إعـــــــلان

Collapse

.

,
See more
See less

غبور :خفض الأسعار مجرد أوهام! والفترة القادمة أصعب

Collapse
X
 
  • Filter
  • الوقت
  • Show
Clear All
new posts

  • غبور :خفض الأسعار مجرد أوهام! والفترة القادمة أصعب

    [gdwl]
    نقلا عن موقع كونتاكت كار
    [/gdwl]


    اعترف الدكتور رءوف غبور المدير التنفيذي لمجموعة "جي بي أوتو" وكيل سيارات هيونداي الكورية الجنوبية في مصر بأن الأزمة المالية الطاحنة التي يمر بها العالم حاليا أصابت سوق السيارات المصري بحالة شلل تام خلال الفترة الماضية.

    وقال غبور في كلمته خلال حفل إطلاق "هيونداي سوناتا" الجديدة مساء الأحد الذي أقيم في أحد الفنادق الكبرى في القاهرة ، إنه مع بداية الأزمة كان هناك اعتقاد لدى المستهلك بأن أسعار السيارات ستنخفض بشكل كبير ، بل كان هناك من يتوقع بأن يصل الانخفاض إلى 50%.

    وأوضح غبور أن تلك التوقعات ما هي إلا أحلام و أوهام ، وأنه من المستحيل أن تنخفض الأسعار، و لو حدث ذلك سيكون بسبب انخفاض أو ارتفاع العملات الأجنبية مقابل الجنيه أو انخفاض الجمارك وهو ما لم يحدث حتى الآن.

    ولفت أحد أهم رجالات تجارة السيارات في مصر إلى أن المستهلك يظن أن هامش ربح السيارات كبير و بالتالي يجب على الوكلاء خفض الأسعار ، إلا أن الواقع عكس ذلك ، فهامش ربح تجارة السيارات يتراوح بين 2 إلى 4% ، وبالتالي فإنه حتى لو تعرضت الشركة للإفلاس فلن تخفض أسعار سياراتها.

    وقال غبور إنه لا يجب مقارنة ما يحدث بالخارج من عروض على السيارات تصل إلى حد الحصول على سيارة مجاناً بالسوق المصري ، لأن مصنع السيارات يختلف عن التاجر و الوكيل الذي لا يستطيع أن يقدم مثل تلك العروض لأن خسارته ستكون كبيرة.
    جانب من حفل إطلاق سوناتا الجديدة

    وأضاف وكيل "هيونداي" في مصر أن ما حدث خلال الفترة الماضية من حالة ركود كان بسبب الأثر النفسي لدى المستهلكين الذين كانوا يعتقدون أن الأزمة المالية كانت ستترجم إلى هبوط في الأسعار ، إلا أن السوق بعد في استعادة عافيته بداية من شهر مارس الماضي بعدما تأكد المستهلك من عدم انخفاض الأسعار.

    وحذر غبور من أن الفترة القادمة ستكون أصعب، حيث ستبدأ أثار الأزمة المالية وأثر الركود خلال الفترة الماضية في الظهور بقوة ، وهو ما سيترجم إلى أرتفاع كبير في معدل التضخم و زيادة الطلب على السيارات.

    مشيراً إلى أن المصانع التي خفضت إنتاجها بشكل كبير لن تستطيع العودة بشكل مفاجئ إلى كامل إنتاجها و بالتالي سيكون هناك خفض في الإنتاج مقابل طلب متزايد ، و بالتالي ارتفاع الأسعار ، إضافة إلى خروج بعض المصانع بلا عودة وهو ما سيؤثر سلبياً على كمية الإنتاج.

    وذكر غبور بما حدث عام 2005 ، حيث كان المستهلك ينتظر فترة طويلة قبل الحصول على سيارته تصل إلى ستة أشهر ، و يقوم بدفع ثمن سيارته كاملاً لضمان عدم زيادة السعر خلال تلك الفترة.

    وقال موجهاً حديثه للموزعين و التجار "ستشعرون بقيمة البضاعة التي كنتم تعتبرونها عبئاً عليكم في الماضي".

    وكشف غبور عن أن "جي بي أوتو" استطاعت النجاة من الأزمة المالية الطاحنة من خلال خفض النفقات الزائدة و ترشيد العمالة.



    مافيش فايده
    dr.hany

  • #2
    التجار بيكسبوا 2 % بس !!

    دول كانوا باعوا جبنة فى الصحراء افضل لهم .

    ان شاء الله ربنا يظهر الحقيقة و لو الناس دى جشعة وطماعة و كمان كذابة . فربنا هيخرب بيتهم و يدللوا على عربياتهم ان شاء الله .

