سؤال بسالك !!!!!!!!!!!!!

[خالدابوالنجا]

رايت فى امضاء احد الاخوه الاعضاء صور واعلانات لبعض السيارات وقطع الغيار والزيوت . فهل هذا من الاشياء المسموح بها من قبل الاداره على سبيل الاعلان ام انه متاح للجميع . وهل هذا وقف على السيارات فقط بمعنى انه لو انا عندى محل مثلا للكشرى او الاسماك اوالبقاله هل مسموح لى ان اضع تنويه به مكان التوقيع ام ماذا بالظبط ارجو الافاده من حضاراتكم .
خالد ابو النجا

[PAYOO]

Re: سؤال بسالك !!!!!!!!!!!!!

رايت فى امضاء احد الاخوه الاعضاء صور واعلانات لبعض السيارات وقطع الغيار والزيوت

يا باشا أحنا هنا منتدى سيارات عاوزه يحط أعلانات عن أيه ملابس داخليه ؟ ههههههههههههه

. فهل هذا من الاشياء المسموح بها من قبل الاداره على سبيل الاعلان ام انه متاح للجميع .

طبعا متاح للجميع طالما أنه يفيد الأعضاء ولا يوجد أغراق

وهل هذا وقف على السيارات فقط بمعنى انه لو انا عندى محل مثلا للكشرى او الاسماك اوالبقاله هل مسموح لى ان اضع تنويه به مكان التوقيع ام ماذا بالظبط ارجو الافاده من حضاراتكم .

شوف
إدارة Nile Motors بتسمح بأي حاجه في صالح الأعضاء

يعني أنت لو بتبيع كشري والطبق عندك بـ 3 جنيه يبقى عشان تعلن هنا لازم تقدم الطبق لعضو Nile motors بـ2.5 أو ممكن بـ3 جنيه وتديله فوقيه طبق حلو من غير حساب

فهمتني ؟؟
تعالى أنت بس وأقدم عروضك واحنا مش هانعاvض طالما ده في مصلحة أعضاء Nile Motors

وعلى فكره أنا بحب الشطه زياده أبقى أتوصى بيه بقى يا خلوووود

[خالد]

أعتقد أن ده موقع ومنتدى للسيارات ، فلا يصح إطلاقاً دخول أشياء أخرى ليس لها علاقة بالسيارات وألا سيفقد المنتدى قيمته وأهميته على المدى البعيد وسيصبح سويقة وليس مكان محترم لتبادل المعلومات والأراء مش كده ولا أيه
د. خالد

[Karim_Monir]

لالالالا يا استاذ خالد
ماينفعش نعمل اعلانات عن ملابس داخلية ولا كشري
عشان مانفقدش التخصص
بس لو حد عندة حاجة من دي ممكن يحطها في المنتدي الاجتماعي
لان في ناس كتير غاويين التواصل الاجتماعي وتعرف جسم الانسان فيه كام عضلة وحاجات كدة
عشان كدة فتحنا القسم الاجتماعي
لكن اللي حاطة استاذ ممدوح ده اعلان متخصص عن منتدي دايو ولو حد تعب نفسة 10 ثواني هايعرف يجيبة
ده مفيش منه مشكلة طالما بيفيد الاعضاء-عارف ليه لان مفيش تعارض بين اللي بيقدمة وبين اللي بقدمة منتدانا
هنا اصبح مش منتدي منافس
لكن لو منتدي منافس ونفسة اسلوبنا بالظبط يبقي فيه منافسة ومش هانسمح لحد يحط لينكات او يحط اعلانات عنة
يا ريت تكون الفكرة وضحت

كريم

[hazem_khidr]

وعلى فكره أنا بحب الشطه زياده أبقى أتوصى بيه بقى يا خلوووود

دا احنا زي بعض بقي يا مستر بيبو انا كمان غاوي شطه عموما لما انزل مصر حقولك و يا ريت نروح عند ابو طارق ناكل مع بعض هناك :mrgreen:

[MMamdouh]

Re: سؤال بسالك !!!!!!!!!!!!!

