هيجرى اية لو ركن زى الناس ؟؟

[MohaMed_Refaat]

هو دة تقريبا عامل كدة علشان الشمس بتبوظ التابلوة والفرش وبتسخن العربية ومفيش تكييف .
وانا شايف انة شارع جانبى يعنى مش الاوتوستراد ولا المحور مثلا فعادى يعنى يروش نفسة ويبعد عن الشمس الدنيا مش كلها اتصلح حالها وفاضل نعدلة ركنتة .

[tutankhamoun]

هو دة تقريبا عامل كدة علشان الشمس بتبوظ التابلوة والفرش وبتسخن العربية ومفيش تكييف .
وانا شايف انة شارع جانبى يعنى مش الاوتوستراد ولا المحور مثلا فعادى يعنى يروش نفسة ويبعد عن الشمس الدنيا مش كلها اتصلح حالها وفاضل نعدلة ركنتة .

ما هو علشان كدا
مصر حالها عمره ما هاينصلح ........

هي جات عليا أنا ؟؟
هو أنا اللي هاصلح الكون ؟؟
ده طريق فرعي ... عادي يعني ؟؟
تابلوهي أهم من الشارع و اللي فيه ؟؟؟
عربتي أهم من أي حاجة في الوجود ؟؟

للآسف كل واحد بيفكر في نفسه فقط لا غير .
لو غيرنا طريقة تفكيرنا و بدأنا بنفكر في غيرنا قبل ما نفكر في نفسنا ......... الدنيا هاتبقى جميلة .

عموما التابلوه له حل ....... و هو يغطيه
أو يشتري عواكس لونها فضي و يحطها على التابلوه .
مش يسد طريق المشاة و يطلع على الرصيف !!!!!!!!!!

[kh_talaat]

انا مش عارف ايه اللي مزعلك يا بيه بس ؟ طالما مش قافل على حد ولا واخد مكان عالفاضي

وبعدين الناس اللي مابتصدق وتشغل اسطوانة الهجوم على مصر والمصريين يهدوا اللعب شويه ... مانتو كمان منها ! مش لازم نعمل من الحبه قبه ... فينا اللي مكفينا

+1000000

[kh_talaat]

أعتقد والله أعلم انه ركن بالشكل دة لأنه لما جه يركن ملقاش ولا مكان يركن فيه غير المكان الضيق دة فإضطر يركن عمودي

بس طبعا دة مش مبرر

[iBiZa]

انا ملاحظ انه مش لوحده وا فيه عربيه سوداء او كحلي بعد النيسان البيضاء ركنه بنفس الطريقة.....واضح ان بتاع النيسان هو الي شاذ عن القاعده

الشيروكى اللى راكنة بعد الصنى دية واقفة فى مدخل الفيللا بتاعتهم.

يمكن علشان ياخد مكان قليل ويسمح لناس تانيه تركن جنبه
+ ان باين جنبه نهايه الصور ولو ركن عدل هايسد فتحه الشارع اللى جنبه
انا مش شايفه غلط الراجل

هو مش نهاية سور ولا حاجة و مفيش شوارع جنبة, الشارع يخلص بعد 100 متر.

[marq="3;right;3;scroll"]
مافى ناس غيره بتركن كده برده
[/marq]

مش معنى ان فية ناس بتعمل حاجة غلط ان دة يعطينى الحق انى اعملة.

انا مش عارف ايه اللي مزعلك يا بيه بس ؟ طالما مش قافل على حد ولا واخد مكان عالفاضي

واخد حق المشاة, انا بحب امشى على الرصيف و بعلم بنتى كدة و دة المفروض الطبيعى مش المفروض انة الحاجة الغلط.

وبعدين الناس اللي مابتصدق وتشغل اسطوانة الهجوم على مصر والمصريين يهدوا اللعب شويه ... مانتو كمان منها ! مش لازم نعمل من الحبه قبه ... فينا اللي مكفينا

مش موضوع من الحبة قبة, لكن لو انت شايف انة مش بيعمل حاجة غلط بيقى دية مشكلة.
و لو حد تانى مكانش عارف ان دة غلط و عرف دلوقتى يبقى قدرنا نعمل حاجة و التغيير بيجى من جوانا مش من برة.

المهم ...... الراجل واقف في أخر الطابور بكل أحترام .
و كل ما مصري يدخل الطابور جديد
مش بيدخل من الأخر زي بقية خلق الله .

كله ييجي عايز يقف في أول الطابور !!!!!!!!

للاسف المشكلة دية بتواجهنى بردة فى اى مكان فية طوابير و لما تحاول تنظم الدنيا تلاقى اللى يقولك اصلى جاى اسال على حاجة او يا عم دية ثوانى او معلش اصلى مستعجل او راكن العربية صف تانى.

لازم الناس تعرف ان الدنيا مش بتدور حواليهم, انت مجرد واحد عايش فيها ليك حقوق و واجبات و لو كل واحد فكر و حكم ضميرة (بالحق) قبل ما يعمل الحاجة, اعتقد بلدنا هتختلف شوية.

هي جات عليا أنا ؟؟

للاسف, هى دية مشكلتنا, ملكش دعوة بحد و ابتدى بنفسك.

