نزلت سوق الجمعه ويارتنى منزلت

[powersha]

طيب فى سوال الى كان بيتكلم فى 16 ده تاجر وشكله جاد جدااا فى كلامه على اساس يشترى ويخلص
طب لما هو يشتريها ب 16 ويصرفلو عليها بتاع الف
هيرجع يبعها بكاااام
احنا مرضناش نبعهاله علشان حسينه ان الموضوع فيه نصب وممكن يدخلنا فى مشاكل

[khaled nada]

ابعد عن السماسرة وبيع منك للزبون وياريت تجرب الوسيط او الاهرام فى الحجات الذى دة

[tutankhamoun]

الشعب المصري بيستسهل ...... و السماسرة و التجار في كل شئ أصبحوا أكتر من السلعة اللي بيبيعوها .

يعني تنزل سوق العربيات تلاقي سماسرة أكتر من العربيات المعروضة .
و طبعا السماسرة لأنهم يعملون بدون رخصة و بدون أحترافية و في زمن أنعدم فيه الضمير و أنعدمت الأخلاق و أصبح القرش و المال هما السائدين في المعاملات بين الناس .

لذلك أبتعد عن هؤلاء ولا تذهب إلى أماكن تواجدهم ........ و حسبي الله ونعم الوكيل في هؤلاء الناس .
لا تثق أبدا في سمسار ....... أو تاجر سيارات .....99 % كاذبون ... عن تجربة .

[jisso82]

أنا نفسى فعلا أروح أتفرج على الناس دى بس حاسس إنكم بتتكلموا على ناس من كوكب تانى

[tananybasha]

نازل اجيب لأخو مراتى عربيه واحد فصل الأوبل اللى معايا ب 30000 جنيه و الله كنت هدوسه بالعربية ده سوق متخلف

[Ashraf_Ashraf]

طيب فكره ايه رايكم اللى يببع يكتب ورقه بمواصفات العربيه والسعر النهائى ويلزقها على الازاز واكيد التجار هيطفشوا
واللى هيفع سعرك تاجر بقى مش تاجر يبقى على البركه
صدقونى دى احسن طريقه للبيع فى السوق

[jisso82]

نازل اجيب لأخو مراتى عربيه واحد فصل الأوبل اللى معايا ب 30000 جنيه و الله كنت هدوسه بالعربية ده سوق متخلف

معلش ممكن تقولى هى أوبل إيه و الموديل عشان أنا غالبا هاجى أدوسه معاك.
30000 عفريت لما يركبوه ده أنا بايع سويفت 93 من 3 شهور بال 30000 دول

[sab3aawy]

سوق العاشر ده هو موديل 2010 من مغارة ال40 حرامى
عالم نصابين بتنصب على عالى افاقين وكلهم ولاد 60 * 70

للاسف السوق ده بدأ كفكرة متميزة للقاء بين البائع والمشترى لكن سرطان الأرزقية والأفاقين توغل فيه ونهش عظمه وحوله الى شئ مقرف ومخوخ ولا فائدة ترجى منه سوى تمثيلية اسبوعية ابطالها هم هم وبيتكرروا كل مرة وليس ليهم عمل سوى التمثيل على بعض وانتظار زبون مغفل قد ياتى كل عدة شهور مرة

[huusseen]

سوق العاشر ده هو موديل 2010 من مغارة ال40 حرامى
عالم نصابين بتنصب على عالى افاقين وكلهم ولاد 60 * 70

للاسف السوق ده بدأ كفكرة متميزة للقاء بين البائع والمشترى لكن سرطان الأرزقية والأفاقين توغل فيه ونهش عظمه وحوله الى شئ مقرف ومخوخ ولا فائدة ترجى منه سوى تمثيلية اسبوعية ابطالها هم هم وبيتكرروا كل مرة وليس ليهم عمل سوى التمثيل على بعض وانتظار زبون مغفل قد ياتى كل عدة شهور مرة

طيب نشتري مستعمل منين
موضوع الوسيط دا في الغالب مش جيد
انا ضيعت يوم بحاله عشان اشوف عربيه في المهندسين
2ساعتين رايح وساعتين جاي
ورحت لاقيت عربيه مخبطه من كل حته وصاحبتها بتقولي بس فابريكه مش مهم الخبطات
قولتلها الله يسمحك ضيعتيلي اليوم يا شيخه
لاكن السوق ميزته بتشوف 200 عربيه
بس موضوع التجار دا هو المشكله

لو الدولة تمنع البيع بتوكيل هنخلص من التجار نهائي

[ابو حسين]

نزل اعلان في الوسيط احسن

[tutankhamoun]

لو الدولة تمنع البيع بتوكيل هنخلص من التجار نهائي

حاجات كتيرة قوي لو الدولة تغيرها ........ حال البلد هاينصلح .
بس للآسف ...... محدش عايز يغير حاجة .

يعني مثلا تلاقي العربيات فيها نصب علشان موضوع السمسرة ده و مفيش نظام محترم نمشي عليه لتسهيل الأمور .... و ده بيفتح مجال للشبيحه تدخل في النص علشان تقلب فلوس الناس بدون أي وجهة حق .

أراضي القرعة و أراضي أبني بيتك اللي بعض الناس بتروح تقدم عليها مش علشان تبني و تعيش
لاءة علشان ...... يتاجر فيها ....... يدفع فيها ملاليم ...... و يطلب فيها ألاف الجنيهات ......

والأمثلة كتيييييييييييييييرة للآسف .

[Ahmed73]

يا جماعة اللى عايز يروح السوق يكون هناك من 7 صباحا - علشان على بابا والأربعين حرامى يكونوا لسه بيفطروا على عربية الفول - ويكون لاصق ورقة على الزجاج الأمامى وورقة على الزجاج الخلفى مكتوب عليها المواصفات بأمانة شديدة والسعر المطلوب ونهائى أو قابل للتفاوض ورقم الموبايل
وأهم حاجة يكتبها ممنوع التوكيلات ويشترط التسجيل
أعنقد ده هيطفش أى سمسار أو تاجر وربنا هو الحافظ والمنجى

[Nistelrooy]

يا جماعة اللى عايز يروح السوق يكون هناك من 7 صباحا - علشان على بابا والأربعين حرامى يكونوا لسه بيفطروا على عربية الفول - ويكون لاصق ورقة على الزجاج الأمامى وورقة على الزجاج الخلفى مكتوب عليها المواصفات بأمانة شديدة والسعر المطلوب ونهائى أو قابل للتفاوض ورقم الموبايل
وأهم حاجة يكتبها ممنوع التوكيلات ويشترط التسجيل
أعنقد ده هيطفش أى سمسار أو تاجر وربنا هو الحافظ والمنجى

+1