رايت فى امضاء احد الاخوه الاعضاء صور واعلانات لبعض السيارات وقطع الغيار والزيوت . فهل هذا من الاشياء المسموح بها من قبل الاداره على سبيل الاعلان ام انه متاح للجميع
خالد ابو النجا

مين اللى عمل كدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟

:lol:

MMamdouh

[خالدابوالنجا]

يا باشا أحنا هنا منتدى سيارات عاوزه يحط أعلانات عن أيه ملابس داخليه ( هانى )


لالالالا يا استاذ خالد
ماينفعش نعمل اعلانات عن ملابس داخلية ولا كشري ( كريم )

الحقيقه انا مش عارف انته فهمتم من اى فقره من كلامى ان انا عايز اعمل اعلان عن ملابس داخليه حريمى وبعدين ان ضربت مثل بالكشرى والاسماك والبقاله تحسبا لما قد يحدث مش معنى كلامى ان انا عندى محل وعايز اعلن عنه .


بس لو حد عندة حاجة من دي ممكن يحطها في المنتدي الاجتماعي
لان في ناس كتير غاويين التواصل الاجتماعي وتعرف جسم الانسان فيه كام عضلة وحاجات كدة ( كريم )

مش فاهم حضرتك تقصد ايه يا عم كريم

يعني أنت لو بتبيع كشري والطبق عندك بـ 3 جنيه يبقى عشان تعلن هنا لازم تقدم الطبق لعضو Nile motors بـ2.5 أو ممكن بـ3 جنيه وتديله فوقيه طبق حلو من غير حساب ( هانى )
طيب محدش قال ايه الخصم الى اداه الاستاذ ممدوح لاعضاء المنتدى .
على فكره اسلوب الرد معجبنيش . شكرا

[MMamdouh]

الخصم 10% على مصنعية تركيب التيربو لعضو المنتدى

و على فكرة انا مش بعمل اعلانات لاى حاجة لانى مببعش قطع غيار ولا عربيات و دا الامضاء بتاعى فى كل منتدى انا مشترك فية حتى لو مش بتاع عربيات اساسا

MMamdouh

[PRO-DRIVE]

صحيح مينفعش اى عضو مثلا لازم تكون مشاركاته فوق 100 مثلا او 200 عشان ميكونش جاى يسجل و يستفيد و خلاص

بالنسبة لراىى فى الموضوع دة مثلا انى احط صورة حلوة لاى عربية عاجبانى عربيتى ...... مش مشكله
لكن مثلا مأكتبش اشتروا من توكيل ..........

فهمت راىى ؟

[PAYOO]

الخصم 10% على مصنعية تركيب التيربو لعضو المنتدى

و على فكرة انا مش بعمل اعلانات لاى حاجة لانى مببعش قطع غيار ولا عربيات و دا الامضاء بتاعى فى كل منتدى انا مشترك فية حتى لو مش بتاع عربيات اساسا

MMamdouh

أعمل أعلانات زي ما تحب يا باشمهندس/محمد ممدوح و Nile Motors مش هاياخد من حضرتك ولا من أي حد او جهة تانيه فلوس

مقابل الاعلان هنا في Nile Motors هو أن المعلن يقوم في بعمل خصومات ومزايا لأعضاء Nile Motors وده غللي أحنا عاوزينه ومش عاوزين مقابل مادي لـ Nile Motors .... لا ... عاوزين الأعضاء همه إللي يستفيدوا من كل مل يتم ويدور هنا

على فكره يا هندسه أنا كلمت ناس كتير من اصحابي عندهم دايوو بمختلف موديلتها (بس همه مالهومش في النت).... على أساس إن أي حد عاوز يعمل تعديل ميكانيكي في عربيته يجيلك على طول وأنت إن شاء الله هاتقوم معاه بالواجب وأكتر

[MMamdouh]

انا مقلتش لحد اشترى اى حاجة من التوكيل... دا انا نفسى مبرحش التوكيل و مقديها استيراد :lol:

و انا لا عندى محل قطع غيار ولا ببيع استيراد.. انا اللى عندى فكر و مهارة فى التركيبات و بس و عرضت امكانياتى للجميع فى قسم التعديلات و قدمت خصم للاعضاء زى ما اتفقت انا و PAYOO

