاع فيرنا كلاهما تكنولوجيا متقدمة (16 صمام و حقن الكتروني) مما يعطي قوة أكبر و توفير في الإستهلاك أما رينو لوجان فقد أتى بها التوكيل بمحرك قديم التصميم (8 صباب - كربراتير) و يعطي 87 حصان فقط معاستهلاك أكثر و للأمانة اللوجان لها محرك اخر متقدم و لكنهم بخلوا أن يضعوه على السيارة القادمة الى مصر
بالإضافة الى أن الصين اللي حضرتك بتستقلها هي احد العمالقة القادمين على كل المستويات و مش معنى ان فيه صناعة صيني تبقى بالتبعية رديئة
لما نقارن رينو يبقى تقارن رينو حقيقية كليو او ميجان مثلا مش عربية محتارة بين داتشيا الرومانية و لا تقفيل المغرب
و في النهاية اداب المناقشة تحتم على سيادتكم عدم السخرية قبل ما تفهم الموضوع كله ايه و كمان الناس اللي بيسفقولك:10D5C8~1107:

[ضيف]

يا ترى إيه إللي إتشال من الرفايع أو مش رفايع قصاد تخفيض 2000 جنيه في هيونداي فيرنا؟

[Ahmed Selim]

أنا بصراحة مش فاهم أنت منرفز نفسك كده ليه و واخد الموضوع بجدية زيادة عن اللزوم........الدكتور أحمد أنا أعرفه على المستوى الشخصى و رأيه فى المشاركة اللى فاتت عجبنى و كنت بهزر معاه......فيها أيه دى؟؟؟؟ و تضايق سعادتك فى أيه ؟؟؟

يل سيدى الفاضل الشركات العالمية لا تعترف ببلد التجميع خلاص......يعنى مش عشان بى أم يبقى لازم تبقى معمولة فى ألمانيا.....
اللوجان عربية من عربيات رينو أو بتنتج تحت مظلة رينو......يعنى بيسرى عليها من معايير الجودة ما يسرى على الميجان و اللاجونا كمان.
و أنا عن نفسى لو خيرونى بين صينى و العربية المحتارة بتاعة رينو هختار العربية المحتارة......على الأقل فى الوقت الحالى.

كون العملاق الصينى قادم و الكلام ده كله.....على عينى وعلى راسى بس الى الأن أنا مشفتش عربية صينى أبقى متطمن و أنا راكبها ( اللهم إلا عربيتين أو تلاتة بالعدد )

و براحة بعد كده علينا........أحنا مش قدك

[ضيف]

بالمناسبة....مش الفيرنا إللي عليها العرض إللي هي موديل 2008 ؟.......(موديل بايت يعني)
فأكيد الوكيل لازم يتصرف بطريقة ما (من وجهة نظره طبعاً) و يبيع مخزون موديله عدى و موديلات 2010 على الأبواب
الحدوته مش لله فللّه علشان خاطر عيون العميل

[bishoy02010]

هوة موتور اللوجان كربياتير !!!! حضرتك متأكد من النقطة ديه !!!