حد فهم حاجة من مقالة خالد أباظة النهاردة في أخبار السيارات .. ؟!

[Mzeid]

حد يا جماعة فهم حاجة من مقالة خالد أباظة النهاردة في أخبار السيارات ..
قال فيها أن فيها شركتين أوروبيتين بيحضروا لمفاجأة و أن فيه عربية هتتوزع على المواطنين في كل المحافظات ( الحداية مبتحدفش كتاكيت ) و خاض في الكلام دة ..
حسسني أنهم هيلفوا على البيوت و لو لقوا عند أم فاروق 4 أكياس برسيل هيبدلوهم بفيات برافو ..
و في آخر المقال قال أن العربية الجديدة ثمنها بين 200 و 300 ألف ..
أنا توقعت أنها دعاية مسبقة للأوبل Insignia أو طرح أول عربية ألفاروميو ..
حد فاهم حاجة من الفرقعة الصحفية دي ..
علشان مقالاته بتذهولني على الآخر زي ما كتب قبل كدة و قال مفاجأة و ينتظرها كل المصريين و .. و .. و .. و ..
قلت يمكن التاتا النانو هتنزل و ﻻ حاجة و في و ﻻ طلعت مفاجاة و ﻻ حاجة .. و طلع الإعلان عن قدوم السيارات الاستون مارتن ..

آسف على الإطالة ..

[أحمد كمال]

قلتها من قبل و قالها الكثيرون

خالد اباظة هو دمية تحركها شركات السيارات

[Mzeid]

أنا معاك ..
بس مينفعش المقالات اللي بيكتبها دي ..
دة خياله واسع جدا ..

[amrnader]

يا عم دا راجل هجاص درجة اولى ماشى بنظام "ابجنى تجدنى"

[mohelsherief]

Maybe new Skoda Superb 1.4 TSI 125hp

[yehia]

مش هو برده اللى كان قال قبل كده على مفاجأة مدوية حتقلب موازين السيارات فى مصر وطلع فى الآخر اتفاق على وكالة سيارة هولندية لم يسمع أغلبنا بها تصنع يدويا لصفوة صفوة أثرياء العالم ؟!!

[شاهين - بنز]

كيد حيطلع أي حوار فاكس من حوارات العميل إللي بيبيع قلمه للي يدفع أكتر خالد أباظة

[أحمد كمال]

يعني مش زعلانين من الاعلانات بتاعة اسكان فخم و حلا لمشكلة الاسكان سعر الفيلا يبدا من 2 مليون جنيه و جت على خالد اباظة الناظة كواناظة؟


هو فعلا ابجني تجدني

عموده عبارة عن اعلان مدفوع الاجر و واضحه اوي


كل العربيات عنده حلوة و اسطورة و فاجرة و جامدة و هتقلب السوق المصري و هتغير المقاييس و هتعمل اللي ما يعمل

[heshaaam]

ياعم هو قال 96 ساعة ونعرف
وقال ان الكوسة هتدخل هههههههه

ياخبر انهاردة بفلوس

[شريف]

بس هو قال لازم تبقى ايجابى عشان تكسب العربية
ياترة اية الواجب المنتظر ان الواحد يعملة و ينول المصونة

[كابوس الليل]

انا لما كنت ف دبى كنت لما اجيب جرنان السيارات الى هناك كانك جيبت توكيل مش جرنان بيجبلك العربية ومبيحرمهاش لو حلوة يقولك حلوة لو وحشة يقولك وحشة ويقولك عيبوها ومميزاتها لاكن نقول ايه بقا على الصحافة المصرية
هه انت مش عجباك ملحق الاهرام ابقا اقراء مرة ملحق الاخبار تحس انك دخلت مع ناس جهلة او ملهاش ف العربيات نهائيا
يعنى يقولك عربية صينى اوعوة وشك اييه ديه تحفة ديه حلوة ديه جميلة ناقص يطلع يبوسك من الجرنان عشان تشتريها ناقص يقولك ان العربية بطييير والاستاذ بتاع ملحق الاخبار بيكتب كلام كانه بيكلم شعب ساذج مصدق الى بيقولوه انا بقراء الكلام بتعه واعد اضحك

