حركة رخمة غلاسة !!!!!

[icehearted girl]

وبعدين هي 127 قليلة ولا ايه يابنتي


داحنا بيننا رقم واحد

trust urself

تلاقيه فضل يجر كارو اول خمسين سنة من عمره

ولو كل واحد هيحترم التاني بنوع عربيته يبقي علي الدنيا السلام

[Drift_Lover]

للاسف ده حاله شاذه من المصريين
ربما محدث نعمه زي ما الاخوه الاعضاء قالوا.
المهم ماتضايقيش نفسك.
وطالما ركبتي عربيه ونزلتي الشارع توقعي تتعاملي مع كل فئات البشر.

- واحد بيتعلم السواقه.
- ميكانيكي بيجرب عربيه.
- شباب شاربين ومساطيل وراكبين عربيه.
- سواقين الربع نقل اللي فاكرين نفسهم هما السواقين وبس.
- سواقين نقل.
- سواقين كارو.
- وكتيييييييييييير....

طولي بالك - ماتسيبيش حقك - راعي خطأ الغير - خليكي واثقه من نفسك.

[samirayad]

قال رسول الله (ص) أنظروا لمن هو دونكم .....ولاتنظروا لمن فضل عليكم .....فأنه أجدر ألا تزدروا نعمة الله عليكم ......صدق رسول الله ( ص) .......................اللى عاوز أقوله من الحديث الشريف ده أيه ......لا تلقى بالا لمثل هذه المواقف التى تنم عن نقص التفكير لدى صاحبنا مالك السياره الفارهه ........لأن واضح أن الدنيا لاهياه .....ولا يعلم أنه لافرق بين أنسان وأنسان ......لأن الخالق حينما أعطى كل واحد من نعمه .....لم يظلم أى أنسان .......فقد يكون هذا الأنسان يمتلك المال .......ولكنه يفتقد راحة البال وتمام العقل.. .......والأنسان عامة لا يقيم بجاهه ومايحتويه جيبه من مال .......وأنما يقيم بما يحتويه فكره من ماهيه هذه الحياه .......فقد يكون الأنسان يملك الكثير من المال ولكنه كالـــــــــ !!!!!!!!!!! يحمل أسفارا ...........طيب لما يبقى كده ......فيه حد يزعل منه ........بالطبع لا ..................مش كده ولا أيه

[نور العمر]

تمام كلام حضرتك يا بشمهندس سمير

[PoweRPassioN]

قال رسول الله (ص) أنظروا لمن هو دونكم .....ولاتنظروا لمن فضل عليكم .....فأنه أجدر ألا تزدروا نعمة الله عليكم ......صدق رسول الله ( ص) .......................اللى عاوز أقوله من الحديث الشريف ده أيه ......لا تلقى بالا لمثل هذه المواقف التى تنم عن نقص التفكير لدى صاحبنا مالك السياره الفارهه ........لأن واضح أن الدنيا لاهياه .....ولا يعلم أنه لافرق بين أنسان وأنسان ......لأن الخالق حينما أعطى كل واحد من نعمه .....لم يظلم أى أنسان .......فقد يكون هذا الأنسان يمتلك المال .......ولكنه يفتقد راحة البال وتمام العقل.. .......والأنسان عامة لا يقيم بجاهه ومايحتويه جيبه من مال .......وأنما يقيم بما يحتويه فكره من ماهيه هذه الحياه .......فقد يكون الأنسان يملك الكثير من المال ولكنه كالـــــــــ !!!!!!!!!!! يحمل أسفارا ...........طيب لما يبقى كده ......فيه حد يزعل منه ........بالطبع لا ..................مش كده ولا أيه

الله ينور عليك

قله الاخلاق والذوق ملهاش مستوى اجتماعي معين
دي تربيه و أصول حُرم منها الكثير

ربنا يلطف بينا ولا تزعلي نفسك خاااااالص

[samirayad]

قله الاخلاق والذوق ملهاش مستوى اجتماعي معين
دي تربيه و أصول حُرم منها الكثير

هو ده الكلام المظبوط بجد........دا ساعات تلاقى واحد عادى جدا وتعليمه متوسط ويمكن أمى ...........وأفضل كتيييييييييييييييييييييير فى الأخلاق .........من واحد !!!!!!!!!!!!!!! ومعاه أعلى الدرجات العلميه .....وربنا مغدق عليه من نعمه .....................ونظرا لأنه !!!!!!!!!!!!!! لايقوم بشكر النعمه.........

[ASKAFRAWY]

معلش يا نور!!يعنى هى الولكس فاجن احدث موديل مابتعطلش!
بكرة يقف زى الك..ل..ب على الطريق يستنى ونش يجى يقطره على التوكيل و يدفع دم قلبه تصليح على العربية عشان يتقى الله و مايتريأش على عربيات الناس!!
ده شكله لامؤاخذة تربية.................
حسبنا الله و نعم الوكيل فى وفاة الاخلاق! وانا لله وانا اليه راجعون!