اعتقد كدة الموضوع بقى واضح تماما مش محتاج اطالة اكتر من كدة

على فكرة الترس الصغير اللى فى الامضاء بتاعط فيه "عضة" و حتبوظ سنان الترس الكبير :lol: :lol: :lol:

MMamdouh

[PAYOO]

صحيح مينفعش اى عضو مثلا لازم تكون مشاركاته فوق 100 مثلا او 200 عشان ميكونش جاى يسجل و يستفيد و خلاص

بالنسبة لراىى فى الموضوع دة مثلا انى احط صورة حلوة لاى عربية عاجبانى عربيتى ...... مش مشكله
لكن مثلا مأكتبش اشتروا من توكيل ..........

فهمت راىى ؟

ياتروسك المتحركه يا أبو حميد

ممكن من فضلك تقولنا جبت التروس دي منين ؟ وماركتهم أيه ؟ وسعرهم كام ؟ وأهم حاجه إللي هانشتري منه هايدي لاعضائنا خصم وللا لأه ؟

[MMamdouh]

على فكره يا هندسه أنا كلمت ناس كتير من اصحابي عندهم دايوو بمختلف موديلتها (بس همه مالهومش في النت).... على أساس إن أي حد عاوز يعمل تعديل ميكانيكي في عربيته يجيلك على طول وأنت إن شاء الله هاتقوم معاه بالواجب وأكتر

انا عنيا ليك و لكل اعضاء المنتدى و لكل مالكى الدايو

MMamdouh

[خالدابوالنجا]

فى انتظار جودو !!!!!!!

كالعاده تحول النقاش حول موضوع الاعلانات داخل المنتدى الى موضوع شخصى وتوجه النقاش الى زاويه بعيده جدا لم اشر اليها لا من قريب ولا من بعيد واصبح الموضوع اننى انتقد الاستاذ ممدوح لوضعه امضاء اشبه باعلان وانا لم اقصد الرجل بذاته بالطبع ولكنى اسال عن القوانين والاصول التى تتبع فى مثل هذه الحالات من قبل الاداره وكان يكفى ان يقال من قبل الاداره ان قوانين المنتدى فى مثل هذه الحالات كذا وكذا وكذا وانتهى الموضوع ولكن تحول الموضوع مره اخرى الى موضوع شخصى يخص الاستاذ ممدوح ويكتب الاستاذ هانى يخبره ان يعلن كيف يشاء وكانى كتبت الموضوع حتى لايعلن الاستاذ ممدوح . سبحان الله حدث هذا ايضا فى موضوع تاجيل المقابله عندما تكلمت عن مبدا التاجيل فى حد ذاته فتحول الموضوع وكانى ضد الدكتور احمد سمير ذاته . والحقيقه ان مبدا شخصنه اى قضيه يخرج الحوار عن مساره الصحيح ولا نخرج من ورائه بفائده بل نخرج بضغائن بين الاعضاء .
تحياتى لك يا استاذ ممدوح وارجو الا تحذو حذو من ياخذ الامور بصفه شخصيه فانا عندما اثرت الموضوع لم اقصد حضرتك بصفه شخصيه ولكن كنت اود معرفه قوانين المنتدى فى مثل هذه الامور وهى غير معروفه او معلنه .
اسف للاطاله ولكن وجب التوضيح .

[memo_hefnawy]

خالد باشا القوانين تحت التعديل و الإنشاء ماتنساش إن إحنا منتدى جديد و بنجتهد قدر الإمكان لنقدم كل ما هو مستطاع لخدمة الجميع و إنتظر قريبا القوانين كاملة إن شاء الله

بس الأعضاء لما شخصنوا الموضوع ذى ما حضرتك ذكرت كان كلامهم بناءً على كلام حضرتك إللى ذكرت فيه

رايت فى امضاء احد الاخوه الاعضاء صور واعلانات لبعض السيارات وقطع الغيار والزيوت

و بالتالى كان كلامك موقع على شخص فعلى وليس إفتراضياً :arrow: :arrow:

إذن أنت من قام بالتشخيص و هم من قاموا بالرد