لا تخفيض فى جمارك السيارات

[SAMEH_FOUAD]

اكد المهندس رشيد محمد رشيد وزير التجارة والصناعة انة لايوجد تخفيض فى جمارك السيارات لان اذا حدث تخفيض فى جمارك السيارات سوف يؤدى الى حدوث ازمة مرورية بسبب كثرة السيارات المستوردة من الخارج ,وسوف تضطر الحكومة الى انشاء طرق اضافية لتحمل الكم الهائل للسيارات وهذا سوف يحملها مليارات من الجنيهات,وايضا اذا حدث اى تخفيض فى الجمارك سوف يؤدى الى ارتفاع فاتورة الاستيراد.

يعنى مش هايخفضوا حاجة ,ولو خفضوا فى الجمارك هايرفعوا فاتورة الاستيراد ويبقوا ماخسروش حاجة,لانهم بردة هايحكموا الناس انها تشترى.
مش عارف بقى هل الكلام دة فعلا هيتحقق ولا بيتقال كدة عشان الناس تشترى
الكلام دة اتنشر انهاردة فى جريدة الاخبار الصفحة الثانية

[samo9992003]

ايه الهبل ده
طب بيعملوا اتفاقيات ليه ولا هما حيفضلوا طول عمرهم عيال كده

[ashrafakl]

كان فيه منتدى كاتب اسم رشيد محمد رشيد من الاسماء التى ممكن تمسك الرئاسة فى مصر اعتقد الان بعد تصريحه ده انه هيبقى من المستحيل التفكير فى ترشيحه ع الاطلاق
فعلا الحكومة باعضائها ليسهم هم سوى جباية الضرائب تحت اى مسمى
ربنا يستر

[blazer]

sure هيحصل تخفيض

[Dr Zezo]

الازمة المرورية سببها انت وحكومتك يا سيد رشيد

[jisso82]

هو ده الكلام اللى يتصدق يا جماعة بجد مش الهجص اللى بنقراه كل يوم

[Samir Elshahawy]

اكد المهندس رشيد محمد رشيد وزير التجارة والصناعة انة لايوجد تخفيض فى جمارك السيارات لان اذا حدث تخفيض فى جمارك السيارات سوف يؤدى الى حدوث ازمة مرورية بسبب كثرة السيارات المستوردة من الخارج ,وسوف تضطر الحكومة الى انشاء طرق اضافية لتحمل الكم الهائل للسيارات وهذا سوف يحملها مليارات من الجنيهات,وايضا اذا حدث اى تخفيض فى الجمارك سوف يؤدى الى ارتفاع فاتورة الاستيراد.

طيب مايعملوا طرق جديدة و لو بمئات المليارات , ماهو من فلوسنا اللي بيشفطوها تحت بنود ضرائب و تنمية موارد و تحسين طرق

[M_Nabil]

كلها كام شهر و نعرف الحقيقة فين بس اعتقادى انه هيحصل تخفيض في الجمارك 2010 لكن هيزويدوا فاتورة الاستيراد عشان يعملوا موزنة في الاسعار ويبقى كأنهم مخفضوش حاجه دى مش متأكد منها وبعدين ازمة مرور اية وكثرة السيارات اللى بيتكلموا عليها دى ده الواحد دلوقتى بيروح من مصر الجديدة لى مدينة نصر في ساعة يبقى فين الأزمة هنا !!! قال يعنى دلوقتى اللى مافيش ازمة، بيشوفوا اى حجه ومبرر وخلاص

[Ahmed73]

هو ممكن يحصل تخفيض فعلا على الأوروبى بدل ما تشترى العربية بـ 150 ألف هتشتريها 149 ألف - الناس بتعمل اللى عليها والمفروض الشعب ما يبقاش طماع اكتر من كده

[Samir Elshahawy]

خلوها تصدي ي ي ي ي ي ي

[alisleman]

المشكلة علشان يخفض الجمارك زى مهما قالوا 10% كل سنة لحد عام 2019 يبقى مفيش جمارك خالص هيحصل بالفعل ازمة جامدة جدا فى المرور اذا كان دلوقتى والواحد بيشترى العربيه بتمنها مرتين ويمكن اكتر مش ملاحق على المرور والقاهرة مخنوقة يبقى لما يشيل الجمرك وتشترى العربية بتمن برة هينتج عنها حاجات كتير
1-لازم قانون ينزل يقول العربية تتكهن بعد خمس او عشر سنين من انتاجها
2-التجار مش هيعرفوا ينهبوا منا فلوس علشان سيادتك هتبقى عارف تمنها من برة على طول
لان هما دلوقتى بيتحامه فى الجمرك والحكومه واللى كشفهم اللوجان المغربية
وطبعا انتا عارف انى الحكومه حمياهم لان اهم حاجة عندهم الاستثمار ورجال الاعمال
3-الاقتصاد بتاع البلد هيضرب لانى فلوس الجمارك دى هتروح من الحكومة هيعملة ايه من غيرها
4-هيعوضوا الناس الحالين ازاى وناس عربيتها بتوصل 40 و 50 الف والحكومه عاوزة تخدها منها ب 5 الاف

[Samah AbdAllah]

يعملوا طرق

الناس كلها بتتقدم واحنا عاوزين نفضل زى ما احنا
حتى من غير تخفيض الجمارك الناس بتزيد والزحمة بقيت فوق الاحتمال يعملوا طرق وكبارى وانفاق

هم بيعملوا من جيبهم ماهم بياخدوا كل مليم من الشعب
على الاقل يشغلوا الناس اللى قاعدة مش لاقية شغل

[نور العمر]

[Lion_Heart]

لا حول و لا قوة الا بالله

[SAMEH_FOUAD]

المشكلة حاجة واحدة ان الناس بتشترى وعارفة انها بيضحك عليها سواء فى العربية او فى قطع الغيار اللى فى التوكيل
يعنى كدة كدة لازم يكبروا فى الطرق ويعملوا توسيع لاننا بعد عشر سنين هتبقى السرعة القصوى فى القاهرة 30 كيلو ومعدل الحوادث هيزيد جدا بسبب الزحام الشديد

وعمرهم ابدا مايخفضوا الجمارك الا لو قابلتها زيادة فى اى حاجة تانية عشان يبقوا عملوا اللى احنا عايزينة وبردة حكموا الموضوع دة ,زى بالظبط كدة لما بيعملوا علاوة ويزودا المرتب وبعديها تلاقى كل حاجة بقى سعرها مرتفع جدا ,متهيالى الجمارك هاتبقى كدة بالظبط