المهم انك انت بخير و سيبك من كلام المغفلين!!بكرة يحصل معاه نفس الموقف!
داين....تدان

[نور العمر]

يا جماعة
أزعل إزاي وأنا وسط أخوات وأخوة
بيطيبو خاطري
وبينصحوني
وبيدعموني معنويا وفنيا
والله تستاهلوا
مليون شكر مني
على كرم أخلاقكو
بارك الله في أسرة هذا المنتدى
وجمعنا على الالفة والمحبة دائما

[نور العمر]

معلش يا نور!!يعنى هى الولكس فاجن احدث موديل مابتعطلش!
بكرة يقف زى الك..ل..ب على الطريق يستنى ونش يجى يقطره على التوكيل و يدفع دم قلبه تصليح على العربية عشان يتقى الله و مايتريأش على عربيات الناس!!
ده شكله لامؤاخذة تربية.................
حسبنا الله و نعم الوكيل فى وفاة الاخلاق! وانا لله وانا اليه راجعون!

المهم انك انت بخير و سيبك من كلام المغفلين!!بكرة يحصل معاه نفس الموقف!
داين....تدان

متفكرنيش
اصلي دعيت عليه

يتجرح في عربيته

معلش
قسوة قلب مني
بس كنت غضبانة
وزعلانة

[Eng.Sameh]

متديقيش نفسك ... او اي حد سمعه هيحتقره هوه ... وكمان ربنا هياخدلك حقك وهيردهاله في عربيته حتى لو اغلى عربية في الدنيا ... ولا تزعلي نفسك ... يا عالم وهو في سنك كان راكب عربية ولا بيتشعبط في التروماي !

[ahmedfawzy14]

يا خسارة يا سفنتينا

بقيتى غلستينا ورخمتينا

[samirayad]

يا عالم وهو في سنك كان راكب عربية ولا بيتشعبط في التروماي !

ههههههههههههه ....أنت فكرتنى حالا بمسلسل (لن أعيش فى جلباب أبى ) لنور الشريف .......وشوف كان أيه فى البدايه وبقى أيه فى النهايه............

[MoToRiZeR]

علي فكرة يا نور هو الموضوع ملهوش علاقة بالعربية .. هي شخصيات مصرية كدة only in egypt
انا حصلي موقف قبل كدة شبه ده بس العربية معطلتش .. الطريق وقف .. قبل ميدان لبنان عالمحور بشوية
الطريق تحجر تماما .. و وقف خلاص .. و انا جي شايفه واقف قمت مدي إنتظار و واخد مكاني في الصف .
لقيت واحد برضه راجل كبير و عاقل المفروض راكب رينو سينيك جه ورايا و تيت تيييييييت و تقليب نور !!
انا استغربت بصراحة قلت يمكن انا كسرت عليه في الطريق و عايز يشتمني عشان كدة .. فا بشاورله "إيه" ؟؟!
قام تيييييت تييييت و شغال تقليب نور برضه .. فا بشاورله الطريق وقف !! قام مشوحلي بإيده كدة و عمال برضه كلاكسات !!
مكنتش فاهم بصراحة هو عايز إيه .. بعد كدة الطريق إتحرك نص متر قدامي قام معلق إيده عالكلاكس تييييييييت !! إبتديت أتعصب بصراحة بس كان معايا أختي و مينفعش أتخانق ولا أشتم ولا أتشتم .. عليت الكاسيت و شغلتله المساحة الخلفية أهي تسليه .. و فضلت قافل عليه الطريق رخامة لحد جامعة الدول .

طول ما إحنا ماشيين في هذا البلد بنقابل هذا النوع الغريب العجيب من الناس .. و بيحصل حاجات غريبة
يعني انا كنت ماشي في شارع رشيد في المهندسين من كام يوم و لقيت حاجة هبدت علي سقف العربية
نزلت أشوف إيه .. طلعت إيه .. تخيلوا إيه .. غطاء تواليت !! ده جه منين و رايح فين .. !!!! only in egypt
look to the humor of the situation .. ده الحل مع مصر .

[Sameh]

بصى معظم الناس الكبيرة فى السن بتسوق بنفس الطريقة وبيستعملوا الكلاكس كتير جداااااا بدون تفكير ويبدو إنهم مش متأقلمين مع الشوارع دلوقتى ، بس طبعاً مكانش فيه لزمة للكلمتين اللى قالهم دول
كان المفروض تقوليله اللى إداك بالمعلقة يدينا بضهرها هههههه وتاخديها بضحك عشان ده راجل كبير وغالباً بتبقا أعصابه فالتة وعنده مجموعة من الأمراض والمشاكل

وماتزعليش نفسك الشوارع مليانة مواقف وطرائف

[sab3aawy]

صدقينى العبرة مش بالسيارة لكن العبرة بالكلام والعبارة

ياما ناس تشوفيها حوه عربياتها تقولى ياما هنا ياما هناك واول ما يفتحوا بقهم تلاقى فضلات نازلة منه وياما ناس عربياتها يا دبوك ساتراه ومع كدة الناس بتستنى تسمع منهم لان كلامهم بيريح نفوس كتير

ده فعلا شكله اغتنى بعد طول حفاء واللى زيه لا يعتد اصلا بكلامه