تعمل إيه يا لو صحيت الصبح لقيت عربيتك كده ؟

[نور العمر]

دي مقصودة بيها صاحب العربية تحديدا
دي مش صدفة
ولا سرقة وخلاص
والدليل في الصورة عربية تانية بعجلاتها
ارفع بصمات
واعمل تحريات
وبلغ وحرك الشق الجنائي في الموضوع
مش مسألة ... الله يعوض عليك وخلاص

والعوض على الله طبعا
وربنا يلطف بعبيده

[amr_elrashidy]

يا راجل !!
بص حقولك حاجة 98 % من الحاجات اللي بتتباع مستعملة و كمان يقولك استعمال خارج , دي سرقة داخل

ابو رقيه الله يعوض عليك يارب..فعلا انا سألت واد بتاع كاوتش بعمل عنده عربيتى عالطول قالى يابيه كل المستعمل اللى فى السوق مسروق و قليل اللى بييجى يبدل..عالفكرة واحد زميلى عربيتة اتسرقت بنفس الطريقة الساعة 4 العصر من قدام الحديقة الدولية

[abou_ruqi]

دي مقصودة بيها صاحب العربية تحديدا
دي مش صدفة
ولا سرقة وخلاص
والدليل في الصورة عربية تانية بعجلاتها
ارفع بصمات
واعمل تحريات
وبلغ وحرك الشق الجنائي في الموضوع
مش مسألة ... الله يعوض عليك وخلاص

والعوض على الله طبعا
وربنا يلطف بعبيده

مش للدرجة دي بيتهيألي , أصل أنا ماليش أعداء أو مش بالسفالة دي إذا كان في

[ahmed1981]

لا حول ولا قوة إلا بالله
قل : اللهم آجرني في مصيبتي وأخلف لي خيراً منها
وربنا هيعوضك خير

والحل الأمثل والوحيد هو غفير محترم يبات مع العربيات
وكل شقة تدفع خمسة جنيه عشان مرتبه آخر الشهر
ولو السكان رفضوا الإشتراك حاول تدور على كام شقة من الناس المحترمين المتربيين وتقنعهم بحيث يبقى عدد معقول
ووقتها تجيبوا الغفير وتقسموا مرتبه

[EslaM_NagY]

ابو رقيه الله يعوض عليك يارب..فعلا انا سألت واد بتاع كاوتش بعمل عنده عربيتى عالطول قالى يابيه كل المستعمل اللى فى السوق مسروق و قليل اللى بييجى يبدل..عالفكرة واحد زميلى عربيتة اتسرقت بنفس الطريقة الساعة 4 العصر من قدام الحديقة الدولية

يا نهار اسود دا انا ساكن هناك
اما انزل اطمن بقي

[M.Mostafa80]

حسبى الله ونعم الوكيل
ولا حول ولا قوه ألا بالله
ربنا يعوض عليك بأحسن منهم
دا أبتلأ من ربنا لأختبار أيمانك أحتسب عند ربنا وانا عن نفسى لو شفت الطقم دا بيتباع عند حد هقولك على طول

[abou_ruqi]

والله فكرة
ما تيجي نعمل حملة لمنع الناس من شراء الحاجات اللي سهلة السرقة مستعملة , سياسة تجفيف منابع , لما الحرامية حيلاقوا الناس بطلت تشتري المسروق (اللي بيتباع على أنه استعمال خارج) حيبطلوا سرقة لكساد البضاعة

يعني لا تشتري كاسيت مستعمل ولا سمعات ولا اكيولازرات
ومتشتريش علامة مستعملة
متشتريش لا كاوتش ولا جنوط استعمال
ما تشترتيش بطارية مستعملة

وهكذا

عارف إن في ناس قدراتها المادية ماتسمحش , بس لما يعرف إنه حيشتري سرقة -بعد تأكيد كل المعنيين ببواطن الأمور إن الأشياء المستعملة مسروقة- أعتقد حيكون الوضع مختلف إلا إذا قبلها على نفسه وركبها في عربية بتشيل عياله

[maka]

ربنا يعوض عليك

بجد البلد جاعت

[أشرف فتحى]

يابو رقيه مهو مش كل اللى بيشترى عنده وعى وممكن يكون بيبقى عارف أن الحاجه مسروقه وبيستغل ده عشان يفاصل وياخدها بنص تمنها !
ولو قلتله دى لازم مسروقه يقولك وانا مالى هو انا اللى سرقتها!!!

ده حصل قدامى فى موبايل اتباع بنص تمنه !

كمان ممكن اللى بيسرق الحاجه بيسرقها عشان يركبها عنده وده حصل مع اخ لينا هنا فى المنتدى زميله شاف اتنين بتاكسى بيفكوا العجل وافتكره واحد منهم وبيصلحوا العربيه!!

للاسف اللى بيسرق الكاسيت او الجنوط بيتعامل معاك على انك فلوسك حرام وتستاهل لانك اكيد حرامى عشان تركب عربيه وتتنطط بيها على خلق الله (من وجهه نظره طبعا)

[Abo_Lina]

خد بالك ان مش كل الي بيسرق بيسرق علشان يبيع
فيه بيعملو كده غيرة و حقد

[Ghamrawy]

ماهو اتنبح صوتنا علشان نعمل زي ما في كتير من العمارات عاملة بس سكان البلاد بنت التيت غالبا أخلاق التيتات بتنضح علي بعضهم

وبعدين تشامبيون بعيد عني قوي , بس غالبا كل المقترحات بتنصب إني أمشي من نص كيلو لكيلو علشان أحط العربية في مكان أمان , وأنتهى عصر إني أركن تحت البيت

اعوذ بالله من الجيران اللى من العينة الواطية دى !!
ما انصحكش انك تمشى على رجلك جوه العمارات علشان ممكن حد يطلع عليك يسرقك و تبقى كملت

[ابو فرح]

لا حول ولا قوه إلا بالله !!
ربنا يعوض عليك يا ابو رقيه!!

[mohamed_88sk]

يا أبو روقية ....
أولا قدر اله وما شاء فعل
بجد مش عارف اقول ايه بس الحمدلله


انت مساكن طوسون ؟؟

لو كده خلي بالك الأمن اللي هناك بيتأمر مع الحرمية وأحيانا هم نفسهم اللي بيسرقوا والله اعلم
لأني سمعت كده من عمي الله يرحمه كان ساكن هناك :(

[ehab4367]

حرامية اخر زمن.....................

[Mostafa Hessen]

لا حول ولا قوة إلا بالله