█◄█◄ (( توكيل سيارات حر دعوة للدراسة و المناقشة)) ►█►█ ‏

[atamim]

السلام عليكم ورحمه الله و بركاته

كل مشروع ناجح كان فى الاول فكرة على الورق تم عمل دراسة لها و تقيمها و تحديد سبل نجاها و تجنب اى عوائق

كلنا طبعا سمعنا عن ارخص عربية فى العالم صناعة شركة تاتا الهندية

و الى ما يعرفش شركة تاتا يسئل اى سواق مقطورات و نقل و لودرات و اتوبيسات دى ماركة مشهورة جدا فى عالم النقل الثقيل و ليها توكيل هنا فى مصر بس فقط للنقل الثقيل

المهم

انا فى رائ الصناعة و التقفيل الهندى جيد زى عربيات السوزوكى ماروتى و الالتو و غيرها

كمان مصنع هيونداى كان بيجيب الفيفا ال 1500 سى سى صناعة و تقفيل هندى و زى ما كلكم شفتوها تقفيلها نظيف و جودة احسن من المصرى و الصينى


كلنا عارفين كل تجار و صناع العربيات حيحاربوا دخول العربية دى مصر علشان ثمنها يتراوح بين 2000 ل 2500 $ فول اوبشن

هية حجمها بالظبت قد البيكانتو و السبارك و ال i10

ثمنها يتراوح بعد الجمارك لو كانت 60% يقارب 18 الف جنية نقول 20 الف علشان الفين جنية ثبوبة للى حيبعها

بدل ما تدفع من 50 ل 60 الف فى البيكانتو و السبارك و ال i10 حتدفع 20 الف فقط فى العربية النانو الى تصنيع وتجميع شركة تاتا العالمة

كمان ممكن انك تجيب اى عربية موديل السنه دى عن طريق مستورد دا فى حالة رفض التوكيل انه يجيبها فممكن يخلى الصيانه و قطع الغيار علية و اى شركة استيراد تجبلك العربية من المصنع

طيب اى الى فاضل

فاضل بس اصحاب الاصوات القوية و العلاقات العامة و الى فعلا بيحبوا الخير للى نفسة فى عربية زيرو بثمن معقول انه يقنع توكيل شركة تاتا الى فى مصر انه يستورد العربية دية و يكون لية مكسب عملة ثابت و توفير قطع الغيار و الصيانه

انا حبيت اناقش معاكم فكرة دخول ارخص عربية زيرو موديل 2010 الى مصر كمان توكيلها موجود بس ممكن ما يجبهاش
علشان مشاغلة مع النقل الثقيل كمان اتفاقات التجار ما بينهم على حصة السوق

[atamim]

دا فيديو لاختبار القيادة للعربية

ارجو مشاهدته قبل الرد على الموضوع

http://www.youtube.com/watch?v=3sZitve3SUw

[amr mokhtar]

فكرة جيدة

و زى ما فيه معارض بتجيب عربيات خليجى و تبيعها أرخص من أسعار التوكيل
ليه مفيش حد يستورد العربيات دى من الهند و يبيعها و شوية كمان يبتدى يجيب فى قطع غيارها؟

و عربية زى دى لو نزلت بالسعر المنطقى ليها و هو 20 الف جنيه بحد أقصى
ده هيأثر بشكل رهيب على سوق المستعمل و كمان الجديد

بس هل فى الحالة دى إيه هيكون رد فعل شركات زى هيونداى و كيا على العربية دى؟

[atamim]

[b][color=navy]

بس هل فى الحالة دى إيه هيكون رد فعل شركات زى هيونداى و كيا على العربية دى؟

هما مش حيقدروا يمنعوا حد يجيبها من برة

كل الى حيقدوا يعملوا يشنعوا عليها و يطلعوا كام اشاعة

و حيضطروا ينزلوا اسعار عربياتهم علشان تتباع

[fathi_8290]

بجد عربية تحفة
ولو دخلت مصر حتعمل أحل شغل وبيع

[Dr.Mostafa Anwar]

للاسف حتى الان شركة تاتا لم تعلن عن نيتها لتصدير السيارة خارج الهند بسبب الانتاج الضئيل للغاية الذي يكفي بالكاد للسوق الهندية

وكلام اخوه جميل ولكنه غير عملي ولا يمكن تحقيقه على ارض الواقع بدون وجود احد وراءه

فلو افترضنا اننا اشترينا السيارة من الهند واتينا بها لمصر

فماذا عن قطع الغيار ؟؟؟

والصيانة ؟؟

واشياء كثيرة وتفاصيل لن يغامر احد في مصر بماله في شئ غير واضح او منطقي او اقتصادي

وللا ايه ؟؟

[binzin]

للاسف حتى الان شركة تاتا لم تعلن عن نيتها لتصدير السيارة خارج الهند بسبب الانتاج الضئيل للغاية الذي يكفي بالكاد للسوق الهندية

وكلام اخوه جميل ولكنه غير عملي ولا يمكن تحقيقه على ارض الواقع بدون وجود احد وراءه

فلو افترضنا اننا اشترينا السيارة من الهند واتينا بها لمصر

فماذا عن قطع الغيار ؟؟؟

والصيانة ؟؟

واشياء كثيرة وتفاصيل لن يغامر احد في مصر بماله في شئ غير واضح او منطقي او اقتصادي

وللا ايه ؟؟

اعتقد ان الشعب المصرى هو الوحيد اللى ممكن يغامر فى شئ غير واضح او منطقي بس يكون اقتصادى والسيارات الصينى خير دليل .

