الجزء السادس : أنا والسفنتينا .. والأخوة الاعداء

[نور العمر]

الغلستينا هانم ... مظبطاني ميكانيكيا وكهربائية بس 1000 ج
ده غير الفوانيس إللي اتكسرت واتركبت ومصناعياتها
وكمان سمكرة ودوكو الحادثتين
........*
وعاوزين يوصلوني لعمرة موتور
........*
عملتلها شوية ... تظبيطات
بعدها ... ربط القاعدة
بعدها زيت وفلتر
وماستر فرامل أمامي وخلفي
بعدها 12 بوجيه في اقل من شهرين
................
حيوصلوني لطقم شنبر وعامرة أو نص أو 3/4
................
في النهاية وبعد معاناه مع 4 ميكانيكيا
و4 كهربائية غيرت المروحة بعلبتها عشان اتعرضت للسخونة المفاجأة
وعطلة المروحة مرتين
وعملت زرار في الكبوت عشان اشغلها يدوي ... انتهت القصة الحمد لله والمطاف مع كهربائي أمين مصنعية 10 ج ومروحة 120 يوغوزلافي و 10 طلبات زرار وسلك
................
آخر ميكانيكي وصلتله بقا ... داخلي بردوا في نفس الأفكار ... قلتله انسى... هو زيت الشنبر
بس اكشفلي كويس ليه بتسرب زيت ... وموضوع الكراسي لو أعمله للبوجيهات
فقاللي حغسل الموتور وانضف تاكيهات ... ونشوف الجوانات ... وإن شاء الله تتظبط
طب يا أخي ... بطلع دخنة بيضا .. أو أي لون .... لا
طب بتنصح بعمرة ليه
........*
موعدي غدا لعمل إللي قال عليه
وعليهم حغير الزيت عشان احط زيت الشنبر ما علينا مش مهم هو بقالو شهر بس مش مشكلة بجملت المصاريف

بس المفجأة

الميكانيكي قاللي حاجة ... طلعت السبب في كل ده

تفتكرو إيه ؟؟؟؟؟؟؟؟؟؟؟؟؟؟؟؟؟؟؟

العربية معبية زيت زيادة ... عن حاجة الموتور .. فده خالاني أحط تصور
إن ده ممكن يكون سبب تعريق البوجيهات وعالجته مؤقتا ببوجيهات نص سن مع موضوع زيت الشمبر ده ... + سبب تسريب زيت من العربية وعدم تأثر مقياس الزيت بالناقص
لا وهي باردة ... ولا بعد ما تقف من مشوار وهي لسة سخنة

أخيرا بفكر ابيعها
وحاجيب إن شالله صيني

اعتقد إنه ارحم

في النهاية بجد مفيش أمانة ولا في حد بيريح حد
وأسوا فئتين بعد المحامين والمحاسبين
الميكانيكية والكهربائية

[Samah AbdAllah]

كان الله فى عونك يا نور قلبى معاكى وطمنينى هتعملى اي بكرة وربنا يجعلها اخر الاحزان

[mando_07]

وأسوا فئتين بعد المحامين والمحاسبين
الميكانيكية والكهربائية

افتكر الجملة دى هتزعل ناس كتير هنا في المنتدى بس أنا كان ليا سؤال المحاسبين فئة وحشة ليه !!؟؟للمعرفة بس أنا مش محاسب

[نور القمر]

نور ماشاء الله عليكي
انا عرفت السفنتينا تبعاكي ليه
علشان اتحسدتي يا ماما
كل دي معلومات عندك ههههههههههههههه وانتي لسه نيو كار يوزر

[Drift_Lover]

انا بيتهيأ لي انت ماركبتيش عربيتك علي أد ما رحتي الورش يا نور...

ربنا يكون في العون.

[نور العمر]

انا بيتهيأ لي انت ماركبتيش عربيتك علي أد ما رحتي الورش يا نور...

ربنا يكون في العون.

كلام حضرتك 100 100

[نور العمر]

افتكر الجملة دى هتزعل ناس كتير هنا في المنتدى بس أنا كان ليا سؤال المحاسبين فئة وحشة ليه !!؟؟للمعرفة بس أنا مش محاسب

قبل ما أحد يزعل
أنا محامية بالاستئناف

ومكملتش في المحاماه لأسبااااااااااااااااااااااااااب كتييييييييييييييييييييير خرجتني للرأي ده
بس ده مش معناه إن في ناس تعرف ربنا طبعا ... بس إللي يلاقي بسهولة؟؟؟

أما المحاسبين ..... شغلتي التانية ... إللي محبش أعلن عنها رسميا
عرفتني حاجات كتييييييييييييييييييييييييير قوي عنهم .... كرهتني فيهم قلبا وقالبا
كلهم بقا أو مش كلهم .... يصراحة .... الله أعلم

وفي دكاترة وحشين
وفي مهندسين بيغشو ويفبركوا
وفيه
وفيه
وفيه

الموضوع باختصار

الذمة والضمير

ومحدش يزعل
ده الاهم في الموضوع

[M.Osman]

في النهاية بجد مفيش أمانة ولا في حد بيريح حد
وأسوا فئتين بعد المحامين والمحاسبين
الميكانيكية والكهربائية

المحاسبين ؟؟؟؟؟؟
لأ بجد ؟
طب لية؟
ايوا انا كلية تجارة بس قسم إدارة أعمال ... يعني مش محاسب ...بس بجد عايز اعرف اية السبب للكره دا ؟؟

و هو طبعا كل فئة فيها ناس وحشة ... بس برضه في ناس كويسة!! لأن لو حكمنا على المحاميين انهم نصايبن مثلاً يبقى احنا كدا بنعمم أو stereotyping ..

