عيب سخيف في الفارتا

[ecybrarian]

اشتريت بطارية جافة جديدة نوع فارتا ولقيت فيها عيب سخيف جدا جدا...جدا. تخيلوا مالقيتش فيها المؤشر بتاع حالة البطارية (العلامة إللي بتتلون ابيض أو أخضر أو أسود)

خلوا بالكم وماتشتروش بطارية جافة من غير المؤشر

[modux]

مستحيييييييييييييل

اكيد موجود بس حضرتك مش شايفو

[eng_mkhalaf]

ممكن يا جماعة أية مدلول اللون دة انا شفتة فى العربية الجديدة وللاسف مش عارف معناة أية

[Islam_galal]

انا بدور علي بطارية اليومين دول و فارتا مفيهاش مؤشر
اسيدلكو فيها (امريكي تقفيل سعودي)

[Adham]

انا اكتشفت ان بطاريتي كلورايد جافة مش فارتا

انا كنت فاكرها فارتا طلعت كلورايد

على اي حال هيه ماشية كويس

المؤشر دة لما بتدور العربية بيدل اللون على حالة الشحن

لما يكون اخضر يبقى تمام

لو ابيض يبقى الشحن ضعيف

لو اسود يبقى فية مشكلة و تبقى البطارية تلفت

على ما اذكر

بس المؤشر دة عبارة عن بلية كثافة بتتحرك جوة البطارية مش ليدات او لمبات يعني

[Adham]

Re: عيب سخيف في الفارتا

اشتريت بطارية جافة جديدة نوع فارتا ولقيت فيها عيب سخيف جدا جدا...جدا. تخيلوا مالقيتش فيها المؤشر بتاع حالة البطارية (العلامة إللي بتتلون ابيض أو أخضر أو أسود)

خلوا بالكم وماتشتروش بطارية جافة من غير المؤشر

هو مش مؤشر دة عبارة عن عين زجاجية فيها بلية بتتحرك و بتشوف فيها لون حسب حالة الشحن و البطارية

والعربية مبطلة ماتشوفش حاجة في العين دي

معلش سؤال انت جبت البطارية كام امبير و بكام

انا جبت الكلورايد الجافة 70 امبير ب 400 و الراجل عامل معايا واجب لأن سعرها بقى ب 450 من اسبوع رسمي

[ecybrarian]

انا جبتها بـ500 مقفولين ده غير تمن البطارية القديمة ومكتوب عليها 64 امبير..بس الراجل بيبعها على انها 70 ...تفكتر اضحك عليا ولا هي سعرها كده فعلا :shock:

[Adham]

انا جبتها بـ500 مقفولين ده غير تمن البطارية القديمة ومكتوب عليها 64 امبير..بس الراجل بيبعها على انها 70 ...تفكتر اضحك عليا ولا هي سعرها كده فعلا :shock:

مش عارف :(

بس اسأل عند كذا حد بتاع بطاريات عن سعرها و فاصل في السعر و اسمع رأيهم هل الكلورايد و للا الفارتا و للا ال AC Delco


بس ابقى بلغنا اية اللي سمعتة