احترس من المصرية للسيارات

[SamehKholif]

لقد حاولت شراء سيارة أوبترا بالقسط من خلال شركة المصرية فرع جرين بلازا - اسكندرية وذلك بعد استخارة الله عز وجل ولكن كنت سأتعرض للنصب والحمد لله ربنا ستر.
الحكاية بأختصار أنهم فرجونى على عربية سماوى فاتح مانيوال ولما قلتلهم تمام على بركة الله . قالولى خلاص ادفع مقدم حجز وبكدة العربية تكون على اسمك لغاية ماتيجى موافقة البنك بكره و نخلص بكره باقى المبلغ قلتلهم تمام ودفعت وأخذت ايصال وكتبنا أبليكيشن .المهم جت موافقة البنك .ولقيتهم بيتصلوا بيا وبيقولولى الموافقة جت بس العربية اتباعت ؟؟؟؟؟؟؟؟؟؟؟
ومش كدة وبس ده احنا كمان بعتنا نجيب لحضرتك العربية الوحيدة الأوبترا الموجودة فى الشركة وهى فى فرع الغردقة.
وسبحان الله وبقدرة قادر كل العربيات اللى فى الفرع كتبوا عليها مباعة؟؟؟؟؟؟؟؟؟؟؟
المهم بعد يومين تلاتة من التسويف جابولى عربية لونها فيرانى والبربيز الأمامى منقور والفرش الداخلى متسخ للغاية ويقولولى خدها والتأمين حيغطيها
بالله عليكم ده كلام ناس عاقلين.
وقالولي خلاص لو مش عاجباك خلاص العربية سعرها زاد 3 الاف جنيه ادفعهم فرق واحنا نجيبهالك. طبعا رفضت وتوجهت للبنك المحترم الأهلى سوسيتيه جنرال (كريدى نيل) استاذ /أحمد نبيل و أستاذ/ ابراهيم علاء (فرع الداون تاون) لتحويل موافقة البنك على أى معرض آخر يتعامل مع البنك وذلك فى وجود عروض أسعار بالسعر القديم واللون المطلوب طبعا رفضوا رفضا باتا مع الكثير من المماطلة فى البداية (تواطؤ تام مع المصرية)
المهم العربية بعد 7 أيام ذادت فعلا بعد ما عقدونى منهم لله وحسبنا الله ونعم الوكيل
وشكلى كدة حشترى مستعمل تنصحونى بأيه
وآسف للأطالة

[essam275]

انت كدة ربنا بيحبك ان البيعة دى ما تمتش علشان التقسيط بالنظام دة حرامممممممممممممممممم
و ازاى تعمل استخارة على حاجة حرام احمد الله و اتقى ربنا اللهم اجعلنا من المتقين و شكرا

[kareem_adel]

والله انتا ربنا بيحبك حضرتك الشركة دى نصابة ومش بحبهم اصلا وبحس انهم بيتكلمو كتير على الفاضى والاعلانات الكدابة بتعتهم كل ده اصلا مدى للناس فكرة وحشه عنهم انا بصراحة حاليا شايف انك مش تجيب زيرو نهائى السوق محدش عارف هيحصل ايه زهنعرف لما موديلا 2010 تنزل وقتها هنعرف الاسعار هتنخفض ولا هتفضل زى مهيا انا شايف حضرتك لو محتاج العرببية دلوقتى تجيب حاجة مستعمل وقلنا حضرتك معاك كام واحنا نساعدك بس مفيش احسن من الزيرو بصراحة

[Hosam_Optrawy]

هما اصلا سمعتهم زفت وكل الناس بيحذروا منهم محدش بيشكر فيهم
بيتهيألى ده اخر مكان ممكن اجيب منه عربيه
والحمد لله ربنا سترها معاك

[Mohamed.Fawzy]

اهم حاجه خدت فلوسك منهم ولا لأ

وثانيا اياك و 3 معارض المصريه , قبنورى , سمير ريان

وثالثا لو عايز تقسط روح قسط من عند الوكيل نفسه و منصور اعتقد عامل كده و بيبيع قسط و كاش فى المعارض بتعته و كفايه انك هتاخد العربيه من المصدر

[blazer]

اكتر من مره فى المنتدى الناس بتحذر من التعامل مع المصريه دول لانهم حبه حراميه
انت لو عاوز تشترى مستعمل فى حدود تمن الاوبترا زيرو ان شاء الله هتلاقى عربيات كسر زيرو كتير وماركات محترمه (النترا -صنى-تيدا-ميجان 2006)

[Michael_Lanos]

يارب ارحمنا من الناس دي

[PoweRPassioN]

شكرا على النصيحه والحمد لله ان ربنا سترها معاك

[ainshouka]

انت كدة ربنا بيحبك ان البيعة دى ما تمتش علشان التقسيط بالنظام دة حرامممممممممممممممممم
و ازاى تعمل استخارة على حاجة حرام احمد الله و اتقى ربنا اللهم اجعلنا من المتقين و شكرا

