ايه اللى انتى عملته دا !! ها!!!

[dr.nemo]

حصلت معايا برده
والباشا نزل يتخانق معايا
ولما ملقاش حاجة حصلت لعربيته
ركب ومشي كان الامر لا يعنيه
يمكن كان فاكر اني باديله كلاكس علشان يمشي
ولما ممشيش انا خبطته رخامة مثلا !!!!!!
ناس غريبة

[AboELsoud]

معلش المهم انه مفيش حاجه في عربيتك
انا بقى حصلي العكس الشارع واقف و كلنا و اقفين و اول ما العربيه اللي قدامي مشيت لقيت اللي ورايا قام طالع و لبس فيا على اساس اني شفاف مثلا او عربيتي طياره بس الحمد لله محصلش حاجه و هو اعتذر و مشينا

[magyver]

هههههههههه والله العظيم العالم دة راايقة
انا حصلي كدة امبااارح انا ماشي وع نفسي
الاقي واحد معاة عربية دايو معدي من جنبي وقام داخل فيا من الجنب
اة والله قمنا واقفين بيقلي مش تحاااسب ياابني
قلتلة مين كررها تاني بيقلي مش تحااسب
قلتلة لا مش موجوود والله وسيبتة ومشيت اة والله
وقعدت اضحك

[kliken]

الحمد لله انها طلعت بسيطه و مفيش خساير

[amrico]

ربنا يهدي

[yehia]

حلوة قوى حتة انه لما عرف الموضوع على حقيقته .... قللك طيب ومشى ....

وش كده؟ !!!

ده باين عليه راجل ذوق قوى

[tutankhamoun]

هي دي مصر يا جماعة .... بلاش أستغراب .

أهلا بكم على كوكب الزهرة ( مصر سابقا )
مع تحيات شعب الكوكب الفضائي .
وتحيا ج ع ع .

[amrico]

هي دي مصر يا جماعة .... بلاش أستغراب .

أهلا بكم على كوكب الزهرة ( مصر سابقا )
مع تحيات شعب الكوكب الفضائي .
وتحيا ج ع ع .

يا استاذ توت لاحظ ان العلم لم يتوصل لكل شئ والابحاث التي يتم اجرائها لإثبات وجود كائنات حية على كواكب اخرى لسة مكتملتش
ومن الممكن تواجد كائنات حتى وحيدة الخلية على كوكب الزهرة وساعتها الكائنات دي هاتعلن اعتراضها التام لتشبيهها بالمصريين وهاتكون حضرتك اول واحد يتحاكم في جريمة سب فضائي

لانه طبعا الكائنات دي هاترفض التشبيه المهين بتاع حضرتك ده

[Abo_Lina]

الحل للبلد جيب ليبرتي بالشبكة و العتب و عيش يا باشا

[Terrible_DaRsH]

احنا عاوزين دبابات باسحلة نووية , و اللى يقدر يستمر بقي يستمر .

و الله شعب حرام يركب عجل اصلا .

[seaman]

على النعمه الناس ده غلابه..دول لسه نايمين وكمان يأخى ما انت غلطان برده شايفه بيرجع مترجع والى وراك يرجع..وسع للباشا

[blazer]

لو كان وراه عربيه شرطه كان نزل اعتذر وجابله 200 قطعه جاتوه من لابوار

[Eslam.Elrefaey]

غلطان ويبجح كمان

[Ashraf_Ashraf]

ياجماعه دا نظام خدوهم بالصوت قبل مايغلبوكم
دلوقتى الكل بقى صح وانت بس اللى غلطان يجى واحد يدخل فيك من ورا وانت اللى غلطان ليه علشان وقفت وطبعا ينزل يهلل علشان
مايدفعش حاجه
هو دا بقى اسلوب الناس فى مصرنا العزيزه

[Dr Zezo]

انا بقي حصل موقف مماثل بس كنت واقف علي اول شارع جانبي ومستني الاقي فرصة اعدي وكنت كاسر يمين علي الاخر ومنتظر لما الطريق يفضي شوية الا و بسم الله الرحمن الرحيم الاقي تاكسي جديد لانوس اسود جاي من الشارع الرئيسي نفسه وكاسر عليا جامد عشان يركن و ينزل الراكب اللي معاه طبعا انا غمضت عنيا اول ما سمعت الخبطة و الرزعة

نزلت اشوف ايه اللي حصل الاقي فانوس الاشارة اللي في الجنب الشمال عندي طار وخبطة صغيرة في مقدمة السيارة كحت كده

صاحبنا حاسب الزبون و انا قلت خلاص مش مهم انا مسامح و انا اصلا غلطان ان بركب فوانيس الاشارة دول لانهم اتكسروا و لا مية مرة
لقيت سواق التاكسي جاي و عايز يتخانق و ادفع تمن اللي خبطته طبعا انا نزل علي سهم الله لاني مكنتش متوقع كده خاااااالص بس الحمد لله ربنا رزقني بشوية شباب كانواواقفين وشافوا اللي حصل وروقوه خاصة بعد ما شافوا الفيلم اللي كان عايز يعملو ا

و اتضح ان صاحبنا سواق علي العربية و حب يقلبني في عشرين جنيه و لا حاجة

ناس غريبة فعلا

ربنا يستر