افهم بقى؟

خرجتينا عن الموضوع بس

[نور العمر]

اعتبروها اتمسحت
متزعلوش
بس لو عرفتو سببي
حتعزروني
بس سامحوني
مش حقدر اقوله
كل إللي حقوله
ربنا يبارك لكل واحد عنده ضمير

[mando_07]

i know that you are good person and you don't mean it but i just wanted to know :D

[M.Osman]

i know that you are good person and you don't mean it but i just wanted to know :D

exactly my thoughts

[A.Saad]

اول مرة تكتبى حاجة تزعلنى يا نور

[أشرف العدوي]

وأسوا فئتين بعد المحامين والمحاسبين
الميكانيكية والكهربائية

شكراً يا نور
بس بجد انا محاسب و اتعاملت مع محاسبين كتير في مختلف المجالات و عدد كتيييييييييير جداً و قابلت ناس في دبلومات و في قرصات و في بنوك و مصالح
و مشفتش منهم اي حاجة وحشة
و لا يمكن علشان انا وحش زي مش واخد بالي
على العموم بردو انا شايف انه ما يصحش نصنفهم كدة
1- محامين
2- محاسبين
3- ميكانيكية
صعب قوي التصنيف ده
ده انتي خلتيني اقول ياريتني ما كنت اتعلمت
و ما تزعليش هي بس وجهة نظري

[نور العمر]

يا جماعة أنا مليون آسفة والله مقصدش أزعل حد
ولا أقصد إلا فئة الناس إللي مش بتتعامل بضمير
وزعلكو ده على عيني والله

ارجوكو اقبلو عذري واعتذاري الشديد

أنا بس فيه فنيات كدة معينة بدايقني
أنا مثلا اتعاملت مع خمس كهربائية ... منهم 2 كويسين
واتعاملت مع 4 ميكانيكية ... منهم واحد كويس وربنا يستر ويبقا تمام التمام

متزعلوش

بس الفئة المقصودة والله ... الناس الوحشة إللي بتغالي في الاتعاب
وتستخدم الثغرات القانونية ... وهما إنه لصالح العميل .. وفي النهاية يقع في مطبات .. لإن كل ثغرة ليها مخرج

وعلى فكرة .... انا في حكم المحاسب القانوني ... بس مش شاطرة قوي زي جهابزة المحاسبين

لسة زعلانين

طب خوشو على لينك العزومة على المنتدى الاجتماعي

خدوا حتة تورتة ... واشربو حاجة فريش ... وروقوا ومتزعلوش

وبكرر المقصود الناس إللي معندهاش ضمير بس والله

وربنا يبارك لكل واحد محترم في الدنيا بيراعي ربنا مهما كانت وظيفته

[mohmd76]

قبل ما أحد يزعل
أنا محامية بالاستئناف

ومكملتش في المحاماه لأسبااااااااااااااااااااااااااب كتييييييييييييييييييييير خرجتني للرأي ده
بس ده مش معناه إن في ناس تعرف ربنا طبعا ... بس إللي يلاقي بسهولة؟؟؟

أما المحاسبين ..... شغلتي التانية ... إللي محبش أعلن عنها رسميا
عرفتني حاجات كتييييييييييييييييييييييييير قوي عنهم .... كرهتني فيهم قلبا وقالبا
كلهم بقا أو مش كلهم .... يصراحة .... الله أعلم

وفي دكاترة وحشين
وفي مهندسين بيغشو ويفبركوا
وفيه
وفيه
وفيه

الموضوع باختصار

الذمة والضمير

ومحدش يزعل
ده الاهم في الموضوع

أما المحاسبين ..... شغلتي التانية ... إللي محبش أعلن عنها رسميا
عرفتني حاجات كتييييييييييييييييييييييييير قوي عنهم .... كرهتني فيهم قلبا وقالبا
كلهم بقا أو مش كلهم .... يصراحة .... الله أعلم
----------------------------------------
نعم صدقتى فى هذا وعن تجربة شخصيه
المهنه اصبحت مشبوهه جدا جدا جدا والمكمل لها مامور الضرائب والمحاسب الضرائب
اصبح كل شىء يخدم المصلحه فقط
تذكرت فى ملف مدرسه لديها 2 اوتوبيس مدارس فى 9 اشهر زيوت ووقود 84000 جنيه فقط
قعدنا نحسبها فى المكتب مستحيل تصل الى هذا الرقم