إعـــــــلان

Collapse

.

,
See more
See less

عن الدائرى والموت وأشياء اخرى اتكلم

Collapse
X
 
  • Filter
  • الوقت
  • Show
Clear All
new posts

  • عن الدائرى والموت وأشياء اخرى اتكلم

    سلام عليكم ورحمه الله
    بداية مش عارف ابدأ الموضوع منين لكن كان لازم اتكلم يمكن يكون عبرة وعظه
    لي انا اولا رغم انى غير مخطئ ولكن سبحانه وتعالى بيدى للعبد دروس خفيه

    وانا في طريقي للاسكندرية الخميس الماضي عشان احضر مقابلة الاعضاء يوم الجمعة 22 مايو
    وركبت الدائرى وواخد قرار اني مازودش السرعة اطلاقا
    لاني نايم كويس ومش مستعجل اطلاقا
    ماشي على الشمال بالقرب من منزل الزراعي او بعدة بشويه وخلف ميكروباص
    وسرعتى بين ال 100 وال 110 تقريبا لخلو الطريق واتساعه وفجأة الميكروباص انحرف يمين بطريقة مفاجئة جدا ولقيت في وشي سيارة نص نقل شاسيه طويل شايلة اسياخ حديد بدون اي علامات تحذيرية
    وعلى سرعة مش ازيد من 40 كم في الساعة باي شكل
    المفاجئة كانت مرعبة لاقصى درجة وضربت فرامل لدرجة اني حسيت ان الدواسة هاتتكسر تحت رجلى
    وبفضل الله العربية استجابت للتوقف وسط ريحة شياط عنيفة لكن لوجود تراب على الارض اخذت في الانزلاق ولم تتوقف تماما
    وفضلت تتزحلق لمسافة طويلة والمسافة بيني وبين اسياخ الحديد بتنكمش بسرعة رهيبة وفي الخلفية شريط حياتي بيمر قدام عيني وبقول انا عملت ايه عشان اموت الموتة البشعة دي
    كل ده في لحظات قصيرة جدا
    ولما لقيت نفسي داخل على الاسياخ لا محالة والعربية واخدة سنه بجنب من اثر الفرملة العنيفة قمت عدلت الدركسيون بالراحة لقيت نفسي في نص الطريق جنب العربية اللي شايلة الاسياخ
    لاني لو مكنتش كسرت في اللحظة دي كان زمانكم بتعزو فيا
    بس طبعا العربية فقت توازنها من الانتقال المفاجئ والفرملة وغيرها
    والحمد لله قدرت اسيطر عليها بفضل الله ورحمته ووقفت على جنب مش قادر اخد نفسي ولا متخيل الحيوان اللي سايق النص نقل دي (لو كان فيا اعصاب ساعتها كنت نفخته وعملته عبرة)
    ولا سواق الميكروباص اللي اكيد شايفه قبلها بمسافة محترمة
    وفضل يجري وانا وراه لغاية ما لبسنى فيه
    هو في غل في الناس للدرجادي
    انا لا اذيته ولا ضايقتة ولا يعرفني اصلا
    الحمد لله رب العالمين

    بعد حوالي ساعة كملت طريقي على اسكندرية وسط الف رغبة اني الف وارجع وفضلت طول الطريق ماشي بالراحة على صوت الشيخ البنا المهدئ لكل الجوارح
    وقبل قرية الاسد بكام كيلو لقيت عربية جولف 4 حمرا بتتطوح من اثر انفجار كاوتش
    وهو بيحاول يلم العربية لطش في نص نقل(دبابة) وهما الاتنين اتجهو ليمين الطريق بسرعة رهيبة ونزلو في مصرف جانبي بعد كذا انقلاب
    الجولف نزلت معدولة وصاحبها كان رابط الحزام فكة وطله بسرعة خايف لتنفجر
    النقل نزلت على سقفها وصاحبها ماكنش رابط الحزام
    كل اللي يجي جنب المصرف يحاول يشوف العربية رجلة تغرز
    العربية مقلوبة على سقفها ومش باين غير فرد الكاوتش
    المصرف عميق نسبيا والرائحة لا تطاق
    وقفنا تريلا وجبنا جنازيرها ونط التباع بطريقة عجيبة فوق النص نقل وشبك الجنزير بالشاسية
    بعد اكتر من محاولة اتشدت العربية وعدلناها
    السواق راسه في الدواسة ورجله فوق
    طلعنا وراجل ملتحى نحسبه على خير حاول يعمل تنفس صناعي(رغم كميه مياه الصرف اللي بالعها الراجل) وكلنا معاه بنحاول نعمل تنشيط للقلب
    الرجل سعل مرتين وتوقف التنفس مرة تانيه
    حاولنا كتير بصراحة لاكن فاضت روحه لخالقها وسط عجزنا ودموعنا جميعا
    الله يرحمك يا عبد الحكيم ويغفر لك

    بصراحة الاسعاف ماقصرتش ورغم اننا وقفنا الطريق تماما عشان التريلا تسحب العربية من المصرف
    الا انهم لفو وجم من العكس ولقيناهم فوق دماغنا بس بعد فوات الاوان

    اللهم ارحمنا من موت الفجأة واحسن ختامنا يا رب العالمين




    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  • #2
    حمد لله على سلامتك ياكريم
    وربنا يغفر للراجل المتوفى دة
    ومشمعندش تعليق على اللى قلته بصراحه

    غير حسبى الله ونعم الوكيل
    مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره

