خلوا بالكو من الحركة دى"""""""

[pharonicking]

لو ركبوا الفيشة حنعرف منين انهم شالوها والعربية مشيت كتير؟

[Dr.SherifMansy]

لو ركبوا الفيشة حنعرف منين انهم شالوها والعربية مشيت كتير؟

هنا دور الكاوتش لأن مهما لعبوا بالعربية مش هاتوصل لتغيير الكاوتش
اذا كانوا بيسوقوها علشان يوفروا اجرة التريللا اللى المفروض تنقل العربيات فأكيد مش هايصرفوا مليم على الكاوتش حتى لو هايكشف ان العربية اتمشى بيها فترة

[Terrible_DaRsH]

ما انا قلت الكاوتش من الصبح يا جماعة ..

العربية الزيرو لو مشيت فوق ال 100 ك و ضربت فرامل كتير بيبان على الكاوتش بتاعها . خصوصا لو كانت زى التاكسي الاسبرانزا اللى بيجربوه ده و بيخمسوا بيه .

و ممكن كمان تبان لو فى طينة تحت الرفرف او تراب لازق .

[dasboot]

رأفتاً من سموي بحالكم البأس هدطر أكشفلكم سر الصنعة و اقولكم ازاي تعرفو العربية دي ماشية ولا لأ

بصو، في كذا علامة للموضوع ده وأنا شخصياً عملت كدا وأنا باستلم عربتي الخميس إلي فات الحمدلله
وعلشان كدا بمجرد فحص بسيط وانت عند المعرف هتعرف :

١- الشكمان الجديد بيبئة فيه wax مطباتاً به من أول الهيدرس بلحد أخرو وعلشان كدا بيعمل ريحة زي ما تكون ريحة حاجة بتتحرق لمدة 60~100KM لذلك، ببساطة كدا وانت بتستلم دور العربية وسبها تسخن وبعد كدا دوس بنزين شوية وشم الريحة لو لقيت ريحة شياط يبقى لسة ممشيتش ولو لقيت الريحة عادية يبقى الموتور ده عدى 100KM

٢- الكبوت من جوا بيكون متشمع بردو بس يدوب بيفضل حوالي 30KM

٣- مجرد نظرة بسيطة على دواير العجل هيبان هي فيها أثر المشي فالشارع ولا لأ، لكن غسلة جامدة ممكن تنضفو.

٤- في معاد الإستلام روح بدري أوي ومش مشكلة تتلطع شوية لكن المهم تقفش أي حاجة تتعامل وتشوفها وهي جاية وكدا

٥- امسك نفسك ومتبقاش ملهوف ومتسرع وحتموت وتشبط العربية الجديدة وبص على كل حاجة بنظرة متفحصة ودققة وخلق لمح وربنا هيسلم إنشاء الله مدام الفلوس حلال وهو عارف قد ايه إنت تعبان فيها

الراجل بيتكلم عن عداد السرعة مش الكيلوات

طيب هما لو فاكين عداد الكيلوات صاحب العربية هيعرف منين ان العربية عملت 1000ك علشان يروح الصيانة

ما هو ال٢ في حاجة واحدة اسمها كابل السرعة وهو بيجي من الفتس ولما تفصلو عداد السرعة والكيلو الاتنين بيفصلو

[pharonicking]

الكلام دة عايز واحد يكون فاهم فى العربيات
طب لو شخص عادى يعمل ايه؟

[dasboot]

الكلام دة عايز واحد يكون فاهم فى العربيات
طب لو شخص عادى يعمل ايه؟

ياخد معاه واحد صاحبه او قريبه فاهم في العربيات كانه رايح يشتري عربيه مستعمله بالضبط علشان احيانا كتير العربيات بتتحك من السائقين او في اثناء الشحن و تترش ولا مين شاف ولا مين دري
و تبقي حضرتك واخد عربية رششه بره و هي لسه زيرو

خلاص البلد دي مفيش حد فيها يئامن حد, كل حاجه تعملها و تتأكد منها بنفسك حتي لو زيرو

[mhmdsfwt]

هل ممكن يعرف في التوكيل عند صيانة الالف كيلو العربية مشيت قد ايه بالظبط؟؟؟؟

[dasboot]

هل ممكن يعرف في التوكيل عند صيانة الالف كيلو العربية مشيت قد ايه بالظبط؟؟؟؟

لو كابل السرعه كان ملعوب فيه مش هيعرف هو ساحر !!! :)

و ده سبب ان الوكيل بيخلي الضمان كيلوات و سنين و إلا هيعد يصلح في العربيه 10 سنين و هي لسه عامله 1000كم

[hossam160]

غبور دولت فشلة اخويا كان مستعلم عربيتة الفرينا فيا من غير كلاكس

[bishoy02010]

اولا يا ريت محدش يدخل يشتم فى الكورى واليابانى لانى شامم اساسا تهجم على الكورى و حاجات من دى ..

عموما يا جماعة مش لو العربية اتلعب بيها بيبان على الكاوتش برده ولا ايه !!

هو الكاوتش الزيرو زى الكاوتش اللى هيعملو بيه مشاوير و لعب .! كلامى صح ولا خطا ؟

الكاوتش مش هيبان عليه حاجة ياباشا مهو بيتغسل واستحالة تفلى انى لو خمست بالعربية الكاوتش هيبان عليه ... الكاوتش ده بيقعد فوق ال 50000 كيلوووووو فمش هيبان اى حاجة فى خلال 1000 كيلوووو وعن تجربة :)