افتكر من فترة طويلة كدة لما برنامج العاشرة مساء كان عامل حلقة عن العربيات وعن التوكيلات وكانت المذيعة منى الشاذلى كانت جايبة ناس اصحاب توكيلات كبيرة ف مصر واعدوا يتكلموا واكيد اكيد ست ملهاش ف العربيات ده غير انها مذيعة وملهاش فلعربيات و كانت بتسئل اسئلة عن معانى كلمات او حجات زى كدة وكانوا بشرحولها وكدة ف نفس الاسبوع الاستاذ اباظة بتاع ملحق السيارات بتاع الاخبار اعد يتريق على الحلقة وكدة وان المذيعة مش فاهمة حاجة وبتتكلم فالعربيات وكنت تحس انو متغاظ عشان مجبتهوش هوا ف الحلقة
ده غير المجلة الى ملهاش لزمة بتاعت السيارات الشهرية بجد والله معرفش انا كنت بجبها ازاى من سنتين كدة يعنى الواحد يوفر الخمسة جنيه بتعته وروح يعد بيها على اى سيبر ويخش على النت ويقرا عن العربيات حيستفيد كتير كمان المفروض ان يبقا فى حزء محدد للشرح اجزاء من السيارة ازاى بتشتغل وكدة عمرى ما لقيت جرنان او مجلة بتشرح ده ف معرض الكتاب الى فات اشتريت المجلد السنوى بتاع المجلة اولا المجلة لو 200 صقحة 150 صفحة اعلانات مملة جدا وف اخر المجلة تلاقى اعلان غسلات وتلاجات والخمسين الباقى مخصص لكل شركة بتاع خمس صفحات بيشرح كل موديل من كل شركة وكان فى موديلات مبيقاش ليها صورة حتى تورى الى بيتفرج انه بيتكلم عن انهى عربية
واكتر حاجة بتنرفزنى الكلام المكتوب تحت الصور
معرفش ايه لها ثبات وتماسك على الارض غير موجود ف اى سايرة اخرة
السيارة حاذات على اعجاب محبيها
لما العربية سابيا نزلت مصر كانوا كاتبين تحت الصورة
اخيرا سابيا اتت لعشاقها ف مصر
ازاى عشاقها وان هيا عربية مش مشهورة

كمان لما كنت ف معرض اتوماك اخبار اليوم وكانوا بيوزعوا مجلى عربيتى ببلاش
العربية بجد بجد بجد الى مكتوب من المجلة 16 صفحة الباقى اعلانات كتير اوى

فا عادى يعنى متزعلش او تضايق

[Ashraf_Ashraf]

ياعم دا راجل الاعلانات الاول وراجل التوكيلات المستفذ للبشر
والله مااعرف هو مستحمل كدبه ده ازاى ولا بيقدر بيص لنفسه فى المرايا ازاى
اى حد ياخد كلامه ويعكسه يطلع صح
اعوذ بالله من الخلق دى

[faroukahafeez]

هو قال حاجة غريبة

انه كان شغال فى القسم الرياضى وسافر مع الفرق والمنتخبات المصرية خارج مصر كصحفى فى ألأخبار

يا ترى ايه اللى خله ساب القسم الرياضى وخدفه على قسم السيارات ؟

[ainshouka]

طب حضرتك قرأت مقال الاسبوع الماضى

حتى يشجع الناس على الشراء هدم كل ماكان يكتبه من شهور حتى يستطيع ان يقنع الناس بما يريده -هذا هو حال من ليس له مبادئ يسير عليها-
(بعد فترة طويلة من الركود والانهيار فى ارقام مبيعات مختلف شركات السيارات العاملة فى بلدنا والتى امتدت من اواخر 2008 حتى مايو الماضى... بدأت حركة البيع تتحرك وتتزايد)

والجملة دى كان كتبها من شهر او شهرونص تقريبا برضه عشان يقنع الناس بالشراء لكن يبدو انه لم يحقق الهدف المرجو بعد