    Comment


    • #3
      الف حمد الله علي السلامه يا كريم
      وربنا يرحم سواق النقل ان لله وان اليه راجعون
      [FONT=Garamond][COLOR=blue]سبحان الله وبحمده سبحان الله العظيم[/COLOR][/FONT]

      اخوكم : محمد عماد الدين
      الوظيفه : محاسب
      [CENTER][FONT=Times New Roman][SIZE=5][COLOR=blue][B]سبحانك اللهم وبحمدك ، أشهد أن لا إله إلا أنت أستغفرك وأتوب إليك [/B][/COLOR][/SIZE][/FONT][/CENTER]

      Comment


      • #4
        الحمدلله على السلامة
        قدر الله وماشاء فعل و إنا لله وإنا إليه راجعون
        ربنا يحسن ختامنا جميعا
        [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
        [/CENTER]

        Comment


        • #5
          حمدالله على سلامتك يا كريم وربنا يخليك لولادك ولعائلتك
          وربنا يرزقنا حُسن الخاتمه

          فيه دعوة امى ديما بتدعيلى بيها لما تشوفنى نازل
          " ربنا يكغيك شر الطريق "

          والله بحس فعلا انا ربنا بيستجيب ليها لما بشوف اللى بيحص على الطرق وبيقى ممكن اكون مكان اللى حادثة حصلته فى لحظة

          [SIZE=3][COLOR=navy][gdwl]
          [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
          [/gdwl][/COLOR][/SIZE][SIZE=4][COLOR=navy][/COLOR][/SIZE]
          [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

          Comment


          • #6
            حمد الله علي سلامتك يا كريم....
            الواحد مبقاش عارف ايه اللي بيجري على طرقنا...
            سلسلة لا تنتهي من الإهمال و اللامبالاه من كل الفئات
            و المصيبة ان محدش بيتعظ...

            ربنا يحيميك انت و كل أحبابك يا كريم
            [CENTER][SIGPIC][/SIGPIC][/CENTER]

            Comment


            • #7
              حمد لله على سلامتك الاول



              معلش يا كريم باشا
              اصلى واحد صاحبى كان راجع بليل من القاهرة
              وحكالى تفاصيل حادثة الجولف دى بالضبط
              هوا كان واقف معاكم بس قالى ان الحادثة كانت الساعة 11 بليل تقريبا
              كان راكب اوبترا سودا

              اكيد انا فهمت غلط منه وهيا كانت 11 الصبح بقى

              Comment


              • #8
                حمدالله على سلامتك يا كريم باشا

                وربنا يستر علينا جميعا فى الطرق الجميله الى عندنا
                :36_7_7[1]::k4::k32:

                حاجة حلوة فى مصر
                [URL]http://www.nilemotors.com/Nile/showthread.php?t=78539[/URL]

                Comment


                • #9
                  الحمد الله على سلامتك يا كيمو و إنا لله وانا إليه راجعون ربنا يرحمه ويجعل مثواه الجنة ويكفينا شر الطريق.
                  [CENTER][B]HONDA THE POWER OF DREAMS[/B][/CENTER]

                  Comment


                  • #10
                    حمدا لله على سلامتك يا كريم
                    ممكن تطلع حاجه لله ""لأنَّ الصَّدَقَةَ تَدْفَعُ مِيتَةَ السَّوْءِ""
                    وربنا يستر طريقنا جميعا.. ويحسن الخاتمه ..
                    ويرحم أمواتنا وأموات المسلمين جميعا ..

                    آآآمين
                    [FONT="Book Antiqua"][I][glow1=#7a3131]Dr.Ahmed AlSherif[/glow1][/I][/FONT]

                    Comment


                    • #11
                      حمد لله على السلامة و ربنا يكفينا شر طرقنا جميعا يا رب
                      [CENTER][SIZE=4][COLOR=darkorange]الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه[/COLOR][/SIZE][/CENTER]


                      [CENTER][img2]http://img246.imageshack.us/img246/9382/tawkee3c.jpg[/img2][/CENTER]

                      Comment


                      • #12
                        ألف سلامة عليك يا كريم وربنا يحميك ويحمينا من شر الطريق

                        وأهم حاجة يا جماعه نعود نفسنا قبل ما نطلع بالعربية اننا نقول دعاء الركوب ونتأنى في طريقنا ونعمل حساب خطأ الغير وربنا الحافظ
                        [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                        Comment


                        • #13
                          حمدلله على سلامتك ياكريم

                          قدر الله وماشاء فعل و إنا لله وإنا إليه راجعون

                          ربنا يرحم المتوفى ..ربنا يحسن ختامنا جميعا يارب
                          [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                          [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                          [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                          [/CENTER]
                          [/CENTER]
                          [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                          [CENTER] _______________[B]
                          [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                          [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                          [/CENTER]
                          [B][COLOR=Blue][B][SIZE=2]
                          اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                          _______[COLOR=Blue]_______________
                          [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                          Comment


                          • #14
                            الحمد لله على سلامتك يا كريم
                            بس يا ريت لو تقدر تشرح ازاى الواح يسيطر على العربية فى حالة زى دى اكون شاكر علشان انا واعضاء كتير معندناش خبرة فى حاجة زى كدة
                            A.Saad

                            Comment


                            • #15
                              حمدالله على سلامتك يا كريم وربنا يحمينا من كل شر ويرحم السائق
                              لازم الواحد يتعظ يا جماعه ويلبس حزام الامان وخصوصا فى السفر والسرعات العاليه ...
                              [COLOR=DarkRed]ربنا موجود
                              [/COLOR][SIGPIC][/SIGPIC]

                              Comment

                              Working...
                              X