الاوتوبيس الجديد (المفروض) عطل يا جدعان

[Michael_Lanos]

امبارح كنت قاعد فى كافيه على البحر ولقيت الاوتوبيس السياحي الجديد عطلان على البحر
وبصراحه انا شايفه جاي استعمال الخارج ومتظبت شويه والدليل ان الخطوط القديمه فى اليافطه المضيئه مكتوبه وهما لاصقين عليها ورقه تانيه (والله واعلم) وكمان موديله مش حديث ولونه كده كانه مش جديد .....
والدليل التانى انه عطل على البحر ودي تانى مره اشوفه عطلان فيها وماكملش شهر شغال

معلش الصوره مش باينه شويه علشان هو كان بعيد وانا شغلت النايت شوت فى التصوير بس اللى باين فيها انه مطفى كل انواره وراكن عالبحر فى منطقه الجامعه

[MohaMed_Refaat]

عادى يا مايكل اذا كانت مصر كلها عطلانة وركنة على جمب العالم يبقى مجتش على الاوتوبيس ..
شكرا ليك يا مايكل على الصور والموضوع.

[Michael_Lanos]

عادى يا مايكل اذا كانت مصر كلها عطلانة وركنة على جمب العالم يبقى مجتش على الاوتوبيس ..
شكرا ليك يا مايكل على الصور والموضوع.

العفو يا باشا بس انا زعلان على فلوسنا اللى بيصرفوها باستهتار .... مافيش امانه فى فلوس الشعب

[Samir Elshahawy]

أنت بتقول ان دي تاني مرة يعطل فيها علي البحر , يبقي مش عطل و لاحاجة و ده جزء من البنامج السياحي للأتوبيس انه يطفي نوره و يقف علي البحر لزوم الرومانسية و الاستمتاع بالمنظر و الكورنيش

بلاش أشاعات يامايكل ... الاتوبيسات جديدة و الحكومة بتجيب لنا احدث حاجة بس احنا اللي مش عارفين نفهمهم و مش مقدرين تعبهم , بجد حاجة تخنق و شعب عايز ...... و لا بلاش

[Michael_Lanos]

أنت بتقول ان دي تاني مرة يعطل فيها علي البحر , يبقي مش عطل و لاحاجة و ده جزء من البنامج السياحي للأتوبيس انه يطفي نوره و يقف علي البحر لزوم الرومانسية و الاستمتاع بالمنظر و الكورنيش

بلاش أشاعات يامايكل ... الاتوبيسات جديدة و الحكومة بتجيب لنا احدث حاجة بس احنا اللي مش عارفين نفهمهم و مش مقدرين تعبهم , بجد حاجة تخنق و شعب عايز ...... و لا بلاش

هاها ياباشا الناس نزلوا مفرهدين وهربوا ..... محدش وقف جنب الاوتوبيس ...
بس شكل السواق كان حابب يستجم شويه ويقعد عالبحر .....
المفروض انه ما يعطلش ابد .. ده جاي من اوروبا وغالبا ايطاليا والمفروض انه ما كنش بيعطل هناك بقالو سنين ... ليه بقه يعطل هنا ....!
فين بتوع الصيانه الدوريه .... ولا هي الحاجات بتضرب فى جيوبهم ..... لازم الحاجه تعطل علشان تتصلح ........ اه بلد

[Samir Elshahawy]

هاها ياباشا الناس نزلوا مفرهدين وهربوا ..... محدش وقف جنب الاوتوبيس ...
بس شكل السواق كان حابب يستجم شويه ويقعد عالبحر .....
المفروض انه ما يعطلش ابد .. ده جاي من اوروبا وغالبا ايطاليا والمفروض انه ما كنش بيعطل هناك بقالو سنين ... ليه بقه يعطل هنا ....!
فين بتوع الصيانه الدوريه .... ولا هي الحاجات بتضرب فى جيوبهم ..... لازم الحاجه تعطل علشان تتصلح ........ اه بلد

شوفت بقي اهو انت وضحت لي نقطة كانت غايبة عني
الاوتوبيس جاي من ايطاليا يعني واخد علي الجو اللي هناك , يمكن الجو عندكوا في أسكندرية رطوبة شوية ؟؟
عموما غلطة السواق و الركاب اللي مش عارفين يركبوا لكن مش ممكن تبقي غلطة الحكومة و لا المسؤلين

الناس دي مابتغلطش أبدا و علي فكرة الاوتوبيس ده مالوش صيانة لانه أخر حاجة

[Samah AbdAllah]

هاها ياباشا الناس نزلوا مفرهدين وهربوا ..... محدش وقف جنب الاوتوبيس ...
بس شكل السواق كان حابب يستجم شويه ويقعد عالبحر .....
المفروض انه ما يعطلش ابد .. ده جاي من اوروبا وغالبا ايطاليا والمفروض انه ما كنش بيعطل هناك بقالو سنين ... ليه بقه يعطل هنا ....!
فين بتوع الصيانه الدوريه .... ولا هي الحاجات بتضرب فى جيوبهم ..... لازم الحاجه تعطل علشان تتصلح ........ اه بلد:copy of majd(4):

يا مايكل يعطل ولا مايعطلش هو احنا بنركب اتوبيسات اصلا ولا المواطن الغلبان هيروح يركب اتوبيس ب 3 جنيه عشان شكله حلو يركب ميكروباص تويوتا ويطير بيه يوصله من غير اعطال ب 1 جنيه واحد

تلاقى صفقة شراء الاتوبيسات دى كان فيها مصلحة لحد بس

[Michael_Lanos]