(أى انتظار جديد لشهور أخرى قد ينتج عنه زيادة تدريجية فى الاسعار لاسباب عديدة من اهمها سعر العملة)

جملة مكررة أيضا وأصبحت مستهلكة ومش عارف اسعار يورو ايه ان كانت السيارات مركونة عند التجار اصلا من سنين

(وأعتقد أن الاسابيع والشهور القادمة سوف تشهد حالة استقرار ملحوظ داخل سوق السيارات وسوف يتزايد الطلب من المستهلكين على شراء العديد من الطرازات والموديلات الحديثة المعروضة حاليا بأسعار جيدة جدا بعيدة عن اى مغالاة فى الربح سواء من الوكيل او من التاجر وتكون بمواصفات متميزة وسعر بيع واقعى لا يشعر معه انه " انضحك عليه" وان الوكيل كان هو الرابح الاكبر من وراء صفقة شراء هذه السيارة هذا الكلام لم يعد له وجود فى سوقنا حاليا......هذا العام ليس ابدا عام الارباح وجمع الاموال بالنسبة لهم بل هو عالم استمرار الحياة بالنسبة لهم )

وهو يعترف الان بأن اسعار الوكيل مغالى فيها بعد ان كان يتكلم منذ شهور عن ان اسعار السيارات ممتازة الان ابح يقول انها كانت مغالى فيها كل ذلك لاستمالة جانب القراء ويجعلهم يتخذونه الناصح الامين للمشترين

( بل هو عام استمرار الحياة بالنسبة لهم وتجنب الدخول فى مرحلة الانهيار وغلق ابواب المصانع والشركات.... عام الحفاظ على جيش العاملين والموظفين والمسؤلين داخل كل توكيل وشركة )

ياحبيبى يابنى ياضنايا حال لسانه بيقول اتبرع ولو بجنيه

وفى النهاية ختم ب...
(أما اليوم فالمستفيد الاول والاوحد من وراء مايحدث هو الزبون الذى اصبح ملكا متوجا على عرش السيارات فى بلدنا له ان يأمر فيطاع ...يفكر ويتأنى....يختار ويحتار....يحدد طريقة الدفع سواء كانت نقدا او تقسيط ...بقدم او بدون ...هو صاحب القرار ...بأسعار مثالية وخدمة 5 نجوم - معنى كده انه زمان مكنش فيه خدمة- لم تكن متاحة ابدا امام اى زبون فى الماضى وكنا نراه يقف فى طابور طويل لحجز سيارة ولا يختار لونها فى بعض الاحيان ....وكان يدفع عشرات الالاف ازيد من سعرها -دلوقتى يعترف بذلك- )

كل الكلام الذى تحته خط لم اراه تحقق حتى الان ويبدو انه سوف يتحقق لما اتجوز واخلف والعيال يتجوزوا ويخلفوا ويجيبوا عيال يتجوزوا ويخلفوا ألخ إلخ الخ.......

وبعدين يعطى اخر تهديد للزبون -اللى هو زبون فعلا لو فكر يشترى- بالاتى
(أما الان فالزبون فى افضل واحسن وضع ممكن ...فلا تفرطوا فى هذه الفرصة الذهبية ...فقد لاترونها مجددا .... وتندمون على ضياعها من بين ايديكم)

والكلمتين دول كتبهم برضه بس من السنة الماضية وحتى الان مازال يكتبهم وانه هذه الاسعار فرصة ولن تتكرر والزبون عقله فى راسه يعرف خلاصه

[Sharky]

يا جماعة الموضوع شكله كده له علاقة بإعلانات فودافون 50

فوادافون حتعمل هدايا 50 سيارة bmw 116
و حيبقى فيه كل اسبوع فائز بسيارة

فواضح ان الشركتين هما فودافون و توكيل bmw فى مصر

إيه رأيكم مش حتسننوا 96 ساعة و لا حاجة
جبتلكم المفيد

يارب اكون واحد من الخمسين المحظوظين