محاولة لعمل تكييف للسيارة بدائى ......

[sleepyhammer]

الموضوع ده شوفتو فى موقع مفيد بس اجنبي طبعا واعتقد انه امريكي وفيه افكار كثيرة
ومنها عمل تكييف للسيارة يعمل بالكهرباء بس مشكلته ان فى حاجات حتبقى صعبة شوية نلاقيها عندنا
فى مصر هنا ، بس اهو عجبنى وقلت يمكن حد يقدر يساعد اننا نعمله وينفعنا هنا
------------------------------------------------
وهنا الصفحة الى فيها كيفية عمله ويارب تعجبكم الافكار الى فيه

http://www.instructables.com/id/Portable_Air_Conditioning/

[for_ever]

اعتقد المراوح المستعملة في الموضوع دي مراوح اجهزة الكومبيوتر :)
و الكولر اللي استعمله موجود في اي سوبر ماركت نضيف :)
المعدات المستعملة كلها موجودة يا باشا
بس المشكلة هتعمل ايه بعد ما التلج يسيح
و كمان المية ممكن تيجي علي المراوح و تحرقها .......

[robeir]

جزيل الشكر على الموقع الجميل

[sleepyhammer]

اهو الواحد بيفكر فى اي محاولة لقتل الحرارة الى بنواجهها فى الصيف بذات الى معندوش تكييف فى عربيته
وممكن الاختراع ده يفتح افكار تانية لينا

وانا بس حبيت اعرض معلومة لاقيتها عشان منتدانا الحبيب واعضاءه يستفيدو

[himatros]

بس ايه فكرة المراوح عشان نبعدها عن الميه

[evoo90]

اعتقد المراوح المستعملة في الموضوع دي مراوح اجهزة الكومبيوتر :)
و الكولر اللي استعمله موجود في اي سوبر ماركت نضيف :)------ تمام وممكن تحط مراوح اكبر شويه وبدل الكولر ممكن تحط ثلاجه او خزان فيريون
المعدات المستعملة كلها موجودة يا باشا
بس المشكلة هتعمل ايه بعد ما التلج يسيح------ممكن تحط المراوح دى على ثلاجه عربيه اصلا او اى خزان فيريون مش شرط ثلج
و كمان المية ممكن تيجي علي المراوح و تحرقها-----فى ورق عامل زى الورق الكلك كده بيمرر الحراره بس مابيمررش السوائل .......

[dode2002]

فكره حلوه

[PoweRPassioN]

يا لذيذ يا رايق
شكرا على الفكره
الحاجه ام الاختراع !!

[Samah AbdAllah]

هى فكرة حلوة حد هيحاول ينفذها هنا؟

[madyyuri]

اعتقد المراوح المستعملة في الموضوع دي مراوح اجهزة الكومبيوتر :)
و الكولر اللي استعمله موجود في اي سوبر ماركت نضيف :)
المعدات المستعملة كلها موجودة يا باشا
بس المشكلة هتعمل ايه بعد ما التلج يسيح
و كمان المية ممكن تيجي علي المراوح و تحرقها .......

ممكن تستعمل الثلج الجاف

[MoMohsen]

فى نفس الموقع كان فيه واحد عمل نفس التكييف بس حط المراوح فوق اكنها فى الغطاء و بكدة تضمن ان مفيش ميه هتوصلها.
http://www.instructables.com/id/Portable-12V-Air-Conditioner---Cheap-and-easy!/
بالنسبه للمراوح هى متوفرة ورخيصه الحجم دة فى حدود 20 جنية بس انا فى رأيى انك تستخدم مروحة باور سبلاى قديم.
اما بالنسبة للأيس بوكس المستخدم فدة مصمم انه يحفظ البرودة لفترة طويله حوالى 18 ساعة و دة انت مش محتاجة عشان دية تجربة فالافضل انك تجيب باسكت قديم و غلفة من الداخل بالفل اللى بييجى مغلف بيه الاجهزة الكهربائيه ودة هيحتفظ بالبرودة مد كويسه بردة مش 18 ساعة بس هتبقى مدة كافية.

[maka]

بس يا ترى مدى كفاءة التبريد هتبقى عاملة ازاى وبالذات مع حر مصر؟؟؟

اكيد ضعيفة

[icetak]

و ممكن لو عاوز تشترى تلج من " اون زا رن"

[Bossy_Fadl]

بعيدا عن الفكرة نفسها

اكتر شي عجبني بالموضوع جملته

so I decided to improvise!

هاي مشكلتنا يا جماعة

Nearly nobody is trying either to improvise or to invent

و هاي صارت مشكلتنا

مع ان اعظم العلماء كانوا من العرب

بس ما بعرف ليه كل ما الزمن بيمر كل ما بندخل اكتر في مرحلة من الكسل و الوجوم تخلينا حتي نكسل نقوم نجيب لنفسنا كوباية الميه

محدش صار عنده ملكه الابتكار او الارتجال

مع اننا عندنا عقول من دهب

يا سلام لو ننفض التراب اللي عليهم

[MoMohsen]

بس يا ترى مدى كفاءة التبريد هتبقى عاملة ازاى وبالذات مع حر مصر؟؟؟

اكيد ضعيفة

انا فى رأيى ان حتى لو التبريد ضعيف هيبقى اهون من الحر العادى. انت مثلا مشوفتش سواق تاكسى مركب مروحة عمالة تجيب فى هوا سخن و الراجل تحس انه زى الفرخة المسلوقة جوة العربية.
اهو احنا بردة ممكن ننفذ نفس الفكرة بس بطريقة مصرية.
وعلى فكرة انا لما قريت التوبيك لقيت ان الراجل عمل التكييف دة عشان يركب فى Small Truckحجمها اكيد هيكون اكبر من العربية العادية .ومع ذلك قاس درجة الحرارة و فرقت كتير فعلا.
على فكرة انا عندى تكييف فى عربيتى بس مع ذلك هحاول اطبق الفكرة ده.