يوميات عذاب شراء سبويلر وشوف مصر بقت ازاى

[Ashraf_Ashraf]

من كام يوم حد قعد على الاسبويلر وكسره وكالعاده طبعا محدش غلط ابدا المهم قررت انزل اجيب واحد جديد لان علاجه عند بتاع الفيبر مش هينفع
المهم نزلت شارع دمشق ودخلت اول محل اسال مساء الخير عاوز اسبويلر لعريتى 132 بصى لى من فوق لتحت كانى بقوله عاوز اسبويلر للفيات 1100 ( اللى هى معتدش مجوده اصلا ) سلف او من غير فلوس ( كان جبنى واحد بيدور على حاجه للفيكترا الجديده طبعا مش هقولكم الابتسامه على وش البياع كانت عامله ازاى
قالى لا مافيش بمنتهى القرف عملت نفسى مش واخد بالى ومشيت تانى محل نفس الموضوع بس ده كتر خيره افادنى انى اتخلص من العربيه باى طريقه وعنده لو عاوز عريبات استعمال فظيعه
شكرته وانا من جوه عاوز اخنقه على سخافته المهم الموضوع اتكرر فى اكتر من محل ( دخلت حوالى 12 محل ) اخر محل قالى انا اقولك المفيد احنا بنجيب الحاجات للعربيات الجديده مكسبها احسن ويومين وتتغير موضتهااو تنزل حاجات جديده ويجى البهوات يغيروها والرزق يحب الخفيه هو انتا هكسب كام يعنى فى اسبويلر شوف الفرق بيه وبين طقم خشب للتابلوه مثلا علشان كده ريح نفسك ومتدوش هنا
وقالى انزل التوفقيه هتلاقى سمعت الكلام ونزلت وقلت اركن ورا القضاء العالى
جه البيه المنادى هات 3 ج قلت له ليه دا هيلتون رمسيس بركن فيه الساعه 3.5 اركن فى الشارع ب3 قالى بص هو دا الاخر 3 ج فكرت اتخانق وارخم واسيب العربيه ويورينى هيعمل ايه
ورجعت قلت للاننا فى بلد القانون والكل بيحترموه وخوفا من ارجع الاقى العربيه اتدمرت وبعدها اخبط دماغى فى اتخن حيطه دفعت ونزلت الف انى الاقى اى سبويلر استحاله مصرى زباله وخساره فيه القرش وتمنه 40ج
وفى الاخر بعد الدوخه قررت اسيب العربيه من غير اسبويلر لغايه مالاقى اسبويلر عربيه دايو اسبيرو مستعمل لانه الوحيد اللى هينفع رجعت وانا بتمنى الاقى اللى قعد على الاسبويلر القديم واقتله
وقبل ماقتله اقوله تعالى شوف الدوخه وان عدم احترامك لملكيه الغير والاستهتار بحاجات الناس بتتعب قد ايه
طولت عليكم معلش حماكم ربنا من رخامه الاغبياء والمستهترين
تحياتى للجميع

[pharonicking]

معلش هى دى مصر""

[for_ever]

ربنا يعينك ......

[amrico]

ربنا ينتقم من اي واحد يتلف ممتلكات الغير بقصد او استظراف

[M.ABDEEN]

الله يكون في عونك ويعوض عليك دلوقتي في مصر لو معاك عربية عادية او متظبطة لازم تشوف ليها قوضة في الشقة علشان تشيلها فيها !!!!!!!!!!!ايام النوبيرا كنت مطقم نيكل للعربية اوكر وفوانيس ومرايات وعلى حواف الابواب وملحقتش افرح بيهم رحت زيارة لواحد صاحبي والشارع بتاعه حيوي وطلعت ساعتين عنده نزلت لاقيت العربية متقلبة في النواكل فحلفت اني مش هاركبهم تاني دي مرة ومرة تانية ايام اللادا لما كنت في بيت الوالدة في الهرم وركنت في الشارع اللي عدد العربيات فيه اكتر من الناس وياريتها ببتتحرك وعلى حدود المكان وسايب مكان قدامي لجار غلس كاتب شركة اعلانات انه غير مسئول عن تلف اي عربية تقف قدام بيته وانا وكل الناس محدش بيركن قدام بيته المهم بعدها بيوم نزلت لاقيت احد الفوانيس الامامي مكسور بغلل وواحد من الشارع قالي الغلس اللي معاه مرسيدس هو اللي كسره قاصد فاتغظت بصراحة وقالت اعاتبه لاقيته بيشوحلي وقالي علشان متركنش تاني قالتله انا مش راكن قدام بيتك قالي برده كده وعافية وان هو كسره عمدا وقال مالكش حاجة عندي قلتله وغدا لناظره قريب وشكرا على ذوقك .......انا اتغظت وقلت لازم اردهاله وبعد فترة وانا نازل الشغل الساعة 5:30 الصبح ومعدي جنب عربيته المرسيدس (240 موديل تقريبا 82) وشوشو فكرني بالماضي رحت لاقي حجر في الشارع ورحت مطيرله الفانوس بالكامل وكنت في قمة السعادة وخليه يتحسر ده فانوس مرسيدس مش لادا .......حسبنا الله ونعم الوكيل

[Terrible_DaRsH]

عادى جدا .. اهلا بك فى مصر وطنك التانى و التالت و العاشر .. :)

البلد اللى احنا ساكنين فيها دى عودتنا كل يوم نشوف جديد . يبقي ليه نستغرب !!

[نور القمر]

معلش ماهي دي مصر
بس ايه هو السبويلر ده؟؟؟

[Terrible_DaRsH]

معلش ماهي دي مصر
بس ايه هو السبويلر ده؟؟؟

[Shiref_mohamed]

للأسف دلوقتي اخلاق الناس بقت زفت ومحدش بيهتم بحاجه ولا في دماغه انه لما يقف قدام العزيز الجبار هيتسأل عن كل ده
ربنا يعوض عليك ويخلف عليك خير

[Samah AbdAllah]

معلش ماهي دي مصر
بس ايه هو السبويلر ده؟؟؟

ههههههههههه

انا قولت انا بس اللى مش عارفاه

لا حول ولا قوة الا بالله

[shafey]

انت اكيد فى مصر

[M.FOUAD]

انا بقى الاسبويلر بتاع الاكسيل كان مفكوك من ناحية و نزلت تاني يوم لقيتة اتسرق و مبهدلي الشنطة تجاريح مش عارف هياجدة يعمل بية اية بعد ما كسرة المهم دخت عشان الاقي الفابريكة بتاع العربية و مش لاقية لحد دلوقتي لو حد يعرف الاقية فين استيراد غير وكالة البلح والحرفيين ياريت يبلغني و يبقى جزاة اللة خيرا

[islamnabil]

الاسبويلر هو قطعة فيبر بتتركب على شنطة السيارة
وظيفته الاساسية تعديل اتجاه تدفق الهواء من خلف السيارة وتظبيط الايرودينامك للسيارة (بس ده في السباقات يعني )
وطبعا استخدامه الاكثر انتشارا في اضافة شكل جمالي للسيارة

ودي صورة الاسبويلر لوحده

ودي صورة الاسبويلر و هو راكب

[MoToRiZeR]

فيه حكمة صينية بتقول لا تفتح متجر إذا كنت لا تعرف الإبتسام .
طبعاَ ده في الصين إحنا ملناش دعوة .

[muslimah_dentist]

بس ايه هو السبويلر ده؟؟؟

تصدقى يا نور كان نفسى أسأل السؤال ده من زمان

بس الحمد لله الأعضاء فهمونا ايه هو فى الآخر