بنزين 95

[amoghazy2]

نظرا لظروف البنزين الحاليه من غش و روايح غريبة (انا بحط 92) فانا بفكراحط بنزين 95 للأسباب دي:
1. فرق السعر مش كبير قوي 140 لل 92 مقابل 175 لل 95
2. اعتقد ان السحب هيبقى احسن

ولكن قبل اي تجربة احب أخذ رأي اعزائي أعضاء هذا المنتدى الهائل بمعنى الكلمة لو كان حد له ملاحظات، وهل له أضرار جانبية كأنه مثلا ممكن يسخن الموتور زيادة؟
ولو حبيت أرجع تاني ل 92 ايه هي الخطوات اللي لازم أعملها

شكرا أصدقائي في انتظار ردودكم الكريمة والسلام عليكم..........

[ahmed1981]

Re: بنزين 95

ولكن قبل اي تجربة احب أخذ رأي اعزائي أعضاء هذا المنتدى الهائل بمعنى الكلمة لو كان حد له ملاحظات، وهل له أضرار جانبية كأنه مثلا ممكن يسخن الموتور زيادة؟
ولو حبيت أرجع تاني ل 92 ايه هي الخطوات اللي لازم أعملها.

ليس له أضرار
لو حبيت ترجع مفيش أي خطوات براحتك
لكن مين قالك إن البنزين ال 95 مافيهوش غش؟؟
أكيد فيه غش لأن إحنا في مصر
ولو عربيتك البنزين الموصى لها في الكتالوج أو على فتحة التنك 92 يبقى خليك فيه
ومون من بنزينات وطنية وراجع هذا الموضوع:

http://www.nilemotors.net/Forum/viewtopic.php?t=5266

ولو حطيت بنزين 95 ولم تحس بفرق محسوس فإبتعد عنه لأنه بذلك كأنك تحرق الفرق الزياده في السعر بدون مقابل

[ahmed1981]

كلما زادت نسبة إنضغاط المحرك كلما أصبح المحرك متأقلم مع نوع بنزين أعلى في رقم الأوكتان
لو نسبة الإنضغاط منخفضة زي الشاهين وال 128 والادا إديها بنزين 80 وإنت مطمن إنها هتجيب آخر عزم ليها بيه وبدون مشاكل
لو نسبة الإنضغاط عالية زي المواتير الحديثة عموما وده بيكون موضح في الكاتلوج وأعلى نسب إنضغاط بتكون في العربيات الغالية جداُ زي المرسيدس والبي إم وكذلك أي سيارة مكتوب في كتلوجها نسبة إنضغاط عالية في الحالة ده السيارة محتاجة بنزين برقم أوكتاني أعلى يعني من 92 وممكن 95 وممكن 97 وطبعا 97 مش موجود في مصر

المهم لو حطيت بنزين أقل من الرقم الأوكتاني الموصى به حسب نسبة الإنضغاط السيارة يحدث الآتي:
1- لا تحصل على العزم وعدد الأحصنة المبين في الكتالوج بل أقل منه
2- صوت الموتور يعلى وممكن متحسش بالفرق بنفسك لكن هو هيعلى بالتأكيد ولو بنسبة ضئيلة
3- قد يحدث في المحرك ظاهرة التصفيق والميكانيكي يقولك الموتور يسقف وده صوت زي صوت يطلع لو إننت ماشي على الرابع على 30 وفجأ دست بنزين جامد تسمع صوت تكتكه هو ده التصفيق اللي يزيد عندك
4- التصفيق الكتير يقصف عمر المحرك

أما في حالة أن تضع بنزين أعلى من الموصى به:
قد يكون السيارة موصى لها بنزين 92 ولكن لما تحط 95 تديك أداء أفضل في هذه الحالة جيبك هو اللي يحكم لأن ال 95 هيديك إحساس قوي بفلوس كتير وال 92 هيوفر بدون ضرر على المحرك في الحالة دي أحكم حسب ما في الجيب
ولكن لو وضعت 95 ولم تحس بفرق فإتركه فوراً وإرجع ل 92
والله أعلم

[amoghazy2]

جزاكم الله خير يا م/ أحمد

[thegreatnileman]

اعتقد ان السحب هيبقى احسن

انا جربت
استنيت لما التانك بتاعى فضى مابقاش فيه غير حوالى 4 لتر
حطين بنزين 95

محسيتش باى فرق
الحمد لله انى مفولتش التانك

وحطيته من وطنيه طبعا