أعتقد والله أعلم انه ركن بالشكل دة لأنه لما جه يركن ملقاش ولا مكان يركن فيه غير المكان الضيق دة فإضطر يركن عمودي

بالمناسبة الشارع دة بتاع بيت اهلى و هو فى مصر الجديدة فى حتة هادية يعنى لو ملقتش ركنة قدام باب بيتكم هتلاقى ركنة بعديها فى مسافة لا تزيد عن 50 متر (مش مبالغة).

[harphosh]

و كل ده علشان مفيش اولا
اخلاق .................... ثانيا مفيش عقاب .

والله هم دول الكلمتين الخلاصة :b4_388:

[A.Elsheikh.01]

ياراجل دا حتى ضل شجره ولا ضل سحس :)

[ehab4367]

مفيش تقدير,,,,,,,,,,,

[Dr_Smart]

يا جماعه انا معاكم انه غلطان ... بس اقصد انها غلطه تغتفر ... مش لازم نجلده عليها

القصد ... مش لازم لما نلاقي غلطه نقعد نعيد ونزيد في كلللللللللل حاجه غلط في البلد

نعالج حاجه حاجه بدل مايجيلنا احباط ونكره نفسنا

والتمس لاخيك سبعين عذرا ...

[swimmer25]

هي غلطته انه لغي الرصيف للمارة والناس
يعني الناس تنزل الشارع وتتخبط
طبعا هو خايف من اي خبطة تيجي في العربية بس بكده هو اعتدي علي حق غيره انهم يمشوا علي الرصيف (مع انهم ولا بيمشوا علي رصيف ولا حاجة وبردو مش خطاهم او مش خطا معظم لان الرصيف بيبقي مليان امثال هذا الموقف ومحلات وباعة وووووووووووو
من الاخر دي دائرة مغلقة لن تنتهي ابدا مهما عدلوا القانون

انا من يومين بالظبط شفت شاب ب 128 في زهراء مدينة نصر قبل مدخل الدائري اللي رايح المعادي
شاب اخر فل
الشارع ده فيه مطبين وهناك الصبح بتركن ميكروباصات المنيب علي اقصي اليمين (والله ملتزمين اكتر منه) وبكده يبقي فيه حارتين بس ان العربيات تعدي مستريحة
ده ركن صف تاني جنبهم عشان ينزل يفطر من عربية فول واقفة هناك وقفل العربية واخر تمام
تخيلوا بقي لما صف الميكروباصات اللي راكن مشي
بقت ال 128 لوحدها في نصف الطريق هو شايفاها وواقف يفطر اخر حلاوة ولا اكن فيه بشر
وبكده الطريق بي يفوت عربية عربية
بعد ما هو مشي جه اتوبيس نقل عام في نفس المكان ونزل السواق والكمسري وفتحوا الاتوبيس من ورا عشان يتهوا وسابوا الاتوبيس بردو في نص الشارع وراحوا يسلموا العهدة الناحية التانية من الرصيف في موقف الزهراء لمدة لا تقل عن 20 دقيقة
تخيلوا الشارع بعد ما كان مفيهوش وقفة غير عشان المطب بقي واقف لحد فين

وهي دي الركنات ولا بلاش
حسبي الله ونعم الوكيل

[madoo]

باشوفها كتير الركانات دى

[M_55]

في مناطق زي الدقي مثلا ( مكان شغلي ) مفيش فتفوتة مكان لاي حد يركن وجرب كدة مثلا تروح هناك ، قلازم تركن بأي شكل افقي رأسي عكسي غربي شمالي جنوبي والا تسيب مفتاحك لسايس يتصرف في عربيتك كما يشاء والموضوع ده شائع جدا
فياريت محدش يتريق فعلا لان ظروف الاماكن مختلفة

[zidaneelwaly]

بصو في الصوره بالطول هاتلاقو ان ما فيش و لا عربيه راكنه موازي مع باقي العربيات واحد فوق الرصيف (تحت الشجره يا 27)
و التاني الجيب السودا تقريبا و اقف ادام بوابه جراج و في عربيه تقريبا نوبيرا و اقف صف تاني يبقا انتا اكيد في مصر
انا نفسي اصورلكم الجراج ألي جمب كليه التجاره في العباسيه وقت الامتحانات و اتفرجو علي المهزله ألي راكن و قافل علي تلات عربيات و شادد الهاند و ألي سايب عربيتو من غير هاند و رجع لاقاها اتحركت 10 متر و مخبوطا انا شفت الكلام ده بعيني و اسئلو اي حد بيركن هناك

[bishoy02010]

انا مش فاهم إيه المشكلة او الكارثة اللى الراجل عملها ميمكن الشارع كلة مفيهوش اماكن ساعت مركن ومكنش فيه غير حتة تعدى العربية عشان تركن زى منتوا شايفين وبعدين لما الصورة ديه اتاخدت العربية اللى كانت ركنا وراه كانت مشيت هيعمل إيه صاحب العربية ده الواحد بيدور ويلف 7 شوارع عشان يلاقى مكان يركن فيه مبيلقيش وانا لو كنت فى نفس مكان الراجل ده ومش لاقى مكان وسط العربيات ومفيش غير حتة تعدينى هركن كده هعمل إيه يعنى هاخد العربية اخبيها فى جيبى واطلع بيها مكان منا رايح

[zidaneelwaly]

معلش يا بيشوي لو بلدنا فيها نظام زي الدول ألي برا عمرنا ما هانشوف المنظر ده و انا موافقك الرأي علي صعوبه ايجاد مكان للركنه