    Comment


    • #3
      بلاش يخفض الاسعار

      خليهومله يلعب بيهم و يخمس و يعمل غرز مع صحابه في الشركة

      انا الراجل ده بالذات مش بطيقه
      [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]

      Comment


      • #4
        خلي اللي يقول يقول !!
        [FONT="Book Antiqua"][I][glow1=#7a3131]Dr.Ahmed AlSherif[/glow1][/I][/FONT]

        Comment


        • #5
          انا نفسي اعرف حاجه,هى الناس ديه مابتشبعش؟؟؟؟؟؟؟؟؟
          dr.hany

          Comment


          • #6
            لا اله الا الله لازم ياجماعه نعمل تبرع للتوكيلات هو هامش الربح ده هيكفى ايه ولا ايه غلابه والله

            الناس دى هتفضل لامتى فكرانا مابنفهمش ولا بنعرف حاجه شركه ايه اللى ربحها 2% من قيمه العربيه

            يارب ارحمنا بقى مرارتنا خلاص والله انفجرت من الكدب

            Comment


            • #7
              طبعا 2 % ده رقم مش صحيح ده على اقل تقدير 10 % وانت طالع

              بس انا معاه فى موضوع الناس اللى منتظره الاسعار تنزل النص دى فعلا احلام واوهام
              [aldl]http://s17.postimg.org/ygne2hebj/F2000045710.jpg[/aldl]

              Comment


              • #8
                المشاركة الأصلية كتبت بواسطة goldenfish7 مشاهدة المشاركة
                انا نفسي اعرف حاجه,هى الناس ديه مابتشبعش؟؟؟؟؟؟؟؟؟

                يا باشا دول مشيين على المثل (البحر بيحب الزياده)
                [FONT="Arial Black"]FEAR NOTHING.... RISK EVERYTHING[/FONT]
                :B4_048:

                Comment


                • #9
                  2% يعنى يبيع عربية ب 100000 يكسب 2000 جنيه بس حرام بجد دول بيرموا فلوسهم فى الشارع والناس المفترية ظالمينهم وبيحسدوهم غير الضرايب تلاقيها بتاخد منهم 4000 يعنى بيدفعوا من جيبهم خسارة من كل حاجة طيب ما يغيروا نشاطهم لزيت او سمنة من اللى ماليين الاعلانات دول هيكسبوا اكتر
                  ربنا ينتقم من كل كداب وكل واحد وضميره
                  [CENTER][URL]https://www.facebook.com/NMTechShop/[/URL] [/CENTER]

                  Comment


                  • #10
                    أنا بنصح غبور يحط فلوسه في أي بنك عشان المكسب هيكون أكبر و من غير وجع دماغ

                    التجارة أقل مكسب فيها 20% هو شكله نسي صفر

                    Comment


                    • #11
                      حد يشيل الراجل دة من قدامى عشان كلامة بينرفزنى

                      حسبى الله ونعم الوكيل
                      [B]لا اله الا الله محمد رسول الله[/B]
                      [B] يارب احمى مصر[/B]

                      Comment


                      • #12
                        - قســــم خــــاص بإقتراحــــــات للتعديلات المرورية -أخــــبار سيارات -مناقشــات -منوعـــــات كل ما يخص السيارات
                        د/محمد كامل

                        Comment


                        • #13
                          دى ردود الناس فى كونتاك بصراحة ردود الرجالة كلها عجبانى قولت انقلهالكوا
                          :k32::k32::k32::k32::k32::k32:

                          3mar1111

                          25 مايو 2009 - 22:3
                          صغر فى نظرى
                          لا اعرف كيف يقول ا / غبور ذلك الكلام الفارغ عكس اتجاة السوق تماما وخالى من اى حقائق وذلك دليل على اننا على الطريق الصحيح

                          eg_matrex
                          25 مايو 2009 - 22:2
                          شئ غريب
                          يا استاذ غبور لما تتكلم مع السوق المصرى و المستهلك المصرى المفروض ما تستفزناش،، يعنى عيب لما تقول اوهام و احلام. لآنها مش اوهام و احلام لآن السوق نزل فعلا غصب عن التخين. دى حاجه الحاجه التانية طالما انت بتقول ان مكسب الوكيل عبارة عن 2 أو 4 % طيب جميل جدا يعنى انت عايز تفهمنا ان مكسب العربيه اللى بتتباع ب 100000 جنيه عبارة عن الفين جنيه أو اربع الاف جنيه؟؟؟ طيب ده كلام يدخل عقل عيل صغير بيمص فى صباعه؟؟؟؟ ثالثا بتقول ان الاسعار مش هتنزل إلا لما الجمارك تنزل او سعر صرف ادولار يقل امام الجنيه. جميل جدا ادينا فيها و الجمارك هتنزل من اول السنه الجاية. صحيح على الاوربى بس هيجر معاه الكورى و اليابانى و كله. يعنى يا استاذ غبور العربيات هتنزل هتنزل و السوق مش هيطلع لآن الجمارك نازله و هتشد بالامر كل السوق معاها. و خلاص المستهلك المصرى فاق و صحى.