الفكرة ممتازة لكن المقومات صعبة ان لم تكن مستحيلة فى ظل وجود مافيا سوق السيارات فى مصر .

[atamim]

فلو افترضنا اننا اشترينا السيارة من الهند واتينا بها لمصر

فماذا عن قطع الغيار ؟؟؟

والصيانة ؟؟

واشياء كثيرة وتفاصيل لن يغامر احد في مصر بماله في شئ غير واضح او منطقي او اقتصادي

وللا ايه ؟؟

هو فى الخطة القادمة حيتم التصدير بعد بداية تشبع الاسواق الهندية

لو اعدت قراءة ما كتبت انا قولت توكيل تاتا هنا فى مصر يتكفل بقطع الغيار و الصيانه و احنا ممكن نبعت نجيب العربية على حسابنا عن طريق الاستيراد زى اى حد بيبعت يجيب اى عربية من برة

[atamim]

اعتقد ان الشعب المصرى هو الوحيد اللى ممكن يغامر فى شئ غير واضح او منطقي بس يكون اقتصادى والسيارات الصينى خير دليل .

الفكرة ممتازة لكن المقومات صعبة ان لم تكن مستحيلة فى ظل وجود مافيا سوق السيارات فى مصر .

كان موضوع خليها تصدى و موديلها يعدى مجرد فكرة و اصبحت واقع بتكاتف الناس و اصرارها على نجاح الفكرة دية

يبقى ليا لو كانا عايزين عربية زيرو و رخيصة من شركة معروفة ما نحققهوش فى يوم من الايام

دائما اى نجاح كان فى الاول مجرد فكرة

[amr mokhtar]

المشكلة فعلآ هى مافيا السيارات اللى مسيطرة
بس انا معتقدش ان فيه حد هيقدر يمنع شركة إستيراد من إنها تجيب العربيات دى و هتدفع الجمارك و الذى منه

و بالنسبة للمغامرة
إحنا كده كده بنغامر لما بنشترى عربيات مر عليها أكتر من 30سنة و فاقدة لكل عوامل الأمان إذا لم تكن فاقدة لعوامل السيارة

[amroadam]

كل شئ بيبتدى فكره وفكرتكم جميلة وبعدين سعر العربيه رهيب جدا لانى كنت قرأت عنها قبل كده من فتره
وكنت واثق انها لو نزلت هنا هتعمل ضجه كبيره
ولما سعرها يكون حوالى 20 الف مش مقارنه خالص ولو لحظنا ان فى اسعار تكاتك وصلت لعشرين الف فما بالك بئا بعربيه كامله
وتتماشى مع الزحام اللى احنا فيه وبعدين تكاليف تشغيلها وصيانتها رخيصه جدا جدا
بس اعتقد انهم مش هيدخلوها هنا بسهوله علشان المصالح لبعض الشركات والاشخاص اصحاب التوكيلات ذات النفوذ.
والدليل على كده ان الاسعار نزلت فى كل حته الا عندنا محسسنا ان الواحد فى كوكب تانى ملوش دعوه بالعالم

[yehia]

أنا شايف انها لو أثبتت فاعلية وجودة مقابل هذا السعر .. يبقى عمرنا ما حنشوفها فى مصر وذلك بفعل الأياد الخفية التى تابى على نفسها إلا أن تمنع عنا أى شئ فيه فائدة حقيقية ... وفى الحقيقة أنا كنت قريت خبر على النت ان تاتا بتدرس تصديرها للسوق الأمريكى .... فهذا ان دل على شئ فانما يدل على انها سيارة واعدة ومبشرة بالخير ...

وعليه ....

ربنا يدينا ويديكم طولة العمر ان شاء الله .....

[نور العمر]

من غير ما اعقد الامور
مفيش عربية حتنزل مصر بالسعر ده
إذا كانت الكتكوتة نزلة ب 56 ألف ج على إيه مش عارفة

وكمان التاتا بتمشي بالجاز .. مش بالبنزين .... يعني حتكون غالية
وحتدخل في نفس شريحة الخمسينات ولو بقت ب حاجة واربعين
يبقا خير والف بركة

ده مجرد رأي

وأتمنى الرؤية تكون أفضل من كدة !!


وعلى فكرة .. مفيش وكيل في الدنيا ... حيكون هامش ربحه 2000 ج بس
ده يبقا وكيل متبرع لعمل الخير

[amr mokhtar]

حتة لو هامش الربح بتاعه بقى أكتر من 2000 جنيه
نقول هيبيعها ب 25 الف جنيه

برضه مازلت رخيصة جدآ

بس المشكلة ان أصحاب النفوذ مش هيسيبوا حاجة زى كده تعدى

انا عندى سؤال
هل فيه حد ممكن يمنع شركة إستيراد إنها تشترى العربيات دى و تدقع الجمارك و كل حاجة؟

[atamim]

[color=navy][b]
انا عندى سؤال
هل فيه حد ممكن يمنع شركة إستيراد إنها تشترى العربيات دى و تدقع الجمارك و كل حاجة؟

بص يا سيدى

سعر العربية معروف عالميا

و سعر الجمارك عندنا فى مصر معروف


يبقى لو انت نزلت العربية على حسابك و التوكيل كان دورة فقط الصيانه الدورية و قطع الغيار يبقى اتحلت

لان مش ممنوع انك تجيب عربية على حسابك من اى موديل انت عايزة طالما موديل السنه دية