الكلام دا مظبوط جدا جدا
عارف لو البنك يملك هذه السيارات كان كل شئ يبقى تمام ومكانش فيه اى ربا بس المشكلة ان البنك لا يملك هذه السيارات وكل اللى بيعمله انه بيدفع للمعرض الفلوس وبعدين ياخدها زيادة يعنى بالظبط عامله زى صورة الربا الاصلية ان الواحد يدى فلوسه لشخص ويقوله بعد مده معينة ترجعهالى كذا ويحدد له قيمه معينة
ربا ربا ربا فاحش
أرجوك ابعد عن كل التعاملات اللى بتيجى عن طريق البنوك وحاول اشترى مستعمل صدقنى ربنا حيباركلك فيها جدا عن انك تشترى حاجه جايه من طريق غير شرعى

وياريت متتغرش باللى ماشيين فى الطريق دا لان فيه منهم ناس كتيره مش عارفه ان دا حرام لكن انت دلوقتى عارف وعارف انه حاجه حرام
وصدقنى من ترك شيئا لله ابدله الله خيرا مما تركه ودى عن تجربة فعلا

وياما فى عربيات مستعمله ربنا مبارك لاصحابها مش حاسين انها عاملالهم اى مشاكل وياما فيه عربيات جديدة ومشاكلها مبتنتهيش

واسف على الاطالة

[Qamar]

لي صديق اشترى نوبيرا 2008 عامله 16 ألف و ما شاء الله ممتازة و سعرها 64000
دور على كسر زيرو (لو الفلوس تسمح) أحسن من القسط و سنينه

[Terrible_DaRsH]

هو قانون حماية المستهلك ملوش علاقة بالناس دى !

[dode2002]

اكبر نصابين
المصريه للفرجه بس انما الشراء حاجه تانيه

[Samah AbdAllah]

[marq="3;right;3;scroll"]
الحمدلله ان ربنا سترها معاك
[/marq]

[Drift_Lover]

لقد حاولت شراء سيارة أوبترا بالقسط من خلال شركة المصرية فرع جرين بلازا - اسكندرية وذلك بعد استخارة الله عز وجل ولكن كنت سأتعرض للنصب والحمد لله ربنا ستر. :_alshmokh22[1]:
الحكاية بأختصار أنهم فرجونى على عربية سماوى فاتح مانيوال ولما قلتلهم تمام على بركة الله . قالولى خلاص ادفع مقدم حجز وبكدة العربية تكون على اسمك لغاية ماتيجى موافقة البنك بكره و نخلص بكره باقى المبلغ قلتلهم تمام ودفعت وأخذت ايصال وكتبنا أبليكيشن .المهم جت موافقة البنك .ولقيتهم بيتصلوا بيا وبيقولولى الموافقة جت بس العربية اتباعت ؟؟؟؟؟؟؟؟؟؟؟
ومش كدة وبس ده احنا كمان بعتنا نجيب لحضرتك العربية الوحيدة الأوبترا الموجودة فى الشركة وهى فى فرع الغردقة.
وسبحان الله وبقدرة قادر كل العربيات اللى فى الفرع كتبوا عليها مباعة؟؟؟؟؟؟؟؟؟؟؟
المهم بعد يومين تلاتة من التسويف جابولى عربية لونها فيرانى والبربيز الأمامى منقور والفرش الداخلى متسخ للغاية ويقولولى خدها والتأمين حيغطيها
بالله عليكم ده كلام ناس عاقلين.
وقالولي خلاص لو مش عاجباك خلاص العربية سعرها زاد 3 الاف جنيه ادفعهم فرق واحنا نجيبهالك. طبعا رفضت وتوجهت للبنك المحترم الأهلى سوسيتيه جنرال (كريدى نيل) استاذ /أحمد نبيل و أستاذ/ ابراهيم علاء (فرع الداون تاون) لتحويل موافقة البنك على أى معرض آخر يتعامل مع البنك وذلك فى وجود عروض أسعار بالسعر القديم واللون المطلوب طبعا رفضوا رفضا باتا مع الكثير من المماطلة فى البداية (تواطؤ تام مع المصرية)
المهم العربية بعد 7 أيام ذادت فعلا بعد ما عقدونى منهم لله وحسبنا الله ونعم الوكيل :_alshmokh22[1]:

لا حول ولا قوة الا بالله...

عربية لونها فيرانى والبربيز الأمامى منقور والفرش الداخلى متسخ للغاية ويقولولى خدها والتأمين حيغطيها

الناس دي بتستهبل...

[mohmd76]

اتركهم واخذ مالك
واشترى السيارة من التوكيل فقط وشوف نظام التقسيط لديهم على الاقل مش نصابين ولا يعطوك سيارة لا لون ولا كماليات مخالفه
سيارتنا من توكيل غبور مباشرة معامله جيدة والسييارة محترمة
واللون كان مفاجاة لانه طلع ميتالك وهذه هى المفاج
اة التى كانت غير متوقعه فعلا
لان اللون كان احمر نبيتى فقط
فعلا يوجد تاخير فى الاستلام لكن الكلمه واحدة وقت ما تيجى السيارة نتصل بك