                          yaskhl@hotmail.com
                          25 مايو 2009 - 21:50
                          ياسلاااااااااااااااااااااام
                          إذا كان المصنع بره بيدى المستهلك عربية هدية على العربية اللى بيشتريها. يبقى المصنع نفسه موش قادر يعمل العرض ده مع الوكيل فى مصر؟؟؟؟؟؟

                          maeo
                          25 مايو 2009 - 21:26
                          حاجه تحير
                          انا بجد مش فاهم الناس دى بتتكلم باى عقل او اى منطق لما العربات تغلى برة او الدولار يغلى كل الناس تغلى العرببات و تغلى كل حاجه ليه لما االسوق يريح و الحاجه ترخص بره نكابر ونقول مش هنرخص و الازمه معدتش من هنه ويريت حاجه بنصنعها لاكن بنستوردها ، كل العالم رخصت فيه العربيات ونزلو عروض جامدة جدا ومكن رئيس شركه غبور المحترم يخش على النت ويشوف بنفسه العروض دى والنت خلا الناس على اطلاع على كل حاجه فى العالم يعنى مش هيدحج عالينا .وخليهاااااااااااااااااااااااااااااااااااا تصدىىىىىىىىىىىىىىىىىىىىىىىىىىىىى

                          AMIRELBEHERY
                          25 مايو 2009 - 21:9
                          السلام عليكم
                          بالبلدى كدة يا اخونا متصدقوش كلام مستر غبور لان لو كان فعلا زى ما حضرتة بيقول كدة ان الفترة الجاية الانتاج انخفاض ومعظم مصانع السيارت سريحت العمال ومنهم ال اعلان افلاسة وبالتالى ان عدد انتاج السيارات قل جدا فالبتالى المعروض هيقل والطلب هيزيد لو هو متاكد من كلامة كدة 100 فى 100 مكناش عارفنا ان دة هيحصل فانا شخصيا بانصحة انة يلم جميع السيارت الجديدة ال فى السوق المصرى ويخزنها ويعبيها فى الدولاب عندة ويستنى لما الاسعار تزيد ويبيع بالاسعار ال هو عايزها بقى اية رائيك فى الفكرة دى يامستر متنسانيش بقى لما اجى اشترى منك عربية ابق ادهانى بالسعر القديم ومتغليش عليا ههههههه ميروووووو .

                          bassemali
                          25 مايو 2009 - 20:56
                          خلا ص مش هتخفض الأسعار .... إشربها
                          الكلام ده بيثبت أننا كنا على حق من البدايه ... من أخر 2008 وقت ظهور حملة خليها تصدي لما قعدوا يقاوحوا ( وبالذات غبور ده) ويقولوا الأسعار مش هتنزل وووو...ودلوقت بيعترف أن الزمه كان تأثيرها كبير وسيزداد يعني من الأول كان كداب ... مغرور ... ومش بيحبنا ... بيلف ويدور ... وبيوجع قلبنا .مش عايز يخفض الأسعار براحته .... يشربها .

                          Transporter
                          25 مايو 2009 - 20:48
                          و شراؤنا للسيارات الان مجرد اوهام ايضا
                          طب ما هو يا بيه انا معنديش استعداد ادفع فلوس في عربية و ترخص عشرين الف السنة اللي جية او حتى اللي بعدها ... لأ يبقى اصبر احسن و يمكن ساعتها ربنا يكرم و الواحد يشتري حاجة محترمة ... مش كفاية الماتركس اللي اول مانزلت كانت بحاجة و ستين و في خلال كام شهر بقت بحاجة و تسعين ... بلاش جشع و دوروا على كلام يتبلع .. انا عمي في الأمارات بيقوللي متلاقيش غير السوناتا و الجنسيس و الانترا بسسسسسسسسسس .. الباقي ده خردة هيونداي في مصر


                          drjosephedward
                          25 مايو 2009 - 19:40
                          الباشا
                          وكمان الباشا بيتكلم كما لو كنا في دولة خارج نطاق الكرة الأرضية... يا حبيبي عدم تصديقك لقوانين الفيزياء لا يعني أنها لا تسري عليك... ما معنى أن ترخص الأسعار في العالم كله و عندنا لأ ؟؟؟ إقتصادنا جامد للدرجة دي ؟؟؟ ناسنا أغنيا للدرجة دي ؟؟؟ ولا يمكن فاكريننا أغبيا للدرجة دي !!!! ما العيب عاللي سامح ببيئة تسمح بكل دة !!!

                          drjosephedward
                          25 مايو 2009 - 19:36
                          الناس
                          وأظن كمان إن الناس أصلا مش معاها فلوس... فا لو الأسعار مانزلتش... محدش هايشتري وهايخسر كتير.... ما بالك لو الأسعار زادت ؟؟؟ هايخسر أكتر
                          :k32::k32::k32::k32:
                          د/محمد كامل

                          Comment


                          • #14
                            الله يخرب بيتك وبرضه لسه مش عاوزين تخفضوا
                            طب خلوها تسوس مافيش شرا لحد متنزل
                            [CENTER]
                            [SIGPIC]http://www.albetaqa.com/signature/signature.gif[/SIGPIC]
                            [/CENTER]

                            Comment


                            • #15
                              دى لو مكنش 10 % على الاقل كانوا مشتغلوش
                              [SIGPIC][/SIGPIC][media]http://herosh.com/download/10794171/Photo0230.jpg.html[/media]
                              سيــــارة تستحـق كل التقديــر والاحتــرام
                              كـلام لا يفهمـه إلا مـن يملكهـــــا

                              Comment

                              Working...
                              X