يا مايكل يعطل ولا مايعطلش هو احنا بنركب اتوبيسات اصلا ولا المواطن الغلبان هيروح يركب اتوبيس ب 3 جنيه عشان شكله حلو يركب ميكروباص تويوتا ويطير بيه يوصله من غير اعطال ب 1 جنيه واحد

تلاقى صفقة شراء الاتوبيسات دى كان فيها مصلحة لحد بس

على فكره سمعت انه رجع لسعره الرسمى اللى هو 5 خمسه جنيهات ..... صيف بقه خلى الحكومه تعيش
وسامع كمان ان الترام هايغلى ويبقى ب 50 قرش من اول الشهر الجاي

استر يارب

[mrghost]

وماله هى جت على الاوتوبيس امال المترو نقول عليه ايه؟ ماشاء الله بقى ولا كأنه ترام مش مترو من كتر اعطاله

[volcano12]

العفو يا باشا بس انا زعلان على فلوسنا اللى بيصرفوها باستهتار .... مافيش امانه فى فلوس الشعب

أنت بتقول ان دي تاني مرة يعطل فيها علي البحر , يبقي مش عطل و لاحاجة و ده جزء من البنامج السياحي للأتوبيس انه يطفي نوره و يقف علي البحر لزوم الرومانسية و الاستمتاع بالمنظر و الكورنيش

بلاش أشاعات يامايكل ... الاتوبيسات جديدة و الحكومة بتجيب لنا احدث حاجة بس احنا اللي مش عارفين نفهمهم و مش مقدرين تعبهم , بجد حاجة تخنق و شعب عايز ...... و لا بلاش

أولا ده مش فلوسنا يا جماعه... الأتوبيس ده تبع تاكسى العاصمه بتاع اسكندريه و اللى ماسكو طلعت مصطفى (زى ما سمعت) عشان كده ده يعتبر برده خاص عشان الدوله مش دفعه حاجه. و لو عايز تتأكد أسأل أى تاكسى عاصمه معدى و أتأكد منه....
عشان كده هو نضيف و مكيف و حيفضل نضيف ان شاء الله... هو غالى حبيتين.. بس برده خلو يبقى فيه حاجه نضيفه ف بلدنا من نفسنا حتى لو حنتفرج عليه..

على فكره أنا كمان مره شوفته واقف فى الشاطبى على البحر بعد الساعه 12

[badblood]

عادي احنا في مصر

[mido777]

انهاردة كنت ماشى وامامى اتوبيس منهم وكان بيطلع دخان اسود ولا السحابه السوداء

على فكرة الأتوبيسات دية تبع شركة خاصة (فاست كول) واللى هيا مشغلة السيارات التويوتا كورولا "تاكسى العاصمة"

[sab3aawy]

هو الاتوبيس تبع الشركة الحكومية (هيئة نقل الركاب بالاسكندرية)
وللا تبع شركه خاصة

لو هو تبع الشركة الحكومية فمستحيل تماما انه يكون مستعمل، مش علشان الذمة ولاعلشان الضمير ولا علشان اى حاجة فى الدنيا لكن اجراءات شراء اى معدات مستعملة بالنسبة لاى شركة حكومية هى اجراءات شبه مستحيلة وكفيلة انها تدخل كل المسئولين عنها السجن عند اى مراجعة من الجهاز المركزى للمحاسبات او اى بلاغ او شكوى من اى واحد منفسن منهم لان لازم هيكون فيها غلطات يمكن ببساطة ودائما تحويلها لتشكيك فى ذممهم -وما اكثر النفسنة فى الحكومة- ولذلك فانه لم يوجد بعد الموظف الذى يورط نفسه فى لجنة لشراء اى شئ مستعمل حتى لو كان قلم رصاص، لان مافيش موظف عنده استعداد انه يدخل السجن علشان يوفر للدولة قرشين ، لذلك حكاية مستعمل دى مستبعدة تمااااااااااااااااااما طالما ان الاتوبيسات تابعة لشركة نقل الركاب الحكومية، اما لو كانت الشركة خاصة فيوجد احتمال ولو انه ضعيف لان برضه علشان الشركة تاخد ترخيص لازم موظف حكومى يمضى ان اتوبيساتها صالحة، وبرضه مفيش موظف هيمضى على اتوبيسات مستعملة لأنه فى هذة الحالة هيدخل السجن هيدخله لان حتى لو هو كان نقى الذمة الى اقصى حد ، اى خلاف هيحصل بينه وبين اى زميل هينخور له فى المضوع ده ولبازم هيلاقى فيه غلطة يوديه بصددها فى داهيه، لذلك الاحتمال يقارب الصفر ان اى جهة حكومية او تتعامل مع الحكومة تشترى حاجة مستعملة، هم ممكن يشترو اصناف فى منتهى الرداءة ومصنعة تحت بير السلم بس بشرط ان تحت بير السلم ده يكون مصنع وله ورق وبيطلع بضاعة اسمها جديدة ، والمثال على دة المينى باصات الردئية جدا صفراء اللون اللى شغالة بين مدينة نصر والقاهرة الجديدة، لكن حكاية مستعمل دى اجرائيا شبه مستحيلة

[أشرف فتحى]

يعنى بيضحكوا علينا !!!!

زى ما دهنوا الاتوبيس ابو ربع جنيه أخضر وقالوا انه مميز ووالله هوه هوه...وبقت التذكره بجنيه...!!!!!

[Mzeid]

يا عم مايكل دي مش أول مرة الأوتوبيس دة يعطل فيها ..

و فعلا أنا شاكك أنه يكون مستعمل ..