مول السيارات

[Bossy_Fadl]

فعلا فكرة جميله

و حتي لو موجود مكان او اتنين بس الموضوع مش منتشر

لو انتشر راح يكون افضل لانو بهالطريقة راح يكون في منافسه بالاسعار.

[نور القمر]

ياريت اكيد نتمنى يكون فيه مول لقطع غيار اللسيارات
بس دي حاجة مش بايدينا
محتاجين مستثمر كبير وجريء يعمل المشروع ده
وبالرغم من وجود التوفيقيه وماشابه لكن المول هيكون افضل لاكثر من سبب
اولا ان المولات اسعارها ثابته حتى لو السلع اغلى حاجة بسيطة لكن مفيش تلاعب بالعملاء او سياسه الكيل بمليون مكيال على حسب شكل العميل اللي قدامه
السبب التاني المستوى اكيد هيكون ارقى في المولات وبالتالي هيكون سهل على الاناث التعرف على قطع الغيار

[Terrible_DaRsH]

للاسف ده كده العن !!

لما التجار بيتجمعوا جمب بعض , بيبقوا عبارة عن شلة حرامية كبيرة او عصابة كبيرة شوية .

زى سوق العصر كده , كلهم حرامية سوا و كلهم متفقين على اسعار ثابتة علشان ميحاربوش بعض فى اكل العيش .

يعنى لو كل المعارض بقت فى مول واحد ده هيقرب التجار من بعضهم اكتر و يتفقوا على سعر واحد و المستهلك هو اللى هيشرب فى الاخر .

[HassanEissa]

و الله مول الفرسان كان جميل جدا .... انا فاكر اني اشتريت في سيارتي القديمه بطاريه و صدادات اكصدام وبصراحه كان عندهم حجات مش موجوده في السوق
ده غير ان اسعارهم كانت كويسه جدا و معاملتهم حلوه قوي
و بالنسبه لكلام الاستاذ Terrible_DaRsH

لما التجار بيتجمعوا جمب بعض , بيبقوا عبارة عن شلة حرامية كبيرة او عصابة كبيرة شوية .

عنك حق ١٠٠٪ بس لو مكان لشخص واحد زي الفرسان اتهيقلي كان يبقي احسن بكتير .
ده غير ان من ساعه لما مولات الكمبيوتر فتحت و اسعار الكمبيوترات نزلت جامد جداا لان برضه فيه منافسه حتي لو كانو متفقين