وضاع الحلم يا ولادي

[Amr_Moh]

بدء إجراءات تصفية شركة "النصر" للسيارات



مقر شركة النصر للسيارات
أعلن المهندس زكي بسيوني وكيل اتحاد الصناعات رئيس الشركة القابضة للصناعات المعدنية بدء إجراءات تصفية شركة "النصر" للسيارات بسبب تراكم مديونياتها إلى 2 مليار جنيه.

وقال بسيوني إن الشركة القابضة أوقفت إنتاج شركة "النصر" للسيارات الشهر الماضي بعد تقليص عدد العمالة من 10 آلاف إلي 300 عامل.

وأضاف في تصريحات صحفية يوم الثلاثاء أن الشركة القابضة لتقويم شركة "النصر" للسيارات حاولت البحث عن طرق بديلة لإنقاذ الشركة ، لكن كل المحاولات باءت بالفشل ، مشيرا إلى أن الشركة قدمت ميزانياتها محققة خسائر 165 مليون جنيه..

وكشف وكيل اتحاد الصناعات عن أنه يجري حالياً اتخاذ قرار بتصفية الشركة أو طرحها للبيع بكافة أصولها مشيرا ، إلى أن تراكم المديونيات منذ أكثر من 20 سنة أدى إلى وصول المديونية إلى 2 مليار جنيه في حين أن قيمة الأصول للشركة بالسلب مليار و800 مليون.
شعار الشركة

يذكر أن شركة "النصر" تأسست عام 1960 لتكون أول شركة لصناعة السيارات في الشرق الأوسط ، وكانت الحكومة قد أسستها لتجميع السيارات في البداية ثم صناعة أول سيارة مصرية خالصة إلا أن ذلك لم يحدث حتى الآن.

وقد عملت الشركة على تجميع سيارات "فيات" في مصانعها وحازت على ثقة المصريين و كانت و مازالت أكثر السيارات مبيعا في السوق المصرية نظرا لأن السيارات المجمعة لا تقل عن مثيلاتها في "فيات" الإيطالية.



(منقـــــول )

[nonalaziza]

يا خساره بجد

[A.Saad]

اه يا زمان العبر
انا بجد زعلت
هل ده معناه ان مفيش حد يقدر يطورها

[MohabSaeed]

ده نتيجه متجمعه من الفساد و الجهل بالاداره و عدم النظام و غياب الضمير .

معقوله ان الشركه عليها ديون من 20 سنه بقيمه 2 مليار؟؟ ليه هى كل الفتره ديه كانت بتصنع جبنه برميلى و احنا فاكرنها عربيات ؟ امال ازاى كانت عربياتها غاليه بالمقارنه بمثيلاتها ؟؟

[ashouhdy]

هى دلوقتى بتصنع اية اصلا 128نوفا !!!

[Samah AbdAllah]

اللى خلاهم باعوا عمر افندى بجميع فروعه برخص التراب وخصخصوا كل حاجة فى البلد بحجة المديونية والافلاس مش هتيجى على شركة النصر
ركزوا بقا شوفوا التطورات بعد كده هتتباع لمين وبكام و.......

[ashouhdy]

اللى خلاهم باعوا عمر افندى بجميع فروعه برخص التراب وخصخصوا كل حاجة فى البلد بحجة المديونية والافلاس مش هتيجى على شركة النصر
ركزوا بقا شوفوا التطورات بعد كده هتتباع لمين وبكام و.......

شوفى انا مش صعبان عليا غير العمال و اسرهم غير كدة تولع
عربية مصرية اية اللى كانوا عايزين يعملوها هو احنا عارفين نعمل باكو شوكولاتة لما حيعملو عربية !

[zocor742]

بجد ياجماعة حاجة تحزن مش عارف البلد هتفضل كدة لحد امتى بس
وزى ما حضرتك قولت العمال واسرهم هما الضحية الاكبر بجد الناس دى غلابة
هو حال البلد مش هنصلح كل يوم فى النازل

[akmal_hamdi]

بالسلامه يا عسل و خد فى ايدك 128 ام 42 الف جنيه و الشاهين ب 74 علشان اخر دفعه

[Terrible_DaRsH]

مفيش واحد ابن حلال ياخد المشروع ده !! :(

و لا اجنبي حتى ياخدوا يطوره و يكون باصص لبعيد !

[Eng.Sameh]

ده نتيجه متجمعه من الفساد و الجهل بالاداره و عدم النظام و غياب الضمير .

معقوله ان الشركه عليها ديون من 20 سنه بقيمه 2 مليار؟؟ ليه هى كل الفتره ديه كانت بتصنع جبنه برميلى و احنا فاكرنها عربيات ؟ امال ازاى كانت عربياتها غاليه بالمقارنه بمثيلاتها ؟؟

حتى لو جبنه براميلي مكنتش تراكمت عليها المديونيات دي كلها ...

ببساطة يا اخواني دي مجرد حلقة جديدة من مسلسل الفساد الذي نحياه ... وللأسف اللي ألفه لسه ما وضعلوش نهاية .. ده اذا كان ليه نهاية !!!!

[ahmed elsherif]

ملاحظه بس مش دي صوره الحضانه بتاعت اسكندريه ؟؟

[Ahmed Samy]

الله يعوض عليا و عليكو في بلدنا (قصدي اللي كانت بلدنا)

اللي بيسأل هيا بتداين ليه ...

لأن في مديرين لهم بدلات و حوافز و رواتب أهم من دفع المستحقات ..

المستحقات على الشركة تتركن ..مش مهم و تبقى ديون ..عادي

انما البهوات لازم ياخدوا رواتبهم ...مش بيتعبوا ؟؟

أكيد بيتعبوا و شايلين جامد ..لأن الخيبة بتاعتهم

تقيلة قوي

[mahamedaraby]

20 سنه ليه ده لو كانوا بيدعموا العربيات مكنش هتوصل للمبالغ دى

فين الاداره لما اداره كانت فشاله كده متشلتش ليه لما اداره مش عارفه تدير والديون عماله تكتر مغرتش فى داهيه ليه

لو الناس اللى كان بيدروا الشركه دى لسه عايشن والله المفروض يتحكموا

مش عارف ليه كل شركه بتخسر ما يغيروش الاداره بتاعتها ولو فضلت تخسر يغيروها بااداره تانيه وتالته ورابعه لحد ماتيجى اداره وتعرف تجيب فلوس للشركه وبكده محدش هيسرق علشان لو الشركه خسرت الاداره هتروح عالطول

ويجى غبور او ابو الفتوح ويمسك التراب يخليه دهب

اه يابلد عايزه ولد

[Ahmed Samy]

20 سنه ليه ده لو كانوا بيدعموا العربيات مكنش هتوصل للمبالغ دى

فين الاداره لما اداره كانت فشاله كده متشلتش ليه لما اداره مش عارفه تدير والديون عماله تكتر مغرتش فى داهيه ليه

لو الناس اللى كان بيدروا الشركه دى لسه عايشن والله المفروض يتحكموا

مش عارف ليه كل شركه بتخسر ما يغيروش الاداره بتاعتها ولو فضلت تخسر يغيروها بااداره تانيه وتالته ورابعه لحد ماتيجى اداره وتعرف تجيب فلوس للشركه وبكده محدش هيسرق علشان لو الشركه خسرت الاداره هتروح عالطول

لأ ...ماهم كانوا بيغيروا الإدارة كل شوية

حتى يتفرق الدم بين القبائل

هاتحاكم مين ولا مين

اللي عايز يتحاكم مش المديرين .....

دا واحد تاني ....بس يا لا ..هانت